麥兆記(祖傳)廣州雲吞麵 (琉璃街)

营业中

休息中

搵食攝牙罅，梗係黎返碗大容加鯪魚球啦，二人食，啱啱好。冬OB，原來係凍檸賓。蜆蚧鯪魚球，乒乓波咁大粒，超彈牙，重點係要夾埋隻蜆一齊食，陣陣酒香，一流。雲吞麵保留了細細個果種味。

兩個人食，各一碗雲吞麵和兩碟小食。祖傳蝦籽雲吞麵$65（細）祖傳鮮蝦雲吞麵$50（細）以為蝦籽包在雲吞入面，一嚟就知諗多咗😌雲吞係傳統細細粒，都幾足料，覺得調味略為濃咗啲！麵質好彈牙，無乜鹼水味，好食😋炸蜆蚧鯪魚球$64（4粒）味道唔錯，食到好多鯪魚肉，只是外皮有啲un, 蜆蚧醬正常咸香味。豬潤腸粉$53豬潤個量都唔少，幾爽口，腸粉好滑👍🏻整體來說，各樣味道都唔錯！有卡位坐，唔知係咪價錢唔平，中午食飯時間都唔多人。個人試一次就夠，因為份量唔多和價錢略貴。

作為雲吞麵愛好者，平時想食雲吞麵，多數係去佐敦食麥文記，今日終於扚起心肝去試麥兆記。我係去天后分店，正正喺麥奀記隔離。麥兆記招牌寫住廣州祖傳雲吞麵。舖頭入面地方闊落亦算光猛，坐喺卡位然後叫咗碗細雲吞麵。睇餐牌時都有啲嚇親，整體嘅價錢算幾比較貴，大碗雲吞麵要成80幾蚊。細雲吞麵：我最欣賞佢嘅麵質爽口彈牙，但係雲吞嚟講唔算大粒，湯底大地魚味冇特別濃郁。總括嚟講，我會覺得佐敦麥文記更加出色。但留係港島以價錢嚟比較嘅話，我可能會揀返麥奀記。

見下午茶想食個雲吞撈麵，就入咗麥兆記，佢係一間好傳統嘅雲吞麵店。不過價錢就貴咗少少，我就叫咗一個雲吞撈麵，麵質彈牙不過重鹼水味。蠔油就唔使錢㗎，雲吞都新鮮嘅，整體來講就不過不失，不過又唔係最好食嗰間。勝在出邊可以泊車？睇住架車又唔驚抄牌。唔使等位又多款式😝😝😝

香港有幾間老字號雲吞麵，能真正把老廣州的風味承存下來又有幾多間呢？這店面掛著 代代相傳雲吞麵 ！有意思！有意思正宗的廣東雲吞麵，雲吞不能太大，一口一顆，更要求「皮薄餡靚」。 廣東傳統雲吞，以蝦肉與豬肉各佔一半，蝦肉之嫩滑爽口、豬肉鮮味可口。湯頭～有大地魚味，但較為清淡，魚味比較薄身。鮮蝦雲吞蝦～皮薄，採用新鮮蝦肉嫩滑爽口、夠鮮味，細細粒做到一囗一顆，👍🏻👍🏻竹升麵～沒有鹼水味，幼麵奭口彈牙，此乃非物質文化的精髓，人手打麵👍🏻👍🏻👍🏻水餃～採用新鮮蝦肉，配上木耳豬肉非常可口👍🏻👍🏻👍🏻青菜～芥蘭菜份量比較少。鮮蝦腸粉～大大隻鮮蝦🦐，肉質彈牙有咬口，可惜腸粉皮唔夠滑。

