麥當勞 (康華大廈)

营业中

休息中

麥當勞新品（迷你酥皮批）這次麥當勞新出的批，和以往的大不相同，不再是單一餡料，而是分別為兩個口味的迷你酥皮批-朱古力和吉士，更加方便分開食用，避免一次性吃不完造成浪費。首先，吉士口味方面，它的口味像是奶皇餡，外脆內軟。至於，朱古力口味（也是我自己比較喜歡的）方面，吃上去不會太甜而且味道更濃，口味上比較像心太軟。所以，無論你是朱古力/奶皇控，下午茶不想吃太多，想和好朋友分享還是喜歡嘗試新鮮事物的你，都可以嘗試一下這次麥當勞新出的新品。

珍寶套餐配搭奶朱口味（$38)賣相：🐧🐧🐧味道：🐧🐧🐧賣相方面，保持一貫水準，不過不失。唯獨想提出，薯餅這次偏乾身，不再油淋淋，值得一讚。味道方面，這次主要想集中討論朱古力醬、甜奶配搭熱香餅。朱古力醬量適中，剛剛好足夠塗滿2塊熱香餅。醬料偏杰身，朱古力味頗為濃郁，甜而不漏，比預期好。甜奶量較少，味道則與坊間煉奶無異，比朱古力醬略甜，奶味足。順帶一提，甜奶包裝有點難開，若不使用工具，只能徒手扯開一小個開口，有點不便兼過程容易弄髒雙手。兩者配搭熱香餅一同食用，味道頗夾，但有點過於甜膩，吃完一塊已感膩滯，不能多吃。奶茶有茶味但偏澀，奶味偏淡，口感不夠香滑，失敗之作。外賣輪候時間：🐧🐧🐧在假日朝早10點左右購買，需時15-20分鐘。🐧❤️結語：有新鮮感，但還是比較推薦經典熱香餅糖漿配搭。

今日突然想食麥當勞快餐，咁啱起外買平台見到有優惠，所以就嗌外賣食下我嗌左個Double芝士安格斯自由選，加大薯條，加麥樂雞，嘢飲就叫左杯熱朱古力外賣既速度都幾快，大約半個鐘就送到外賣袋都好乾淨，分門別類，感覺好衛生個包有兩塊安格斯牛，估唔到都幾重牛味，同埋每啖都好Juicy薯條偏林不過個包裝都幾特別，中間可以開窿可能我太耐冇食過麥當勞，唔知道佢變咗個設計麥樂雞我配左芥末醬，外脆內軟，好食熱朱古力就不過不失，不過真係估唔到外賣都有咁嘅水準

限定期間買新豬肉早餐系列可減$5，還有支180毫升消毒清潔液送，我本身之前食過不錯，便打算不要錯失這著數。.$26 新餐肉炒蛋堡早餐包 ⭐️⭐️⭐️⭐️包一塊薯餅及一杯豆漿 $26 (原價$31, 用手機App減$5, 還剛巧送一枝180ml的消毒潔手液，超抵👍😊.其實之前在另一間老麥食過一次新豬炒蛋堡，味道可以，有餐肉口感和味道，同時可能無用油煮，上次的餐肉有點煮得黑左少少。.今次期望調低了。結果反為有意外驚喜。😊.一打開，看到厚厚的炒蛋🥚，而且是有蛋汁不會煮得過熟。我這個💖🥚愛吃蛋的人當然加分。再打開看，驚喜是竟然餐肉沒有像上次炒得黑。白色醬汁亦夠多，蛋夠多，餐肉15mm厚，大滿足💖😊麥當當我其中一樣至愛是薯餅，這早餐包埋，質素穩定，好味😋我以前次次加$3改鮮奶，今次問下原來免費可有熱豆漿，天氣涼涼地試下都好，結果可以👌👌剛好今次有支消毒洗手液，全部$26，一個字🎈抵🎈呢餐食得好開心好滿足👍😊✅💖

今日4:00股市收場，見肚餓落咗樓下搵嘢食，突然醒起麥當勞有款炸雞，新出咁耐都冇食過，於是就入去走去試一次～～😂😂😂😂😂😂😂個炸雞餐$35咁就有兩件雞啦，一咬落口😫😫😫😫😫😫😫😫😫發現個皮啊個粉都好厚下😢😢😢😢😢😢你都仲都幾鹹添，食兩三啖即刻要飲啖可樂，真係只有一次，可一不可再😂😂😂😂😅😅😅一次就好啦，食炸雞都係食返對家，上校雞好啲😂😂😂😂😂

外賣真係要望清楚所有嘢先走10次會錯或少咗今日已經唔多人，買兩個餐2個包，1個脆辣雞比錯芝蛋脆雞，1個蘑菇安格斯，入面得3少片蘑菇！！真係好差，做嘢嘅好唔認真。

快食晚餐附近也沒多選擇的餐廳買了一客麥當勞麥樂雞加大送SHAKE SHAKE粉 配薯條 想快快吃完就算,外賣,連埋麥樂雞一齊SHAKE粉,麥樂雞醬酸甜易入口難得食到新鮮炸起既出品,薯條是脆的,很奇妙

