鴻苑魚蛋粉麵茶餐廳

营业中

休息中

之前路過呢度想吃呢間嘢，之前點嘅炒河粉好好吃，仲有配啲紫菜肉丸湯尋晚路過想買炒河粉吃，前台收銀老太太同我講手左了叫我下次早點來，話有牛腩湯河問我要不要，結果超級難吃！！牛腩一股腥味！只有牛腩同青菜，同埋青菜係硬嘅！無菜葉！如果係咁樣地話你賣得咁難吃，你不如無賣比客人係咪？同埋我用錢買就係要買咁難吃地嘢嗎？？今晚我早點去左要買炒牛河，前台老太太問我要咩炒牛河，你地舖頭只有一種炒牛河仲有咩炒牛河？總之仲好小聲唔知講左野咩，我懷疑要改我吃地嘢，接著我等左一陣之後拿返屋企吃，打開發現呢個就係炒河粉？你確定唔係撈河？仲要收我49⋯同我之前吃嘅完全唔一樣，總之踩雷兩次唔會再吃你地呢間，食記咁多差評唔係無道理，自行體會多謝！看似一間餐廳好多野吃，實則一間連預製菜都不如，你地要吃嘢不如去對面吃，看在上次那個廚師炒得好吃才會再來你地呢間，如果尋晚確實唔好吃，現在好吃我都不會講乜嘢，成功勸退我，我好少寫差評，但係呢間真係唔得，做嘅嘢好難吃好敷衍好隨便！！

同老公收工唔知食咩好，想食得清淡啲，就嚟咗鴻苑食牛腩。老公係食肉獸，嗌咗個咖喱雜扒飯。呢碟咖喱雜扒飯有雞扒同埋豬扒，咖喱唔算太鹹，雞扒煎得比較出色，雞皮煎得脆口，豬扒就比較肥。平時都係出街食，好少食到菜，所以加咗啲生菜走蠔油，生菜煮得比較腍，唔爽口，建議下次唔使煮咁耐，不過食得出生菜都好新鮮，值得一讚。嚟到呢度梗係要食牛腩，我叫咗個牛肚牛腩米粉，想講呢度嘅牛腩真係好正，雖然冇崩沙腩，但本身嘅牛腩已經由崩沙腩嘅質地，但米粉浸得唔夠耐，下次可能會轉河粉會好啲。

「鴻苑」位於石蔭路金碌樓地舖（北葵涌街市附近）， 堂食或外賣都方便既，揸車嘅就推薦泊對出街錶， 搵唔到位嘅索性叫外賣！呢間港式粉麵啲肥腩堅好食， 識食嘅記得加腩汁叫多蔥改伊麵底！ 今次午市嗌咗 👇肥腩伊麵『 夠香夠味，伊麵底同湯底都得，推介👍』揸車出入：👍👍帶小朋友：👍食物質素：👍👍👍👍👍環境舒適：👍CP值...😋：👍👍👍👍👍彩蛋：葵涌區必食粉麵🫰 值得一試再試， 唯一缺點係同大部分香港餐廳一樣弊病， 質素未能每次都保持一樣水準！

Lunch突然好想食潮州蠔仔粥行哂成個葵涌都無咩潮州菜館•咁岩經過葵涌街市街發現有間潮洲牛腩粉麵店竟然有賣潮洲蠔仔粥仲可以選擇加唔加方魚老板娘話加左方魚會鮮甜d最後叫左碗潮州蠔仔粥加方魚$52唔算貴 · 價錢中規中矩打開有好多豬肉肥膏碎浮面但粥底望落清徹試一試蠔仔先蠔仔量算少不過每隻都脹卜卜食落幾新鮮而冬菇同方魚既量都好多但食落一樣都偏咸左少少個蠔仔粥愈食愈咸無左蠔仔粥應有既鮮甜味唯獨要讚係粥底既米飯唔會淋pet pet咬落仲有少少米飯既口感。整體而言蠔仔粥唔似蠔仔粥似一碗好咸既肉碎冬菇粥而且食完會好口渴唔知係咪太咸既關係

又要午餐時間，限聚令下只有2人一枱，同同事撐腳枱，聽講葵涌多野食，今次初嚐葵涌的鴻苑！門面都係街市後嗰條街，易搵！舖冇咩特別，同出面一般魚蛋檔無咩分別。入門時見服務員好勤力係度抺地抺枱，感覺好乾淨企理。Menu魚蛋粉麵的經典餐牌，仲有早餐，下午茶餐，價錢不貴，2人各叫了一碗雙併河粉，一杯凍飲，再加碟油菜，埋單100蚊有找！值吖食物雖然價錢親民，但味道都好經典，唔係特別好食...不過勝在呢度啲姐姐非常好人情味，服務態度好好，同事點了牛腩河粉，但有多款內臟唔食，姐姐好細心好好將點菜紙寫完一次又一次，絕不嫌煩！到食物送上時我準備落辣油，姐姐亦好心提醒唔好落太多，因為真係好辣！味道未必滿分，但人情味絕對高分！