琴晚同我男朋友諗住買個宵夜 行到呢邊見到呢間 就入咗去食 當時已經係夜晚11:30 服務員就好急咁樣 叫你落咗單再去掃針卡 咁我哋都有照做 嗌咗啲嘢食之後 都好快就黎 11:40分我地差唔多開始食 跟住個服務員就黎催我地快D食 佢地要收工 我就唔明 喂大佬你都要截堂食點解唔我地入黎之前就講？仲要我地坐低開始食嘢再講？我一邊食你地一路係咁望住我地食？D食物咁熱氣要點樣五分鐘之內食完？真系搞唔L明 既然你地要收工可以提前講 我地都唔會選擇堂而係選擇外賣 真心希望D服務員素質可以有所提高😅😅😅你地咁樣都唔會再有人去幫襯。de

今日同朋友下午茶時間經過天后，因為知道附近有幾間出名廣州雲吞麵店，就去左附近麥兆記試下，原來依間店大有來頭，係省港澳雲吞麵大王麥池煥的後人經營，我地即刻叫左一碗招牌雲吞蝦子撈同炸醬麵試下，麵質彈牙爽口，蝦子嘅味道好有鮮味，而雲吞以鮮蝦製作，雲吞皮滑爽口，有五隻雲吞，生麵同雲吞一點鹼水味也沒有，炸醬麵有許微辣，唔會太甜，麵質亦非常爽口，不過可惜份量太少，我地食完都舔舔脷，唔夠飽，下次再去天后一定會再試。

晩餐時間未到，又想吃點東西，又來一碗本土情懷--雲吞麵天后的麥兆記一起來解開麥兆記之謎時間尚早，客人不多，隨意選擇坐在卡位，地方寬敞，環境不錯，衛生情況不俗，餐桌上一目了然的餐牌除了雲吞麵，也有水餃、牛腩撈麵食物供應點了兩個細蓉傳統的麵在上，雲吞在麵底的放置方法，湯有大地魚、蝦子，蝦殼味道，湯香麵條是幼細的銀絲鴨蛋麵，蛋味香濃、 沒鹼味，唯麵質輕微過淋，未能做到100分的煙韌彈牙有勁雲吞一口一粒大少，蝦肉爽口鮮味，豬肉和蝦比例剛好服務也不錯，店員會主動加茶埋單:$96，唔係心目中最好食既雲吞麵，$48一碗也不算便宜，但祖傳風味大比拼，值得親身一試。

好少去到天后呢個地區，行行吓肚餓，見到有間雲吞麵舖，響外出面望吓望吓，都睇唔到價錢牌，於是入店內查問。最平嘅細湧都要$48 ，諗咗一陣，都係坐低叫碗細勇。等緊麵時，睇吓個餐牌，又話祖傳，又話廣州，講都冇用，試吓先至知。雲吞麵到，隻碗中等，隻匙羹喺碗底撐住啲麵，成碗都有大半碗多少少。雲吞響碗底麵響面，都係廣州雲吞麵嘅手法。睇嗰啲麵，較為深色少少，咬落去有口感，爽！係我鍾意嗰種。但係少，如果我大口啲，兩啖就搞掂哂佢。至於雲吞，亦都有驚喜，雲吞唔大唔細，適中，足有5隻，裏面啲蝦肉十分之爽口彈牙，但豬肉較為少啲，味道都亦都唔錯。至於湯底， 十分濃郁，似用大地魚等做湯底熬製，有幾條韮黃，相信係廣州雲吞麵嗰種製作。姓麥嘅雲吞麵舖，通常都係細碗少麵出名，呢間亦都唔例外。

♨️麥兆記（祖傳）廣州雲吞麵天后琉璃街3C號地舖💜頗貴嘅一餐雲吞麵，原來姓麥嘅雲吞麵都係貴野，不過真心堅好食，湯底香濃大地魚湯，雲吞爽口就必然，豬膶爽滑，鯪魚球都非常出色，連飲品都特別貴🤣🔷祖傳蝦子雲吞麵 $63🔷豬膶撈麵 $78🔷淨雲吞 $55🔷鯪魚球 $64🔷凍檸茶 $29🔷可樂 $20食物：8.5/10抵食：7/10環境：7.5/10。。。#食在天后 #天后美食 #香港美食 #香港美食指南 #香港美食日記 #美食日記 #美食推薦 #祖傳雲吞麵 #雲吞麵 #豬潤麵 #鯪魚球 #祖傳 #hkig #hkfoodie #foodie #foodiehk #hkfood #foodhk #foodporn #foodblogger #foodpics #foodstagram #hkfoodlover #hkfoodpic #hkfoodblog #hkfoodstagram #hkfoodblogger #hkfoodieblogger #hkfoodporn #foodiegram

