麥當勞 (康麗花園)

营业中

休息中

剛吃完蛋黃哥系列, 另一邊廂又推出抹茶雪糕甜品, 這期麥當勞的攻勢真強橫!上回推出的抹茶雪糕印象中是不錯的, 而且大受歡迎, 只可惜供應期有限, 很快便結束。這次以"抹茶の旬"之名回歸, 可有什麼不同? 是日經過甜品店, 當然要嚐過究竟。這次"抹茶の旬"系列包括有: 再度登場的抹茶新地筒, 抹茶扭紋新地筒和Oreo威化抹茶麥旋風, 還有新品: 抹茶新地配北海道紅豆醬及抹茶雲呢拿Double新地配北海道紅豆醬。這回小試牛刀, 淺嚐了新地筒跟新地。抹茶扭紋新地筒 $5.5越賣越貴的新地筒, 直迫新地的價錢, 變得不便宜。剛唧出來的抹茶雲呢拿扭紋雪糕, 快要溶掉的樣子, 跟廣告的照片難以稱得上是像樣, 感覺有點"求其"吧! 雲呢拿的甜味加上奶味偏重的抹茶味, 一貫的幼滑, 當然這個價錢的抹茶質素不會期望是富有茶味的玉露吧! 抹茶新地配北海道紅豆醬 $8.5既然是打正旗號的新品, 當然要一試, 抹茶加紅豆這配搭的定律是最穩陣。每粒紅豆都頗大粒腍軟, 味道偏甜, 要混合雪糕食來減低甜度, 紅豆醬偏水感, 或多或少都有影響口感。奶味重的抹茶雪糕中和了紅豆醬的甜膩, 互相配合。因為沒有加上雲呢拿雪糕

麥記新出品梗係要試下~重要係我好鍾意既蛋黃哥就咁見到D盒已經覺得好可愛!!個設計仍然唔錯~拆開個盒一半,就可以拎住黎食!味道方面呢~都有小小驚喜既~就係個滿滿粟米既蛋餅~食到粟米既甜味~(比佢平時一杯杯果D更甜更好味)加埋個蛋黃醬~ 味道好夾呀!個雞肉就唔算好出色(唔夠嫩,而且無咩味)整體都算唔錯既~可一試~但我覺得太飽...食晒有DD"濟"呢

今天晚起床, 到了吃飯時間, 打開電視看到麥當勞這個新廣告, 於是跑到樓下商場去買一個嘗嘗, 結果喜出望外;一打開包紙, 破格傳統, 一直以來的包皮都用了米飯代替, 使整個包的份量明顯增加, 更有飽肚的感覺; 黏稠的口感, 感覺是糯米, 中間層夾粟米煎蛋, 每一口都夾帶著玉米, 而且不時感覺到芝士香濃的味道; 再掀開下一層看, 一大塊雞肉, 外皮炸得金黃通透, 十分脆口, 整個包的份量足以填滿午餐所需, 如果沙律醬更多, 酸酸甜甜的, 相信會更醒胃, 味道會更突出;吃完包, 喝一口荔枝特飲, 清新的荔枝味, 甜甜的; 而且杯裏面盛滿各式的椰果, 不但能喝而且還能吃, 簡直是夏天解暑的良藥;如果不是睡這麼晚, 感覺就吃不到或沒有這股衝動去吃這個餐, 可能這就是緣份唄。 

