影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
一直都有买呢间，次次都有新鲜嘢。唔系漏单、漏嘢食、漏酱料，就系迟迟唔出餐，又或者你嘅嘢食已经放咗喺度但一直都话俾你听未有。摊到冻晒。问亲职员个餐有未都唔睬你、又或者当听唔到、又或者敷衍你话未有叫你等，但实际系已经放咗喺柜枱旁边冇人理⋯你见过有好多人系咁催单，有啲人仲已经俾人偷走埋啲餐⋯竟然咁都可以做到落去⋯真系无语。发邮件去麦当劳投诉就一直都冇改善，人手又不足，店员又冇礼貌，又唔睬人。奉劝大家如果繁忙时间叫餐，如等半个钟至九个字。
继续阅读
今日返工前预早叫左mcgriddle，一落地铁就有，直接攞得返Office好方便。呢到嘅mcgriddle整得几好食，我觉得差不多有日本食到嘅quality。highly recommend。
继续阅读
食完饭经过麦当劳，见到近排话题性好高嘅厚椰拿铁，决定用优惠价9.9 饮翻杯😝冻 厚椰拿铁饮落去其实咖啡味唔算好浓，偏向系一杯椰子汁饮品，但系有少少甘味。因为我拣咗冻嘅，所以应该饮唔出好强咖啡味，可以建议如果想试吓浓少少咖啡味嘅，饮热饮应该会更加好。我个人建议拣少甜少冰，因为我就拣咗少甜都系啱啱好👍🏻如果正常甜嘅话应该会太甜🤣冰嘅话就系惊会冲淡咗个味道，所以我拣咗少冰👍🏻如果$9.9 呢个价钱嘅话，我觉得绝对对得住呢个价钱可以买👍🏻
继续阅读
近期麦当劳推出新饮品，谈论度极高，就系新品厚椰拿铁啦。当日去到Air side 分店购买，预先用app落单，唔使排队差唔多够钟嘅时候到店攞，悭钱悭时间。点解会悭钱呢，因为而家麦当劳做紧优惠， $9.9可以试饮。我觉得每杯饮品嘅质素，都好睇当日分店职员嘅手势，当日呢杯饮品甜味唔算10分高，有少少椰子的香味，同埋少少咖啡嘅苦味。可以话系合格以上，如果$10都唔使嘅饮品，我觉得值得购买。但如果正价$34嚟讲，就未必会再试。大家可以趁着优惠期间买来试一试！
继续阅读
今日去麦当劳做紧优惠，$10有9件麦乐鸡，真系超级抵食！我收工肚饿，就买咗两盒食。麦乐鸡嘅质素同平时一样，而且出餐速度都好快，拎到嘅时候仲热呼呼嘅。💪🍗$10优惠价真系超抵食，饱肚又满足。下次如果再有类似嘅优惠，我一定会再去揾食！🐔💰
继续阅读
您可能会有兴趣的...