今晚收工夜咗，屋企又冇煮飯，又唔想食得太 heavy，所以快手食碗麵囉⋯⋯呢間都係街坊麵店，都食咗好多年架啦⋯⋯呢到最出色既，主打牛腩麵/河/米線啦⋯⋯當然亦有魚旦，牛什，墨丸，貢丸之類啦⋯⋯但牛腩係相對抵食既。又要炆，又要切，成本又貴；魚旦現成入貨，洗，煮，上枱，都係得幾粒。但有陣時，啲牛腩係肥咗幾多既，但你叫佢俾瘦腩咩，又真係冇肥糕既......但又太瘦，變得嚡十十。你叫佢半肥瘦咩，佢好抵死架，幾塊係肥，幾塊係瘦囉⋯⋯死未，哈哈。我都明白，真係唔通搵齊唔肥唔瘦俾你咩！但食牛腩，最重要既，係⋯⋯豉油加辣椒油，呢到既辣椒油係自制既，可以一樽樽咁買架，佢唔係走辣死人既方向，而係少少辣，但有辣椒香，配上牛腩，絕呀⋯⋯！呢區近幾年開咗幾間酒店，夜晚就間唔時有内地遊客搵食，我見都會幫襯一下。是關呢處消費唔貴，又合亞洲人口味，有陣時，我仲會聽到韓國人傾計，日本人傾計架。總結而言，係唔差之選

覓 覓 \_凸_/餐廳定位： 白領，遊客， 學生，高端人口，情侶，街坊，長者，毒人如我賣點：價錢，地道正宗，地域優勢價錢：大眾化食用方式：只限外賣，堂食Wifi: 無上菜速度：快奉送：茶水，餐具，調味料裝修：港式佬味茶餐廳燈光：柔和噪音：一般，可以接受溫度：適中服務質素：服務員充足，勞累，敏捷，貼心。點菜:菜式：米線很軟彈牙感適中過敏原：花生，麵筋，蔥，洋蔥，海鮮優惠：學生午餐小秘密：今日終於和阿媽一起食牛腩米，小秘密，湯底是魚骨和豬骨做的湯不夠可以自己再叫謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

今天叫了水餃米線，減肥哈哈😄湯底真材實料，不過和周邊的魚蛋米線檔比起來價格略貴，2019年的石蔭食物價格最便宜的在22元起，有兩間，不過裝修一般般，比較難找，遲些upload上來比大家看。沒有wifi, 有冷氣，電視，環境比較窄不過早上人很多，晚上吃宵夜最好，人少。桌上附有調味料，有茶水，黑筷子，都算乾淨其實就是水。服務很親民，畢竟做街坊生意，以前讀書經常在這裡吃。這裡的牛腩面很好吃，唔要蔥的要記得同佢講，長期食客來，不過脂肪比較多。

記得之前食過呢間 但唔記得佢質素 應該普普通通😐 但今次再食就食番個食評提醒自己唔好再黎😥呢到下午茶餐只係牛腩米都要三十幾蚊💸 隔離茶餐廳都係廿八蚊一個餐 仲要伙計態度麻麻地 要同人搭枱 個餐既野飲要加錢💰牛腩唔好味🐮有啲硬湯底無特別好似連腩汁都無咁 見到隔離枱食咖哩牛腩飯好似幾吸引 但始終牛腩都係唔夠林 又貴 以後都係食茶餐廳算😭😭😭 餐飲叫左咖啡 無咩咖啡味 唯一讚既係呢到辣椒油夠香同辣 靠佢加番小小分😆😆

住係附近嘅關係，耐不耐會幫襯，不過其實上次已發生過有點嘔心嘅經歷，已經差不多一年無再來食，上次我食牛筋米，食食吓先發覺d牛筋好多細細短短嘅毛，睇得出應該係牛本身嘅毛，處理得唔好，唔知係無洗過就煮定係點，總之就好嘔心，即時無晒胃口 放低筷子出去埋單走，收錢嘅就係老闆，我同佢講：你今日d牛筋好恐怖好多毛痴住，不過佢好似見怪不怪，無乜反應，我自從果次有陰影，所以好耐都唔敢幫襯，今晚唔想食飯，想食粉，就去食啦，最多唔食牛筋啫⋯⋯ 食牛肚河應該唔會出事卦，今次牛肚正常，無問題，只係用餐過程有點唔高興，街坊生意唔期望會好好招呼，食食吓有幾個人坐咗我隔離，然後伙記要求我坐去隔離檯，咁我同佢講我坐另一邊可以嗎？佢無理我，直接將我碗粉攞咗去佢要求我坐過去果個位，我一肚氣，覺得好委屈咁過咗去，然後已經唔想再食喇，放低筷子比錢走人，我真係受夠喇，我食野要求好低，只係眼見嘅唔好污穢囉，已經是抱著搏一搏嘅心態再去食，但竟然會受伙記嘅氣，真是夠了，更好食都唔會再有下一次！