喺呢個年代，智能手機咁發達，一個人食早餐都係一種享受，享受一個人的寧靜與輕鬆，但不幸，幾張檯之隔坐住兩個阿姐喺度閒話家常，唔係想話佢地用普通話交談有咩問題，而係其中一個阿姐嘅聲量傳遍整間餐廳。我明白，呢度唔係圖書館，人地冇必要細聲講嘢，所以我都只係呻下，別無他意。好啦，入正題，小妹今朝空肚送完小朋友返左學校後，突然好想食炒蛋＋薯餅。行左幾間餐廳後又返翻黎麥記，叫左份珍寶套餐 飲熱奶茶（$31）先講講杯熱奶茶：茶味夠，但唔夠滑，如果多奶會好啲。薯餅：麥記真係有一套自家炸薯餅嘅法，落爐時撳倒數制，夠鐘會有響鬧提醒人拎起鯨鯨油，根住就可以入餅袋供客人享用，真係好欣賞佢地嘅薯餅炸出黎外脆內軟又鬆化，少會失手。英式鬆餅：經過烤焗後，邊邊少少Long，入面軟熟，加埋果醬同豬柳一齊食，雖然係又咸又甜，卻是出奇地夾；但現時麥記只提供提子味果醬，記得多年前係有士多啤梨味同提子味兩種口味嘅果醬供客選擇，而士多啤梨味更加係受歡迎啲，但後黎唔知係唔係供應商不再提供，士多啤梨果醬就無聲地消失了。炒蛋：今次嘅份量比較細左啲，多蛋突出，但熟左啲，以致不太滑。熱香餅：真心唔多欣賞麥記先將所需要嘅食材事先整熟後放入保溫

等人, 我慣例早到 30分鐘買個魚柳包, 慢慢吃、慢慢等, 細看人生百態也是一種浪漫這個魚柳包放上手中是輕飄飄的熱度不足, 魚柳亦只是室溫 麵包更是皺皮的 （有圖有真相）吃了 "老麥" 幾十年, 都未吃過這樣差勁的魚柳包 ~我沒有要求退貨,  就吃這個吧 .... 或許是上天安排 ~

帶小朋友去放完電後，十分想食雪糕，平時做法係去麥記甜品站買紫薯新地食，但今日因新地脆有買一送一，正好一個價錢滿足到我同小朋友，所以自然地推門而入。可能們今日係假期，餐廳內好多買嘢同等緊嘢食嘅人。買完等左三分鐘到聽到入面有人叫：蘋果批有,香芋批要等五分鐘！！等左幾分鐘後，終於有我啲嘢，呢個時候，因廚房出唔切嘢，所以可以話封嘢食嘅員工唔算十分忙，但我接過我嘅外賣新地即時打開一睇，真係好失望，兩個新地碗好似人地唔要嘅垃圾咁，求其掉入紙袋就算。好似唔記得左碗內仲有食物嘅咁！兩個新地同兩個剛炸好嘅香芋批掉埋同一個袋，冰火二重奏咩！？返到屋企一打開，一碗新地正常份量，另一碗根本就係迷你版！而且朱古力 醬少得好可憐 不過新地只係表面上溶左少少，裡內仲係有啲實的，至於香芋批，個批唔會堂食咁，幫客人切開塞落個新地度，而係好似平時咁，一整個俾客人。香芋批剛炸起冇耐，外皮真係好脆，個餡有七成滿而且好熱，芋肉好粉，份量唔會太多亦唔會太少，洽到好處，先前仲怕廚房啲人會趕住俾客，未炸好就離爐，而搞到啲芋肉唔太熟。睇黎擔心多左。整體上對食物係笑臉的，但啲員工……我想俾不少於一個喊臉囉！！兩者加埋……今次俾Ok啦！

