影片
以上资料只供参考，请与餐厅确认详情
第一次去太和食佢。我本身早餐无论去边都食麦皮，大多系无糖。。我今次就系度叫左牛奶早餐麦皮餐，原本如果甜都唔紧要但但佢真系真系甜到飞起，唔似牛奶，似炼奶，从未食过咁难食的麦皮，真心甜到呕。无糖尿病都食到会有的感。。呢个餐配牛治，原本无乜嘢但牛油落太多，斋啡又唔系好饮。整个早餐真心好难食，我从未写过差评比一个餐厅。但佢呢啲咁简单的早餐都超级无敌难食真系史上绝无仅有。我无谂过麦皮可以做到咁难食所以无影相，
继续阅读
呢度嘅早餐选择多，价钱亦相当抵食，所以都唔少人帮衬。今日试咗个鲜牛肉通粉，餐牌写明用街市新鲜牛肉，味道的确鲜甜，杯奶茶味道亦十分地道，比例啱啱好；素食人士亦可以拣罗宋汤通粉，$38价钱相当合理👍🏻
继续阅读
我带住小朋友，一名老店员叫我哋坐一边卡位，而我由于拎住自己手袋，小朋友书包，同一大袋小朋友餐用具，尿片各样野，比店员叫我将全部野放埋一边，另一边要比人坐。疫情期间搭枱其实要问清楚人地愿唔愿意，而当时餐厅唔系坐满，如果满坐，我一定会快啲食完走，而老女店员系都要我哋同另一男人搭枱，我开声问佢‘点解唔可以叫先生坐另一张2 人枱？’ 佢答我：’你两个人叫一份餐，坐四人枱，我仲洗做生意？‘，而我已经话‘我好快食完即刻走！’佢仍然不停地话我，意思系阻住佢做生意，我即刻拎外卖盒打包野食走，感觉很委屈，前后入餐厅都系20分钟，而在场都有食客閙同一个老女店员，‘次次人哋未食完，问都唔问就收咗我碟野！’相信呢位店员一直都极差态度。真系比钱贴难受！
继续阅读
同女朋友去睇早场之前在太和食个早餐先，因为我想食五香肉丁面而唔系度度都有，所以拣咗鸿运。个餐$34，除咗五香肉丁仲有菜心，所以几健康既有啲蔬菜食下。成个面都好香👍🏻我仲有餐肉煎蛋，所以系几抵女朋友就食西冷牛扒，佢话肉质几嫩，容易切开咬开，系几好味既，火腿奄列只蛋劲滑，牛油多士都OK，个餐最抵系送一大杯奶茶环境系一般啲，但食物质素不错
继续阅读
工作中先食早餐，去到呢区，揾到呢间门口可以泊车，普通茶餐厅格局，枱面黏黏的，早餐都系平时茶餐厅早餐，店员爽手落单！雪菜肉丝米粉（$29）雪菜有渣，味道偏咸，肉丝嚡，一般，米粉粗嚡！汤底咸香，虽然味精，不过几好味！整体唔好味！餐肉煎蛋多士：餐肉几粉，味道咸香，煎蛋唔金黄，无乜味！多士香脆正常！热柠茶：茶底好涩，落糖都无助！难饮！食物好一般，对于日日食茶记早餐嘅我，几差！店员勤快爽手！茶餐厅早餐，大路食物无乜惊喜做得差！
继续阅读
您可能会有兴趣的...