鴻發麵包公司

营业中

休息中

簡單買了一個椰撻食,$4/@外表光亮而又飽滿,看來尚算滿意..食一口,感到好甜,遮蓋了椰香既味道椰絲餡幾鬆,製作不太淋或太乾身既,都可以整體來講~可以再試下其他包,餅詮:之前行過前面既街道而錯過這店子

(21/2/09)自從有次去中國冰室經過呢條街,感覺很舊香港。今日再行過,一定要買「手信」。肉鬆包─肉鬆有成兩層之多。拎到番屋企已扁晒,因為舊式豬油猜的麵包,口感密度高,食到好黏牙。干酥餅─得個甜字,一D「干酥」味都無,而且好鬆散添!佢仲有香蔥包、魚柳包、吞拿魚包、餐肉包、蛋糕仔等等。雖然質素/味道無驚喜,勝在保留懷舊味道。

我去果間係旺角,唔知同呢間係咪同一間…$24一磅蛋糕仔,仲要係新鮮出爐,好香好吸引呀!買左一大袋,一磅原來都有好多,呢度既蛋糕仔比一般大粒,一口一粒有少少難度,分兩啖食就岩岩好!蛋糕仔充滿牛油香,但係唔會過重,雖然實實地,但係唔會太硬,好有口感,一食就停唔到口,就算我等左一日後再食,都仲係咁好味喎!不過,呢度既車 輪包唔太ok,雖然軟熟,可惜好少好少提子…

是日作早餐的鴻發魚柳包，是母親前一日從九龍買來給筆者作早餐的。細細個加半塊魚柳，份量剛剛好作一頓早餐。不過，始終，這裡的魚柳包還是新鮮出爐那刻吃才是最滋味的。

我本身好鐘意食肉鬆包架,但係今次既經驗令我覺得,原來肉鬆包可以咁難食!!我從來未食過咁難食既肉鬆包囉!肉鬆好油,個包又油,仲有怪味,唔係香既味道,唔係好食既味道,總之好怪,又油,唔鹹唔甜唔知點,係就係好大個,大個出面一般既鬆包,但係咁又點喎,難食到我...唉!

食完豆腐花都係時候打道回府,行出新填地街時望到呢間麵包店招牌,就係呢度買包做早餐。門面都似有d歷史,都係舊式街坊麵包店形式,講得出港式麵包都有,在花多眼亂情況下,隨意買左菠蘿包、雞尾包、椰絲卷、硬豬仔。大人第一時間食左雞尾包,意見為麵包都幾好食,餡料都算多,ok啦。我食左個菠蘿包,由於第二日至食既關係,菠蘿皮已經淋淋,味道甜甜地但唔會跌到四處都係,麵包顏色白白,質感好實淨,絕對唔係鬆泡泡/空心貨色,食一個都好飽肚。基本上麵包味道普通,但$3有2個麵包,真係平到笑!!買成袋都係$13.5,去邊度搵??

救命呀!買左一大個大提子麥包,真係唔得呀!好硬!以為自己食緊硬豬包添呀!無麥咕無提子味!唔新鮮既!仲要俾我食到蛋殼,點解會咁架!我唔會再去買喇!>_<

非常隱閉o既麵店,唔係街坊根本唔會發現,新鮮自制麵包.買左個魚柳包,喱個包其他麵包店較小見.老實講真係麻麻地,麵包較硬,尤其頂部.魚柳有D似麥記o個D,但係得半塊,切成三角形.加埋沙律醬,較簡單,$4一個,可以試第二Do既.

食咩? 咪係紅豆菠蘿包lor!!呢間o野其實只係o係街市中o既一間街坊麵包店, 不過佢d 紅豆菠蘿包真係又平又勁勁勁抵食, 因為佢d 紅豆餡真係爆多!! 又好好味!! 個包都ok , 唔會話個菠蘿面好難食好淋o甘, 正呀!!最重要係, 平到暈, $3 一個, $5 兩個!!