麥奀記 (忠記) 麵家

营业中

休息中

💁‍♀️💁‍♂️ 25/01/2024(Wed), Dinner🍽今晚💁‍♀️為食妙妙去到💁A先生公司附近，等埋A先生放工後再食埋飯先返屋企，我哋呢晚都唔係太肚餓，於是就揀咗橫巷入面嘅麥奀記（忠記）食碗麵🍜先返屋企。麵家無特別嘅裝飾，就保留住多年前雲吞麵店嘅簡約撲實嘅裝飾。入門口左手面先見到煮麵嘅地方，師傅一碗一碗咁煮麵。室內嘅空氣都瀰漫住大地魚湯底嘅味道。而今晚我地order咗：🔆 炸醬撈麵（$66）難得嚟到傳統嘅麵家，一定要試試炸醬撈麵先。橙黃色嘅炸醬正正就係回憶中當年嘅雲吞麵店嘅炸醬，入口帶甜甜哋嘅味道，幼麵煮得彈牙好食又無鹼水味。跟撈麵嘅一碗上湯入口有大地魚同蝦子嘅清香，再加埋少少韭黃，A先生照樣飲晒無浪費。雖然價錢比起其他麵店略貴一點，始終呢種口味嘅港式炸醬麵已經唔係咁易搵到，絕對值得一試。🔆 牛腩撈麵（$77）柱侯牛腩炆得入味鬆化，咬落唔會黐牙，份量都唔少。濃而不鹹嘅醬汁撈埋彈牙嘅幼麵，一樣好快俾為食妙妙清碟。🔆 淨雲吞（細）（$44）嚟到無理由唔食雲吞吖？！當然要叫返一碗我哋二人分享。雲吞係正宗散尾雲吞，細細隻入口一啖一隻剛好，滑滑嘅雲吞皮內包住一隻大小適中嘅蝦，鮮味彈牙，入口

這家可能是整個麥奀派系裏面最不顯眼的一家，但不代表他的食物出品不好，我反而覺得幾十年來都只做一件事，就是專心在食物出品上，沒有花心思在業務擴張或和其他人合作，反而幾十年來都專心一意做好食物，這種單純反而來得精粹。「細蓉」的靈魂只有三樣：麵、湯、雲吞。他們的雲吞麵，煮麵的時間剛剛好，麵質爽口彈牙，有淡淡的蛋香；雲吞皮薄蝦肉新鮮；湯頭清甜有大地魚鮮味。「細蓉」$45有四粒雲吞，不會飽肚但卻剛剛好，每次吃完都會有點意猶未盡的感覺。「過猶不及」，這種剛剛好的份量應該就是「細蓉」的精髓。香港其中一家最出色的雲吞麵。

呢間傳統嘅雲吞麵譜之前好似攞過米芝蓮介紹啱啱經過，所以就入去食啦其實我睇到個價錢嚇咗一跳因為一碗細擁要$43大碗我好似60幾蚊我唔記得啦，因為嗰時係下午茶時間去地方唔係好大，我諗可能坐到20-25人嘅店但係入面嘅座位同埋用具呢，就真係古色古香見到有YouTuber喺度拍嘢你問我個雲吞麵係咪特別好食，我就覺得一般啦食懷舊風味但係佢雲吞呢食得出啲蝦呢係新鮮嗰種嚟嘅，唔係話一pat pat好腥嗰種但係我就覺得個面就好似洗碗咗少少咁囉，可能配合返以前懷舊嘅風味辣椒油味唔錯推介

很早就注意到，香港好几家云吞面店都是麦字开头的，不知其中渊源，好吃就行。麦奀记是曾经的米其林推荐，但一般吃小店的话，相比米其林我宁愿相信排队的长度和自己的嘴。·位置没有临街的罗富记好，赶在饭点前来，还能一人独占一张四人桌，店里叔叔阿姨态度都很好诶。份量尚可，价格偏贵，但地段所致加上味道靠谱，麦奀记还是值得一试。以及，这条巷子里还藏了不少可逛可买的特色小店。·【牛腩虾籽双拼捞面】捞面干爽弹韧，虾籽的满满鲜味盖住了面条的碱味，对不喜欢竹升面浓重碱味的人来说很友好。牛腩品质不错，大块柔韧不卡牙，咸香的腩汁渗透每一丝肌理。

在中上環工作咁多年都未幫襯過這間老店，原因係門口無餐牌，平日又不覺得有人潮，真怕中伏。今天有點趕時間，見附近食市都滿座，見忠記有小小空位，便放膽一試。這裏應該是雲吞麵出名，所以當然試雲吞麵。雲吞麵有大和細的選擇。我叫了碗細雲吞麵$43。雲吞有4位，麵量也不會太小。雲吞相當細隻，只有一隻蝦，真吃不到有沒有肉，但蝦彈牙，皮薄滑。麵好彈牙，不太重鹼水味。湯一般。整體來說味道不錯，尤其麵彈牙，但$43一碗細蓉又不會是我每天開飯之選。員工服務好，親切有善。

愈來愈多老店結業，換嚟嘅係一間又一間一式一樣嘅連鎖食店，我自己就比較傾向去小店大家唔好遺忘呢啲傳統老字號  麵條彈牙好出色！全港數一數二彈牙，絕對好食過某幾間米芝蓮推介嘅麵店！ 大地魚湯底好鮮味，用埋蝦殼一齊煲，忍唔住係咁飲！ 雲吞細細粒，味道就中上，但麵條真係好出色！我覺得係全港Top3嘅雲吞麵！大家唔好搞錯，唔係綠色招牌嗰間麥奀記，呢間係麥奀忠記每次嚟中環都會食，係一條巷仔之間，呢啲傳統手藝唔好比佢失傳呀！