早餐多數產品都有嗰隻圓形煎蛋，所以想食蛋嘅最好係早餐時段去，因佢地賣得多，產品自然都可以keel住新鮮啲是日，同朋友及仔仔去食，自己想食麥芝蛋，順其自然就叫左2個開心樂園餐。開心樂園餐嘅扭扭粉係由原本裝小龍蝦湯或忌廉湯嗰啲小碗裝住，加上一隻煎蛋，配粟米杯同Qoo豆奶，好適合小朋友食，但建議扭扭粉嘅湯唔好飲!仔仔食完扭扭粉，飲水明顯多左，可想而知扭扭粉嘅湯 味精含量唔少。麥芝蛋個包好簡單，魚柳包嘅蒸包+一塊芝士+一隻蒸蛋+一堆麥香雞醬+少量茄汁，雞蛋夠熱幾芝士溶化，芝士同蛋結為一體，冇肉但好味，麥香雞同茄汁味得非常好，2者都係酸，但茄汁會另人更開胃，加上雞蛋好新鮮，醬汁令蛋白味更突出當時人流多，薯餅keel住密密炸，密密賣，拎到手嘅薯餅仲稱得上係熱，外脆內軟，好食到令人唔理佢有幾熱氣都要咬多2啖

手撕雞, 大家都會聯想到X興記, 麻醬撈的做法, 但麥當勞今次新出的, 有夠特別, 配料最上的是洋蔥圈, 很厚, 洋蔥圈散發出香濃的洋蔥味, 雞肉是吉列的, 金紅色的外皮, 很脆, 有一點點辣的感覺, 但口感過於燶, 雞肉的味道不突出, 只能吃到辣味感; 新鮮的椰菜,紅椰菜和蘿蔔條, 很新鮮, 口感超爽, 醬汁酸酸甜甜的, 像沙律醬加上冬陰公的味道, 特別醒胃.整體來說, 這個包的感覺就像一個脆辣雞腿包, 沒特大的惊喜, 價格完全不值。

哇哇哇,m記出左紫薯口味喇~當然要試一試紫薯新地筒 $5.5又進一步加價(+$0.5)雪糕顔色為淡淡紫色, 未食都令人幻想到佢嘅甘香味道,雪糕十分軟滑, 奶香十足, 保留一般軟雪糕甜味同時又有紫薯甘甜,雖然主要係一般軟雪糕甜味, 不過紫薯味少少地, 甘甘地已經好足夠,尤其當中甘甜味道可令雪糕甜而不膩, 值得再encore~同場加映之新地蘋果脆買一送一新地蘋果脆(朱古力)新地蘋果脆(草莓)M記蘋果脆就係咁得人喜歡,無論草莓味抑或朱古力味都咁好,草莓味就將水果味更增強濃度,朱古力味就以少少苦味突顯雪糕同蘋果批甜味,加埋冇得彈既蘋果批又甜又有油香, 咬落脆口,入口先有冰冷雪糕, 然後咀嚼到脆口批皮, 再有暖和蘋果餡料,冰火脆口感覺嘅刺激令人好過癮!

每逢農曆新年, 麥當勞定必推出招財牛堡來應節! 今年是猴年, 還聯成新春造型的Monchhichi推出不同的產品.招財牛堡餐 $33.8盒面的Monchhichi換上金牛的造型蠻可愛呢! 明知道每次打開盒裡面的造型跟海報上的必定有出入, 但總會期待有次會整整齊齊的出現! 打開包裝紙, 蒜味濃郁的黑椒醬四散, 雖然吃得比較狼狽, 但黑椒醬很香口惹味, 還帶點點辛辣, 再配上同樣四散的爽脆洋蔥粒粒, 和厚嫩多汁的牛肉, 夾在芝麻長麵包中, 口感豐富很滋味. 牛肉醃得很入味, 而且大大塊, 比長麵包還要大塊, 厚度都不錯!黃金脆薯牛堡餐 $35.8除了"招財牛堡", 更推出這款全新的"黃金脆薯牛堡". 平時早餐才可吃到的薯餅, 現在加入招財牛堡中增加厚度, 變成黃金脆薯牛堡, 隨時都可吃到. 炸至外脆內軟的脆薯餅, 沾上香辣惹味的黑椒醬食, 變得更加好味呢! 兩款牛堡較喜歡"黃金脆薯牛堡", 只因多了塊薯餅!扭扭薯條很喜歡吃扭扭薯條多於平時的薯條, 除了外層炸至金黃微脆外, 口感還帶點微辣, 比薯條更加濃味好食! 食快餐都不外乎是食香口食物吧!龍蝦湯 (跟餐加$8)以快餐做的龍蝦湯來說真的不

