麥記美食

营业中

休息中

聞名已久，今日專誠幫趁⋯⋯到達時即早上11點左右，店內已經很多人客，一個人容易等到位… 不過，店小而地方比較淺窄，枱與枱之間很貼近…而待應…. 板口板面的…可能太忙啊！點叫了…窩貼present 得並不吸引，有點隨意，但皮脆肉香，不油膩，有口感！豆漿也很不錯！下次要試水吧的凍奶茶或凍鴛鴦！菜肉雲吞擔擔麵，色、香、味、俱佳，上枱時，見到已經想即刻食，令人垂涎三尺，麵條彈牙，擔擔麵湯底香味撲鼻，很濃郁，不過咸，菜肉雲吞，有五隻，皮薄餡靚，菜及肉比例平均，正！意猶未盡，雖然已經飽到上心口，單尾再叫小籠包，外型討好，每啖都有豐富的湯汁，皮滑溜又夠薄，好正吖！真係名不虛傳！下次再來！

北角麥記美食招牌菜色絕對能滿足老饕的味蕾。生煎鍋貼一上桌就香氣四溢，底部煎得金黃酥脆，咬下去會爆出鮮美肉小籠包皮薄餡多，輕輕一戳湯汁就流出來，豬肉餡料調味恰到好處，沾點薑絲醋更提鮮。酸辣湯料多實在，木耳、豆腐、紅蘿蔔絲給得大方，酸度夠勁又不會太嗆，冬天來一碗暖胃又開胃。牛百葉處理得很乾淨，咬起來爽脆有嚼勁，淋上特製醬油和辣椒油，越嚼越香。雲吞擔擔麵的湯頭濃郁，花生醬香氣撲鼻，麵條Q彈有勁，雲吞餡料飽滿，每一口都充滿層次感。這家店的價格親民，份量實在，服務也親切，是北角街坊最愛的平民美食。雖然店面不大，但總是座無虛席，建議避開尖峰時段才能好好享受這些地道美味。

今年又黎到呢間米芝蓮🌟推薦的鍋貼店🥟！連續九年獲得米芝蓮殊榮的鍋貼，真是令人期待！🤤 睇住師傅們現場包製小籠包同鍋貼，真係賞心悅目👏熱騰騰的生煎鍋貼，底層香脆，內餡鮮美🤤。 小籠包皮薄餡靚，一口咬下湯汁四溢，要小心燙口喔！😋 雲吞擔擔麵花生醬香氣濃郁，濃郁的花生醬香氣令人回味無窮 最後配上一枝甜度適中既豆漿🥛，完美！餐廳：麥記美食地址：北角堡壘街19號景文樓地下 @makkeeyummyfood

北角隱世米芝連上海菜主打上海點心，仲有麵食套餐添～🔸紅油抄手一碗有十隻小雲吞，細細粒中間肉嘅餡略嫌較小但勝在有勁多肉碎加蔥花食落都唔會太辣🔸鍋貼米芝連推介小食✨必叫試下！外皮煎得好脆，入面肉餡都好香建議加埋黑醋更鮮！🔸 小籠包一籠有四粒，超驚喜！湯汁夠多，一咬開就爆哂出嚟📍 麥記美食地址: 北角堡壘街21-23號美嘉洋樓地舖電話: 28877851

呢間麥記唔係果間麥記北角食肆林立，但位於堡壘街（相對無咁旺）的麥記美食竟然有不少外國人幫襯，心想事必有因！🤔🤔麥記美食店舖不算大，但坐落都舒服，重點係出品質量夠高，而且價錢不太昂貴！🤗🤗🥢豬扒擔擔麵🐖湯底濃郁，因為用麻醬和花生醬+秘汁混合配製，故此口感很豐富好rich.豬扒好似食五花腩咁潤滑，脂肪鬆化，肉質不會又嚡又實，做得好👍！🥢雲吞擔擔麵🍜雞蛋黃麵條軟熟柔潤，啜上口颯爽有聲，雲吞餡料飽滿好大粒，一碗麵足足有五粒雲吞咁多！真係抵食。🥣🥢黃金之選→炸雞翼🐔巧妙之處是隻雞翼咬落有鹹蛋🥚甘香味，因而美其名為黃金，個名好有心思！🥢小籠包一籠四隻，晶瑩剔透，饀肉和清湯都好有水準。👍🥢鍋貼🥟🥟🥟一邊煎到脆卜卜，很吸睛😳而且味道上乘！🥢凍豆漿🥛🥛香港製造鮮味豆漿，不會太甜，冇防腐劑！朋友想知道生煎包的製作過程，可以光顧麥記美食，或者可以俾你偷師成功啊！🍴🥄#麥記美食（北角）#北角堡壘街19號景文樓地下2號舖#生煎包#上海麵#鍋貼

