影片
以上资料只供参考，请与餐厅确认详情
招牌菜
呢晚用咗麦当劳优惠，套餐加$9.9，便可以将饮品转为厚椰奶铁咖啡及大薯条并送一包调味粉。因为从未饮过呢款饮品，所以好奇试下，点了猪柳蛋汉堡，随大薯条所送嘅调味粉，我拣咗明太子，加杯厚椰奶铁，$39.90，手机落单，信用卡付款，专人送到用餐桌面，方便快捷。本身猪柳蛋汉堡套餐已经是优惠价$30，现配上冻咖啡（厚椰奶铁）加上大薯条是$39.90；中汽水单售价是$17，厚椰奶铁单售价是$35，即系话饮品以接近一半价钱升级，而薯条是免费加大，所以我觉得目前来计，这个餐是最抵食。由于咖啡从来不是我杯茶，对咖啡我不懂得欣赏，这次纯粹试饮，咖啡虽然饮得出椰奶味，但只系轻轻带过，完全感受唔到厚椰奶的味道，跟我预期相差甚远，落差甚大，而且同一般咖啡特性一样，咖啡味道带苦，并在饮完之后有啲「确」喉，而呢个正系我唔喜欢饮咖啡嘅原因。明太子调味粉带有轻微的辣，经上网搜寻之下，原来这是正常的，呢次我亦系试食呢款味粉，我唔太喜欢，但亦唔抗拒，一试无妨。另外，杯咖啡嘅冰都几多，所以如果唔想浪费，不断摇匀或搅匀是必须的，而我喜欢冚好杯盖，利用杯盖上的仅余开口位置，边摇边饮，直至滴水全无。
继续阅读
今日去左麦当劳食早餐，餐厅坐满人，要揾位很难，我叫了一分早晨全餐，入面有2块面包，一块蛋，一块猪柳，薯饼同奶茶，鸡蛋十分干，不好吃，薯饼又不够热同脆，整体感觉都是一般般的，比其他麦当劳难吃
继续阅读
琴日7月27号系McGirddle 系香港第一日出现嘅日子网上有好多唔同嘅留言例如啲包唔够热、同日本嘅味道天渊之别、个包太甜。。。咁我自己都凑下热闹去试一试，到底系咪咁吸引？用Apps大概三个字到就已经可以攞而去到餐厅嘅时候攞已经准备就绪包身都尚算热，见到有烟出嘅 味道上唔错，亦都冇想像中咁甜之后可以再食🤣🤣🤣🤣真系似热香饼夹住汉堡扒同鸡蛋🤫🤫可惜自己未试过日本嘅版本，唔知有啲乜嘢分别😂😂
继续阅读
临走新年公司比较忙，所以凌晨先收到工，返到屋企楼下觉得肚饿，屋村附近茶餐厅，所有都关晒门，好在落车位置有间麦当劳，仲要二十四小时营业，准备落车前5分钟，网上落单比钱，唔使等就可以攞到，又可以早啲回家！叫咗麦乐鸡餐+饮芬达汽水，苹果批+鱼柳包！物价高涨的关系，虽然是特价餐，但是都系比以前贵了好多，但是质素就越来越差😰，份量越来越缩水🫣，唯一可以讲就真系比较方便，薯条真系比较好食，分店全港九都有总有一间在附近！
继续阅读
近日经过麦记，见到新包有新配搭推出，就系三文鱼堡，再加多片菠萝，由于自己好钟意菠萝，一见到这个配搭立即就被吸引，所以今晚晚餐就试新包。之前我已经试过只系三文鱼堡，但今次加多片菠萝，味道应该几清新，打开个盒，见到个包卖相麻麻，不过我觉得味道紧要，三文鱼炸得够热，而片菠萝就冻，食落又冷又热，感觉几得意，但加左菠萝个包就变得无咁干，菠萝又多汁又甜，令到食个包无咁油腻，同时又增加胃口，整体上都值得一试。唔知下次仲有冇其他新配搭再带来惊喜😅
继续阅读