鳳城酒家

营业中

休息中

今晚我哋一行六人去咗北角渣華道嘅鳳城酒家， 呢間係傳統舊式酒樓，我哋嚟食懷舊菜。店内都算光猛企理，坐满人，都幾熱鬧。 先嚟「化皮乳豬」例牌，乳豬整得夠味，皮燒得金黃脆香，皮脆肉嫩，唔錯.個魚翅係好足翅量，湯味適中，足夠6人分享有餘芥菜胆無渣，好好食「家鄉生魚卷」的生魚片嫩滑，味道適中，配合草菇、香芹同荷蘭豆，鑊氣夠，美味炒鮮奶炒得比較糊，不够嫩滑，欠水準300蚊隻，算抵食，當然不是新鮮雞，但大隻夠份量，即炸即上的，雞皮炸到卜卜脆，唔會有太多肥脂肪，皮脆肉滑，幾好😋😋。另外訂位時已經預訂了西米焗布甸，布甸焗得金黄，賣相極靚，由侍應分六碗我哋，唔甜，非常好食整體食物，除咗個大良炒鲜奶做得稍差，其他食物係可以，但離米芝蓮水準仍有一段距離。

臨近收工，差不多8點，即興提議去北角鳳城品嘗懷舊順德菜，即時吹雞拉大隊前往，致電查詢訂座，店員回應服務時間至10點。嗱嗱聲搭車出發。到達目的地，二話不說即時點菜，東叫當紅炸子雞，西叫上湯炸粉果、鳳城小炒皇、窩貼蝦多士，大良炒鮮奶，我都不執輸叫我最喜歡的紅火火（豬生腸）小食，蜜汁义燒，鹵水豬腳仔，好可惜，唯獨鳳城才有得吃豬生腸（售罄）有點失望，你一句，我一句，很快就完成點菜。廚房出菜效率快到驚訝！第一道菜居然上我哋朝思暮想的當紅炸子雞，脆皮肉滑，香噴噴，令人嘩然，讚不絕口，跟著上窩貼蝦多士，香脆無比，不油不膩，蝦肉新鮮，令人口中留香，意想不到。繼而炒桂花素翅、上湯炒粉果，姜汁炒芥蘭，在一片歡樂氣氛中，服務員提示廚房快將收工，提示我哋準時10點前結帳，我表示我還未叫西米蓮蓉焗布甸，服務員隨即回應（售罄），我哋只有失望而回。整體上，食物的味道及價錢都可以接受，唯獨服務員質素有待改善。

適逢今個星期六係本人正日生日，願本打算訂其他酒樓晚市套餐，但係星期六晚要加三佰元，況且現在酒樓套餐份量比較少，倒不如去北角鳳城酒樓訂枱食飯。我們一行八人七點前到酒樓，還在等朋友收工到來，樓面阿姐見我們有生日蛋糕攞去，還細心問我需要放入雪櫃，我話唔使啦，等埋朋友到就食，佢仲話攞紙碟和义比我，我話我早有準備。炸子雞超好食😋蝦多士每人兩件才夠喉，尤其係清蒸石斑，蒜蓉豆苗炒得剛剛好，冇太多油，其他啲餸每一樣都吃光光🤔🤔🤔

慕名而去試食的「鎮店名菜」：蝦多士：塊多士淋身唔脆拆魚羹：少少腥要用胡椒粉蓋過腥味炸粉果：皮厚黐牙焗布甸：稀兜兜炒鮮奶：一pat嘢唔好食只有炸子雞好食，釀靚魚僅僅合格帶了一瓶紅酒，問侍應攞酒杯，佢話冇酒杯只得水杯…隔幾張檯12個人剛剛舉起酒杯祝酒！埋單張單係冇breakdown的，一個大數「廚部」就算，問佢攞breakdown佢話冇，再問就話一定冇計錯。結果我哋自己花了幾分鐘對餐牌，發現真係計多咗$100+，應該重複了個粉果。不過要再再同員工交涉實在太累人了，計多咗就算了吧，佢哋冇心嘅。懷舊呢，其實冇必要去這家！冇下次！

鳳城酒家老字號酒樓，位於北角，位置唔難搵，酒樓嘅整體風格都好懷舊feel。過黎飲早茶，點左隻糯米雞，好大一隻😋，其他點心味道都唔錯！腸粉爽滑，叉燒包不過不失啦，價錢適宜。

