影片
放工和男朋友来到大窝口买点东西，顺道吃个晚饭才回家，来到丽香园冰室。晚餐选择很多，以QR code下单。我们点了2个套餐外加2个小菜。先来的是咸蛋莲藕蒸肉饼和煎封黄花鱼配白饭。白饭成个小山咁高。肉饼的份量比想像中少，但味道不错，入口有咸蛋香亦唔系满口肥肉，好啱送饭。黄花鱼煎得香脆，有卖相又大大一条，骨不算多，但肉仍滑嫩。菜心炒牛肉味道很好，虽然菜心有点老，但可接受，牛肉嫩滑。菠萝咕噜肉的份量都不少，咕噜肉酸酸甜甜，炸得香口，肉不会全是炸粉。跟餐我们点了红豆冰和蛋白杏仁茶，也很足料，尤其红豆冰，大大粒红豆好饱满，男朋友很喜欢。我的杏仁茶也香浓。整体来说茶餐厅份量多，环境也算舒适，套餐也不贵，是方便之选。
继续阅读
今日入去大窝口揾朋友，晚上喺附近揾食，见到有间丽香园，地方又大又新，当然要入去试吓！主打怀旧港式食品，食物价钱便宜！朋友话好多时都会喺度叫两𩠌饭外卖，外卖八折平均$100已经有个丰富二人餐！港式经典又点少得西多士，炸得金黄香脆！劲滑海南鸡，黄油饭加上啖啖肉嘅海南鸡，师傅已经将啲肥油全部去晒，做法细心，加上特制甜豉油和姜蓉，非常醒胃！经典港式铁板牛扒配黑椒汁，厚切牛扒，在铁板上慢慢煎熟，再淋上香浓嘅黑椒汁，够晒经典！特别抵赞系薯菜，热辣辣嘅即炸薯条，系另外上，唔会放埋喺铁板度整到林晒👍怀旧红豆冰，夏日炎炎消暑一流！西柚菠萝冰，饮得又食得！喺入面选择虽然唔多，但系餐厅都冇交行货！
继续阅读
令我忍唔住第一次写食评！今日8号波，好多食肆都无开，求其拣左丽香园。门口餐牌见2人餐$155，都ok所以试下。嗌左霸王鸡（例牌）及XO酱虾球炒西兰花。刚落完餐我八挂睇单点餐牌，发现原来单点比套餐平，我就问楼面姐姐单点同套餐分量有冇唔同，佢话一样，咁我同佢讲可唔可以改返单点？佢话无问题。咁我即刻同经理讲我想改单点，佢都好快帮我改。点知改完后漏单，过左20分钟，眼见其他迟入的人都出晒餐，我就追单，再过10分钟度都未有，再追先出。味道霸王鸡淡而无味！XO酱虾球炒西兰花好咸，2个分量都少。成见事最唔合理系点解套餐比单点仲贵？老公话差几蚊无所谓，人哋明码实价，系你自己拣套餐！但在我角度唔系差几蚊既问题，系原则问题。套餐一直比人印象系优惠d,所以吸引人！我特登睇晒所有单点价钱同套餐内容，单点菜贵过$63以上（+$15包汤、白饭、热饮）套餐都无，即系成个套餐比单点贵$2-5蚊，就算拣套餐内最贵的2个𩠌，都系平$1！好大优惠🙄所以如果平时无留意餐牌，嗌套餐的客人，大部分都会贵$2-5！真系好唔合理，从未在其他餐厅见过有咁既情况。以后唔会再去，价钱唔合理、份量少、味道差！
继续阅读
口水鸡不错的下午茶成日见不少人来吃东西，今日就和家人2人来吃下午茶。干炒牛河，比心想细了点，炒得几香，入面是热的不太油，河粉都几滑，味道刚好不太咸。口水鸡饭的口水鸡味道都几辣几惹味，鸡肉几嫩滑但不太入味，白饭都有一碗都几饱肚，约$52再加饮品都正常。春卷咖哩角沙律以$23价钱都可以，不过2款炸物入面的材料真心比较少，比较好的是油炸完后不太油，沙律多点会更好，味道都不错。因为叫了三个餐，饮品都加码变成3杯，柠檬茶茶味偏少，柠檬有点苦一般。冻奶茶茶底偏弱不太甜都合格。另一杯热杏霜味道比较淡但都不错。
继续阅读
大窝口分店服务其差，晚上去帮衬嘅时候食物已经唔热，汤只系微温，都算，点知热奶茶上枱嘅时候，好明显系冲定放咗一段长嘅时间唔热嘅，称唔上系暖添，同侍应姐姐讲更换一杯热嘅俾我哋，经理叫侍应阿姐净系攞咗去微波炉叮热，仲话系我哋放得耐冻咗，我谂奶茶都系贵公司主打嘅食物之一，品质唔会控制咁差挂净系叮热俾客人？而且经理仲同我哋理论饮品系送嘅，请问贵公司嘅意思系指我哋冇俾钱食饭定系你哋所指嘅「送」系唔需要负责品质同质素？另外食物嘅数量都好参差，我哋叫嘅例牌砂礓鸡，肉份量仲少过一只鸡髀，俾晒啲下栏鸡皮我哋，同相片所展示嘅份量相差极远。今次嘅光顾对贵公司极度失望。
继续阅读