麗都總廚 (已結業)

昨晚來吃百日宴真是滋味無窮。每道菜都非常美味，上湯龍蝦伊面有3隻波士頓龍蝦，伊面索滿鮮甜龍蝦味，乳豬皮脆肉嫩黑松露蝦球新菜式正，生菜扒鮑片~鮑片大大塊口感一流，佛跳牆燉湯連乾3大碗，鮑魚仔大花菇美味鮑魚仔細細隻扒滿碟上。蒸魚剛剛好二個~鮮，滑，炸子雞皮脆肉滑，食咁多都已經9成跑，但係個金沙千層糕一上枱香氣四溢點可以唔食，最後櫻花蝦炒飯，鮑汁伊面都已經無乜位食，但係朋友話個炒飯好正，咁都食左成碗(好食)，好耐未試過飲宴菜餚咁good既。

今晚第一次在麗都讌客食晚飯，叫了6個小菜，六個小菜中有4個出乎意料地好，個“裡紅翠什錦鮮竹”~平凡食材配合起來卻帶出不平凡的味道; “銅盆荷香蒸雞”~隻雞蒸得好滑，有荷葉香味;“酥炸廣島蠔”~個炸䊢做得好，外脆內鮮;‘‘海蜇熏蹄’’~呢到好好味，好食過好多地方，另外個龍蝦伊麵同魚雲煲就不過不失，埋單都係7佰30蚊，抵食!我見隔離枱打邊爐啲材料都幾新鮮，打算下次試下先!

老友生曰,一班人聚舊也順便興祝,第一菜當然先食乳豬，好脆口,我只食了一口,因為怕肥,成晩最欣賞就係油盬奄仔蟹,好香口,充满蟹膏香味，咸味適中,無其他配料,原味帶出蟹的鮮、甘、香…重有一個菜就青芥末脆蝦球，微辛蝦肉彈…正必食推介帶子也不錯,很鮮味

行完荃新天地一期，肚餓就走來二期搵食。9點有宵夜時段，由$33起，都好多小菜選擇。我點左特價大班兩味丶叉燒拼素鵝丶魚香茄子脆豆腐。大班兩味$88一d都唔細碟，正常小菜size，味道都唔差，唔會太咸。叉燒素鵝的素鵝賣相就麻麻，但食落去係又脆又熱，叉燒唔太瘦，好食。魚香茄子做得野味，拌埋炸豆腐食，就中和了魚香的咸味，好好食。

由於係宵夜時段(9點至11點),所以無咩人去,我同我個FD去總廚到宵夜價黎講佢都係算平,108蚊免加一同茶芥一去到即刻寫湯底同材料,湯底叫左個少有既「醉雞湯底」,材料就都係普普通通但有雞子好多野都可以出去拎但衛生麻麻,D菜又唔多而且放得好亂出去拎完之後等左總共10分鐘個湯底都未出黎,即刻去「問」個經理點解咁耐都無佢即刻先去追追。食食下發覺點解個湯底咁油。頂,原本佢比我地D肥牛一塊有8成係肥膏2成肉咁都算啦,可以咁唔好彩啫,之後食食下撈到「牙籤」同「蝦殼」你可能發覺會覺得係自己問題啫,但係我地成個過程都無用過牙籤同都無蝦叫,點會有蝦殼出現之後仲要有蒼蠅係側邊周圍飛只有一個讚既係D飲品,有Mountain dew飲仲要最後我仲有40分鐘,佢同我講話最後落單,真係燥左

16-12-2012(日)是日放假，和友人一起去「麗都」飲下午茶。我們兩人共點了... 手拉米皇腸：大大碟，吃得出腸粉是手拉的，因夠滑，粉皮薄嫩爽口。 五柳炸雲吞：香脆，因是剛剛炸起，食落卜卜脆。使用鮮蝦來作餡料，配上酸甜的五柳醬汁，夠惹味，寧舍開胃，增強食慾。 豉汁蒸鳳爪：料汁很香、很可口，下面的小南瓜也很入味。 上海小籠包：比起一般上海店鋪做出來的是很不同，這個皮是比較厚身的。肉和湯的比例都正常，只是味道一般。 炸醬麵：太過乾身，加了湯也有很硬的感覺。 蒸芝麻糕：賣相不錯，但蒸出的水份很多，也吃不出芝麻味。失望！ 風味臘腸卷：味道 OK, 略嫌 size 比上次的細個。

1-12-2012已是一個多月前的星期六，趁假期，我約埋兩位朋友一起來「麗都總廚」飲下午茶。「麗都總廚」是我的假日飯堂之一，因為我住在荃灣，搭幾分鐘車便來到荃新天地二期，很方便！由於今天是星期六的關係，顧客較多，所以我們需在門外等位，約 15 分鐘。其實整體也不錯！抵食，食物又大大件。 個人較喜歡這裡的臘腸卷，臘腸肥瘦適中，皮鬆軟易入口，一試難忘！

