鵞鱻馆外国朋友远道而来，作为东道主嘅我当然热烈欢迎啦，朋友仔话想食啲好香港地道特色嘅嘢食，醒起荷里活呢间小菜馆（个名唔系好识读，求指教）水准好高，一于嚟带佢食餐好西，尽显香港人嘅好客之道😍两人精选全包宴（$416）呢个价钱包咗加一、茶芥、前菜，有鲍鱼有烧鹅有虾，非常超值，仲要每一道𩠌都非常美味，外国朋友仔食到舐舐脷，仲话香港果然喺美食天堂，好羡慕我哋可以日日食好西㖞😆🍗 烧鹅皇拼盘（烧鹅两件、熏蹄、青瓜、海蜇）烧鹅有两件，油香膏甘，不过呢两件都唔系多肉嘅部位，都明嘅，真系食烧鹅就起码叫个例牌，一人一件开心下就算~熏蹄、青瓜、海蜇都入味🐟 桃胶海皇羹原盅上！好热！食到外国朋友大叫好好味！呢个佢话系成餐饭最钟意！桃胶干净，材料有蛋花、带子粒、虾粒，海鲜咸香丰富，稀稠适中，滋补可口🫙 椒盐鲜鲍鱼鲍鱼已经切好离壳，好方便食，椒盐惹味，肉质软腍，小小辣味更加调起鲍鱼鲜活嘅甜味重点系，同朋友食饭有只鲍鱼叹，成件事认真威😎🍤 百里香炒虾球百里香令到件事好西式😆材料仲有荷兰豆、杂菇、三色椒，虾球有四大粒，去肠干净，爽脆鲜甜🥬 上汤浸时蔬今日嘅系蒜头生菜，正正常常一碟菜，饮食均匀🤟🏻🍚 樱花虾炒饭樱花虾落得好多！超级香！食起嚟仲系脆脆！一睇就知道炒饭炒得靓，够干身又粒粒分明，菜心粒同樱花虾令到个炒饭口感好丰富，朋友话已经食到好饱都忍唔住要啪哂成碗！🧊 特式清热冰粉黑糖口味，话哂成餐饭都食唔少热气野，食返碗凉透心冰粉，balance哂~🤸🏻♀️🥠 精美靓糕点今晚系黑糖糕！浓郁嘅黑糖香气与绵密嘅口感完美结合，食落几清，唔会太甜，口感软糯，令我谂起有丁点似白糖糕作为一个埋尾甜品非常完美👍🏻食完我地都坐好耐倾计聚旧，店员姐姐无催无赶，仲叫我地慢慢坐同行朋友话呢一餐无论环境定系味道都好满足到佢对「香港」嘅想像，可能真系「只缘身在此山中」啦，作为香港人对好多日常都习以为常，无谂过呢啲咁随处可见嘅风景对其他人系咁有香港味，食完呢一餐饭我又有一番新嘅体会啦…查看更多