街坊生意，所有食物都好足料，又夠新鮮，推介魚皮，冇油益味油好新鮮！牛腩夠淋又入味！好有人情味！服務態度十分良好，出單快，一句講哂，成日食，唔食唔安落。牛腩飯係崩沙腩！

是咁的，我叫左一個牛腩咖哩飯(奉送羅宋湯)，一杯凍檸茶。個湯又咸又宿，毫無新鮮可言，好似煲左好耐咁，我諗呢煲湯應該煲左兩三日或以上。咖喱牛腩飯，d咖哩好咸，牛腩 好銀好硬，好大舊好肥膩。一黎d野難食，二黎價錢上面覺得俾佢蝦既感覺，因為我個飯係連埋個湯既，你無話吾要都一定有既，咁我要喇，之後我就以呢個套餐野飲+？蚊，就叫左個凍檸茶，但我見張單個野似係正價，我就問佢點解喇，佢話我叫左個湯喎，我就同佢講道理喇，講講講....個師奶係死拗番生果隻，有種無耐又激氣既感覺，由細到大都未遇過呢種事情，幾錢吾緊要(I dont care)我吾係一d會為咁少錢去嘮氣既人，好多時去一d中檔或高檔野食要收茶錢同埋加一服務費，我完全接受到既，有時會覺我物有所值既，你清清楚楚喺餐牌上寫既野我ok既，但你吾好白紙黑字寫喺度既你都要玩語言偽術囉。唉…總括而言d野食好底水準，服務員態度有d好有壞喇，吾講喇總之以後或無以後吾會再入呢間。

呢間潮式粉麵茶餐廳係我LUNCH常去之一，我覺得呢度啲牛什唔錯，特別係呢度啲牛什飯加啲潮州辣椒油，牛什有牛腸、牛膀、牛肺同牛肚，全部都炆得好軟腍又入味。午餐三十幾蚊仲有碗幾多紫菜的紫菜湯，都幾抵~

接完老豆出院,返到院舍樓下都兩点幾lu,又係時候歎番個下午茶嘞我哋叫咗..... 魚旦面~~魚旦爽口彈牙唔知係咪自家制嘅呢?面又食唔到鹼水味喎 芥蘭~~老豆話好硬,所以食唔度,唯有我食埋....以前食芥蘭会覺得苦,仲要係苦過苦瓜,廿四味,出奇地今次唔苦喎但啲蚝油超咸呢...... 蚝仔肉碎粥~~粥裡面啲飯一嚿嚿,要我用匙羹整散佢,咬落好似生米咁蚝仔無腥味(可能係佢哋落咗好多薑絲呱)而啲蚝仔就真係好小朋友囉.... 老豆講得冇錯,魚旦真係唔錯!果然係"家有一老,如有一寶!"起碼揾食都叻啲啦!

上星期仲病緊夜晚冇煮飯同男朋友搵D清淡D既野食因為佢唔中意食粥所以黎食魚旦粉其實呢間差唔多成年冇幫襯原因講返都好激氣, 所以今次唔講我叫左魚旦粉$23魚旦, 真心係好食既彈口, 同埋每啖隱隱有胡椒粉味我病緊都接受到魚片唔好食, 原因係切得太薄都唔知自己咬緊乜另願佢俾一塊厚既好過"咁大方"俾三塊薄河粉勉強合格湯底唔掂, 完全係鹼水佢連味精湯既LEVEL都未去到悲哀 ........男朋友就叫雲吞撈$29因為我咳冇食雲吞(因為有蝦)佢食完既COMMENT係"OK丫, 咪普通咁 .... "另外再叫左個油菜-菜心$12 &淨食魚皮餃$23菜心好老, 同埋佢冇"擇"菜, 黃色既花完全冇"擇"魚皮餃個皮很厚 ..... 我誤會左佢跟餐有野飲既情況下叫左2杯熱柯華田跟住侍應係我地張單度+左$12姐係$6杯啦~咁是但啦, 唔叫都叫左要加都冇所謂不過野飲黎到, 我呷左幾啖已經見到個杯入面好污糟我用手一抹其實係抹得甩既你可以話係咪今次沖柯華田既積我可以答唔係因為佢沖得好稀, 稀過水咁何來會整到咁既積呢?