中午去到，30幾度在外面等候十分鐘左右，被安排坐窗邊，窗邊的位置依然30幾度，落單等候20幾分鐘還沒有食物，於是轉外賣。落單到入口歷時50分鐘，可能太熱加上期待太高，覺得不太值得特地來。想食上海小食推薦外賣。

麥記美食北角堡壘街19號景文樓地下2號舖經開北角，老友推介地道上海菜，食材新鮮，即叫即製，果然冇介紹錯。😽雲吞擔擔麵湯底處理得恰到好處，鹹度適中，香氣四溢。炸醬小辣，香滑惹味，面層加了香蔥提升層次。即叫即製的雲吞皮薄餡靚，爽滑擔擔麵吸收了醬汁的精華，好快畀我食曬，推薦！🤤鍋貼上層鬆軟，下層香脆，餡料新鮮，肉汁豐富，吃了原味之後加黑醋效果更佳。😻墨魚新鮮爽口彈牙，加埋秘製辣醬好開胃。😍黃金之翼鹹蛋黃醬汁出色，雞翼皮脆嫩滑，好邪惡。😚麥記美食 食材新鮮夠地道，侍應服務態度好，還會再來。😎🤘🏻

麥記美食喺炮台山堡壘街，65號小巴斜對面。小小嘅舖頭係做街坊嘅生意，坐咁耐都枕住有好多食客入嚟食嘢。有買外賣的，生意不錯。真驚訝他的食品種類非常之多，有生煎包、小籠包、鍋貼、小雲吞、豬扒湯麵、擔擔麵、酸辣湯、魚蛋燒賣、雞翼等等。麥記美食嘅招牌鍋貼連續八年得到米芝蓮嘅推介，餡香底脆是賣點😀豬肉味道不錯，個人覺得生煎包鬆軟好食，個底都好脆。我更愛生煎包。小雲吞都好好食，味道清淡，細細粒，豬肉餡都幾多。仲有酸辣湯，好正統，酸酸辣辣（不會大辣）有豬皮，豬紅蛋絲好開胃。小籠包做得都幾出色，皮薄，裏面豬肉有很多汁好Juicy，但係唔覺得太肥膩，即叫即蒸，口感唔錯。豬扒擔擔麵有好濃香嘅花生味，豬扒好嫩滑，特別鍾意佢嘅麵質，好彈牙煙煙韌韌。仲食咗麻辣擔擔麵，我覺得係適合香港人嘅口味，唔會話太辣入唔到口，大家都好鍾意食。佢支豆漿都幾好黃豆味㗎， 飲落去唔會太甜，覺得都好健康。做街坊生意嘅小店真係平靚正，忍唔住推薦俾大家。晚飯時間，三個人食咗咁多嘢都係食咗大約210元☺️

連續獲得8年米芝平民美食🤤😋鴛鴦餐：4隻鍋貼🥟: 底部煎得非常香脆，而且肉汁豐滿❤️4隻生煎包: 生煎包上軟下脆 好吸引⭐️酸辣湯: 酸味好突出，好開胃 啱夏天食❣️豬扒担担麵: 花生味好重😚 擔擔麵湯底好濃厚🍜 豬扒好嫩😋 小籠包 : 皮薄多汁 肉肥瘦適中🫶🏼 黃金之翼: 新產品-黃金雞翼 咸蛋黃味好重 雞肉好嫩😆凍豆漿#麥記美食#北角

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。鍋貼餐包10隻鍋貼，酸辣湯同飲品，$68。鍋貼果然係米芝連推介小食，煎得底脆而上面皮薄又滑，入面肉餡唔錯，加有少少蔥花。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。紅油抄手餐包紅油抄手同3隻鍋貼加飲品，$53。紅油抄手有十隻小雲吞，皮非常滑溜，肉就細細舊。除左一般既辣椒油，仲有肉碎同酸菜加蔥花，味道少少麻辣。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！鍋貼6隻 $30再加多碟單點鍋貼。墨魚 $14墨魚有幾件，超爽口。燒賣 $10燒賣一客5粒，肉質彈牙。小食可揀甜醬，辣醬或者豉油，我揀左辣醬，都頗辣。凍豆漿凍豆漿係支裝，味道微甜，夠凍，可解渴。Coke ZeroCoke Zero都夠凍。配有獨立包裝飲管。總括而言，鍋貼質素果然高，而其他食品都唔錯，包括小籠包同小雲吞。店舖簡單，座位大概有16個左右。都有好多外賣單。樓面哥哥好友善。

