鰹烏冬 (駱駝漆大廈第三座)

营业中

休息中

#foodstepsinhk_日本菜今日剛好在觀塘附近工作 所以事前特地問了住觀塘的朋友推薦美食！這家提供各款冷/熱烏冬 然後可以自由加配關東煮/金菇牛肉卷/天婦羅等小食🙌🏻·魚湯豆乳烏冬+骨付雞 | $53+37=$90 | 9/10骨付雞是用鹽 胡椒 和大蒜醬汁等調味的燒烤L骨雞腿有一隻手掌大🤩所以會吃到甜味 蒜味 和七味粉一點辣辣的味道·魚湯豆乳比想像中淡味 比較似淡一點的魚湯覺得湯底味道可以更重（但當然淡的好處就是可以喝多點哈哈自家製的烏冬很煙韌！配上鳴門卷 海帶 和蔥🍥整體價錢合理 因為款式很多所以應該會回訪的！

咖哩烏冬必叫每次諗唔到食咩都會嚟搬左鋪之後行樓梯都上到烏冬分量好多又好食期望未來有多啲side dish 嘅選擇每次我同我啲朋友都係咩雞髀因為其他真係無咩肉同唔係咁抵食

觀塘駱駝漆好評如潮的烏冬店，平日晚飯時間去都坐滿。留意返店舖已經由三期11樓搬左落去2樓！夏一烏冬烏冬彈牙，配合檸檬汁及秘制醬汁，味道非常清新！鰹魚湯豆乳烏冬湯底好濃豆乳味，好鮮甜，烏冬亦十分彈牙！骨付雞 （跟餐加$37）見到每一枱都點，忍唔住誘惑都要加一份。雞皮脆卜卜，雞脾肉質嫩滑！果然真係好食！

一開始去錯左11樓. 好彩咁啱見到佢哋staff勁nice. 話11樓已經用左嚟做工場之類？落返去2樓先啱鰹魚半湯烏冬（冷）$48今次要左凍烏冬. 勁彈牙又煙韌. 好有口感. 睇張相都感受到. 鍾意佢勁多蔥. 唔要蔥嘅朋友記得走左佢. 夏天咁熱食凍嘅真係好正. 同埋份量都夠. 有啲地方好細碗. 不過個湯係冇咩味就有點失色了.烏冬本身都冇咩配料. 多數自己配小食鍾意佢有部機出面自己斟茶斟水自便🤪骨付雞 $37雖有小小整燶咗. 但好香好跪. 平日唔係點食雞皮嘅我都食哂. 唔會好油個種！有比埋刀叉🍴呢個雞係有驚奇.

星期日經開觀塘，聽朋友介紹話駱駝漆大廈有一間好出名食手打烏冬嘅舖頭，長期人山人海，就算有錢都未必可以食到佢哋每日限定推出嘅烏冬，聽完之後更加想去試吓。去到大概中午時間三點左右，等咗大概15分鐘就可以入座，限定嘅烏冬已經賣晒，所以就點咗一個店員推介嘅青檸烏冬。青檸烏冬其實唔算特別，係青檸味比較Refreshing, 比較啱係夏天食，但係你話好出色咩，又未至於嘅⋯⋯單點一個烏冬已經要$70左右，叫埋配料同嘢飲，一個set已經叫$140左右落樓，份量唔算多，性價比唔算高，餐跟個炸雞，蛋同雜菜幾好食但又未到十分驚喜，環境普通，服務普通，除非嗰日真係好想食烏冬，整體來講不太推薦。

外賣自取返到公司，一打開蓋發現配料(竹輪、冬菇)都消失了。滿心歡喜期待嘅配料，但最後食唔到。未知係配料無貨定已經刪減咗理兩款配料。希望下次如果當日有配料缺貨知會聲都好，真心中意食佢地啲烏冬今次有少少失望。

#20230729 💛📍 鰹烏冬 @udon.hk 觀塘開源道60號駱駝漆大廈3期2樓T室 🍽️長沙灣｜佐敦｜牛頭角均有分店➖➖➖➖➖➖➖➖➖➖➖➖➖➖➖➖➖➖#酢橘烏冬 $75#骨付雞 +$37💭 其實就係青檸烏冬，除左青檸同烏冬無其他野😅就咁單叫都要七十幾蚊係有啲貴，叫埋餸成舊水落樓💸咁多青檸酸就理所當然，本身煙韌既烏冬凍食口感再韌啲，雞髀有蒜香味，調味唔算太重🍗配埋食係唔錯既.#鰹魚半湯烏冬 $48#味增焗鯖魚 +$33💭 同樣都係冷烏冬，呢個有鳴門卷同昆布感覺抵啲🍥話說🐷偷用左鯖魚舊檸檬吱落碗烏冬度🍋雖然做唔到一樣效果但都唔差，夏天食非常適合🌞鯖魚皮焗到有啲脆，但唔會乾身🐟味道岩岩好，食完唔會好頸渴.#天婦羅櫻花蝦什菜餅 +$26💭 呢個有啲驚喜，雖然眼見一隻櫻花蝦都搵唔到😅不過啲什菜都炸得幾好👍🏼炸完有鎖到應有既菜味無流失到，仲有海量既芫荽🌿熱愛芫荽既朋友可以試下，舖頭入面有玄米茶可以自由斟，啲野食食完亦唔會好口渴，所以🐷覺得唔叫野飲都可以接受.#觀塘美食 #觀塘黃店 #🐷在觀塘 #長沙灣美食 #長沙灣黃店 #🐷在長沙灣 #佐敦美食 #佐敦黃店 #🐷在佐敦 #牛頭角美食 #牛頭

