鰹烏冬 (寶華閣)

营业中

休息中

琴晚收工跟同事一齊去呢間鰹烏冬食野，第5波之前原本約左，但撞正疫情又爆，無奈取消今晚一於再去去到唔洗等位，即刻入得，同事食過，佢諗住叫海苔烏冬，但賣哂，有幾款都賣哂，可能太晏去了我睇左陣，叫左牡蠣冷烏冬，咁熱唔食熱烏冬了同事最後叫左原味烏冬，加多個炸雞我嗰個牡蠣烏冬，炸蠔好脆，粉唔係好厚，蠔係鮮味嘅，食到蠔味烏冬就可能我唔係好慣食冷烏冬，個咬口有啲硬，可能比煙靭仲硬咗少少，ok嘅其實，但可以再稔少少同事話炸雞好大舊，但應該都唔錯，目測唔油，炸得好乾身個湯汁正常，預計之內嘅冷烏冬湯汁，淡淡地價錢公道，夾埋先$200左右，抵食吖，咁大份水係自助的店員有禮貌，好友善

回到復活節假期的那天本身好想食拉麵, 但係揀左幾間都發現應該要排隊… 實在唔鐘意排隊既我地最後揀左去長沙灣食烏冬點知….. 都係要排隊呀………呢間舖頭既烏冬都係佢地自家製既, 偏粗身, 好滑好彈牙好有咬口🤤- 鰹魚清湯烏冬 ($46)湯底係好清好香既鰹魚湯, 濃淡適中, 唔小心飲晒d 湯都唔會口渴, 同烏冬配合得岩岩好💕 - 鰹魚湯咖哩烏冬 ($54)雖然食落唔算好驚艷, 但係鰹魚湯加埋咖哩湯都幾夾，可以平衡返咖哩好濃個個強烈口感, 尚算有心思, 起碼唔會就咁開個咖哩磚再倒落個烏冬度hea你, 不過如果用埋日式砂鍋上我諗會仲正- 骨付雞 ($44)我諗骨村雞都算呢間舖既王牌之一, 機乎每一張台都有叫, 一上台已經好香, 雞皮好脆雞肉好滑好嫩超級juicy! 同場加映, 佢既朝食好吸引呀😍 可惜屋企同公司都唔係附近, 好難有機會試到🥲

鰹烏冬 (觀塘/佐敦/長沙灣/牛頭角)🇯🇵 @udon.hk 終於😍😍煙韌控表示超級滿足！［夏一烏冬 $55 ☀️］（9/10）粗身的自家製烏冬超煙韌🤍冷烏冬更煙韌😍配料超豐富：青瓜粒🥒、紫菜🖤、蔥💚、脆煙肉🥓、白芝麻🤍、薑💛、生蛋黃🥚還有一片檸檬🍋加檸檬汁更清新✨［骨付雞 $44 🍗］（8/10）🐓皮脆肉嫩惹味！🐔上面有七味粉調味價錢不低，但值得一試！😍回頭率：✅✅✅✅✅推介：所有冷烏冬！！（5/5）#長沙灣foodhealsme #荔枝角foodhealsme #觀塘foodhealsme#佐敦foodhealsme #九龍foodhealsme #日本foodhealsme📍鰹烏冬 (長沙灣)長沙灣元洲街450/464號寶華閣地下4號舖📍鰹烏冬 (觀塘)觀塘開源道60號駱駝漆大廈3期11樓O室📍鰹烏冬 (佐敦)佐敦彌敦道380號香港逸東酒店Eaton Food Hall LG樓8號舖📍鰹烏冬 (牛頭角)牛頭角創業街31號LT Tower地下及1樓3A號舖#鏗烏冬 #烏冬 #日本菜 #日本 #觀塘美食 #荔枝角美食 #長沙灣美食 #九龍 #香港美食 #觀塘黃店 #黃店 #長沙灣 #佐

