影片
以上资料只供参考，请与餐厅确认详情
今日过到嚟深水埗同朋友茶聚，朋友介绍嚟呢一间鸿昌茶餐厅，我同朋友二话不说叫杯冻奶茶先，一杯小甜，一杯走甜，两杯都咁出色好有茶味，朋友叫个鸡尾猪仔包，下午茶份量啱啱好，鸡尾馅同猪仔包出奇地好配合，我就嗌返个地道常餐，肉丁出前一丁，火腿奄列面包，不过不失，朋友话呢度嘅咖哩汁好正，可惜今日系下午茶冇咁大胃口食碟头饭，如果下次嚟一定会试下佢嘅碟头饭，例汤都系代表作，可以喺深水埗屹立多年，当然有佢嘅强项啦
继续阅读
今日同朋友随便行入Lee间好香港嘅茶餐厅下午茶，食物都系香港人食开嘅，简单嘅嘢就系最难整！冻奶茶茶底够浓，奶味滑溜，甜苦平衡得啱啱好，冰粒够冻，一口落去超爽！火腿奄列蛋香浓，蛋身滑嫩唔干柴，火腿咸香够晒味，简单却好食到舐舐脷！公仔面煮到弹牙，五香肉丁够入味，咸香带少少甜，汁捞面正到舔碗！速食之中算出色，宵夜整碗够晒饱肚，正！
继续阅读
是日经过深水埗 晚餐好想食炒小菜 就求其揾间门口有少少人排队既茶餐厅开饭 一入门口就见到好几台都系一个人食饭 就知哩间应该系街坊食堂 即系质素一定有保证 本身系想食炒小菜 但系见到饭餐款式好吸引 价钱又经济 所以就转左食饭餐～今次就叫左咖喱鸳鸯扒饭同埋金牌盐焗鸡饭 先来两碗例汤 系青红萝卜瘦肉汤 通常我都唔会饮 因为夜晚茶餐厅既例汤通常都变左味精汤 但系男朋友话好好味 甘就试一啖 点知真系劲有惊喜 除左无味精 仲要系新鲜煲起 以茶餐厅既质素 确系唔错☺️大家如果叫饭餐一定要饮 最后全碗饮哂😂咖喱鸳鸯扒饭既咖哩系唔辣既咖哩 系好浓既咖哩加埋炆到软淋淋既薯仔(超钟意❤️)真系好正 猪扒同牛扒都够厚 味道唔错👍🏻金牌盐焗鸡饭配有一碟沙姜酱 鸡肉够厚肉 同埋鸡肉都几滑 鸡肉虽然唔系好多件 但系衬一个饭都岩岩好～今次意外收获系饮左碗靓既老火汤❤️
继续阅读
今日在深水埗游走，网上找找有咩推介餐厅，最后找到附近的茶餐厅。简单的椰菜花肉片饭，一碗老火汤（木瓜猪骨），冻饮，只需45元，相信深水埗区中算系抵食，先讲个饭，椰菜比较少肉比较多，当然性价比高，但如果多点菜会好点，味道正常缺点镬气，饭正常唔会过烂，老火汤足料好饮，冻饮大杯。值得一赞是员工的服务态度十分良好，小弟因为唔食辣所以问多几句，但员工无厌我烦，仲介绍我食咩好，今餐虽然简单但食得开心，性价比算高，纯饱肚之选。
继续阅读
鸿昌 系我喺深水埗其中一间 食堂之一不过都唔系好常黎 因为我唔系住深水埗呢一边 但系要赞嘅就系 佢系做碟头饭做得比较有heart嘅一间 今日我叫咗肉饼饭老婆就食 凉瓜鲜鱿饭都系有饭有汤有嘢饮 汤好大碗，但系就一粒汤渣都冇肉饼就正正常常一碟肉饼好送饭𠮶只啦而老婆个凉瓜鲜鱿就等咗好耐我谂都有十几分钟 跟住佢话要即刻炒架 嚟到就知佢真系即刻炒食得出镬气同埋𠮶啲热度 系即炒嘅柠茶柠水正正常常 89蚊食个饭正正常常呢个份量系偏少嘅 但系认真 佢做出嚟嘅食物质素我觉得系算高 所以间唔中如果想食好少少都会嚟呢间茶记 不过呢间啲抽气就比较差食完全身都会系油烟味
继续阅读