麥當勞 (博康商場)

营业中

休息中

今日唔知點解突然間想試吓麥芝蛋漢堡同飲鮮奶，其實我好多年前食過一次「麥芝蛋漢堡」，果次食完之後好似好快肚餓，所以好耐冇食，今日的午餐會提早食，所以不如再試下，自從兩星期前有一次喺麥當勞飲過低脂高鈣奶，係因為嗰日冇晒檸檬，所以冇檸檬茶供應焗住飲高鈣低脂奶，亦都因為我飲唔到麥當勞的咖啡，飲完之後會痔瘡翻發。麥芝蛋漢堡：個漢堡包好新鮮、熱辣辣嘅沒有剪過但係又不是烚到硬的圓形熟雞蛋一隻，加埋一塊車打芝士溶溶地，溫習少少茄汁kerchup，出嚟嘅效果鮮味無窮！很窩心很暖！配一盒高鈣低脂奶，鮮甜無比！居然一個麥芝蛋漢堡餐只係$14，飲品改鮮奶是加多$3，總共$17，如果一陣間唔夠飽，我返去食多一個橙應該都可以。呢個食法既健康又非常之有鮮味，係一個愉快的一天的開始。我仲揀咗個卡位可以為手機叉電，掂！

一間成功嘅餐廳除咗野要好食之外，仲要夏天夠涼，冬天夠暖又唔焗，仲要千祈唔好有烏蠅同昆蟲，麥當勞利用冷氣及鮮風對流壓力杜絕烏蠅的進入。我屋企附近最涼嘅餐廳只有麥當勞同大快活，今日突然間想食麥當勞嘅早晨全餐（豬柳同薯餅只可以咬兩啖，因為要減肥，又要一解單思之苦！我好鍾意用嚟搽英式鬆餅的提子果醬！仲有炒滑蛋，good!)今日早上8:15已經冇晒檸檬片，所以冇檸檬茶飲，唯有飲一盒脫脂奶，好耐冇咁樣飲奶法，覺得好鮮甜，希望一陣間唔好肚瀉得咁緊要，當係清下腸胃。

星期天唔使返工，瞓到十點幾先食早餐。附近甚少地方食嘢，懶得行就去麥當勞食個豬扒扭扭粉餐。點完餐再加多句粉要淋啲，因為尼間的扭粉餐的粉好硬身，等了十分鍾左右有嘢食，坐低食咗一啖扭扭粉，甘硬身咯，即刻攞去叫麥記姐姐再汁一汁，幾分鐘後換咗一份給我，算數坐低再食，再食咗兩啖，似乎唔多對路，一份扭扭粉得面一層係完整的，底下碎塞.一下子火都來埋，究竟是粉的問題還是間舖唔like我。叫埋個經理講咗個問題，經理話再整過份俾我，我仲邊夠膽食。我唔係搞事，個餐都有食個薯餅和奶茶，經理話退$，我話算數唔使退啦，走人。不過尼間嘢以後唔敢再幫襯。

在博康村買完餸, 路經這間麥記, 知道這天有新產品四重芝士漢堡, 所以就打算試一試. 這間麥記地方頗大, 門面很濶, 光線充足, 地面亦很清潔. 其時店內人數不多, 不用排很久就可以下單了. 大概等了一兩分鐘, 包跟汔水己經預備好了. 第一時間看看那四重芝士先, 怎料, 芝士排序跟廣告中的有所不同, 但應該不影響味道. 其實這個新的漢堡只是雙層芝士漢堡再加兩塊車打芝士, 所以期望值就只是一般. 吃下去, 芝士味很重很香, 配合牛肉和其他配料, 味道濃郁但仍然新鮮. 喜歡芝士的朋友應該會覺得十分滿足, 本人都喜歡吃芝士,認為芝士份量未算過多. 不過, 還是勸喻較肥的朋友少吃為妙. 

琴晚我同朋友食完晚飯後，仍然覺得十分肚餓，所以便吃了甜品，那就是蘋果批士多啤梨新地。雲呢拿雪糕的味道十分香濃可口，讓人不禁想起多幾啖，而士多啤梨醬也十分濃郁香甜，那黃金色的脆皮蘋果批，看上去十分脆令人不敢想快點咬一口。我把那冷冰冰的的士多啤梨雪糕與熱騰騰的蘋果批一起吃，很有火焰雪山的味道，十分美味。

原来想叫一個精選加個薯餅，今日第二個餐半價，甘就一次過食兩個餐。一口气食左兩件薯餅，熱辣辣又夠脆，外脆内軟，好食。個炒蛋都夠滑又唔老又唔散，好食，再加黑椒野味d。個包邊又乾又唔鬆軟，柴柴地皮，唔好食。 個橙汁好像飲水加橙味甘好一般。