平時我多數選擇麥樂雞定今日想試吓新野，我今日試咗麥當勞新出個包宮崎風味南蠻炸雞漢堡套餐。我仲特登加大左，多啲嘢食。個包味道都唔錯，但如果可以多啲汁就好啦！ 題外話，我真心覺得呢間麥當勞個廁所真係好臭，而且成地都係水，但又好多人鍾意喺入面換衫。。。。。。

麥當勞我諗大家都一定食過好多次， 響香港唔係一啲乜嘢特別嘅食物。 去到麥當勞食乜嘢好？今日要推介嘅係麥當勞凍奶茶， 一朝頭早有杯凍奶茶， 感覺成日都好滿足， 雖然奶茶唔算香滑好味， 但係麥當勞大批製作都差唔多去邊。 大家不妨一試。

放假一朝早諗住食個麥記早餐輕鬆下 叫完餐俾完錢就等拎野食走啦 d服務員個個黑口黑面冇黎精神都算 行左15分鐘上耀東返到屋企打開個外賣 準備砌個包出黎 點知冇左個果醬 一個包個精粹都冇左 諗住食個熱香餅啦 連餐具都冇 你叫我食咩好。 快餐店還快餐店 個餐都35蚊架 我落樓買過份早餐又5系 打返去又無補於事 真心好嬲!

第三次寫此分店的食評，奇怪是真係全無改善...今天再幫趁，景況依然！薯條永遠不是即時炸的，不夠熱辣新鮮，柴皮一樣茶包奶茶，永遠只有2/3杯，份量太少，永遠漏俾奶或糖，一定有錯漏的...豬柳旦漢堡，不似係即做的，因為包已經硬了，旦不熱，芝士也乾了...職員由來都比較散漫，慢慢做，慢慢pack ，真係要有耐心等候！其他地區的分店，沒有以上的情況呀！肯定係管理的問題!! 真係好唔掂呀！

今日係度叫左個板燒雞腿包餐，多菜跟粟米。結果個職員禁左多醬而唔係多菜，我都無為意，返黎食先覺。唔係好食得辣，醬係辣既根源，佢多左醬，好辣！其實果時都唔係好多人，兩三個人排隊，問多幾句用電子錢包俾錢既野都好似好唔想答甘，定抑或佢地唔識！執餐果哥哥仔都幾好既，起碼無面黑黑。板燒雞腿啲菜有啲黑同林，唔新鮮。另外個粟米杯份量少得可憐！甘大個杯剩係裝得果半杯，同開心樂園餐既細粟米差無幾！兩啖就無啦！水又多，浸住晒啲粟米，落牛油都無晒味。係你就唔好用甘大個杯啦，浪費晒啲膠！

真係吾炮轟此分店都氣難消，其實，平心而論，地方很不錯，格局頗新穎！頗舒適的！但食品水凖劣，什麼包都是太多汁，抑或太少汁，太咸或太淡！沒有凖則的！薯條永不香脆，永遠是柴皮一樣！不會有奇蹟！奶茶永遠俾漏奶或糖！永無例外的！服務員態度懶散，愛理不理！全不用心！氣壞！

因鄰近屋企，所以常幫趁，但水準奇差，令人失望！order什麼飽的饀汁必超濃，超thick,超超咸！配菜 - 生菜或洋葱幾乎係無，其他分店，沒有遇上如此情況的！薯條必淋，必不脆，其他分店，如鰂魚涌分店，香脆可口！奶茶溫暖的，不夠熱...蘋果pie，不熱！最氣結是員工工作散漫，每次order茶包奶茶，必變濃滑奶茶，回家後才發現俾錯！若再三強調，攞岩茶包奶茶，一定乜漏奶仔及糖！怕怕去呀！

試新野，10:30走入麥記食begal. 冇人排隊冇乜客，職員清理薯餅架好似收爐，begal 及賣剩幾個薯餅放在一旁放涼。問仲有冇早餐，職員話有。我要芝士煙肉begal, 原來整定的是另一隻，我要的要即做，我才鬆一口氣，有熱辣辣包包食，點知都係原材整好晒砌比你。所以一打開個包，全無溫度可言，見到芝士己放涼定形在包中心，好彩begal凍食係冇問題，包包好咬口新鮮又有包肚感，煙肉有2條，若煎得香脆小小就更好，cream cheese 和芝士一般啦。$3O食到begal都幾化算。薯餅我要求要新炸起，剛巧裡面叫出來，望住排我後面的客，問仲有冇客要薯餅，其實真係...點都好等一陣就有熱薯餅。另外，奶茶我要代糖，比錯咖啡糖，出單出餐又會攪錯，呢度職員培訓，出餐流程真係....