好耐以前得一個鋪位嗰陣已經有幫襯，有次同男朋友去食嗰陣我哋係最尾一台，同師傅都有傾有講仲送咗個骨附雞俾我哋，嘢食又好食，嗰陣已經諗之後一定會keep住幫襯。但係而家越開越多間分店之後好似完全變咗另一回事，我哋次次都係幫襯荔枝角嗰間，但係而家開埋新舖位之後次次嚟親都係有唔好嘅體驗，每次都員工態度好惡劣嘅問題，首先鋪面有三名員工，我哋去到門口見到入面有好多位但係都要等咗幾分鐘先有人俾我哋入去坐，然後坐低咗一陣有名男員工又走過來類似呼喝嘅語氣話：針卡！呢個都算啦 跟住我哋坐緊嗰個位有啲凍所以坐咗喺隔離（近主通道，但係同一張四人枱黎）有個員工：你哋坐出面一陣間有人點入嚟坐？（嗰個時間勁多空枱…😅）勁無禮貌跟住我話凍佢先俾我哋坐另一個位食食吓烏冬嘅期間，又聽到啲員工喺度大聲閑談講話唔知咩公司條數，其實真係唔使咁大聲傾偈食物方面：以前食嗰啲全部都係熱辣辣 唔明點解而家連關東煮都係暖一食就知唔係啱啱整起之後應該都真係唔會再幫襯

我地去到餐廳 一入到去好聲好氣講話兩位 門口既店員大聲喝我地量體溫 當堂比佢嚇親😅 之後不停jer住著我地掃左安心未 然後好似驗屍咁check 落左完order 送餐上黎仲要送錯 同店員講番 佢仲要質疑我地先再拎番走😅 到埋單嗰陣 店員一野將張單搶走 好無禮貌 應該唔會再幫襯了🥲 搵錢買難受😭 我地叫左兩個牛肉烏冬 食物質素方面 烏冬明顯過硬 好似未煮熟咁🥲 牛肉都ok既 無咩特別咁 下午茶每碗$50 值唔值得特登慕名而黎真係見人見智啦…

喺香港要食到新鮮嘅手打烏冬唔容易鰹烏冬絕對係香港少數有即製手打烏冬嘅小店💛🍲牛肉烏冬 (下午茶HKD50)湯底揀咗鰹魚湯 咸度適中 配料有溏心蛋 牛肉 昆布 蔥花 雖然話係牛肉烏冬 但得兩片普通貨色嘅牛肉 而畢竟主角係烏冬 食落好滑好彈牙好煙韌！🤩下午茶嘅烏冬份量好多 多到食唔哂💨🍗骨付雞 （下午茶加配價HKD28)聽講嚟呢度食嘢一定要試吓呢個骨付雞😋雞髀嘅size大概係一隻手掌上枱嘅時候見到佢啲油光真係流哂口水🤤表面雞皮有略略灑咗七味粉 仲有少少燒焦嘅香味雞髀肉醃得好入味 煮嘅時間控制得好好 肉質超級嫩滑😳完全用刀輕輕一𠝹就可以😳 切開嘅時候啲肉汁爆哂出嚟🤩💬平日下午時份都要排隊 不過排隊嘅時候店員會俾定餐牌你揀 餐廳分咗兩邊 今次坐咗喺bar枱嗰邊 可以一邊睇住師傅親手整烏冬好治癒😎下午茶款式雖然唔多 但有齊招牌烏冬同骨付雞已經夠哂💖想試嘅話下午茶嚟嘅話就最抵食😁(骨付雞平時要$44)經開長沙灣絕對要一試☺️(分店仲有觀塘 牛頭角)🚩鰹烏冬 長沙灣元洲街450/464號寶華閣地下4號舖

今次經過見到鰹烏冬唔洗排隊，即刻入黎食翻個烏冬先。- 蕃茄青瓜沙律 $28本身見到名嘅時候，我以為係好似蟹籽青瓜沙律嘅食物擺法和做法，點知原來刷新左我嘅新知識。呢個沙律嘅蕃茄事先經過醃製，口感有齊酸酸甜甜嘅味道，配埋青瓜絲同麻醬，好有驚喜，下次一定會再叫黎食。- （冷）海苔烏冬 $50海苔烏冬嘅鰹魚醬油另外有茶杯裝住，夾起烏冬嘅時候可以直接沾試醬油，然後進食，方便之餘又唔會整污糟件衫。而烏冬唔會好黏又唔會好硬，麵質啱啱好。醬油方面可以再咸少少，令海苔烏冬更加入味。

