影片
招牌菜
师傅自从黎过呢度一次之后, 就成日心思思想再黎, 可惜又苦无藉口; 由于师公同师母都从未黎过, 就趁住一年一度嘅师傅诞同埋新世界中心结束在即, 加上呢间食店亦八折赠庆, 师傅先至揾到个机会再黎! 于是一早订定枱, 三人行准时去到, 侍应位有礼招呼, 坐低后叫埋茶, 师傅当然系第一时间睇下有咩好食啦, 之后大家商量左一阵, 最后决定柯打个四人餐, 虽然明知会食唔晒, 但一于少理! 而四人餐系有八道菜, 分别有堂灼北海道大贝柱拼象拔蚌, 鸡汤中鲍翅, 原条海参扣花菇伴伊面, 大海班两味, 翠绿炒球同埋炆头腩, 酥炸沙井蚝, 金奖炸子鸡, 仲有咖哩肉蟹跟银丝卷! 落完单等左一阵, 好快就黎左个大砂煲, 因为第一道菜就系堂灼北海道大贝柱拼象拔蚌, 堂灼固名思义堂食加白灼, 先讲下汤底, 汤底有少少葱同彊片加几旧豆腐, 汤底似乎冇咩特别; 而主角亦随后登场, 大贝柱(即系带子)真系好大粒, 而象拔蚌又切得好薄, 但当放下北海道大贝柱同象拔蚌时, 就即刻觉得个汤底起到作用, 皆因汤底够清, 加上少少彊葱用意去左腥味, 从而带出带子同象拔蚌嘅鲜味,带子真的大大粒, 而入口非常爽口鲜甜, 肉质同口感又系一流; 至于象拔蚌亦非常鲜甜, 拖一拖即食一样爽口, 好味; 第一道菜已经有咁高水准, 真的为呢一餐打下一支强心针!既然黎得呢间食店, 翅当然系不能缺少嘅一道菜啦, 所以第二道菜就系鸡汤中鲍翅, 作为一个四人餐, 唔知又有几两翅呢? 打开个盖后, 师傅发觉至少有二两, 皆因成碗除左汤外, 就全部都系翅; 再试一口发现用鸡汤做汤底竟然系清清的, 味道唔会过浓; 而翅身亦属高质, 排翅煮得够腍, 非常好味! 食完个翅后, 就到原条海参扣花菇伴伊面, 海参真系好大条, 可惜系师傅一向都唔钟意食海参, 皆因海参个样好差, 真系见到都唔想食; 而花菇师傅亦冇食, 原因系师傅身体唔好, 加上一向都麻麻地, 所以净系食伊面; 而伊面都几爽口, 加上个汁亦几好味, 小棠菜亦够腍, 所以都唔错!大海班两味有翠绿炒球同埋炆头腩, 先讲翠绿炒球, 西芹够爽口, 芹味唔会太浓, 而班球肉身几松身, 唔会实的的, 证明都系新鲜, 但少少腥味都冇, 加上炒得唔算油, 所以都不错, 收货架; 炆头腩亦炆得好入味, 冇腥味, 不过系多左少少骨, 亦算不错; 酥炸沙井蚝真系炸得好松脆, 但就一d都唔油, 而蚝身亦算大只, 加上真系好肥美, 师傅食完一只亦忍唔住要食多一只, 正呀!金奖炸子鸡嘅鸡身好滑而且非常松身, 虽然𠮶一刻师傅已经食到好饱, 但亦食左三四件, 加埋伴碟嘅虾片炸得好松脆, 入口亦唔会一口油, 所以整体都好正; 最后系咖哩肉蟹跟银丝卷, 咖哩汁都算香但唔辣, 而咖哩汁亦算稀左少少, 呢个位师傅扣少少分, 而肉蟹好鲜甜, 蟹盖亦有好多膏, 都不错; 至于银丝卷, 师傅就觉得硬左少少, 但师公话唔硬, 对于师傅呢d受软唔受硬嘅人, 银丝卷真系不大欣赏!总括黎讲食物质素甚佳, 环境非常舒服, 因为十分宁静, 而服务态度亦算不错, 价钱亦算合理, 四人餐都系一四七八, 仲有八折, 三个人食四人份量, 系贵左少少, 但师傅觉得物有所值,所以都算抵食! 呢间食店临别秋波, 加上师傅诞, 实行一砲双响贺师傅, 笑脸系一定会比, 亦希望仲有机会再黎啦!