今日同事帶我去了觀塘駱駝漆工廈內嘅一間烏冬店，聽講好出名架。專程來試一下。柑橘凍烏冬配燒鯖魚賣相好掂。鋪滿一塊一塊柑桔片，散發出清香味，感覺清新。湯汁又不會過鹹，味道恰到好處，冰涼透心，夏日炎炎最佳午餐。烏冬係自家手打，質感有彈力兼有嚼口。充滿活力感。燒鯖魚好好味，魚骨不太多。燒得皮脆肉滑，魚嘅鮮香表露無遺。果然係人氣店，值得推介。

成日團購鰹烏冬嘅生烏冬喺屋企食，已經覺得佢嘅烏冬的確比其他烏冬優勝！既煙韌又好彈牙！今日終於黎門市試下堂食🫶🏻夏一烏冬（冷）+骨付雞(💰57+37)(8.5/10)呢個冷烏冬係撈烏冬，有酸酸甜甜嘅汁、芝麻、蔥、青瓜粒、溫泉蛋、檸檬汁、紫菜。天氣咁熱，食呢個烏冬真清新真開胃！！骨付雞超大件，好juicy，好入味，熱辣辣，燒得個皮脆脆！好味！魚湯豆乳烏冬（熱) +金菇牛肉卷(💰53+42)(7.5/10)呢個熱烏冬相比之下就比較清淡，個人就覺得唔係好夠味。金菇牛肉卷超大束金菇，真係未食過咁多金菇嘅金菇牛肉卷🙈如果牛肉都多啲就balance d，同埋牛肉可以再入口即溶啲會更易咬。Overall評分: 8/10🫶🏻

當日黎到觀塘閒逛，炎炎夏日，想食番一個冷烏冬，睇到觀塘有鏗烏冬，決定去食下消暑😌❣️夏一烏冬 （走薑）呢款係冷烏冬，配料有青瓜粒、蔥、生蛋黃、煙肉碎同紫菜絲，簡單清爽既配搭；烏冬口感煙韌彈牙👍🏻再加上配附既檸檬，擠少少檸檬汁，配加清爽又開胃😌炎炎夏日食岩晒👍🏻❣️鰹魚半湯烏冬（走薑）朋友揀選呢碗，夠為普通簡單，鰹魚湯底味道淡淡的，可自加配附天婦羅碎～喜歡簡單味道的，可選擇呢款❣️金菇牛肉卷住家味道既小食，牛肉肉質偏韌身，整體味道不過不失💠💠💠💠💠💠💠💠💠💠💠💠💠💠💠💠💠💠💠總括，餐廳性價比高，沒有收加一，炎炎夏日，可以到呢間餐廳試試夏一烏冬～

🍜🍗🥢彈牙烏冬，配料出色，湯底失望▫️QR code落單▫️自取玄米茶/熱水🆗 黑胡椒粒拌蛋烏冬🍜（熱）-$51烏冬的確好彈牙，份量都夠，有蔥花、胡椒，同一隻流心蛋，撈埋一齊食令烏冬更滑。但胡椒味不濃，味道較清淡，冇咩配料黎講$51有d貴。🆗 鰹魚湯白味噌鍋仔燒烏冬🍥（熱) - $80用鍋上較熱，而且睇落好大鍋，配料亦較多款式，有紫菜、牛肉、金菇、紅蘿蔔絲、半隻冬菇、竹輪、半熟蛋。但湯底好淡，只得少少鹽味，完全冇味噌味，最後要自己加豉油同七味粉。☑️骨付雞 🍗- $37 骨付雞可說是呢度嘅名物，可以做到外皮香脆而雞肉嫩滑Juicy, 另外食到蒜蓉及七味粉味。☑️味噌焗鯖魚🐟 - $33有一小件檸檬提供，檸檬汁有提鮮作用，鯖魚外皮煎得好香脆，魚肉結實，但要小心細骨，唔係好食到味噌味。☑️ 天婦羅櫻花蝦什菜餅 🍤-$26呢度嘅天婦羅幾出色，炸得好脆，但吾油膩。什菜係紅蘿蔔絲及大量芫荽，芫荽控必食！櫻花蝦吾多，味道有少少，可能比芫荽味蓋過左。☑️ 多春魚2條 🍤-$20呢個多春魚都係天婦羅，同樣炸得香脆，魚味香濃，好食。

