麥當勞 (已搬遷) 新店位置

星期六，想不到放工已經兩點半。唔想食。見有新望品，抱住必死的心態，中伏也不怕。叫了一個北海道三文魚堡餐，加 $4 轉粟米杯。可能因為無期望。感覺不錯。個包比平時魚柳包隻包鬆軟，但有口感。三文魚是脆炸。有點薄，如果厚一點像三文魚扒就更好。粟米杯。只是沒有胃口，唔想食薯條。

講真其實我真係幾鍾意食老麥， 尤其係夜宵時間就更鍾意， 但最新產品一啲期望都沒有， 因為每一次都係中伏多，今日又再俾1次機會試吓新出既菠蘿黑椒雞包，全因覺得就算再難食都好，塊菠蘿點都唔會難食呱，點知食落出奇好食，好多汁，菠蘿又好甜，塊雞炸等脆口又夠辣，完全合晒我味道，不過個樣就真係同廣告有相出入較大，好彩食落又好味，哈！

聞說...女人都係鍾意綠色嘅嘢...早兩日一收到老麥出史力加系列"美食"！好！尋日即刻去買杯史力加青蘋果梳打茶飲下先有圖有真相！咦咦咦？又話係「青BB」？唔通我色盲？算～飲下先講！(官方：青蘋果糖漿+鍚蘭紅茶+梳打)嗯...好有雀檸嘅感覺，嗒多啖再望下隻色似乎應該係FUZE TEA...除非唔係再飲多兩啖...咦？飲完？原來飲完先見到青BB嘅史力加嗱～老麥無呃人架！至於個惹味辣牛堡同洋蔥薯寶都係等大家食完話我知...

今天行東港城, 又到下午茶時間.剛好收到家人來電: 要紀念玻璃杯就這樣, 去了厚德麥當勞.麥樂雞餐加大就可以送一隻杯.好難得, 終於找到座位.很久未嚐的麥樂雞, 我來也!又係放縱一下的時候講真, 炸雞肉, 炸薯條, 汽水, 真係好吸引, 但又好熱氣!如非家人為左隻杯, 真係無机會買來食.打開麥樂雞紙盒, 一盒6件.將茄汁唧落隔離果邊.再到酸甜醬, 可是好難MIT開呢!真係要出出力先得呀!M記, 可否改善下個包裝呀!取一件麥樂雞, 金黃色的炸皮 中間紋碎的雞肉, 很久無見了!沾上酸甜醬, 慢慢嗒吧!輪到薯條了!比較多鹽.點茄汁, 再點酸甜醬, 只可惜硬左D如果炸的時間短少少, 會更好. 因為怕肥, 汽水選了無糖,而在膠蓋面, DIET旁的圓形標記, 已被按下!職員真係有做足喎!食完呢餐, 最後得到隻杯, 可以交差了.

夜晚十點打後落街買晚餐，想食嘅日本餐廳同快餐店都收晒鋪，又唔想食茶餐廳，所以走左去厚德間麥當當... 點知會令我初三嘅晚餐食得極不愉快..首先排隊時我前面得兩個客，但係果個服務員唔知做乜勁慢，等左差唔多十分鐘至到我。跟住我叫左個餐，飲熱奶茶多奶，見住佢打單打左＂w/o奶＂，即刻同佢講係＂多奶＂，佢都有同後面講打錯，但執餐時都係執錯，要我講多次。一攞袋外賣已知瀨嘢，啲薯條係凍嘅。返到屋企打開埋杯奶茶至最氣憤，佢個係保溫杯嚟架嘛，買親外賣放好耐杯嘢都熱嘅，今次一開蓋飲一啖，暖都唔暖下... 我記得間鋪應該十一點至收，我十點三去到全部食物飲品都係凍嘅話，都唔知係我唔好彩定點啦...三十蚊嘅餐係唔應該有咁多要求，但係ar least熱飲點都要熱呱...