晚餐想食簡單點，雲吞面是好選擇，我們以為每人一碗大雲吞面加一個鹹肉粽應該足夠，誰知大雲吞面不大，鹹肉粽也不大，食完只是半飽。😅雲吞面尚算好食，雲吞爽脆面依韌，鹹肉粽也是規矩的味道，只是份量小，價錢也不便宜，還要努力加餐才行。🤪

老實講啱行入餐廳見到餐牌係會俾嚇親雲吞麵48蚊起跳齋腸都40蚊粥均價都近60幾原本打算試兩樣食品見價錢就只好忍下食個真細榮就算湯頭有驚喜麵的彈牙度很好冇乜鹼水味雲吞也很鮮味他就是一碗什麼都剛剛好的雲吞麵拋開價錢感覺每人會不愛但加上價錢因素很難讓人愛上

食物質素唔錯 不過好貴 一碗雲吞牛腩麵75蚊 唔抵食 麥字頭嘅雲吞麵都係叫高梨賣 食咗都覺得好失望 港島普遍雲吞麵質素下滑 九龍新界反而平靚正 有時都情願搭車去過海去食 好過係港島浪費個胃口個麵就好韌 彈牙 走鹼都處理得唔錯 雲吞一啖一個 散尾 湯底好重蝦籽大地魚味 加咗牛腩都唔會覺得鹹 雲吞係麵嘅下邊 都算係好傳統嘅處理 湯入邊加多少少豬油會效果更加好 可惜現時個健康趨勢令到市民驚油愛糖 好多傳統食物都發揮唔到應有嘅水準希望店家可以小小加大個份量 貴都至少可以食飽

祖傳鮮蝦雲吞麵$48，白灼豬雜$118，價錢確係貴。呢到主打食雲吞麵，係必食之選。有4粒「散尾金魚」狀嘅雲吞，一口一粒，原隻鮮蝦，但欠缺嚼彈口感及蝦味🦐。蛋麵係用鴨蛋打成，麵條幼細如銀絲，煙韌富口感，完全無鹼水味，份量都唔少。湯底用上大地魚及蝦殼等熬製，清甜可口，加埋韮黃增添香味。白灼豬雜🐷有豬腰、豬膶、豬生腸、豬肉丸，全部都洗得好乾淨，可以放心食。豬雜富爽脆口感，但鮮味欠逢，記得連埋薑葱、辣椒豉油一齊食，増加味美。

我第一次嚟呢間舖頭食，刻意不選擇X奀，看完其他人的意見，我有很大的期望，但實際上雲吞及麵都只是一般水平，最重要是份量，大家要睇清楚啲相先，比較一下背景嘅杯或者其他器皿, 因為實際上個碗細到不得了（sorry忘記拍照, 應該係話冇諗過會寫食評但實在太不忿了)，3啖可以吃完, 如果價錢係要去到$4x-6x/碗, 但係Mini版 (佢有大碗揀就當然更貴啦，但係我見到大碗都係出面正常嘅細少少）咁嘅價錢迷你形實在太離譜了，所以去完一次唔會再有第二次。但必須要稱讚的是腸粉真的是即叫即做，非常軟滑，不過內裏餡豬潤就薄同少到不得了，所以大家如果肚餓就唔好揀去呢間了，我就係因為咁食完個3啖雲吞麵要再嗌腸粉先夠, 再加埋杯嘢飲品一個人嘅消費就要$141了⋯⋯響一間雲吞麵舖一個人要食過$100在我人生中算是經典了