影片
嚟呢头揾早餐食够晒多选择，间间望吓餐牌拣啱有位就坐低 😜早排未有咁多人出街揾位易啲，我哋试咗呢间鸿机，无乜期望反而有点惊喜，多士好新鲜，应该系跟单即时烘嘅，唔似得有嚟茶餐厅烘定晒，上台时又硬又靱。奶茶饮落又算好味㖞，其他蛋呀，餐肉呀，米粉呀之类都系正常嘢，不过不失。啱啱个星期日又再次帮衬，但今次明显多好多人等位，安排上有啲混乱，一时叫你去𠮶度等，跟住另一个又叫你唔好阻住通道 😭😭😭 不过呢度档档都系咁，揾食有啲艰难呀！
继续阅读
每次食隔离既鱼蛋粉都会叫鸿机既细杯热奶茶和奶油脆猪，事关隔离既鱼蛋粉真系唔够食。鸿机既食物好少食，试过佢既早餐，无咩特别系普通茶餐厅既质素。值得一提既系佢地既奶茶，有大杯同细杯两个size。我觉得佢既奶茶有别出面大型连锁店既奶茶。佢唔会好似出面茶餐厅d奶茶咁有一浸好厚既淡奶味，佢饮落口感觉的虽然感觉有d稀，但系好滑同埋茶味好浓。
继续阅读
大埔街市熟食中心有好几档，我真系可以说是由细食到大。而且，就以前同而家都是，大埔街市各商户都保持一个良好的营商环境，我做茶水，你做粉面，佢卖粥，后面档做点心，夜晚留晒个场俾晚市果几家做。我坐系A档，可以叫B档送东西过来食。此外，茶水档往往同某一两档粉面拍住上，从前，在临时街市，卖咖啡奶茶的《鸿机》是拍住卖鱼蛋粉的《洪记》一齐做生意的。新街市落成后，《鸿机》同《洪记》依旧拍住上，依旧是隔离档。今次，我只说《鸿机》(全名是《鸿机茶室》)。因为细细个的我，入街市食早餐，《鸿机》永远都是首选。所以今次来到街市食早餐，我终于忍不住了，要回味一下。 肚子饿，我决定要食一碗公仔面。贪心了一点的我，点了一碗猪手面。很正宗的猪手面，汤面同猪手是分开上的。面有时菜，也就是生菜，有肉丝，汤底也是有足够的肉味，香香的，不错。 猪手，单是看已知道是味道美妙的。吃入口，酱味浓郁，猪手皮起了一个完美的胶质，肉腍骨香，非常之惹味。味道香，入口腍，更可以说是完美。 由细食到大的，就是鲜油多。从前，他们是以厚切方包，在中间剖开一刀再夹牛油。今时，就普通的两片正常方包中间夹牛油。味道感觉其实有少少不同的，不过同样的，就是牛油同面包的完美配搭，那香味是永远不变的。 有面，有面包，当然也有奶茶。奶茶看起来似英式，但入口是一杯完美，带水滑感觉的港式奶茶，加点点的糖，入口又香又滑，令早上的我，充满精神同力量。 多年的感情，是我给《鸿机》一个赞的其中一个原因。如果硬要同以前去对比，真的是有分别。不过，剔除这一个历史问题，今时今日的《鸿机》，依然是一间出色的街市茶水档。
继续阅读
今日星期日 谂住同男朋友食个港式茶餐做早餐 叫左个蛋治烘底 ($14) 同特餐转丁($36)份蛋治一黎到 吓左一吓 未见过薄到咁既蛋治 块蛋系零厚度 亦唔系一般茶记会食到既炒蛋 于是问一问落单呀姐 呀姐表示 蛋治一般系噤 除非特别讲明要炒蛋噤话 然后 特餐黎到 炸菜肉丝鸡翼面 味道不过不失 不过肉丝就欠奉 大埔街市熟食中心有好多好选择 呢间一定唔系
继续阅读
晨早要落大埔街市买𩠌，顺道探下幼稚园食到依家既洪记啦。多人到呢！人山人海！见到隔离茶水档有位即刻坐低先讲啦。唔好迫我啦！我唔想又出前一丁架，今日想食鱼蛋粉架乍！钦记无开！竹升面平记无开！最后局住出前一丁！鸡扒多士，原来唔系净鸡扒，仲有好多料㖞，份量十足又有 heart，抵食！即烤多士香脆热辣辣，外脆内软又香口，咬落索一声，好 high 啊。鸡扒多士，煎焗鸡扒都嫩滑带肉汁既，不过味道一般，腌得略甜而单调沉闷。幸好有鲜茄鲜生菜加沙律酱作点缀，认真生色不少，带来清新味道，口感及味道既时丰富起来，都几好食。太阳蛋卤水鸡中翼出前一丁，汤底异常地淡，唯有辣椒油打救啦。辣油似层相识，唔知边度食过，辣到冒汗，正！面质正常大路，太阳蛋正常满意。卤水鸡翼食晒碗面先到，卖相黑妈妈又干争争完全唔讨好。鸡中翼瘦削不肥美，一入口微波炉叮热味道，死实无生命。鸡皮黏口，鸡肉干鞋又霉又腍，极重八角味道，卤水味浓而混浊，试一次便够。
继续阅读