鳳城酒家

营业中

休息中

今晚4/16約了爺嘛共五人, 試下北角鳳城 , 但失望而回。 (但比起太子鳳城, 太子果間好食d, 不過, 太子果間勁混亂勁迫人, 幾乎背對背坐, 如果book位8點, 佢話有, 你千祈吾好信, 你8點9去到都未有, 只有企在門口或地下街邊等, 除非book6點, 5點半到, 就好d)回正題,我們叫了:1)半隻炸子雞, 味道剛好, 熱辣辣, 就算雞胸位都又嫩又滑, 全晚最好食2)大腸, ok3)荷葉飯, ok4)椒鹽豆腐, 熱辣辣, 無特別5)生菜包, 無特別6)粟米斑塊, 吾掂, 粉槳太多, 食吾到魚, 味道又吾夠, 衰過大家樂大快活果d, 仲收我$108, 真的$20都吾值4大1小, $650

北角鳳城，傳統順德菜，睇過d雜誌，好似得旺角北角兩間，旺角係好似金都商場先係。一般飲茶，等就一定，今次好彩，等左5分鐘就有得坐，雖然要搭另一pair男女，都無所謂，因為坐低左3分鐘之後，後面已經要派飛喪等....炸野真係一絕，腐皮卷、春卷、要浸湯既鍋貼侍應好專業，上哂年紀，但係對客態度一流

昨晚一行三人到這裏食反,因朋友以訂位,所以不用等位,今晚真是全滿座,好彩訂了焗蓮蓉西米布甸及桂魚卷,之後還叫了拼盤: 生腸、乳豬,美味,鵪鶉崧生菜包,用生菜包著肉崧來吃，叫做有點特色,不過桂魚卷分量比較小,味道普通,但布甸唔太甜，啱晒大家嘅口味,不過都已經算唔錯！

最近公司搬到炮台山,故開始去試下附近之酒樓餐廳,鳳城酒樓之前聽過很好味,所以同同事去試下,點心真係不錯,我很喜愛那個灌湯餃,味道好好,湯好好味,我連續去左3日.都係食佢個灌湯餃.

早前曾經說過,在香港已絕少地方,吃到真正的灌湯餃,我所說的不是大家經常見到,以上湯浸著的大大隻魚翅餃,而是將湯汁灌入餃內,真正的灌湯餃.陸羽有,而且加上蟹黃,更加高級,價錢當然不便宜,早前美心集團旗下酒家也有,但上個月去翠園飲早茶,得知已沒有供應,有說益新的茶市,也有這種傳統灌湯餃,但是早上益新會開門營業嗎?結果,又是回到北角鳳城,承蒙友人高達之安排,差不多成一打朋友,在二樓鳳城龍鳳大禮堂前面,由高達兄引領一起唱著: (咁岩又茶樓齊共上,良朋談動向.)至於要不要嗒幾兩花雕?早上喝花雕太重了,來一口普餌才是正經事.因為小弟遲了一點才到,一坐下便火拼,幾籠灌湯餃已經放在我面前,一人一隻,無須打崩頭.灌湯餃以金屬托盛著,方便拿著來吃,如果用筷子夾,隨時一夾就爆.湯餃的外皮煙齦,不易破,包著的餡料有豬肉,蝦肉,還有不能缺少的湯汁.豬肉夠肥,有嚼頭又肥美,蝦肉爽口鮮甜,湯汁香甜熱辣辣,那種滿足的感覺,已經在臉上的表情中出賣,一切盡在不言中.其他的點心,糯米雞用料十足,充滿荷葉香氣,糯米質感剛好而不過於Sticky.因為點心眾多,一隻糯米雞,三個人分.臘腸卷亦是其中一味懷舊點心,鬆軟香甜的卷身,包

