影片
以上资料只供参考，请与餐厅确认详情
招牌菜
见到香港麦当劳终于推出呢款「滑嘟嘟奶昔（杂莓味）」，即刻谂起之前日本出过，紫色嘅外表真系几吸睛！买套餐加几蚊就有（朋友话原来有$1优惠，不过我懒得研究，有兴趣自己Google啦😂）。 酸酸甜甜嘅杂莓味好开胃，唔会假甜，仲保留到麦当劳奶昔一贯嘅「雪糕质感」——够滑够绵，入口即化。夏天啜一啖，真系由喉咙凉到落肚，爽！❄️ 美中不足： 最大遗憾系——冇饮管！以前最钟意用饮管「啜吓啜吓」，奶昔直冲喉咙嘅感觉先系灵魂啊！但而家为咗环保，硬食杯盖啜口，风味即刻打折扣⋯⋯试一次就算唔会再饮 总结：如果钟意奶昔嘅浓滑同莓果酸甜，呢杯值得一试（尤其加钱唔肉赤嘅话）。但怀念「啜奶昔」仪式感嘅人，可能要自行脑补童年回忆了。 #香港麦当劳 #滑嘟嘟奶昔 #杂莓味 #冇饮管唔安乐 #环保的代价
继续阅读
今日黎到麦当劳，见到个雪糕位好多人买雪糕，一睇之下原来麦当劳出左福冈草莓雪糕筒，只售$9，非常底食，雪糕外形圆辘辘，粉红色的，食落有香喷喷的草莓味，雪糕软滑，估唔到$9有咁好嘅享受。
继续阅读
今日食咗McDonald's嘅McGriddle，呢个真系值得一试。第一口已经俾个甜香嘅枫糖浆味俘虏，夹埋烟韧嘅松饼，口感真系一流。松饼表面煎得微微金黄，咬落去外脆内软，带少少焦糖嘅香气，再加上香浓咸味嘅火腿同鸡蛋，甜咸交替，味道平衡得啱啱好。入面嘅芝士熔得啱啱好，唔会太多，但又足够令口感更丰富，同其他食材融合得好自然。虽然成件嘢份量唔算大，但食完之后都有满足感，唔会觉得太腻。如果你钟意食甜同咸味嘅结合，McGriddle一定唔会令你失望。呢个早餐三文治唔单止可以喺早上俾你嚟一个好开始，仲会令你对甜咸配搭有全新嘅体验。值得推荐！
继续阅读
见到广告推介，好似好好食！即管试吓！其实几好食，充满「芝」味，仲超饱肚！可惜⋯卖相⋯可唔可以唔好咁难handle，咬右边跌左边，咬左边跌右边🫱总括而言，呢个三重芝士包，喺屋企食稳阵👍🏻
继续阅读
服务态度好差一杯雪糕起码要有半杯以上吧？佢净系整咗半杯都冇就畀我，我望住佢整，半杯都冇跟住就摆盖，仲摇1摇畀第二个男服务员睇，跟住摆低，成个过程我睇住佢整，到到我个餐点执好晒，叫我去攞嘅时候我仲问执嘢𠮶个而家啲雪糕系得半杯？佢冇理我。我就大声啲问入少少嘅𠮶个帮我整嘢嘅𠮶个女仔，佢点头，我问多一次，你确定而家啲雪糕系得半杯？佢答我系啊。跟住我就攞咗我个餐点去揾我屋企人，我同我屋企人讲我系有问过嘅时候，我屋企人攞起杯雪糕去问，个女仔先唔出声，第二个男服务员攞起杯雪糕抌咗，整个杯畀我，佢整过杯嘅时候就证明件事就系𠮶个女仔做错咗，但系佢依然可以系我问佢嘅时候，理直气壮同我讲，系啊，纯粹睇人落菜碟？而家麦当劳系唔使培训？虽然系打份工，但系我唔系要求佢要做啲乜嘢，起码你态度好少少同我讲下，我都冇所谓，但系理直气壮同我讲你系啱嘅时候，真系火滚，而且我都唔系算细粒𠮶啲，高高大大，攞住杯嘢正面问佢，佢都可以噉样，但系另外一个畀我在大只啲嘅，去问佢嘅时候佢就唔出声，如果畀我细粒嘅咪任佢讲？
继续阅读