✨鳳城灌湯餃本身好掛住佢 點知好失望灌湯餃唔夠熱 高湯啫喱未溶完全冇湯 令到口感好差皮薄餡料足 都幾鮮味但衰左喺啲湯度 話明灌湯餃湯先係靈魂 其他點好都冇用影相其間都奇怪點解我隔離嗰個可以食得快 原來完全唔熱🙈✨上湯炸粉果呢個又係每次必點 上湯清甜炸粉果 外層炸得酥脆 唔油膩餡料都足夠 有蝦 豬肉等 味道唔錯✨鳳城蝦餃皇餃皮厚薄適中 口感少少偏硬身餡料 蝦肉比例幾多 夠爽口 但唔算好鮮味 整體正常✨蛋黃千層糕包身偏乾 蛋黃奶黃餡 加左椰絲口感略嫌太實淨 味道都算幾香 ✨脆皮炸子雞皮脆 肉軟腍 稱不上嫩 唔夠入味 味道略淡 但算幾抵食食物可以 退步不少環境一般 地方細 擺枱密 但有滿滿嘅懷舊感服務態度正常 但不停想收野趕你走價錢還好 比錢食的是情懷之前疫情期間 摸門釘幾次今次終於食到但真係有啲失望我應該有排都唔會再去

心掛掛飲茶想嘆下一盅兩件，去到鳳城酒家北角分店食午餐，當然試吓招牌菜，炸子雞同蝦多士啦。炸子雞 🐓5/5我哋人多可以叫一隻炸子雞，雖然300蚊隻都幾貴，但佢都幾大隻夠份量，雞皮炸到脆卜卜，可以咬到索索聲😳，唔會有肥脂肪痴住雞肉，雞肉嫩滑，肉汁鮮甜，水分十足😋😋。就算雞胸位都唔會乾柴🤤🤤🤤！可見功力十足，就算我哋10幾人，我哋每個人都食到幾件雞，係夠分的🥴。蝦多士 🍤🍞3.5/5聽人講又攞獎又出名又招牌菜咁，我哋就按人頭每人一隻啦，原來4隻起就每隻30蚊，12人就20蚊隻咁計🤑。上菜擺盤好令，成朵花🌼盛放咁精致。炸到脆卜卜既多士上面有隻開邊蝦同蝦膠，相信用蝦膠黐住隻蝦，等佢炸嘅時候唔會走位🤔。但我覺得多士比較乾同埋比較油膩，食一件就夠。地點:位於渣華道，德成記隔離，屬於樓上鋪，馬路出邊通常都擺滿晒車。環境:舊式茶樓設計，行樓梯上舖，餐廳門口太細，容易塞滿人，但入邊環境都幾寬闊，平日午餐坐滿人。價錢:每人150蚊，整體性價比幾好🫣。服務:落漏咗單，有啲點心冇送到嚟，同埋佢哋出現混亂，重複咗幾籠點心送過嚟，但係好彩佢哋即時發現冇計我哋。

本身聽講係老店，諗住去試吓，訂台個時個收銀阿嬸勁串嘴。問都幾句直頭唔理。隔離個阿婆又幫口。成間唔憂做甘。今時今日係飲食業都好少見。反而啲男部長落單/推介就好好態度。希望佢捱得住啦。 菜式都可以。唯一唔好就係生腸變到好難食。好可惜。另外內部都真係要裝修一下啦。

友人搞飯局，地點選在這間歷史悠久，只此一家，別無分店，位於北角渣華街的正牌「鳳城酒家」，讓我吃了一頓豐富又好味的鳳城拿手招牌順德菜和其他美味菜式。打頭陣的「原隻脆皮乳豬」是即燒即上桌的，新鮮熱暖，皮極脆，肉也嫩，是非常有水準的燒乳豬。多時沒吃過的「順德魚雲羹」是這晚其中一道我最期待的菜式。這特別的湯羹真材實料，材料甚為豐富，讓我在吃罷一碗之後隨即主動添飲。不過這魚雲羹的味道我就覺得稍為淡了點，如能濃味一些，我會更加喜歡。第一次吃「金錢蟹盒」，我記得是多年前在澳門吃的，想不到在今時今日的香港，要過一次大海，在澳門街吃一次「金錢蟹盒」竟然也不是易事。這晚可以有「金錢蟹盒」吃，自然讓我大為高興，更何況這晚的「金錢蟹盒」水準奇高，味道好，又夠酥脆，還要相當大件，令我不禁讚好。「家鄉生魚卷」的生魚片味道適中，鑊氣足夠，配以草菇、香芹與荷蘭豆、還有雕成蝴蝶形狀的紅蘿蔔，就更有懷舊的色彩了。「玉簪田雞腿」這道傳統菜式，主角由生魚片換成了田雞肉，味道同樣可口，配角就與「家鄉生魚卷」大同小異，也是一道值得一吃的手工菜。一併上桌的「大良炒鮮奶」與「大良野雞卷」，兩者都是順德大良名物，這裡下了蟹肉、菘子仁等