同住係附近嘅朋友一起去晚餐。 蝦多士 好好味呀! 即刻食嗮 蝦新鮮彈牙 十分好味 下面嘅多士炸的鬆脆 所以多油都無計喇.. 炸子雞 皮炸得好脆 肉都算嫩 但係唔係好入味 魚香茄子煲 十分普通 蓮蓉西米布甸 對與好鍾意甜食嘅我 呢個梗係賣飛佛喇! 可以食到粒粒嘅西米 我覺得蓮蓉嘅份量有少少多咗 有時會覺得偏甜 個皮有時略帶焦味 無得頂!至於服務..四個字 唔算幾好

11點幾到唔駛等位service ok 啦....呀姐雖然有少少木口木面...炸蝦角幾多蝦...不過都幾油, 同埋好熱氣煎腸粉煎得太燶...好多油...唔得蝦餃個皮唔掂, 仲要有隻係K型馬拉糕就幾好overall d 野食太多油喇...好似油唔駛錢咁-__-

臨近冬至，梗係要同班兄弟食餐飯啦！不過好多出色嘅食肆已經book滿晒，而北角鳳城竟然仲有位，即刻book位，仲寫埋D預訂嘅菜式先。去到未人齊，叫D餐前小食送下酒先，叉燒唔錯，唔太腍，有咬口，不過小弟略嫌佢唔夠肥。友人話雞腳都好正，不過小弟唔啜腳趾，冇食到。大家談天說地講是非後，人齊啦！起菜！先嚟金錢雞，原來全枱大部分人都未食過金錢雞，大家都覺得好新奇。小弟細個跟老豆都食唔少，D童年回憶即刻返晒嚟！呢度D金錢雞都唔錯，如果舊冰肉厚DD就更正！再嚟係煎藕餅，大家一致讚好。熱辣辣，表面煎得香脆，鯪魚肉夠彈牙，加埋爽口嘅蓮藕粒，又係送酒嘅佳品。鍋貼大明蝦脆口嘅食物自然受歡迎，大蝦夠彈牙，不過用千年油炸嘅麵包，始終有D油「益」味。金錢蟹盒最有期望嘅一味，通常都係最失望嘅！油浸嘅蟹盒，雖然香脆，不過咬一啖，成口油。而且唔見有蟹肉，只有少量蝦肉，有D搵笨之嫌，老婆嗰舊仲有多條蝦鬚，真係唔多掂！主菜嚟喇！煎釀鯪魚，其實同藕餅差唔多，只不過有D汁。小弟都係鍾意煎藕餅多D。紫薑彭公鵝超正！隻鵝夠肥大，鵝肉夠入味，個汁酸酸甜甜，好開胃，大家唔湊米氣嘅都忍唔住要叫碗飯嚟撈汁。最後要個焗布甸埋尾，布甸唔太甜，啱

月尾和同事們一起晚膳, 一行七人約7:30pm到北角鳳城酒家, 由於之前訂了枱, 所以不用等位. 北角分店有兩層, 環境比太子那間分店舒適, 服務亦較佳. 可能由於時間尚算早, 酒家的二樓人客並不算多, 只有三數枱, 但眼見不少枱面上都放置了"XX先生/XX小姐"的訂座牌, 由此可見, 酒家並不乏捧場客. 我們點了蝦多士, 家鄉煎藕餅, 燒雞半隻, 野雞卷, 大良炒鮮奶, 蟹肉扒豆苗, 糯米飯及西米蓮蓉焗布丁(大).蝦多士: 熱騰騰, 蝦膠很多, 多士很香脆, 必吃之選 !家鄉煎藕餅: 順德家鄉菜, 除了吃到蓮藕粒外, 還有馬蹄粒, 香口之餘亦不覺油膩, 爽口好食 !燒雞: 雖然半隻燒雞要差不多成百元, 但皮脆肉嫩, 算是不俗野雞卷: 同樣是炸物, 適合佐酒, 但不宜多吃大良炒鮮奶: 大良名菜, 有些杏仁片鋪面, 建議趁熱食, 因為涼了的話會比較膩蟹肉扒豆苗: 蟹肉份量不少, 豆苗亦算嫩糯米飯: 由於不是真正的生炒糯米飯(即由生米炒到熟), 故此比較遜色(不過話說回來, 現在已很難吃到真正的生炒糯米飯了 )!西米蓮蓉焗布丁: 甜品首選西米蓮蓉焗布丁 , 西米香, 蓮蓉滑溜, 好

