雞爺海南雞

印象中香港仔好似只有一间海南鸡专门店，今日就试下呢间鸡爷海南鸡，知道佢下午茶平少少特登下午茶嚟，平咗十蚊鸡一个饭，好，二话不说就食个招牌海南鸡饭，下午茶可以加12蚊加多个小食，整多个泰式凤凰鸡丸，例牌冻奶茶走甜，海南鸡饭嘅份量都算ok，黄油饭都系有水准，而核心嘅甜酸酱都做得非常唔错，一啲碟头青瓜蕃茄都比足，鸡皮系少少弹牙嘅，算系做足本分，鸡肉都几滑，以一间专门做海南鸡饭嘅餐厅嚟讲，系合格嘅，小食就普通啦，普通嘅炸物，冻奶茶老实讲就同出面茶餐厅畀差少少，不过应该饮啲特色饮品嘅，个人喜好冻奶茶啫，如果有机会经过香港仔都系一个唔错嘅海南鸡选择…查看更多

喺香港仔返工返咗差唔多成年时间,早餐来 来去去都系茶记,老麦,再唔系去饮下茶叹 一盅两件,真系食到呕知食乜嘢好!今日泊底架车行落旧街果边见到鸡爷有有个 职员喺门口拉客话有早餐,望下个餐牌见到 又价钱ok就入去试下!其实鸡爷我都唔系第一次食，之前食过几次下午茶都觉得胜价比高，味道算中上，今次佢个早餐真系诚意十足，一碗泰粉+1个𩠌同多士+冻饮都系$38，真系抵过茶记同老麦，我今次叫猪颈肉金边粉+太阳蛋，鸡蛋煎得靓有脆边，厚多士够热够松脆有牛油香，猪颈肉烧得好香，汤底我觉得冇下午茶时间咁咸我中意，奶茶我觉得好饮过附近𠮶啲荷X活同金X！最重要本身今日冇谂住写食评，但店员讲开原来早餐啱啱先开始做几日，而家生意好难做唯有变通下，所以希望我写既真实食评帮到小店生意可以继续生存！…查看更多

心思思去咗香港仔嘅鸡爷，试咗佢哋嘅海南鸡饭，外卖自取。包装算唔错，饭、鸡、酱料分开装，唔会一摊就烂晒。打开盒一刻闻到阵阵香味，白饭粒粒分明，唔会湿到一pat。鸡肉方面，斩件厚薄适中，肉质嫩滑，皮下有啲鸡油香，但唔会觉得腻。重点系冇雪味，证明用料新鲜。酱料有泰式酸辣酱同甜豉油，两样都系自家制，唔系用现成樽装𠮶啲，值得加分。另外服务态度一流，尤其系短头发嘅女士，清晰介绍本店招牌海南鸡饭，贴心询问客人需要。份量嚟讲，一个人食啱啱好，如果系大食啲可以加多饭。价钱方面，性价比ok，唔算平，但以质素嚟讲接受到。唯一要挑剔嘅系，外卖盒用胶盒，焗住啲饭有少少焗气，如果用通风啲嘅包装会更好。…查看更多

心血来潮，来到香港仔食午饭，叫左一个海南鸡面，一个海南鸡饭，鸡好食，油饭好香，但服务上有待改进，有一位上左年纪的头发女士，同我们落单时，我地已经觉得佢唔耐烦，问多佢几条问题，佢都好似唔系好想答咁，今时今日既服务态度，为何可以这样，虽然佢带左口罩，但见到佢已不喜悦的眼神，其实做服务性行业，都明白佢地辛苦之处，之后佢拎碗面埋来时，啲汤不小心跌左落我条裤度，佢见到就咁走开，但有一位四眼男仔，佢好快速见到，即使那张纸巾俾我，同我讲唔好意思，为何一名服务员，不小心整到我，没有讲对不起之余，仲要其他同事帮手处理，我觉得真系好好笑，但无论如何，食物系好好食，但这名女士真系要好好处理自己的工作态度，如果唔系，老板真系多得佢唔少😂😂帮手赶走哂啲客…查看更多

行过，路过，唔好错过心谂唔知食乜好，咁啱行过见到个价钱，都有D考虑，会唔会好细份？抱住试下无坏嘅心态，点知就中招估唔到咁好味，海南鸡起哂骨，啖啖肉又够滑油饭够干身，食落有少少椰香味，猪颈肉亦烤得香口，加配$12木瓜沙律够脆口，唯独捞檬唔够冻，有少少暖影响左口感！$18无骨鳯爪够入味，一饭一檬，两小食两饮品，加埋都无$142，性价比超高，下次去要试下青咖喱同冬阴公粉，睇到隔离枱食，睇落都唔错，以后喺香港仔又多一个饭堂…查看更多