继续阅读
14 March 2010 Sunday白色情人节，20 C，晴1) Arrival & setting: 路过见到鱼翅城因新世界中心即将关闭而结业，因此全单八折，套餐还免茶芥加一。我们可能逛累了，又累又饿，便入去试试晚餐，顺便度过所谓的日本“白色情人节”。 鱼翅城环境舒适，可以好好坐下。我们选了$422 x 2的dinner，馋嘴的honey另加了$20炸银丝卷，无非为了沾錬奶食。真为食呀! 侍应服务殷勤，完全没有“即将结业”的挫败感，甚至颇gentleman的逐一慢慢上菜，慢食犹如法国餐啊。我们的为食大餐如下:2)Dishes:1.两小碟:蜜汁叉烧: 不小碟啊! 可能又累又饿，觉得唔错，尤其是蜜汁甜甜，及自动自觉来了半肥瘦叉烧。拍黄瓜: 清爽，ok。2.鸡鲍翅h… 醒哂! 鸡汤好像住家菜，很浓好甜很暖心，我食了一小排翅便只管喝鸡汤，喝呀喝…一排排的鱼翅便搁浅了! Honey忍不住也问我“不食翅吗”?! 鱼翅的份量是相片中汤匙的4-5倍! 好正呀! 3.黑椒窝荀鹅肝粒:窝荀很爽与鹅肝粒几夹，但没有黑椒味，反而啱哂怕辣的我!4.龙虾伴米线:海鲜! 龙虾大大只好多肉，很有蒜香。米线很滑偏淡，很合配蒜香龙虾。5.蟹肉菜苗:又是海鲜! 蟹肉很creamy很健康似的，菜苗味道OK也很大碟。6.蟹籽海鲜炒饭:又是又是海鲜! 看似平平无奇，但闻到很香!! 蟹籽、带子、虾仁、鱿鱼…切得刚刚好，饭粒炒得香口利落! 若我在家可以炒出这个模样便好了。始终中式炒饭比日式稍胜! 不过已饱了，再好食也只可尝一口，几乎整碟外携返家… 翻叮也不及现场的好食了，呜…7.炸银丝卷(另加$20):好抵食啊! 其实它是跟两小碟一起来的额外前菜。虽然没甚么特别，但我们就是喜欢它简单的脆皮伴錬奶! 8.鱼翅城蛋散:很松化…我们也溶化了，无话可说。9.附送糖水:桂圆茶: 不是不好，但在寒冬喝会更好吧! 腐竹鸡蛋糖水: 比想像中滑，加上我爱的鸡蛋，哈!3)Bye bye New World Centre:今次这个“法式鱼翅餐”助我休息好了，真好! 常服务我们那位侍应先生声音柔和又细心有礼，怡到好处，又主动介绍菜式，服务良好犹如高级西式餐厅。可能服务好的关系，心里难免关心侍应们会否因新世界中心关闭而失业，或是可派往其他继续服务呢!
继续阅读
几时会有幸福的感觉？与爱人一起享受著美味的的食物时…你会有吗？（睇下食咩先？！）今日为方便撘车入赤柱，相约中午在尖东等。巧遇鱼翅城 【88全免餐】。见88蚊竟可食鱼翅，便不作他选，入内品尝。这个餐包了：鸡汤木瓜鲍翅（每位一两）：鸡汤加上木瓜味道配撘得很好，鲜甜美味，鲍翅真的是一排排的。今日第一餐便用翅漱口，感觉很好啊！虽然只是用一普通汤碗仔盛著，但以这个价钱和质素已是很不错！烧卖和叉烧饱（各一只）：味道不错，但没有什么特别鲍汁菜心：ok，但感觉不到是鲍汁，太淡了干烧伊面：味道适中，伊面也好吃这个套餐最少要2人惠顾。份量虽不多，尤其男士可能要再加点心才够。但每人88 蚊已包括了加一和茶钱。相当超值！这里环境亦很舒适，有卡位适合情侣进餐。与你一起，就算今日吃的是碗仔翅，幸福的感觉都不会变…若然那碗仔翅是同样美味的话…但因为你，令我有动力工作去与你吃更多正鱼翅，不过今餐…多谢你先！
继续阅读
2009年6月好耐无到鱼翅城饮茶, 是日就一于再去饮餐茶啦 !! 叉烧饱一睇已知不对办, 馅料爆漏而且过湿, 汁过多~不合格 ! 虾饺饺皮过淋, 易烂~亦不合格! 最差就是蒸箩卜糕, 太淋太"削",明显落左过多水, 箩卜丝亦寥寥无几,如用以会考比喻, 这项应是 U 级 ~~ 只有蛋散可取 !!! 但绝不只为蛋散而来 !!
继续阅读
19/1/09难得出去饮茶,当然揾间好既.听闻下午茶抵食又坐得舒服...一于试.好彩早去到.原来都有好多人等位饮下午茶.点心款式唔算太多(十几款)但大,中,小点都有半价.叫2个鸡汤煲仔翅:$72@.仲谂住会好似出边个D碗仔翅.原来真系翅,细细块都有6,7块咁多,仲好香鸡汤味.D waiter仲即场系你面前煲热.劲!菠萝叉烧包:几特别既配搭.个味道又ok㖞.唔会抢对方既味道.鸡汤小笼包:皮薄,又多汤.正,感觉D馅都几新鲜唔会有仲梅既feel.鲍汁凤爪:好鲜甜既汁,D凤爪又够淋.粟米脆虾筒:应该系即叫即炸.因为个心系好热辣辣(差D烫伤个咀仔)仲有基本既虾饺.烧卖,牛肉:不得不提,个虾饺皮真系好薄,近乎透明.甜品:齐齐捞起(糖不甩)几有意思既名字.所以都叫一客. 旦散:真系几好味,加D糖浆perfect!其实我都唔知佢系乜. 只系见到隔壁都有一碟,个样又好似几得意,所以......
继续阅读