We dined there thinking this place would offer an exciting alternative from the usual Cantonese fare. From what we read on the internet, this is one of the two authentic "Fung Shing" in the original family. So we did come here hoping to be served something much better than the one in Causeway Bay.We ordered all the usual specialties: roast pork with red intestines, sharkfin soup, "fried milk" with "pheasant roll", prawn toast, fried chicken, lotus root meat patties, and their baked sago pudding.

鍾意成日捐隆捐罅搵好野食既朋友, 應該都有聽過鳳城, 正版的鳳城只得兩間,一間在太子, 另一間在北角, 平時我地成日去太子個間, 今次 HONEY 個婆婆生日,由於她住在側魚涌, 所以今次我們大夥兒去了北角這家, 多謝 HONEY 細舅父帶左支靚 Whisky 俾我地試, 給大家一齊享受, 靚酒配美食, 正! 八寶鴨 - 好大隻, 八寶料與鴨肉混合得啱啱好, 這個菜要預訂呀 招牌炸子雞 - 皮脆肉嫩 鳳城炒飯 - 炒飯最難就是做到好食但一 D都唔油膩, 因為通常都會加了多餘的油, 如果唔係就會太乾身唔好食, 鳳城炒飯不油亦不乾, 好! 蝦多士 - 蝦同多士混合得好好, 多士好脆, 蝦很新鮮, 吃兩件也不夠 焗蓮蓉西米布甸 - 很讚的中式甜品, 頂層的皮焗得很脆, 西米布甸很香滑 拼盤: 生腸、乳豬、海蜇、叉燒 - 乳豬是鳳城的招牌菜, 當然好食, 乳豬皮很脆, 生腸很爽, 估不到叉燒也不錯, 很有叉燒味, 海蜇OK 炒桂花魚翅 - 很滑, 很有水準, 其中一個必食之選 生菜包 - 大家總有一種 DIY 的情意結, 即使是簡單的將配料用生菜包住, 已經覺得很滿足, 配料夠惹味, 生菜夠新

第一次去鳳城，一入門口，嘩！好有懷舊的感覺，好鍾意。環境頗整潔。叫了家鄉生魚卷，蠔油蝦子柚皮，粉絲蝦米節瓜煲。三個人都感冒，所以無叫炸子雞，不過見到隔離檯個碟好靚，下次要試下。都等左幾耐下，家鄉生魚卷先黎，魚炒得比較乾身，幾新鮮同唔腥。粉絲蝦米節瓜煲很多粉絲，好家常味道。蠔油蝦子柚皮最後黎，食得性起，分左兩件先記得影相。 柚皮好冧好入味，蝦子很細粒，但都幾鮮甜，下次一定會再叫。埋單$310，講真係北角區算幾貴，但都算幾好。送的糖水（喳咋），同碟餐前酸瓜水準都唔錯，酸瓜仲有子薑。

燒味雙拼(細) : 乳豬拼大腸 . . .兩樣都好好味. . .大腸比出面街厚身…仲很爽添. . . 食完再encore 一碟細大腸. . . 大良炒鮮奶 . . . 很好味. . .很多蟹肉. . . 因為我是祖籍順德. . . 這是我自細聽聞已久的菜式. .… .今次終於有機會食啦. . . 蟹鉗 . . . 要預定. . .好貴. . .好似五十幾蚊隻. . .但很好味. . .本來想叫. . .炸子雞. . .奈何生日既同事病病地. . . 唔食得炸野. . .所以我老實不客氣..多分了她半隻蟹鉗. . .Yummy. . . 好味 . . . 另外叫了個雜菜煲比壽星女. . . 味道都唔錯. . . 西米布甸 . . .要預定. . .很好味. . .但中間啲蓮蓉好甜下. . . 同事帶了支白酒去飲. . . 免開瓶費. . . 3 個人埋單約$520. . 整體不錯. . . 不過對於我呢個九龍人來說 . . .遠了點. . . 下次考慮去太子那間 . .

