影片
以上资料只供参考，请与餐厅确认详情
实不相瞒本身我都唔知呢间野嘅存在系系大陆嚟嘅朋友同我讲呢间嘢好出名话嚟香港必食嘅餐厅我先至踏入呢一间大排档🤣🤣呢间大排档都好大间见佢都租咗好多铺位不过始终佢都系比较开放式嘅环境所以夏天呢啲天气去个冷气就唔系好够完全热辣辣我哋一坐低姐姐就同我哋介绍有咩招牌菜咁我哋就order咗避风塘炒蟹其实食落嘅味道都OK嘅虽然佢有提供埋工具但系始终食𠮶阵会有啲论尽不过如果可以将蟹壳卜碎少少咁可能会更加入味更加好食同时都更加容易啲去食我哋仲叫咗两只手臂咁长嘅濑尿虾佢同避风塘炒蟹一样其实剥咗壳入面就冇乜味加上呢两只嘢都唔平性价比就冇咁高见佢系大排档所以都叫咗啲小炒呢个薯仔牛柳粒就正正常常冇乜特别系个份量少咗啲好似一人份量咁我哋见唔系好够食就叫咗个菜同埋呢个藤椒鱼皮Order𠮶阵问姐姐佢个辣度如何姐姐话微辣点知上到嚟中晒伏完全系辣到条脷痹晒眼水鼻涕都一齐出同埋佢啲鱼皮解冻得唔系咁好所以去到底𠮶啲系连埋旧冰上感觉麻麻哋总括嚟讲呢一间嘢就唔系好抵食姐姐嘅态度都唔系话咁好当我哋只系叫咗避风塘炒蟹同埋濑尿虾呢两款时价海鲜而冇再叫其他嘅时候姐姐系立即黑我哋面跟住叫佢拎啲咩都唔睬我哋咁嘅服务态度就有啲赶客就住性价比低同埋服务态度我就唔会再嚟呢一间啦
继续阅读
夜妈妈9点几好肚饿，心思思想食大排档，平时见到呢间大牌档大大间又多人，都几吸引，人流咁多谂住衰极有个谱，点知就中哂伏，不可一不可再。原本企系街口谂紧入唔入去既时候，就比个阿姐招揽左过去，呢一刻应该要闻到阵伏味呀。同朋友2人 叫了：| 红烧豆腐 | (Rate: 0/10)| 椒盐鲜鱿 | (Rate: 4/10)| 生炒排骨 | (Rate: 4.5/10)|腐乳炒通菜 | (Rate: 3/10)| 红烧豆腐 $68 | (Rate: 0/10)呢个真系不得了阿。唔知佢点样做到大大旧豆腐，但一Ｄ豆腐味都冇。好似比水浸左一整日咁，得水味。简直侮辱左旧豆腐。平日唔浪费食物既我，食完一旧都放弃左呢碟。| 椒盐鲜鱿 $76| (Rate: 4/10)大排档必叫架喇，听落好普通既椒盐鲜鱿，要整得好食都唔系咁易。佢炸得都算脆既，但一咬落去就知咩料。炸皮同鱿鱼分离，鱿鱼肉淋，有Ｄ滑潺潺，但冇怪味既。| 生炒排骨 | (Rate: 4.5/10)即系菠萝咕噜肉，都系大排档必叫。成晚最正常既一碟。但咕噜汁偏酸、虽然叫排骨，但都算啖啖肉，但肉质就偏韧。配菜青椒洋葱都好似炒得过耐。整体冇镬气。|腐乳炒通菜 | (Rate: 3/10)食落似蒜蓉少通菜多过腐乳炒通菜 ，冇腐乳味，超多油。整体：大伏！冇镬气，贵，难食！
继续阅读
位于佐敦嘅鸣发川辣蟹 与庙街位置近， 人流多， 食物应该唔会太差挂，点知... 😂蒜蓉蒸蛏子~ 点了菜后 五分钟内上枱，速度惊人，但是一点也不热， 这是新鲜蒸的吗？ 😣 size 不算细， 但是唔热 系咪蒸定？？ 😣😣避风塘炒蟹~ 系百零蚊唔系贵， 预咗佢唔系畀啲咩靓蟹你，但系呢个水蟹 肉质很削 唔入味，连蟹钳都没有劈开个壳 ， 就算个避风塘炒得几好食都帮助不大， 更何况这个避风塘炒得油 湿湿地 😂蚝饼~ 系炸的，炸到好似天妇罗咁， 配上泰鸡酱， 女伴吃了八分之一表示放弃 😂，唔好嘥 饥诗食埋~ 💪😂眼见有很多游客， 如果游客以为此店就是香港地道特色美食，香港旅游业就GG了😂😂😂饥Point : 2/10#hungermarch #饥诗 #非饥诗
继续阅读
今日约左老死撑枱脚，懐念庙街的美食。在佐敦一边行一边睇下有咩嘢好嘢。经过鸣发川辣蟹，大排挡风味。睇到肉蟹大大只。已经忍不住要食避风塘炒蟹。在店舖门前选了2只中型的活蟹，只是计380，十分化算。炒蟹上枱就闻到香味，十分新鲜。炒得刚好，肉质鲜嫩。食炒蟹唔可以无啤酒。啤酒小姐来推荐，我们喝了2支😂豉汁炒蚬，风味十足。大排挡就是要够镬气，有水准。加上蚬够新鲜及肥美，连手指都舔舔脷😘豉油皇炒面，中规中矩。如果银芽多D就会爽脆D。
继续阅读
半夜饮完酒肚饿去佐敦食消夜，喺庙街附近见到依间大排档，半夜三间都咁多人应该唔错挂，点知就中伏啦！认住佢个招牌大大只字写住川辣蟹，真名叫做鸣发茶餐厅！我哋两个人叫咗：濑尿虾毛，$160得四只川辣虾，六只手指尾咁大嘅基围虾，仲要系霉既$120豉椒炒大蚬，上碟得堆壳，$100盐水芥兰，条菜老都食唔到青岛啤酒一支埋单五百几虽然明知庙街主要招呼游客，但呢间大排档贵到离晒谱，虽然明码实价，但质素同份量差到要讲粗口！摆明呃水鱼！
继续阅读