麥上日光 (已結業)

去尖沙咀，經過開麥上日光！買左原味五層芝士包同屋企人分享先！$25 。雖然價錢唔平！但份量都大個嘅！四個賣$90。仲有其他味道。不過就貴啲！但都有買4個平啲嘅優惠！所謂五層。其實係三層麵包加兩層芝士！可能已經食過幾次！無左新鮮感！個人覺得無之前咁好食！同埋忌廉芝士甜左少少。不過麵包幾軟熟。加埋厚厚嘅軟滑忌廉芝士。食起上嚟其實有少少狼狽。但聽人講雪凍食好似芝士蛋糕！下次有機會再買返屋但雪凍嚟試下先！！

<麥上日光>💜五層紫薯流心芝士竹炭包💖五層士多啤梨芝士包🍞▪️💁🏻依個係烤過嘅version😗🍞由於我仲2脆面，所以用焗爐200度烤佢5min左右。👉🏾烤完就變左外脆內軟嘅厚多士咁，紫薯嘅竹炭包烤完個效果會好d，因為本身個包質地比士多啤梨嘅硬身d，會脆d。🌸五層係由3塊麵包加2層忌廉芝士組成，個口再細d都一口食5晒🤔🌸紫薯同士多啤梨嘅忌廉芝士base on原味加左d紫薯肉同果肉☝🏾️會真係食到紫薯粒🍠同肉眼見到好多士多啤梨籽同好富草莓香🍓🌸不過食落又唔算好出個陣味，不論熱食定凍食❄️🌸但中間層cream cheese雪過之後挻身左，食落個口感好heavy😂勁邪惡地🐷由其橫切個兩面，勁厚😈🌸烤過之後d忌廉芝士會軟心左，但又未致於流心，可能要烤耐d🤔🙆🏻整體我仲2原味多d🧀#wwhkfood #uhkfood #hkfoodie #hkfoodies #hkig #hkeat #麥上日光 #guschlbauer麥上日光

麥上日光呢間麵包舖早排hit到要排哂長龍 買個麵包都要等😪我就自問冇咁嘅耐性 等到熱潮過先去買***未入去就已經目標清晰 一定係食奧地利五層流心芝士包 所以一直行入到盡頭就拎左一個俾錢***打開個膠袋之後 就即刻食一啖先鬆軟得黎cheese味濃郁愈咬愈上癮 但可惜實在太漏食一半就已經好飽 建議一定要同人share***題外話:店內其實仲有其他外觀好靚嘅麵包 呢們cheese包食一次就夠 下次可trytry其他🙈

尋日約左老公食飯, 經過金馬倫道既時候, 眼尾見到什麼芝士包既物體, 可惜太趕時間冇得入去睇, 所以今日上來望望有咩咁巴閉!  哦, 原來係之前好hit既五層流心芝士包, 仲有蝴蝶酥。放工專登過去望下, 但芝士包好邪惡, 等生左呀B先食啦!  $128一盒蝴蝶酥, 如果好食既話, 的而且確係抵過什麼四重奏, 一於買盒返去試下先, 點知係比錢個陣收銀姐姐話買滿$80可以轉幸運輪一次, 仲有機會轉到七折添呀!  結果...哈哈, 我轉到九折, 埋單$115, 都OK呀!一返到屋企即刻影張相比老公!  雖然係紙盒咋, 但個design, pattern堅靚。打開一共有4包, 每包有8大塊, 都唔少架!  唔等老公自己開一包食, 好味, 好酥, 好脆, 唔膩!  每塊都大大塊, 一口難啲食得晒, 可以再買!

呢間早前人氣高企嘅麵包店一早已經係我嘅must try list。嗰日同朋友响尖沙咀行完街，食完下午茶，準備返屋企嘅途中路過，又難得鋪頭冇人龍，唔係唔試下呀。啱啱食完下午茶，根本冇可能食得落成個包，所以我決定買返去做第二日嘅早餐。第一次試就梗係買佢嘅名物——五層流心芝士軟包 (啱啱係最後兩個)響雪櫃雪左一晚，我已經降低左期望。擺落微波爐叮一叮，嗰陣芝士香係無得彈。叮完熱辣辣，啲芝士就流出嚟包夠哂鬆軟，佢嘅芝士並唔係平時食pizza嗰種濃味鹹香，而係滑溜奶香。邪惡嘅地方係你食晒成個都唔覺得膩，就會想食多個，不知不覺就增加左卡路里。

✨五層流心芝士軟包（hkd $25）雪凍咗食都唔差喎！雖然無咗流心既效果，但食落真係有食cheesecake🍰既感覺啵🙊🙊今次咁樣雪凍食仲無上次室溫咁漏添😌😌食完再飲埋杯自己沖既hot mocha，爽歪歪🌚Um.....呢個宵夜連小妹自己食完都覺得有啲罪過罪過🙈🙈🙈

終於黎試下呢間來自奧地利既麵包店。話題五層流心芝士包......感覺太漏，2至4人share應該會覺得幾好食，我一個人食，到第四啖已經決定放返入袋番屋企先再食放入雪櫃第二日再食，感覺似食cheesecake, 唔錯，不過都係食幾啖就夠了