傳說鳳城酒家很出名，但是一搜尋就有很多間鳳城，真的不知道那間才是最傳統的。不過不緊要，難得來到北角，就試一試鳳城。星期日的午飯時間一如所料，人流很多，要等位大概10至15分鐘。點心紙的樣子很傳統，基本上沒有圖片可參考的，也是即叫即蒸。炸魷魚鬚點心紙上是沒有炸魷魚鬚的，遇到經理用托盤巡遊時點的，都算炸得酥脆。蛋黃千層糕在其他酒樓沒有吃過，這個蛋黃千層糕真的很好吃，中間除了夾雜很多蛋黃碎和奶黃之類，驚喜地有椰絲，吃下去感到一甜一咸很特別。酥皮蛋撻仔建議真的聽媽媽話不要叫酒樓蛋撻（平日才幾蚊一件蛋撻，在酒樓吃變廿幾蚊3件😹），蛋撻仔的酥皮是淋的，蛋也焗得很老，相片加了filter也看到是皺皺的，上碟時一點餘溫也沒有…蟹子燒賣王像吃豬肉燒賣一樣沒什麼特別～鳳城蝦餃王餡料蝦很多，但蝦餃皮很厚～酒樓的位置很窄，又坐滿客人，基本上沒位置推車仔，姐姐出餐時是用托盤拿點心出來，看到也很重很辛苦，這點我覺得酒樓可以改善一下。

好耐都未嚟過鳳城酒樓食點心，今日晨運後經過鳳城酒樓，兩個人上去飲早茶，早茶特價時間只要11點前落單就可以，冇規定幾多點離座。特價時段大點$30 ，中點$23 ，小點$20。兩個人唔敢叫太多，只係叫咗三碟，因為佢的點心都幾大件。嗌咗個山竹牛肉，好多腐竹，牛肉嘅口感唔錯，又叫咗個蝦米煎腸粉，煎得好香脆，加埋啲甜醬麻醬甜豉油，又多蝦米有多蔥，對煎腸粉非常之滿意。隻糯米雞真係超大隻，仲有大大隻蝦、叉燒、豬肉、臘腸在裏面，幾juicy，啲糯米唔會蒸到淋啤啤，傳統又好食。

酒店位置不难找，坐落于北角大街某个楼的1楼，店内环境是老旧的酒楼风格，周日早晨也熙熙攘攘，大概上座率80%。点单也算容易，有张菜单用了手写字，似乎是一种情怀。菜品是符合酒楼水准的，没有超出预期（惊喜或惊吓），但账单非常贵，两人接近300蚊。茶水糟糕，铁观音无法下咽，全程喝白水。

一間傳統的酒樓 在我眼中有點名過於實首先 座位十分擠逼 通道狹窄 有背貼著背的感覺 服務員少 雖然價錢很親民 但出品未覺出色要了5款點心 只有鮮蝦腐皮卷是滿意的 皮薄和脆 蝦肉飽滿 份量很足蟹子燒賣王是很大粒 但造型很散亂和醜 味道一般韮黃蝦腸 皮厚且硬 沒有韮黃 十分難吃蛋黃千層糕 不鬆軟 多椰絲 蛋黃少 吃了一半已經不想繼續荔茸鯪魚餅 很普通 一般般見牆上有著名食家的題字 不知現時廚房班底是否已改變 雖然埋單才220 收費不算貴 但和想象中 落差很大呢

9月頭 星期五，嚟傳統中式酒樓食了個4人套餐。由於我哋有6人，所以再另加咗大良炒鮮奶，另外訂位時已經預訂了細份西米布甸和八寶鴨。個4人餐包咗一份乳豬例牌，都幾大份下，乳豬整得夠味，皮燒得金黃脆香，個魚翅係好足翅量，湯味適中，足夠6人分享有餘，又唔會太咸。西芹魚片，正常發揮，炸子雞半隻，雞肉新鮮，醃得入味又唔太咸。八寶鴨好大隻，薏米粟子等塞滿鴨肚內，味道夠濃，已經蚊得好淋。蝦多士隻蝦大大隻又新鮮，不過嫌多士炸得過油。西米布甸一上枱就超級香，好彩定力夠，冇破戒食咗。。

每次去鳳城必叫既一定係「炸子雞」，同出面集團式經營既酒樓完全唔同，雞皮夠厚又脆，雞肉又入味又滑嫩！另外，灌湯餃同其他酒樓唔同，鳳城真係餃入面有湯，其他酒樓係「湯浸餃」。依家經常同阿媽放假，就會由九龍區過北角鳳城飲茶🥰