影片
以上资料只供参考，请与餐厅确认详情
食家推介
在香港吃到的日式乌冬和拉面都是猪骨及酱油汤底为主，呜门的汤面主打鲜鱼汤底，打破传统日式汤面的闷局，今日再次经过鸣门决定一试。我点了一碗石锅鱼汤安格斯牛肉赞崎乌冬。热辣辣的鱼汤一试难忘，饮得出浓浓的鱼味，是真材实料，亦有姜丝辟去腥味。平时饮鱼汤最怕放得耐变冻变腥，而鸣门用石锅保温，鱼汤饮到最尾都唔会有腥味。鸟冬质地烟韧爽滑，和鱼汤好夹。牛肉虽然放在石锅入面一直滚，都无变老，抵赞!日式汤面除了大行其道的猪骨汤底和酱油汤底外，鱼汤也是个不错的选择!
继续阅读
其实已经食过鸣门好多次，以前都算多人，随住拉面潮袭港，鸣门晚市人流都大不如前。好怕有日再上铜锣湾广场再冇鸣门食，好，入正题。平时食开牛肉鱼汤乌冬，今日胃口唔系几好想食啲酸咪咪嘢，就叫左石锅猪软骨乌冬(蕃茄汤底)。其实有时出街叫蕃茄汤底都会惊中伏，因为好怕好怕好怕茄膏味！鸣门蕃茄汤系真系有蕃茄，感觉系佢基底个猪骨汤再掉啲蕃茄落去煲，唔系用茄膏hea做，整体酸酸甜甜好开胃，明明饱都忍唔住饮哂啲汤。猪软骨件件大大旧，一碗成三四旧，因为太多都分左啲比男朋友食，猪软骨好入味，软骨未有煮到啫喱状，我比较钟意呢只仲有骨咬咬下嘅煮法，冇咁腻。呜门啲乌冬全部用石锅上，上枱基本上系滚住上，怕热嘅要等一阵先食得，但佢啲乌冬都几经得上考验，长期浸喺一定热度嘅汤到都保持弹牙咬口，食到尾都仲系烟烟韧韧。真心推荐！
继续阅读
初试招牌鱼汤乌冬，晚市单点。鱼汤食得出真材实料，多姜去味。鱼肉各花入各眼，肉质比较实，肉少，男性黎讲唔够食。乌冬面底还可以，不算特别，似惠康买既日本乌冬。 整体可以一试这特别鱼种，再来食就有保留。
继续阅读
呢间店好耐之前食过几次，对于佢个蕃茄汤底一试难忘，每次黎都系叫我既例牌😍石窝烧鸡扒赞歧乌冬（$75)🍅。佢个石窝真系好热，系食到超辣咀。冬天食真系唔错，夏天食应该会标汗。 我唔系好食得热所以会分碗滩冻黎食xD 呢碗野快极都要食半个钟，所以赶时间唔好嗌啊。一上台已经滚到b 呢bu lu, 个蕃茄汤超正超浓郁💕带点昆布味，d 乌冬索晒味，好钟意佢食到尾都keep 住咁弹牙。入边仲有劲多粟米，昆布，洋葱，蕃茄。不过系个鸡扒略嫌干身左d, 不过无阻我对蕃茄既热情👅，最后成窝清晒，好饱好满足👍🏻
继续阅读
星期六谂住黎呢到食LUNCH, 食到把鬼火。2个人入黎食，明明有4人台而且无咩人，都唔安排我地坐埋边，要我地2个坐中间张大台，逼逼地望住对面食野感觉有D怪姐，本身都无咩野，谂住可能真系要预返D 位畀4人坐啦点知食食下见到有对男女2个人入黎，佢地竟然可以坐埋边4人位，个下真系火都黎，点解佢地可以坐4人位，而我地早黎就要坐中间，之后仲要隔离坐左7个内地客好嘈，唉，不过都算，讲返野食先~叫咗个鱼汤𩽾𩾌鱼乌冬，虽然用石窝上好特别，但可能个窝太热，D 鸟冬系煮到烂开嘅，入口完全系粉开无乌冬味，淡而无味，连鱼汤味都无，可能因为写到烂开嘅开系，乌冬仲要部分系痴底嘅，而因为我未食过𩽾𩾌鱼，唔知系咩样，黎到见到嘅只系几旧骨多过肉，又细旧嘅鱼肉，仲有有1-2旧D 骨打横插晒出黎，想食都食唔到。而且好重油份，成碗汤汤底都系鱼油……食到中间先慢慢食到有鱼味，不过系好轻嘅鱼腥味，真系好唔掂啰。成78蚊碗乌冬仲要加1，两个人总共食左161蚊，但真系唔值啰。
继续阅读