以前外父時常到這裡晚飯嘆炸子雞同翅，但好幾年冇嚟，星期日晚突然老婆大人想去北角食晚飯，就想到呢到，於是一行十人拉隊嚟到。一行入嚟從裝修已到充滿懷舊feel，菜式更不在話下，於是叫咗一d傳統嘅餸菜:生腸：細細個係街邊嘅滷水檔已到好鐘食嘅嘢，但近年好少搵到好食嘅。呢到嘅生腸爽脆而不帶異味，點d芥辣真係食唔停口。蝦多士：必食菜式之一，多士脆而不油膩，直情好似係用焗爐焗出嚟咁；蝦肉甜而彈牙，兩者配搭口味同味覺都一流。炸子雞：真功夫表現，我先食一件最難處理嘅雞胸，先講層皮，果然係卜卜脆又唔肥，正；到雞胸肉，雖然先天所限，但亦不算太鞋，仍然頗juicy，到再食雞脾位，真係外脆肉嫩，但又唔會煮唔熟，雞味亦濃郁，回味無窮!生魚片兩味：差d已經遺忘咗嘅懷舊菜式，以前久不久都會係d小館子食到，但現家已變成特色菜，呢到嘅價錢亦唔算平，兩味好似要收成二百幾蚊，雖則生魚唔係乜嘢貴價魚。生魚嘅特有鮮甜係呢兩個餸表露無遺。魚骨腩湯，加入芥菜，另加薑片少少胡椒粉吊味，湯夠甜；而炒球更加食到生魚的甜味，比食一d普通咸水魚更正。鵪鶉鬆：老婆嘅心頭愛，但我興趣不大所以冇食。另外重叫咗藕餅、薑酒炒芥蘭等好幾味菜式，味道都好正

今日下午同公司同事去鳳城酒家飲茶，一枱十多人，你一言我一語，感覺良好，很久也沒試過吃午餐會如此熱鬧......去到酒樓已見同事點了滿枱的食物，有蝦餃、燒賣、招牌蝦多士、糯米雞、鮮竹牛肉球、一隻炸子雞、椒鹽魷魚鬚、雞紮、鳳爪、排骨......不能儘錄~最值得推介的莫過於這裡的招牌蝦多士，原隻大蝦放在炸至鬆脆的麵包上，大蝦新鮮彈牙，多士香脆可口，放入口中，上層帶嚼勁，下層鬆脆，美味無比!!!其次是炸子雞，又是這裡的招牌菜，炸子雞放上枱已嗅到陣陣香氣，外皮明顯的脆卜卜，色澤均勻，吃一口，皮脆且薄，脂肪不多，肉質鮮嫩富彈性，雞味甚香，全枱一致稱讚!!!糯米雞帶有懷舊色彩，一個竹籠盛著一隻而荷葉包著的大大隻糯米。吃一口雞，帶黏性的煙韌糯米滲透著陣陣荷葉香及餡料的肉汁。糯米內的餡料，如滑雞、鹹蛋黃、肉碎等等，肉的鮮味及蛋黃的鹹香，令整隻糯米雞的味道豐富起來。大大隻糯米雞，每人分著吃一點，有著分甘同味的感覺，這是現時極普及的珍珠雞不能取替的味道。其他食物也是非常新鮮，吃到大家挺著肚子回公司，希望下午不會飯氣攻心，打瞌睡吧