影片
更多
2013-06-12
963 浏览
今日完食下午茶，就打算去ｓｈｏｏｐｉｎｇ啦～之後街到有人派傅單喎，一睇先知道係賣曲奇既！上面寫住係＂自家手造＂，其實不嬲我對＂自家野＂都有興趣嫁啦，所以同我老友一齊去睇下！＊環境方面：間野雖然係利舞台附近，但因為佢唔係係大街，真係要比ｄ耐性先搵到呀！一入去覺得好溫馨，有輕鬆音樂，中間有張大台，上面放左唔同款既餅。＊服務方面：店主好殷勤咁叫我試食，亦好有耐性講解，我當然趁機會試了很多款曲奇，佢話ｄ餅係全人手製，亦冇加化學野入去！因為佢地認為食品最重要既係健康，聽起來好似唔錯咁！＊食物方面：（１）腰果酥餅。佢地最出名既係腰果酥餅，係我印象中，酥餅好似係ｄ＂老餅食品＂，所以唔抱太大既期望，但店主叫我試下，咁我就試下啦～點知原來腰果真係好香，可能係人手做既關係，個酥餅好鬆化而且細細粒，一啖就食哂，唔洗怕跌到成屋都係！而且最重要係佢地用栗米油做嫁，真係岩哂我啦～（２）燕麥紅莓曲奇。一聽個名就知道健康，又係細細粒咁，口感唔錯！我就覺得唔夠甜味啦～不過店主話因為冇加糖既關係，而甜味都係來自紅莓。呢個時候我二話不說咁買左一盒，因為我終於搵到老豆食得既曲奇，我老豆有糖尿病嫁！我老豆試左之後仲叫我買多ｄ呀
＊環境方面：間野雖然係利舞台附近，但因為佢唔係係大街，真係要比ｄ耐性先搵到呀！一入去覺得好溫馨，有輕鬆音樂，中間有張大台，上面放左唔同款既餅。
＊服務方面：店主好殷勤咁叫我試食，亦好有耐性講解，我當然趁機會試了很多款曲奇，佢話ｄ餅係全人手製，亦冇加化學野入去！因為佢地認為食品最重要既係健康，聽起來好似唔錯咁！
＊食物方面：
（１）腰果酥餅。
佢地最出名既係腰果酥餅，係我印象中，酥餅好似係ｄ＂老餅食品＂，所以唔抱太大既期望，但店主叫我試下，咁我就試下啦～點知原來腰果真係好香，可能係人手做既關係，個酥餅好鬆化而且細細粒，一啖就食哂，唔洗怕跌到成屋都係！而且最重要係佢地用栗米油做嫁，真係岩哂我啦～
（２）燕麥紅莓曲奇。
一聽個名就知道健康，又係細細粒咁，口感唔錯！我就覺得唔夠甜味啦～不過店主話因為冇加糖既關係，而甜味都係來自紅莓。呢個時候我二話不說咁買左一盒，因為我終於搵到老豆食得既曲奇，我老豆有糖尿病嫁！我老豆試左之後仲叫我買多ｄ呀！
（３）情信餅。
最初我都唔知係咩黎，原來係好似蛋卷咁既野！不過佢唔單止有蛋味，仲有一陣椰子味，口感就脆脆地，原來因為呢間酥餅店既創辦人＂麗姐＂成日去唔同地方學造餅，而呢個情信餅就係佢係馬來西亞度學既！咁怪唔之得咁有椰子香啦～～
（４）玉米片腰果曲奇
真係冇諗過玉米片都可以做曲奇，我朋友立即話想試！口感都係好鬆化，試完之後佢買左三盒，話要送比佢美國既朋友仔試下！
＊包裝方面：可能因為冇加化學品，所以包裝好仔細，而且有一個銀色既鐵罐裝住，成個感覺立即高級左！
＊另外：埋單既時候，見到有涼茶賣，我同朋友ｓｈｏｏｐｉｎｇ都好累啦！決定一人買一支！
题外话/补充资料：
明白而家小店好難做得落，但係佢地依舊堅持住＂自家手造＂，希望大家可以支持下！
(以上食记乃用户个人意见 , 并不代表OpenRice之观点。)
张贴