嗰日去開北角, 特登搜尋有咩美食。見呢間係米芝蓮推介, 行10分鐘都要過去試吓。 鋪仔啲裝修好似啲粉麵舖, 其實冇乜裝修更加好，因為唔會將啲開支轉介去食客, 嗰日去到12點左右, 未到食晏時間已經多人。佢有好多套餐都係包咗煎鍋貼, 我嗰日叫咗鍋貼同生煎包套餐包咗個酸辣湯, $60, 如果好食價錢一啲都唔貴。 平時我係唔食酸辣湯嘅，因為太辣同太酸， 一試佢個酸辣湯即刻覺得好好飲, 唔太酸唔太辣,啲料又足, 又開胃夏天真係好適合。 佢主打嘅鍋貼同生煎包都好出色， 無論係個餡定個外皮, 都做得好好！生煎包個餡啲油,汁同個餡比例啱啱好。鍋貼都好味。佢個餡啲肉做得好好，唔會明顯有豬肉味, 食過一定會返轉頭。 果然名副其實米芝蓮👍🏻

細細個就食過呢間店嘅燒賣同魚蛋，放工唔太肚餓，食呢啲小食就最啱。叫咗四樣嘢食：燒賣+齋燒賣水準正常，同以前一樣都係咁煙煙韌韌，好有咬口。第一次食佢嘅齋，比想像中好味，味道甜甜哋，質感唔太腍。生煎包包皮稍為厚咗啲啲，但係裏面舊肉大大粒，醃得好夠味，連埋個皮一齊食恰到好處。鍋貼鍋貼真係呢間店嘅招牌，個底煎得非常脆口，咬落去真係會有格格聲，裏面嘅肉都係好夠味，值得推薦。好耐冇嚟，原來仲有好多新產品，例如小籠包、酸辣湯、上海麵等等，下次搵機會再嚟試。

麥記小店不在人來人往的大街，但食物的質素吸引不少人慕名而來光顧。每次經過時間不配合未能幫襯，今次經過有點肚餓又有位，馬上排隊買嘢食😄小店出名上海美食，生煎包即煎起一碟 3件，上軟下脆包底煎得香香脆脆不油膩乾身香脆，包餡肉質鮮嫩爆汁，非常好味雲吞麵即叫即整～雲吞細細粒皮薄餡靚，餡料雖然沒廣東雲吞有蝦只有豬肉，但鮮味取勝食完一口接一口，麵是粗麵麵質彈牙軟硬適中，湯底鮮甜不膩不油～好味魚蛋、燒賣、腸仔、魷魚就比較一般，普普通通，醬汁沒什麼特別，只有醬油辣醬，不過不失。推介小店的上海美食，「生煎包」、「上海雲吞麵」很出色，下次會再幫襯「鍋貼」、「酸辣湯」，因見很多顧客惠顧，相信一定也是美味可口

今次去咗喺咁多人讚口不絕嘅北角美食天堂，百聞不如一食，我揀咗幾款招牌菜：擔擔麵、魚蛋、燒賣、生煎包、鍋貼、紅油抄手同小籠包。擔擔麵啵啵嘅花生香郁濃，口感順滑，雖然唔辣但異常惹味；魚蛋同燒賣就算唔係話題之作，都夠哂彈牙同新鮮，配啲辣醬一流。生煎包外脆內軟，肉汁滿溢，就算喺熱辣辣嘅香港天氣下食，都食得咁開懷。鍋貼有嗲香脆，餡料豐富得滯，熱辣嘅紅油抄手係辣中帶鮮，餡料滋味十足，惹味到令人一試難忘。當然少不了嘅小籠包，一口咬落肉汁四溢，皮薄餡靚，叫人即刻愛上！整體來講，每款菜式都有獨特嘅口感同層次，真係值得一試再試嘅好地方。下次想食啲地道美食，記得唔好錯過呢間！👍💯🌟

鍋貼生煎包都脆口乾身，但冇肉汁味道亦一般，真係米芝蓮lv嗎🧐？・・・・・・・・・・・・・・・・・・・・🥟 鴛鴦餐 HK$52＞5隻生煎鍋貼、5隻生煎包、酸辣湯、熱飲・味道：鍋貼同生煎包都係煎到好脆好香口，但內裡肉餡普通～酸辣湯好淡🥲・口感：脆口乾身但唔刮口，兩款招牌都皮薄👍🍜 雞扒擔擔麵 HK$59・味道：湯底唔算好油但花生味都偏淡，雞扒正常發揮。・口感：雞扒算嫩，不過冇乜肉碎，湯底偏清～🥟 小籠包 HK$30・味道：有啲有汁有啲冇，肉餡味道正常，冇特別。・口感：皮夠薄。・・・・・・・・・・・・・・・・・・・・🤰性價比：中～🤰9衝度：可試～🤰結論：errrr⋯⋯就一般，經過可以一戰，但唔使專登去囉。・・・・・・・・・・・・・・・・・・・・