--早係未出時已經係網上見有廣告對黑芝麻粉又點可以唔試呀睇到"黑麻麻麻薯扭紋麥旋風"這名字嘴角不禁繞起黑麻麻新地筒 $5只限甜品站黑芝麻雪糕灰色的符合心目中顏色既期望質感十分軟滑 跟平時軟雪糕般軟但沒有雀X的沙沙感味道上偏向奶味多 黑芝麻味唔係主導主要奶味甜 再有少少黑芝麻回甘值得讚既係雪糕筒都係加入黑色雖然唔係黑芝麻味 但心思是有的不過雪糕如果有黑芝麻既沙沙感就好了或許麥旋風能補上這質感也說不定

大受好評 隆重回歸既粟米批又點可以唔食呀粟米批 $7盒身造型係一條粟米盒上標明甜粟米批 'sweet corn pie'聽聞最早出品時是鹹的口味其實可唔可以問店員拎包鹽自行調味呢?由於近左一陣間 見到係新炸好既一批粟米批拎上手熱辣辣 但盒面有少少油粟米批整體口味就係甜 粒粒粟米更香甜簡簡單單既甜味唔算突出 但又有股好食既魔力跟吃金寶湯既粟米忌廉湯一樣 甜密密的話唔定可以同金寶湯cross over出忌廉蘑菇批 番茄蜆肉批

食完101,見到迷你兵團芒果系列推廣已完左和風抺茶系列返黎啦~和風抺茶系列 之 抺茶新地筒$5食軟雪糕雪糕雪糕一直都覺得其實麥當奴軟雪糕係抵食 性價比高食物再加上綠茶味雪糕 係甜品店貴又未必好食和風抺茶系列回歸真係要再食抺茶味醇 唔澀(之前食過再澀d 依家改左配方? 甜d個人鍾意抺茶味少少就夠 最緊要係甜 此終軟雪糕先係主角軟雪糕幼滑 甜味足雪糕筒正常鬆脆水準keep到 希望以後都keep得住

留咗係屋企全日冇出過街，難得放假唔使周圍去，係屋企宅左一日，半夜突然之間肚餓。 就好衝動咁走咗去麥當勞買咗個早晨全餐。星期日可以隨時隨地去麥當勞享受ALL Day Breakfast。炒蛋豬柳薯餅，都係我嘅最愛。 麥當勞嘅炒蛋可以炒得好滑，豬柳喊但好味又唔會太硬，薯餅炸到脆博博，薯仔味好重。 我最唔鍾意個麵包皮覺得好乾。嘢飲陪左可樂，今期係我最鍾意嘅小黃人，食得特別開心。

 今次試食「騎騎騎笑煙肉雞堡」其實都已經看見網民們劣評如潮，而且是2010年「紐約特級煙肉雞堡」「翻炒」不過當時我沒吃過，所以當勇士去挑戰$20.8也是高價包了,罼竟是推廣包本先開盒時也挺亂的,因為自己有強迫症,所以馬上私人搭好那包-三片煙肉,一片白芝士,一片炸麥香雞扒,生菜隔開了沙律醬和燒烤醬剛揭開時有種剌鼻的酸味,原來是來自吃麥樂雞時的燒烤醬,看來這就是別人劣評的地方,不過我只能說非所有人也能接受這味道(我卻不覺得有問題吃下去的時侯吃到各食材,很豐富,可惜煙肉有點韌,芝士味道過淡,吃不出味道,如同虛設整體來說其實是塗了麥樂雞燒烤醬的麥香雞包,(酸的麥香雞包)雖然味道沒問題,但是$20.8這價錢不太值得我寧可買麥香雞包加$1元買燒烤醬自製這包算了