柚子烏冬+ 天婦羅 $112 推⭕️首選係呢個烏冬 得返最後一個好好彩食到！另一個就要轉竹簾烏冬重點係個汁 好清新淡淡的柚子味 有少少柚子肉 烏冬比普通嘅幼身 都幾掛汁 冰冰涼涼食落好舒服 覺得好食過原味烏冬！天婦羅出色 炸漿夠薄同乾身 有茄子 蝦 多春魚 南瓜 咬落去個口感好豐富 對天婦羅魚最有記憶點 ！因為魚味好夠 魚肉又唔會淋到霉 如果有一個係天婦羅多春魚一定會叫！🤣個蝦又彈牙 有蝦味 ！水準都好味過唔少嘅壽司店！茄子唔會好乾身 炸嘅時間拎得啱啱好！原味竹廉烏冬 + 骨付雞 $85呢間推介食凍烏冬原味偏粗身 好有咬口 本身個汁係配日式醬油同芥辣 有少少芝麻 芥辣令到個汁多咗個層次 骨付雞就係烤雞髀 幾多汁 隻雞都好入味 夠滑 用咗七味粉蒜蓉去醃 重口味嘅人會鍾意但水準唔係好穩定 對上一次食唔係好夠味 唔知係咪唔同師傅 呢間配料唔係話好多選擇 但每一樣都幾有誠意 性價比唔係好高 平均都要8x -1xx 野食又唔係好驚豔 但如果唸唔到食咩會考慮🤭

呢間餐廳我想食好耐了，終於都有機會可以食得到，個餐牌好豐富，樣樣都好吸引，揀咗一陣先揀到呢個烏冬。🍲鏗魚湯白味噌鍋燒烏冬個烏冬賣相唔錯，首先飲一啖湯，覺得味道幾好，有濃郁既鏗魚及味噌味。啲牛肉係半熟的，要把佢哋撈埋落啲湯到淥下淥下先會熟。烏冬好有咬口又堅韌，食落整體都係唔錯嘅。個蛋撈埋落啲湯汁度，味道就更加好。🐟味噌鯖魚個鯖魚好大條，渣啲檸檬汁落去，然後逐啲逐啲咁夾嚟食，幾好食的。🥩金菇牛肉卷咬下去時金菇爽脆的，加埋牛肉既美味，整體味道唔錯。🍤天婦羅不過不失。試了少少朋友的撈烏冬，味道清新，汁料特別，我準備好下次試撈烏冬。#鰹烏冬 #鰹魚湯白味噌鍋燒烏冬 #味噌鯖魚 #金菇牛肉卷 #天婦羅

星期日去行駱駝漆發現少好多鋪頭會開Mm又推介過所以入去試下烏冬面勁煙靭彈牙記得咬多兩啖如果唔係好易胃痛調味方面，涼拌烏冬有酸味好易入口烤雞係即刻出爐嘅上面鋪滿七味粉好香🤤天婦羅就一般般

*✲ﾟ*。🇯🇵💛最愛嘅手打烏冬店😍
最近去先發現觀塘分店搬咗落2樓 唔好去錯11樓摸門釘呀⚠️

食左好多次都仲未試哂咁多款烏冬🙈
烏冬係手打讚岐烏冬😋
月見烏冬用左鰹魚湯做湯底 好香鰹魚味 上面仲有隻生雞蛋🥚
醬油烏冬係冇湯嘅冷烏冬 可以按自己喜好落檸檬汁🍋骨付雞必叫💯🤤 隻雞髀燒得好香🍗 加埋胡椒大蒜醬好惹味 又juicy🤤
不過呢次好似比之前食細隻左少少🤏
關東煮就相對清淡啲😛
今次係Weekend 12點幾去觀塘分店 大約1點開始勁full 要等一陣位🙈-✨ 月見烏冬 ($54)
✨ 醬油烏冬 ($50)
✨ 骨付雞 (+$36)✨ 關東煮 (+$26)-📍 鰹烏冬 @udon.hk▫️ 觀塘開源道60號駱駝漆大廈3期2樓T室▫️ 牛頭角創業街31號LT Tower地下及1樓3A號舖▫️ 長沙灣元洲街450/464號寶華閣地下4號舖▫️ 佐敦彌敦道380號香港逸東酒店Eaton Food Hall LG樓8號舖