鱻魚湯料理專門店 (已結業)

一個平日的下午，因為放假及有私事處理，下午四時才吃遲來的午餐，因為已過三點，不少餐廳都落場休息，可以選擇的變少了。想來想去，決定去這間魚湯料理專門店，試新野。魚湯主打健康，不加味精及有多種營養，完全sell中我。$42包兩個餸同魚湯，揀左魚付同炸魚片頭，而每碗都有送豆卜、莞莤、香菇絲，魚付質感鬆軟，咸香滋味，炸魚片頭有彈性，不會太死硬，也是咸香魚味，加$5有介蘭苗，好爽嫩翠綠。至於最重要的魚湯底，色澤奶白，見有前人說淡，我卻喝到鮮甜的味道，也夠濃，可以喝光整碗，事後不口渴，魚湯配米線是完美配搭，如果魚付、炸魚片頭調味可以更輕就更好。…查看更多

女友特意來接我收工，想給我１個驚喜～實質是她想到元朗食好西。天氣悶熱，行了很久她都未想到吃什麼好...路途中經過很多食肆，她都不感興趣...突然她停在１間食肆前看餐牌! yes!! 終於可以進內，我的肚子超餓！ 店舖主打吃“魚”，感覺健康。我們選擇坐在最入的位置，希望冷氣會涼一點。結果冇令我失望，冷氣夠勁!我當然要試試這裏的主打: 原條三刀配米線點完後，廚師特意出來詢問我們三刀用乾煎的方式烹調好不好? 我當然沒有質疑廚師的決定，就隨他的專業去做吧!三刀雖知不是真正的斬三刀 (你不會以為用$80就能吃到真正的斬三刀吧, 少年你太年輕了)。 魚不算太肥美，但煎的外脆內軟。外皮被煎得香口，內裏肉質結實，魚肉有鮮味，對得住$80。魚沒有腥味泥味，調味比較簡單，淡淡的咸味帶出魚肉的鮮味。米線質感一般，魚湯較淡，喝後覺得沒有味精不渴口。店員介紹他們自家製的欖菜，可用來配米線同吃增添惹味。欖菜獨有的咸香，味道不錯，配搭米線的確不錯，店員說蠻多客人都愛吃。小店充滿人情味，感慨這些小店在香港已越來越小!…查看更多

放工後特意到元朗接男收工，給他一個驚喜。 元朗食肆有很多，琳瑯滿目不知吃什麼好!我們行了幾條街，又不想吃一些平時常常吃的，行到一條細巷，見到有間打正旗號賣魚湯料理專門店，不會太肥膩及熱氣於是就試試!小店內坐位約有20個，燈光充足，冷氣夠!我點了紫菜蠔仔肉碎飯。等了一會就送到，材料充足，有紫菜、肉碎、蠔仔、豆卜、芫茜、蔥及生菜等等魚湯雖然魚味不濃，但充滿莞茜香味，尚算清甜。蠔仔數量多，不算大隻，但沒有砂及沒有腥味。令人驚喜的是所有配料都很新鮮，生菜清甜食落口還有"索索"聲。整碗湯飯看似沒有特別，但比外面店舖做得出色! 是因為所有材料都很新鮮嗎?吃完已經晚上9:00，店舖沒有爆滿但仍然人流不絕~ 希望這些小店繼續堅持，繼續將健康、新鮮食材帶給大家！…查看更多

星期五的晚上和老公到運動場跑完步再去吃晚飯，走著走著來到這店，看到裡面差不多滿座，一於試試吧。我老公本身是不吃魚的，所以我非常意外他會挑這間吃魚的專門店。事實上除了鮮魚，魚湯都有很多餸菜和主食的配搭，包括雞翼豬扒等。我試了魚片頭雲吞湯米，老公側揀了紫菜雙丸湯飯。等了一會魚湯就送上啦，當然要先試一口湯。唔！味道清甜，應該真的沒有味精吧，因為最後我們所有湯都喝了，亦不覺口渴。魚片頭非常彈牙，雲吞亦很大粒和足料，又再吃得飽飽了~ 對於不吃魚的人，偶然喝喝魚湯真的不錯。我看到很多食客都會點整條魚配主食，不過魚都以煎炸為主，那樣做不是不能吃到魚的鮮味嗎？我想我下次再來應該都只會點魚湯吧...哈哈...…查看更多

我本身好鐘意食魚...好多年前已經係荃灣既一間魚魚專門店到食開..但近排食過覺得魚湯味精重左D...食完會口渴~係元朗開左間呢D魚食肆我點會唔去試下呢寫到明唔落味精!!!魚同米線分開上....可惜係點解條魚會係煎..聽個唔知待應定廚司講係煎完先再淋魚湯..但我覺得咁樣唔太好..一來我唔太鐘意食煎炸過既野二來我會覺得唔新鮮既魚先會咁整...雖然係香口但始終魚鮮味唔夠出..如果可以做到荃灣個間咁就好..魚湯方面確係比較淡因為冇落味精...但佢地有D欖菜比你加落去..我加左少少又真係唔錯..不過魚湯D魚味可以重D就更好.豬扒係元朗實在有太多好食既食肆..所以LEE到一定比下去..但都還可以..魚角感覺似學利但佢地話係自己打自家制...食落又真係好彈牙.魚湯冇味精再D麻辣醬..相公成碗清晒一D湯都冇剩新鮮熱辣辣....最鐘意佢真係有蜆肉仲要係大大粒..只係鹹左D咁囉..不過都好好味呀~~其實都會再黎但真係想比D意見唔好再用煎炸方式...我記得個日隔離座有個食客都話下...煎GA???其實大家心中都想食得清淡同健康..最重要係想食到魚鮮味!!…查看更多

元朗食肆愈來愈多…又有新店開張…今次係魚魚店黎…主打係將d魚煎皮拆骨…實行食哂d魚佢…店舖門口細細…差d行過左龍睇唔到佢添…內裡簡陋…只得三十個位左右…但係侍應就只得一個…餐牌得張雙面紙仔…要留意既係…要食魚就要睇水牌既海鮮價…8點幾鐘…到我幫襯既時候…飯已經賣哂…魚只剩下兩款…唯有照食啦…唔知係咪新開未請到人…我懷疑廚房都係得一個…結果等左成半個鐘先有得食…湯底標榜不含味精…所以味道比較清淡…配上蔥花芫荽就惹味一d...魚同麵係分開上既…一條係黃花…一條係紅衫…魚唔算大條…都有魚味…煮法相信係炸完再淋上魚湯…咁樣分開上就變得無咩意思…條魚腍左就無咁香口…整體感覺…小店經營…人手缺乏…海鮮價錢…有待改善……查看更多