影片
有朋友从外国回来，想试下香港的火锅，睇网上介绍呢间鹅肠大哥，不防一试，店舖又容易揾，虽然不算好大间，但坐得都算舒服，火锅材料都几新鲜，有我朋友最钟意食嘅新鲜鹅肠， 汤底好浓，叫咗几款火锅配料，都已经好饱喇，最值得推介就系原只大虾云吞 ， 食一粒已经觉得好滞😆😆，呢间火锅可以下次再帮衬
继续阅读
好耐无陪过妈妈同大姨妈食饭😅，突然间有空档，于是半夜三更上openrice订位，其间见到佢有优惠「订座及以$68享养生姬松茸虫草花花胶炖鸡煲（原价$268）」，唔使谂，就订咗位。当晚，我地准时上到去攞位，起初，老板揾唔到我经openrice订位嘅纪录，于是我show埋email俾佢睇，但睇佢表情，应该都系无record嘅，但老板照样安排咗张枱俾我😊坐低咗之后，老板问我地，个鸡煲上得未，同时介绍一下，当晚有咩特别推介。佢话扇贝唔错，$40一只，蒜蓉粉丝蒸，我地于是叫咗两只。无几耐，鸡煲来了，打开盖果刻，闻到好浓好香嘅鸡汤味，老板好nice咁提我地，饮咗汤先，饮完再叫佢加汤打边炉，仲打算帮我地舀埋汤添，不过，呢刻，两位「小朋友」出手，话自己嚟，仲同老板讲：「你忙呀～ 我地自己嚟，你去招呼其他人啦～」（哎⋯⋯ 🤦🏻♀️）呢个鸡煲，睇得出同饮得出佢好足料，我眼见个煲里面有两只鸡脚、两只大鸡脾、两边鸡壳、几旧花胶（我觉得都几大旧，但每个人standard都唔同，可以睇相）、姬松茸十几旧、虫草花、杞子（唔细粒㗎！）、龙眼⋯⋯ 我自己觉得个汤好好饮，饮咗三碗，饮完都唔觉得口渴（好多时，出街食饭饮汤，饮完，果阵味精味令你有口渴嘅感觉，但呢个无），大姨妈呢，就食埋只鸡脾，一路食，一路嗌：「嗯！只鸡好新鲜，尐肉好嫩啵！几好！」（仲即刻影张相俾佢弟妇睇，佢弟妇仲以为佢自己响屋企煲紧汤）饮汤饮到咁上下，老板见个煲得番一半汤，好心走埋嚟，使唔使加汤打边炉，我妈竟然即刻答人地：「唔使住，一阵先，饮多两碗汤先，唔该！」睇嚟，我家妈妈好喜欢饮呢个汤。☺️好啦！煲汤终于见底啦，我叫伙计过嚟加汤，顺便请佢帮我将我先前叫咗嘅嘢，开始送上嚟。呢个时候，两只蒸扇贝送上嚟，咁就趁热食咗先啦～ 只扇贝好大只，时间蒸得啱啱好，唔老，好新鲜，好好味。食完只扇贝，就开始打边炉。手打虾丸同水饺都好食。我本身打边炉系唔食丸类同饺类嘅（因为马马地好食），但今晚情况唔同，我大姨妈唔知我唔食虾丸同水饺，舀咗俾我，我唔好意思唔食，好彩食落又几好食。手打虾丸好弹牙，同埋有虾味（白勺虾果种味道），我家妈妈对这个赞不绝口。而水饺呢，里面有好多虾，令我觉得自己食紧有水饺味嘅云吞。🤪剩低嘅，就得番蔬菜类，我叫咗芫茜、唐蒿同油麦菜，三款菜都好新鲜。期间，发生了一段小插曲，个伙计送篮唐蒿嚟嘅时候，因为篮菜好满，所以跌咗两棵落地，个伙计放低篮唐蒿之后，就弯低身执番果两棵菜入厨房。我大姨妈就问：「点解佢唔俾番果两棵菜我嘅？」我就话：「果两棵菜跌咗落地，整污糟咗，要攞番入厨房洗番干净呀～」我谂住件事就咁就完啦～ 点知，佢响老板行埋嚟问尐野好唔好食嘅时候，即刻同老板讲，头先送篮菜嚟嘅时候，跌咗两棵落地下，无俾番佢。（🤦🏻♀️🤦🏻♀️🤦🏻♀️）我谂都唔谂就同我大姨妈讲：「两棵菜姐⋯ 唔紧要啦～」老板好好人，又理佢啵～ 「哦～ 得得得～ 无问题！我去攞番俾你呀吓，姨妈」即刻入厨房攞咗两棵唐蒿俾佢。（真系⋯⋯ 老板又好好人肯睬佢🙈）（临场加送老板亲自整嘅顺德捞鱼皮，话多谢捧场，一直问：「好多谢你地捧场！你想食咩？我请你食。」一直答唔使唔使，因为我都系讲事实，佢嘅食材真系新鲜，又好味，但到最后老板都系送咗碟鱼皮嚟。虽然好饱，但又唔好意思唔食，于是同妈妈两个夹手夹脚食咗佢。其实个捞鱼皮好好食，新鲜生鱼皮，加葱丝姜丝，同埋尐汁，唔太浓味又爽口，响我饱到上喉咙嘅状况下食，我都觉得佢好食，老板有问我个鱼皮点，我照实相告，下次我再嚟食，我一定会饮汤果阵食😆）
继续阅读
<好耐冇食过鹅煲 好味>🍴鹅煲 洋葱 葱花 蒜头 好多材料整成既鹅煲 staff将鹅煲上枱 加上新鲜鹅肠 放埋落去一齐炒😍煲一阵之后就食得 鹅肠劲新鲜爽口 好味 😍 肥膏够鹅油香 然后再食佢既鹅肉 燘得好淋 劲入味 甜咸度适中 好值得试😍🍴虾饼🦐虾饼同平时既炸虾饼唔同 除左虾肉弹牙外 外皮面够香脆 中间仲有 d笋 同萝卜丝增加爽口度 个 balance做得几好 😍 点埋甜酸酱更正😃🍴蚬蚧鲮鱼球 🐟出面个皮好脆 虽然唔算好大粒 但一咬开入面热辣辣鱼4未够 点埋咸香味重既蚬蚧 十分出色😃#鹅煲 #鲮鱼球 #虾饼 Score 平均分 <7.5/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻Value for $ 性价比：👍🏻👍🏻👍🏻Service 服务：👍🏻👍🏻👍🏻~~~~~~~~~~~~~#鹅大哥鹅煲专家 旺角弥敦道584 号旺角新城17 楼~~~~~~~~~~~~
继续阅读
一去到 虽然在openrice订左位 但都要坐门口位置 因为入面都系大枱 或者比熟客订左位 呢点可以做好啲之外 都几满意 我们单点 食花胶鸡煲 要先饮汤再食火锅 很足料 很好饮 我们三个人每人饮了三碗先食火锅 单点火锅料都好大份 好满足 服务亦好好 好似海底捞一样
继续阅读
星期日至四既任饮任食真系抵到烂，之前已经试左佢地晚鹅煲，正！咁岩见到有任食。决定星期日就去试下，全包168， 鸡汤足料好味！自制丸同饺超正！强推云吞，同一定下次再黎！
继续阅读