影片
食家推介
招牌菜
想食汤米线/汤饭一定储谂起依间再加想钟意食鱼一定系 「鱼鱼鱼鱼」4条鱼佢读 鲜 即 像形文字 演化成的字俾大家睇睇我食咩米线超多，我净食送饮汤都饱左啦！今次试个敏鱼鲛平时食开 油甘鱼鲛 （用气炸锅自整）今次去到试下佢个椒盐 外边香脆 椒盐味刚好鱼肉 滑滑 好好食 老公就 叫左 生炸猪排平时个猪扒会更香边 今次 咁快炸完 唔㶶既我地平时会叫外卖自取返家佢个米线都系超大碗架我通常都系饮晒个鱼汤同 叫 敏鱼肉 感觉个汤鱼肉会比较又件数咁 下次都系食返 汤鱼肉见佢个午餐蒸鱼劲抵$55 套餐下次就去试下先
继续阅读
记得我第一次食鱼鱻，应该都有十几廿年前，𠮶阵时系朋友介绍，去荃湾店，个鱼汤真系好好味。𠮶时我地仲无人识读个鱻(音:鲜)字，我地一班朋友一直都叫呢间铺做“鱼鱼鱼”。😂今日放工经过新浦岗附近，试下呢间分铺，因为有少少赶时间，所以就唔食原条鱼喇，而只系点咗个简单一人套餐，选了枇杷豆腐米线，配鱼滑，和牛肉，加饮品。呢几款配料味道不过不失，但个鱼汤仍然系好正。我每次都会饮晒啲汤，个碗干净到可以照镜咁。😂😂
继续阅读
唔好意思，唔记得影相，成泡油系碗米线扮鱼汤，仲系最岀名系鱼汤，完全冇鱼味😄👍🏻👍🏻👍🏻职员态度好差，仲要话唔至在你呢个客🙃有良心既知咩事啦唔会再帮衬
继续阅读
几钟意黎呢度食，因为够哂大碗又唔会好油，我又钟意食鱼又钟意食米线，所以啱哂我。今次叫左个冬菜节瓜鱼滑豆腐汤加米线。材料好足够，细食嘅话唔加米线或者饭都会够饱。鱼滑唔错够弹牙，成碗有菜有肉，系健康之选。个汤系鱼汤，不过唔系好浓味，如果再浓啲鱼味就好啦。
继续阅读
工作关系要喺新浦岗揾食，拣咗呢间，一睇个招牌就知道系食鱼嘅，早几年喺荃湾食过，今次就试下佢地嘅姊妹店啦。一坐低就有奇怪事件，话说啱啱睇紧个普通餐牌(价钱系平D嘅)，然后放低睇另一个(价钱系贵D嘅)，有个阿姐即刻收咗个平D嘅餐牌，叫我拣贵D𠮶个入面嘅野，因为佢系好有礼貌咁收，所以我都好有礼貌咁问佢点解唔比我拣平D𠮶个，于是个阿姐就Sell我贵D𠮶个好食D架，我话我都想叫平D𠮶D，佢然后先至话平D𠮶个餐牌无鱼架，我真心觉得奇奇怪怪，估唔到呢种细细间嘅类似茶餐厅都会Hard Sell你食贵鱼。最后发现有个$55嘅鱼套餐，于是就叫咗，始终Lunch唔想食到最平都要差唔多$80嘅餐。$55有碟蒸鱼(豆酱蒸白花鱼)加一碗鱼汤，我就叫咗米线唔要白饭，仲连埋一杯冻饮添，算超值啦。豆酱蒸白花鱼比想像大碟，肉质都新鲜嘅。鱼汤比想像中差，鱼味唔够浓，有进步空间。不过唔鯹兼热辣辣，$55算系咁啦。米线咁样上法就麻麻地，因为会黐埋一pat。
继续阅读