麥當勞 (已搬遷) 新店位置

麥當當今年新年玩Monchhichi系列，老婆成日嗌要去探Monchhichi，唯有今日帶佢去睇下啦呢個招財福堡雞都幾大個，麵包係類似平日熱狗包嗰種，而雞扒就係黑椒雞扒，黑椒味好重，直頭覺得有啲辣，相對黎講食啲辣可以刺激下都幾開胃。包中間有啲生菜，不過我覺得夾蕃茄，青瓜都OK，夾生菜就唔係好好，啲生菜濕晒，食落都唔好食。另外配扭扭脆薯條，其實無乜特別，同一般薯條一樣，只係變左扭扭紋。反而我覺得每條薯條長左，拎上手感覺油左添！

打呢篇文都有點傷心，就係學完都肥左，但係純粹食都係為左醫肚，同埋好平，因為呢個元朗廣場真係間間都係貴野，食個午餐都60-70蚊買單。薯條炸到剛好，幸好剛炸起所以還算新鮮，份量算是中薯條的份量，不會太燶就很感動。麥樂雞就林左少少啦，可能他放耐左，內裡無咁軟，但係都算香口。

元朗一日遊的最後一站意想不到最後是到了麥當勞，由於廣場內的不是24小時，幸好剛剛能趕上收舖前吃個宵夜，招財分享盒套餐最喜歡每樣吃少少，而招財分享盒就正能滿足我這個心態。盒內分別有2件脆香雞翼、2件香烤雞翼及4件麥樂雞～套餐當然還有薯條及汽水脆香雞翼［評分：7/10］脆香雞翼剛剛炸起，又熱又脆身，外皮鬆脆，內裏肉質嫩滑，沾上些少泰式辣醬同吃，惹味非常香烤雞翼［評分：5/10］香烤. . . 烤得極乾⋯表面乾爭爭的，比較細小。而且已經冷卻了，撕開表皮，肉質同樣較乾及粗糙，味道一般麥樂雞［評分：6/10］麥樂雞只帶微溫，幸好外皮還算脆身，內裹肉質較淋，可惜沒有蜜糖芥茉醬，若果醬是長期供應就好了～麥當勞 (元朗)元朗元朗廣場地下005及006號～～～～～～～～～～～～～味道：6/10環境：6/10服務：6/10衛生 : 6/10抵食 : 7/10

麥當勞早餐，滿載了我與舊同事的回憶。現今只可獨對包輕嘆，願君多珍重。芝士雞堡原來這麽普通，與麥樂雞的雞沒有兩樣，都是爛爛的炸雞肉餅，吃完不覺自己吃了雞那種爛碎雞肉。較可取的是，加入了魚柳包那沙律醬，酸酸的，配合芝士，是平日午餐晚餐不會吃到的味道。整體而言，這包用的是豬柳漢堡那款包，配合炸雞肉餅，如芝士不溶，或沙律醬不夠，很容易出現乾啃的情況。價錢$16，比麥芝蛋貴而不是較美味，結論還是吃回麥芝蛋方為上策。

不知由何時開始，就沒有吃麥當勞了，這次為了素包而再次造訪～脆香素菇包，其實只有在太平清蘸期間，於長洲供應的素漢堡。可是麥當勞在4月21日至5月7日全港二百多間分店限定推出，另推出全新沙律（田園沙律和雞扒沙律）和闊別多時的粟米批！脆香素菇包套餐（$29.8），但這個價錢一共$40.8由於不太愛吃薯條的關係，所以加$4轉了粒粒粟米杯，清新又健康，不俗！粟米批（$6），外脆內滑，但沒有想像中的過甜～賣相不太討好的脆香素菇包。該包以甘筍、香菇和薯蓉等素餡，再加麵包糠炸成，配以生菜絲和沙律醬。不過菇的比例不多，吃下帶有咸香滋味。另加$1轉配熱黑芝麻豆漿。剛喝的時候，還可以的，淡淡的芝麻豆香味，可是喝完才只是普通的黑芝麻醬加豆漿製成並不是真材實料，幸好沒拌勻，否則更甜！麥當勞推出素包，使不少外界討論，我認為出發點是好，始終為不愛吃肉的人帶來新口味，不過全素者亦可選擇健康點的沙律。其實偶然吃素真的不錯，但是麥當勞的煎炸食品也是少吃為妙啦