真係唔記得幾耐冇食過麥當勞既巨無霸啦。如果唔係今日無意中發現到原來巨無霸餐減價減到$21，恐怕再過多十年我都唔會食佢。$21一個巨無霸餐，一杯汽水，加$2.5轉扭扭薯條，睇錢份上，殺佢！記得以前細個食巨無霸係要上下兩層分開食，一個包當佢兩個包咁食。但人大左，發覺來兩層既包係可以一啖咬晒落去，巨無霸原來唔係好大件咋喎。一向覺得麥當勞漢堡包塊漢堡好難食，又乾又鞋……至於巨無霸就係2倍難食！生菜絲睇落仲唔多新鮮添。全個餐最好食算係扭扭薯條，雖然都係硬左尐尐。

呢間McCafe嘅人十分有問題! 一個落單+整咖啡+遞cake, 另一個洗杯碟,整咖啡嗰個不斷同個學生妹傾計, 都唔知噴咗幾多口水落杯咖啡度 其間個經理走埋去, 無理到佢地傾計 落單後等咗10分鐘卒之等到佢整好我前面個客嗰杯, 點知又唔係到我杯咖啡而係整第2杯外賣 幫襯McCafe都唔係預佢要好快手, 但真係未見過咁不知所謂嘅McCafe!!

特濃朱古力cake超濃朱古力味中間仲有一塊塊ge朱古力ga正!!!味度剛剛好黑芝麻cheesecake芝麻濃到有時食落有d苦味am......不過不失不過真係唔係個個受得起

今晚開X'mas大食會，除了預備pizza及sushi等等其他食物以外，亦到麥當勞買了脆香雞三盒及麥樂雞兩盒作為小食，脆香雞熱辣辣的，吃落肉質算是juicy，不會炸到"乾爭爭"，好好味!!!!而麥樂雞亦如一貫的水準，不錯!!!!!

夜晚同男朋友平平地食M記`出番坑口食叫左豬柳蛋+BIG MAC餐~個包冇乜特別;但係當我打開個包拎塊蛋俾男朋友果陣...個包熱到出熱!正丫;熱辣辣;但係D薯條就好短好碎..吾太鍾意!

約了保險業人士傾東西, 先來了就買了 (不算是) 新出的茶香系列來試試。先來 Tea Latte 錫蘭紅茶鮮奶咖啡 (好像是 $21), 雖然加 $15 可以要一件蛋糕, 可是此時既沒有我想吃的綠茶芝士蛋糕供應, 而且就算有我也吃不下, 所以就買了同系列的綠茶林明頓蛋糕 ($7)。我正奇怪這紅茶鮮奶咖啡是怎麼的來著, 問明以後才知原來茶味不是來自真正的茶, 而是糖漿 (搞錯呀!), 所以可以要少甜 +__+。不一會 Tea Latte 來了, 賣相和圖片所示幾乎一樣, 上面還用糖漿畫了葉子的圖案呢。奶泡是一層厚厚的, 尚算細滑, 而且還有兩截色的呢。由於我要了少甜, 所以茶味不算很強, 最少沒有給我喝著鴛鴦的感覺啦, 倒是奶量是不少的。綠茶林明頓犯上了麥記林明頓一般的通病, 就是皮肉分離, 綠茶味也是輕輕的, 好在蛋糕也夠軟綿, 總體不是太出色。對方喝的是 Cappuccino (借用我以往拍下的照片), 奶泡看來還不錯的。這分店地方太開揚, 卻又昏暗, 似乎不太適合傾談東西。

唔係因為住緊呢頭,之前東港城另1間又執左既關係都唔會去買野..次次話要拎走都係漏呢樣漏個樣咁!!!有時+2個APPLE PIE又漏晒..唔想晒左又要係屋企再出去問返佢拎..好彩佢地都肯比番相反係個度食好似好D

堂BUY 都好但........唉....叫外賣的態度........問佢野,,,佢都唔係好清楚喎...傻下傻下喎...