長沙灣有間烏冬，朋友仔食過話好食，介紹同帶埋我去食，朋友帶去食好嘢，梗係去啦😎😎😎- 海苔竹簾烏冬 (冷) $50雖然佢係綠色，麵入面有一塊塊海苔，但我唔係好食到海苔味😅😅😅不過口感上，烏冬好彈牙👍🏻👍🏻👍🏻加埋佢嘅醬汁(蔥、薑、Wasabi同白芝麻)成件事好清新😋😋😋- 洋蔥牛肉 $44佢嘅醬汁味道似吉吉家嘅牛肉，牛肉有啲乾，但唔算好鹹，洋蔥夠淋同甜。烏冬沾呢個醬汁都好好食架，但咁食個牛肉汁唔係好夠🤣🤣🤣

剛好去長沙灣學手沖咖啡，肚餓至極，試過觀塘分店，所以就到訪這間分店試試看。分店分兩邊鋪位，一邊是平常進食的枱櫈擺設，而另一邊跟吃拉麵的擺設一樣，面對着廚師的。一個人點了一份雞和一碗烏冬，飽到挺着肚走。▪️骨付雞剛剛燒好的雞髀一上台已經香氣四溢，賣相非常吸引。🤤雞皮燒得非常香脆，在燒的過程中已經去走多餘的油脂，雞肉多汁嫩滑，切開時流出滿滿的肉汁，表面灑上一點調味粉（應該是七味粉）提升了整個雞的風味。👍🏻👍🏻👍🏻 非常之有驚喜，必點之一。💛 ▫️鏗魚半湯烏冬烏冬是自家製的手工讚岐烏冬，亦是此店的賣點。我揀選了最基本的鏗魚湯烏冬。鏗魚味出，湯底唔會太濃，麵質彈牙中帶點煙靭。海帶份量亦足夠，麵量算是非常多，去到後段基本上已經十分飽。整體來說，非常之值得推介，如果經過開長沙灣啲朋友可以試試。😙

聽聞啲烏冬好好食，試完有少失望揀湯底揀左好耐，因為唔係好吸引，本身都對湯底唔抱太大期望，因為佢始終出名係烏冬好食，最後都係叫左清湯諗住係招牌。上到枱果然真係好唔好抱有期望，係好淡既湯底差唔多同水加少少鹽咁，我要係咁加七味粉，但係烏冬係真係幾好食，偏粗又彈牙，只係奇怪做烏冬做得好又係招牌，點解唔改善下啲湯底，又可能係我係重口味人士叫錯湯底，人地淨係靠烏冬都咁紅一定有佢特別之處。唯一要讚既係骨付雞，好香蒜味同夠juicy又嫩。另外仲叫左個炸流心蛋，流心部分OK，炸粉都可以，如果可以有多少少咸味就更加對得住$20一隻既流心蛋。鯖魚正常質素，唔難食。最後係成間餐廳走日本風，的確個環境有少少令我覺得似係日本，但店員係比茶餐廳服務 ，最後賣單，個店員講完幾錢收完錢找錢就一句野都無講，多謝都無，只係掛住同個同事吹水係咁重覆「得唔得架」，我個下覺得自己原來係茶記食野。

今日因為要出門整野 所以冒住7度嚴寒出街🥶 我哋途經呢間人氣烏冬專門店🤪雖然今日落雨又凍 但依然見到有幾組人排隊😲 終於排到我哋入去 😌我哋叫咗～🍲兩個熱烏冬(鰹魚清湯月見烏冬&豆乳鰹魚湯烏冬)🐟🍳($4x~5x)三個小食(人人都推薦嘅骨付雞🍗&天婦羅炸雞 同埋 冬天必食嘅關東煮🍢)🍜個人覺得烏冬嚟講 呢度嘅賣點就係自家製手打，烏冬嘅外型比平時超市急凍既較粗同埋口感比較結實，而唔會一咬就斷，如果你坐吧枱 你仲有機會會見到👨🏻‍🍳佢哋拉烏冬嘅過程🤣湯底來講 我哋覺得豆乳湯比較香濃，鍾意飲忌廉湯嘅人都會喜歡豆乳湯😋 但如果你鍾意清甜口味，鰹魚清湯就會比較適合你啦🤨呢間嘅小食都唔好錯過呀😗($2x~7x)骨付雞🍗同天婦羅炸雞🍖真係大推❗️雞肉超嫩滑 而且多汁💦💦 炸雞粉厚薄適中😋😋另外🍢關東煮蘿蔔浸得好入味 你見成個蘿蔔都變晒色就知啦🥕🉐呢一餐味道滿意，但服務質素就有待改善，我哋原本一開始入去嘅時候，同坐門口嘅員工講咗幾次唔該，都唔應我哋😕直到入面侍應姐姐出去叫佢 佢先知我哋企左佢前面😂可能因為多人食好忙佢哋都好攰啦😕 下次經開佢哋其他分店 都試吓食其他舖頭先🤣聽講有4間分店咁多㗎～