叫左個麥樂雞六件裝餐，要介辣醬，包中薯條同中飲品。我一開始一定食左d薯條先，因為涼左唔好食，薯條小小淋係我至爱，如果點茄汁，我一定加黑椒向茄汁度，甘d薯條食落就好食好多。可能因為食完薯條先食麥樂雞，d麥樂雞就已經唔熱無甘好食左皮乾肉乾。我唔飲汽水，加三蚊叫左個雀檸。

叫左個傻蛋雙牛漢堡套餐加杯大橙汁，平時好小食m記。餐餐岀去食食到唔知食咩，甘就try try朋友口中嘅暑假特别餐。雙牛即係有兩片牛肉，次序係包，蛋，牛肉，牛肉，芝士，包。包同蛋中間有洋葱黑椒汁，芝士同包中間有沙律醬。食落個蛋好滑，d牛肉好乾，芝士溶哂好好食。個黑椒汁有d辣，一啖咬落有好多唔同嘅口感，個沙律醬甜甜地，如果唔係個牛質数差左d，個包整體係好食嘅。

因著這張優惠券,這天特意挑選作午餐!這裡的裝修很舊,而且不算太清潔,員工們寧願跟客人傾談或企在旁邊,也不願執拾其他客人用餐後的托盆,令我買完餐後也難以找個清潔的位置坐!薯條熱烘烘的,但鹽不能分配在每一薯條中,甚至食到有好幾條薯條充滿著鹽或是其他沒有鹽的,很不均勻!此外,店員忘記了給我茄汁,坐下後我才發現,又要行前問店員拿,服務欠佳!至於至尊漢堡,味道尚算合格,牛肉厚而乾身,缺乏肉汁味,蕃茄及生菜爽口,合格!但醬料略嫌不均,而且在沒有叫多醬的情況下很多醬,令每一口感覺都是吃醬的!雖然有著優惠券,但這餐吃得大爽!

童話系列黎到第三擊 , 廣告繼續係可愛天真小孩子今期輪到綠野仙踪o既小獅子 = 菠蘿特飲同意式辣茄醬菠蘿特飲無乜特別 , 調味得唔錯 , 唔會太甜菠蘿粒粒好碎 , 容易用飲管就飲得到 , 不過份量太少新o既呢隻麥樂雞醬有 d 驚喜 , 之前好似無o係點 jack 出現過醬入面有 d 粒粒茄茸同洋蔥茸 , 仲有 d 香草 , 少少辣 味道真係幾意式 , 幾惹味 , 唔會好似食緊普通茄汁咁而且今次係我最近食過最新鮮熱辣最香脆o既麥樂雞 =)可惜麥當樂勞似乎每間分店都有同一個問題 , 就係員工質素 , 態度懶散 , 又欠缺笑容買麥樂雞平時佢地全部比甜酸醬 , 咁但係而家有新味道係咪都應該問下客人要咩味 ?? 又或者提示下客人有新味 ?之前o既蜜糖芥苿同日式芥苿味仲未派晒 , 收銀就是但放一個落黎佢首先比左個蜜糖芥苿比我 , 我問佢有冇新o個隻 ... 佢就換左個日式芥苿比我 ... 我再問係咪無晒意式辣茄 , 佢先話有 ... 之後拎轉後面拎比我 , 明顯係本身兩步都唔願行所以求其o係收銀o個度是但拎一隻味比我 .... ><"## 醜小鴨餐時見到個麥樂雞盒 , 覺得好靚 ,

多謝openrice送比我地既兩張twlight戲飛, 睇完之後, 見肚餓,我地就去左食mcdondon秒秒鐘歡聚歡笑@Mcdonald’s麻辣板燒豬扒包: 先說麻辣味, 不錯, 但有少少唔夠麻味, 只有咸味過重! 吃過整個包之後, 整個口都好咸, 要不停飲汽水先得!豬扒軟硬度都算適中, 但仍覺硬了點, 就係過於入味, 攪到唔多覺有燒既味道喎~ 好完整的一塊長豬扒, 扒上有板燒過的痕跡, 但食入口就唔多覺喇!麻辣汁如果可以偏辣少少就會好d, 因為真係唔多覺佢係麻辣味~扭扭薯條: 因為係即炸, 好熱好脆, 好好食~ 唔太燶又好香, 不過好滯下喎! 而且有少少熱氣!點上茄汁及黑椒, 即刻好味十倍呀!!!紅豆批: 可能食晒個餐之食呢個紅豆派, 所以, 唔多覺佢熱, 但係紅豆好多, 粒粒紅豆充滿住成個批呀!!!而且紅豆好淋且甜, 批脆豆厚, 真係好好食!隨餐奉上利是封一疊, 長長利是封, 一貫麥記款式!