麥上日光，源自奧地利百年烘焙品牌，主打以自家培植的天然酵母，烘焙健康手工麵包，在尖沙咀開店後都見門外長長的人龍。而麵包工場設置在店內，所有麵包都是每日新鮮烘焙。最近熱潮過去，終於不用再排隊了。今日下午經過門口見有新出的士多啤梨芝士包，一於買個試下有冇傳說中的好味。芝士包是獨立包裝在透明膠袋，麵包外面鋪滿粉，老實講有D其貌不揚。其實我睇唔出又食唔出有五層流心，而且食落不是流心，只算是軟心吧。面包很鬆軟，中間芝士很 creamy, 帶有士多啤梨的清新味道，酸酸甜甜，芝士味偏淡不會太膩。網上看到說除了室溫外，還可以冷食和翻熱再吃，下次買一個原味回家試試這兩種吃法吧！

情人節路過看見「麥上日光」入內看看奥地利五層流心芝士包很吸引買了一件$25奥地利五層流心芝士包，一件$28士多啤梨芝士包。回家後切開與家人分享，淺嘗五層流心芝士包，芝士味道是容易接受，但芝士是軟心並不是流心，質感也是杰杰的，如果用刀叉吃會比較方便。士多啤梨芝士包有濃濃的士多啤梨香味，麵包質感鬆軟可口，如果喜歡芝士，這兩款包是可以滿足到的。買完麵包，看見蝴蝶酥都很吸引，店員給我試食一塊，感覺香、酥、脆也沒有油膩膩的，所以也買下一盒$128。包裝都頗精美。

大家好～話說近來報了一個課程係尖沙咀(嘴)上堂，由於上堂時間係夜晚７點半至九點半，放工之後食左個素麵就動身去上堂，去既時候沿途經過了一間麵包店，門面望落去好有格調，雖然鋪頭細細但都幾搶眼，於是行左入去諗住買番個包做宵夜。其實，選擇都相當多，以大包為主打，我去既時間是７點多，已經有１００蚊４個包的優惠，但我人仔細細實在食唔晒，於是我就買左一個寫住＂ＮＥＷ＂既紫薯芝士竹炭包，單購３５蚊，其實都幾貴左，但包的賣相都幾吸引，所以都抵既，而且雖然係半個，但好夠，咬落去係鬆軟的包皮，全黑因為是竹炭，咁這個竹炭唔係燒個Ｄ而係食用竹炭，食用竹炭不僅能吸附體內垃圾，起到排毒作用，不過我食既時候唔多感受到芝士味，反而係好重ＣＲＥＡＭ咪，非常非常之ＣＲＥＡＭＹ，由於我唔多鍾意ＣＲＥＡＭ，下次會買其他硬包，但如果係好鍾意ＣＲＥＡＭ既朋友就會好鍾意囉，仲有可能我上堂聽書都累了，宵夜甜一甜，一覺到聽朝，都幾幸福呢～～～

曾經門口外面永遠有條長龍個個都為左流心芝士包瘋狂不過依家唔洗排隊就可以買到我食過兩次 不過感覺麻麻五層流心芝士包($25)其實只係三層 芝士餡梅花間竹咁搽喺麵包上面麵包鬆軟 表面蘸上奶粉 芝士餡幾幼滑 奶味重 偏甜個人還是比較喜歡偏鹹既芝士

自從麥上日光唔洗點排隊以後，得閒就會入去買個包當正餐又好，下午茶又好，真係好邪惡。之前出左抺茶味五層流心芝士包，當然第一時間試左。麵包係淺綠色，睇落似係蜜瓜包多啲。抺茶味唔太濃，偏甜。流心芝士既口感完全無被影響，一樣都係一啖一傾心。不過俾我選擇，我都係中意原味多啲。

第一次網上看到，就覺得麵包的外型好有神秘感。未到過奧地利，又不知道奧地利麵包係咩樣子，令人很好奇。之前路過幾次，每次只係眼金金望住。今次吃貨男友在旁，當然要買一個試下啦。奧地利五層流心芝士包$25起初覺得價錢不算太平，但原來好重手好大件！回家小心翼翼的分數次翻熱，怕太熱芝士會溶掉。麵包呈金黃色，外貌非常討好。內有三層忌廉芝士，有做開甜品就知道，忌廉芝士有微微的酸甜味，感覺清新。流心芝士厚厚的，非常幼滑，配上鬆軟的麵包，好滿足呀！兩個人分、岩岩好。比起坊間的芝士撻，麵包少了一份油膩感，而且更加大份抵食。

放假當然要去食好西，是日與男友慕名到訪這間奧地利麵包店。我本來就是一個極好麵包等烘焙食品之人，所以對它著名的流心芝士包充滿其待。記得它初開店時人潮滿滿，幸好現在已經不用排隊 聞說這個麵包很"溜"，所以我們二人只點了一個包共享。流心芝士包有柚子、綠茶等味道，但因為是第一次吃，所以點了原味。芝士包很大、很足料。麵包很鬆軟，芝士餡很滑，咬下去每一口都充滿芝士香和奶香。以分量及質量來計都對得起$28這價錢，只是這麼多的芝士真的會很"溜"，建議二人分享會較好！

差吾多2個月前買泥食既依個包又不錯喎 但食落就狼狽左啲囉!!新品-抹茶芝士包 $28 另有柚子芝士包 抹茶真係抵檔吾住 今日上堂前忍唔住去買左個泥同frd share 依個真心瘋狂 啲醬多到唧晒出泥 上堂食有啲呢hea 同frd分一半一搣啲醬兩邊擠出泥 包軟身啲醬偏酸 因為有芝士 一開始聞落去以為會好甜 有啲似日本抹茶零食味 但食落可能有芝士中和番 反而我幾鍾意依排出左紫薯好想試 其實佢啲口味都換得算快