見《頭條日報》報頭，有買廣告，所以試吓。今年易買咗，前兩年，淨係晌長洲包山節當日出售，今年就唔同，晌元朗巡遊當日起，全港出售。味道可以接受，但係個餡，太芋頭啦，要有磨菇片，兼磨菇汁一咬即漏，先至係好餡。小食有粟米批，配合得天衣無縫！你都嚟試吓啦！

夜晚已經係差不多10點既時候, 店內仍然有一定既人, 有2條隊, 每條3個人, 但我見店員最少有6個, 有個仲係我面前執緊膠匙.我同我男友買左2杯新地, 咁行去隔離排隊等啦.點知後面買巨無霸餐既, 都拎左成個餐, 咁我男友就問佢幾時有, 收銀EVA啤一啤我地,冇應.第3個客又冇理照落ORDER, 我男友等佢落完ORDER再問佢幾時有, 佢竟然好唔禮貌講話一陣有啦. 我食左咁多年老麥都未試過遇到呢D店員. 之後佢黑面走左去拎新地, 一句唔好意思都冇. 其他店員又唔會幫佢拎新地. 呢間咩野老麥黎架?下次真係想叫佢經理. 定係我冇去雪糕站買雪糕就啤客唔應客?

麥當勞又出左包包，雖然成30蚊個餐，都要試下！今次係玉子吉列豬扒包，望落幾厚身，都唔錯。但係一咬就知中伏，塊豬係梅嘅，無肉味，得如茶記豬扒嘅咖哩粉味，炸漿唔脆但硬，真係好難食。食到一半忍唔住掉左塊豬，結果蛋香且滑，又有椰菜絲，個汁又幾好味，都總算食完個包！如果大家都係想試，記住要有玉子嘅，起碼唔會浪費成個包！

1-6-2013（六）是日和姐姐在元朗市中心影街道相，只影了四分之一，還未完成；但吃過晚飯後，姐姐說已很累，那唯有回家去，找日自己一個人再入來元朗影個夠吧。在等候巴士 264M 號時，去了 麥當勞 買杯雪糕作甜品吧！很早前，我買了一張 Hello Kitty 麥當勞卡，有甚麼「買 A 則送 B 」的優惠。最後，我們用了 $15.20 便買到 蜂蜜梨茶 及 黑森林蛋糕脆脆麥。我是第一次吃 黑森林蛋糕脆脆麥，預期它應該是朱古力味；但吃下一口，竟然是士多啤梨味，估計是店員弄錯吧！沒所謂，我對士多啤梨味沒抗拒，那繼續吃吧！溫度足夠，夠冰凍，啖啖也吃到有蛋糕，但蛋糕的素質很普通，像嘉頓瑞士卷一樣，質地較鞋身，沒滑溜感；與雪糕混和一起吃，有點怪，不太 match 似的！究竟甚麼是脆脆麥？是否一粒粒的麥脆粒？但我在杯中內完全找不到。

一直對老麥新出的黑漢堡沒甚興趣，早知內地已有這款特式包，但當時也沒興趣一試，是次見到香港也有推出，本着姑且一試的心態購買來試試!套餐價$30.8有薯條及汽水，相對於$21餐貴得多，試新食物是要付出代價的!黑漢堡以紙盒盛載着，不過內裡並沒有以紙包着的，徒手拿着也會沾到手也是醬汁，真不明白用紙盒盛着有何好處!!!黑漢堡以墨汁包包著牛肉、薯蓉、生菜、煙肉再配上松露磨菇醬製成的，單看賣相黑漆漆的，也幾特別，不過咬一口發覺黑包是沒味的，而且只有微暖的包味道己打折扣，加上乾硬的牛肉配上軟腍的薯蓉口感超怪，而且醬汁也不好吃，個人絕對絕對不會再試白漢堡，不想再中伏，很辛苦的才能吃畢整個包，我就是不想浪費!可惜吃了那麼難吃的包，連薯條我也不想吃，食到有點反胃，下次還是保守一點吃魚柳包好了!