I actually ordered delivery from Mak the other night. It’s great that they separate the noodles from the soup so nothing gets soggy.I ordered the beef tendon and beef stew noodles and my grandma got the beef tendon and wonton noodles.After we poured the soup in, the noodles were still bouncy and delicious! The beef tondon was soft and melts in your mouth. Beef stew was nice and tender as well.My grandma said the wontons were legit and had a good amount of shrimp inside.I recommend trying this pl

先嚟一淡湯🍜，大地魚湯底唔錯呀。雲吞大粒咗啲，蝦就夠爽🍤。水餃皮薄，啱size, 多料夠香。牛腩入味/有牛味，不過有啲位韌咗少少，其實都好少食過柱候牛腩一啲靭位都冇。牛筋最正，入味又滑又唔削。芥蘭夠淋，啱啱好，跟咗腩汁，早知跟蠔油試吓。個人覺得雲吞/水餃/牛腩偏濃味/鹹，要飲住玉泉忌廉😑一般小舖，服務算唔錯, 傳統雲吞麵舖嘅水準🙂。麥氏一門，可以同麥奀/麥兆/麥文/何洪記一齊試吓，睇吓個分別。

上週下午三點左右去食下午茶 ， 見到 冇乜就入去食下。食物味道麻麻，份量極少價錢又貴 。最難頂係佢老闆娘用很不友善的眼神經常看著我 ，一啲禮貌都冇，黑口黑面好似我爭佢幾十萬咁 。我食完 我面行出去門口畀錢 佢在忙住數其他錢。 我畀佢佢又唔接住咁我放低喺佢面前。。 一手就撥歪咗啲錢 繼續數佢嘅錢 。一啲禮貌都冇點做食肆影衰曬香港人

中午吃了點心放題，到上環永安百貨大減價入貨，肚子不餓，但還是想試試麥奀記(忠記)麵家。此店位於橫街，要在德輔道中永吉街轉左，燈柱掛有小招牌提示。麵店不大，門口貼有明星用餐後的留念照二人坐了卡位座，尚算寬敞，枱面放有一般麵店提供的調味料，辣椒醬、醋，醬油等等價錢牌點了一碗雲吞麵、一碗水餃麵雲吞麵(細蓉)$40呷一啖湯頭，有大地魚味，清甜鮮味; 四粒雲吞放碗底，麵條置於其上，麵和湯隔開，食雲吞麵必須分秒必爭，麵淋了就不好吃，此店不大，師傳煮起，侍應馬上送上，時間完全沒有延誤，麵條彈牙有勁薄薄的皮包成一粒一啖的大小的雲吞，豬肉比例不多，蝦肉新鮮爽口水餃麵$41賣相跟雲吞麵一樣，麵放在水餃上水餃皮薄餡鮮，包有蝦和豬肉，飽滿鮮味，放有少量木耳，更添爽脆口感埋單:$81，能夠食到一碗無論麵質，雲吞，湯底都非常用心製作，超水準的雲吞麵，大滿足

在午餐走去想享受一個雖然很貴伹vintage的雲吞麵，叫了大碗(盛惠60)，它的大碗只是正常麵size,叫了油菜和汽水。又坐到彎腰，又被趕，又被老闆娘不礼貌對待，反觀其他店有位也有礼也有水準，當然去一次就夠了。若果無心並無貌要趕客，請不要經營令人失望。

湯頭鮮甜但略欠蝦子，麵彈不過啲雲吞實在包得相當奇怪冇譜，形狀方面冇金魚尾，味道方面黏住較多調味嘅豬肉每粒入面份量不均，有啲得蝦味，有啲就太鹹虧門口條友仲話最出名係呢間，我寧願過海食麥文記中上環地段40蚊都只可以話係不過不失，下次會花多少少錢去斜對面麥兆記再試試

📍 麥奀記 (忠記) 麵家中環永吉街37號地下.🤓正斗雲吞麵(大)💰$60.以為呢間麥奀記係麥奀開點知又唔係 鋪頭寫係池記第三代邏輯推論 姐係呢間忠記 係麥奀個仔開.經過上次食唔飽嘅教訓今次決定食大碗佢嘅大同細 無論價錢定分量 都係1.5倍嘅關係大$60 6粒雲吞 1.5個麵細$40 4粒雲吞 1個麵um…ok 無平到又無貴到 幾搞笑.呢間麥字頭啲雲吞就大大粒啦漲卜卜 蝦都大隻 彈牙皮就 正常厚薄 無亮點反而麵係普通粉麵麵鋪質素

以前唔好雲吞麵，但吃過忠記的麵後，完全愛上咗！跟住去咗好多名店比較下，都係覺得佢嘅麵質最好！第一次去跟雲吞，但佢嘅雲吞對我來講太鹹，可能我熱氣。第二次去跟牛筋腩，完全過晒火，牛腩好似煲湯豬肉咁乾硬，牛筋好腍但有啲瀉。今日是跟水餃，水餃好食，但係都係對我嚟講有啲鹹。如果我熱氣嘅體質/口味冇改善，個肚要留多啲位加麵底去平衡返啲餸嘅重口味。如果淨面我都唔介意，個麵太正，一試難忘。成日都掛住，再食唔到其他雲吞麵。🤦🏻‍♀️$41 細水餃麵

放工時間行過中環,見到呢間店門口貼左好多名星合照，就走左入去試。雖然可叫細/大碗，但兩者價錢都唔平。因為唔系好肚餓，所以叫左碗細，唔洗等好耐，落左單好快就有。雲吞好足料，美中不足系份量真系有d細，如果for下午茶就夠，正餐既話真系要叫大碗先夠飽。