我終於去咗食呢間位於長沙灣出名做出有咬口嘅烏冬。見到餐牌上，好多款是冷食烏冬，不過咁凍嘅天氣，我想食熱嘢，所以今次揀咗一款熱湯烏冬食。鰹魚清湯烏冬 (HK$46)．烏冬，彈牙爽口，好有咬口，仲要係掛汁㗎．鰹魚清晰，但飲一口，味道濃郁．面頭配有超多的海帶和蔥，正呀！骨付鷄 (HK$44)．見網上評價很好，我也點一份．原來是雞大髀肉，只有一條「7」字形骨．皮脆，甜甜的味道，似塗上一層蜜糖．肉質嫩滑，多汁，底下有蒜粒來調味，好味喎！

平時好多人排隊食，我同朋友可能3點幾去就冇咩人啦🤣🤣就即刻入去食，我同朋友都好鐘意食烏冬，所以都好期待😋😋🔹原味竹簾烏冬 （冷）烏冬好粗身，煙靭彈牙😍😍要逐條逐條慢慢食慢慢咬🤣🤣食烏冬時要浸一浸鰹魚汁食😋😋鰹魚汁可以加上配料（蔥花、薑蓉、芝麻同wasabi)，因應個人口味要調配！！我就全部落曬🤣🤣本身以為wasabi會係好刺鼻個款，但原來唔係，將wasabi加埋鰹魚汁會提升味道🔹洋蔥牛肉洋蔥煮我好淋，牛肉就冇咩特別但重牛味既！洋蔥牛肉都比較多汁，我仲拎烏冬沾沾汁添🤣🔹骨付雞一上黎係好大隻燒雞髀，外皮燒到好香脆，但係肉唔算好嫩

平日來到的時候有SET ($88)選了兩款食物：竹簾抹茶烏冬(冷) 、骨付雞回訪這次小店好幾次 都吃不到特別口味這次終於食到抹茶味的烏冬了！單吃食會嚐到淡淡抹茶味 一蘸汁就沒有了不過與原味一樣粗身又彈牙！真的很喜歡這裡的冷烏冬💕質感滿分 如果沾汁再濃一點就完美了⁡骨付雞是每次來都必點的！雞髀剛剛燒起就上碟🍗🍗入口肉汁滿滿 肉質嫩滑又惹味上面以蜜糖和七味粉調味 非常好食而且與烏冬的味道很相襯！好想打包幾隻回家啊🤣

之前去咗試呢間人氣手打烏冬店，烏冬都係喺店舖內自家製的，我仲坐正喺對住烏冬機嘅吧枱，所以周圍都比較多麵粉🙈烏冬係幾煙韌彈牙既，鍋燒烏冬都推薦，因為呢個天氣熱辣辣食都幾好味🍲 雜錦天婦羅都唔錯，係天婦羅蠔就有少少腥🤔排隊嗰陣明明有位都好耐冇比客人入座，之後落左單啲烏冬都等左好耐，好似整唔切啲烏冬同不停做咗外賣單先，有啲忽略堂食嘅顧客😮‍💨呢次體驗等到有啲唔耐煩🙈如果下次經過又唔使等位嘅話可以再食嘅🤣🔸竹簾冷烏冬🔸鰹魚湯白味噌鍋燒烏冬🍲🔸天婦羅🍤🔸天婦羅廣島牡蠣🦪📍#鰹烏冬 (#長沙灣美食)長沙灣元洲街450/464號寶華閣地下4號舖