往往去麥記都會叫珍寶早餐, 這天忽然想試下湯扭扭粉, 誰知一試便後悔了打開蓋後覺得很不開胃...煎蛋沒有像廣告中看到蛋黃在中央...蛋黃已混合在蛋白內...另外扭扭粉的份量比想像中少...吃下去...蛋是淡而無味...火腿扒就咸得不得了... 扭扭粉也沒什麼特別...份量真的很少...全個餐最好味的只有薯餅....但吃完後感受唔到有個good morning....以後我都不會再點扭扭粉套餐了!

期待左好耐既麥芝蛋終於番黎喇.........上一之推出好似係3-4年前喇......可惜只有星期一至五先供應~~配搭簡單...用魚柳包既包, 芝士, 蛋, 茄汁, 我要左走沙律醬....軟熟既包....而且蛋滑滑的~感覺較健康...唔油膩~作為早餐份量剛好...食完唔會太飽...又唔會滯住成朝個頭早.....配埋即磨咖啡....真係good morning!!!如果可以列入menu就好喇.........

在麥記新品發表會上，試了M Selection 環破美饌第一炮的和風特盛魚堡後，還未來得及重溫產品已經不返供應。所以再出第二炮CBD時，雖不知是甚麼東東，也即趁供應期去試吃了!是次幫襯的是元朗廣場店，分店已換上簇新黑底大M記新標記，十分的搶身亦符合麥記隨不斷更新的形象，然而對於由小時十分熱愛，一直幫襯（嗯，間中啦... 但次數一定比大家樂/大快活/美心密很多!）的我輩來說，是少了一份親切感的。講回正題，上週日還要陪老公飲茶，只要了一個CBD帶走，盛惠$20.8。也是到那天才知道，原來CBD = Chicken Bacon Deluxe，個子較一般的包略大一點，呈長身的軟包口感不錯，夾心除了雞柳又有煙肉、芝士及生菜。其實雞柳味道興麥香雞的無異，煙肉又是無味，較突出反而是芝士味，而吃完也幾飽的。然而整體與麥香雞的差異不大，是否值得為了靚一點的包+額外芝士多付十數元，真是見仁見智，我覺得也可以一試，返兜就未必了。寫開麥記，也順便補記一下對其Mcafe推出的綠茶芝士餅食感，可以說，吸引只得賣相及價錢(印象中是$20件?)，軟硬適中的質感也算可以的，但味道就非常麻麻了，綠茶與芝士味有如水溝油，完

一去到好多人想搵個位坐下飲下野但d雙人位已經坐滿得返個d5個人位先有得坐之後轉左2人位但d野未汁叫個收緊隔離枱ge服務員順手但見到佢黑口黑面唔知係佢心情唔好定點...但佢有順手汁埋個fd有買a送b張卡就買左兩杯新地樂加外漢保包新地樂d雪糕好好味夠滑加埋氣水d氣幾好食夠凍唔易溶氣水夠氣

早前0係電視見到M記轉新Logo...估唔會0係0岩0岩裝修完的元朗廣場出現!!!d 間麥當奴大大話話都10幾年估唔到裝修完之後大左靚左!!!黑低logo......勁型!!忽然變左最潮之選.....哈哈!!!講番佢d野食.....新廚房之後好似真係做到即叫即整...叫左個濃滑奶茶及豬柳蛋漢堡...熱辣辣好好味!!