30-1-2012 (Mon年初八)公司開市,同上年一樣,經過一輪拜神儀式,食燒味及遊戲後,12:45pm再出去食飯,但就快1:00pm peak hour,應該幾難搵位,於是打電話去麗都讌客book 1:30pm,但不受理.咁打o黎麗都總廚啦,點知兩個電話係一樣o既,即係唔使諗.o岩o岩男同事JW搭車返o緊公司,就截住佢,叫佢去麗都讌客搵定位,1:00pm左右,佢打返畀我o地話麗都總廚就o黎有位,我o地1:30pm出發喇.JW點o左啲o野食先.去到冇耐o野食到o黎,有:正常,冇乜問題o既有:1-3. 煎鯪魚餅,牛肉球,燒賣,4. 蝦餃原本諗住係正常o野,點知竟然食到有啲黑椒味,奇.5. 千層糕覺得唔係幾夠甜,不過都算鬆軟.6. 發財好市正常啦,除o左蠔豉外,重有豬脷生菜,但髮菜唔係好多.7. 花開富貴係蛋白西蘭花,不過都有草菇,亦都冇乜問題.我冇食o既有:8-10. 橫財就手,潮州粉粿,腐皮卷11. 後加o既大展鴻圖窩麵呢個原來係蟹黃湯伊麵,都幾大窩,伊麵幾滑,女同事MK讚夠味,12. 胡椒豬肚我食o左一件,軟硬適中,胡椒味唔係太重.服務:太少侍應,水又唔夠,不過佢o地仍幾好禮貌.而

天氣轉涼最好食火鍋。第一次去麗都食任食火鍋，希望係最後一次。食物種類不多，肥牛（90%肥，10%牛，白多過紅），鮮蝦（一d都唔新鮮），雲吞（𥚃面似魚蛋多過似雲吞，完全冇蝦），加湯唔係加上湯而係加清水。服務員十問九唔應。枱面倒瀉水，我哋叫侍應要布巾都冇人理。簡單講句，下次請我都唔嚟。

如不是想看的電影場次只剩下數間影院可選擇,也真是甚少機會來到這商場.看電影前先吃午飯看見一堆食肆的名字後還是決定飲茶吃點心.入到來出奇地人客不多,地方亦只屬小型格局.茶壺上的茶漬加上穿洞的檯布....釀尖椒----魚肉已黏不穩青椒幸沒有腥味,尖椒熟得已變軟身.從碟邊的油漬推斷看來已用萬年油翻煎了無限次.咸水角----外層微脆中層的質感軟糯,只是餡料調味略淡.炸雲吞----雲吞炸得鬆脆,不知何時開始很多酒樓的酸甜汁也是像水般的質感,這裡也不例外!碟上剩下的油可不是說笑.蝦餃----蝦餃皮做得不錯,不太厚身亦不會一夾即散.如果一口咬下去內裡的水份是鮮味的會叫這是汁,但咬下去沒甚味道的會叫這是水!這裡的屬於後者.山竹牛肉----帶點彈性肉的比例不錯.雞絲粉卷----粉紅色的餡料有點嚇人,但吃下去粉皮又不太厚而且算滑溜,除了雞絲質感較為鬆散外又並沒任何異樣.灌湯餃----友人的僻好!每次也幻想會吃到像鳳城的模樣.結果出來當然又是浸湯餃還加送蟹柳半條.馬拉糕----看照片也知薄薄的一層不會鬆軟得到哪裡去,吃起來也確是質感實實欠甜味,像一件發不起的糕點.擂沙湯丸----外皮咽韌餡料甜度適中芝麻味濃

食評不是集合各人的見解嗎?A食家覺得好味.全部人都要認同嗎??什麼是要幫間店平反..不過有時出街食飯的飲食經驗要講運氣的.幾出名的師傅也是人.也會有失手的時候...時運低時..就在食店失手的時候光顧..哈哈!!荃新天地3間酒樓.今次試第2間..環境的確不錯.枱與枱有一段距離.可以自成一角.而店的人客..只有6成滿...真係坐幾耐也可以....而且店員有笑容.加茶..落單效率不俗....燒肉近來做了一次深圳食店的食評..說自己平生末試過燒肉9成肥油...呢間店好少少,都有正宗的五層.不過肥肉仍然佔了7成...加上味道頗鹹.燕窩蛋橽皮唔夠脆...已經凍了..幸好蛋黃滑滑的..只是個人口味問題..我喜歡吃.脆口的蛋橽....肉丸海螺粥15.8元...好稀.幸好.海螺甜味.加了不少分數..肉丸分多於肉....蝦腸..精彩的..皮薄而不會穿..蝦肉爽而鮮甜,令今餐增添不少的色彩....埋單120..食物中規中矩..中等評價

好耐冇試過飲茶樣樣都新鮮好食啦~~~~蘿蔔酥是現做的~~外面酥裏面的蘿蔔絲熱騰騰~~超級好食~~~螺肉粥好鮮甜~布丁不甜~還OK豆腐香脆剛好~不會太老~裏面的叉燒不會太肥或者太瘦~餐包也很好吃!!!沒有放很多醬油就很夠味!!!!店面是很小沒錯~不過食物真的讓人很滿意!!!服務員沒空倒水自己去倒也不會有什麼怨言~因為食物好吃嘛~~飲茶如果難食, 又冇人添滾水...真係會爆粗!!!

一個平淡既材料及菜式,如果能用心去炒,也能變成一個美食就好似這個(銀芽韭菜花炒豬面青)為例外表平平無奇,但味道....真係唔錯炒得食有獲氣,而銀芽及韭菜花很爽口,食落去還保持到蔬菜的原味豬面青唔太淋又唔硬,口感適中