鯊仔記魚旦 (已結業)

原先在中環有活動，見時間尚早，肚又有些少餓，未必能吃得太飽，自然會四圍搵小食，鯊仔記就在和安里之內，即是當年盛極一時的豚王總店旁邊，如今人去樓空，街上亦見冷清，令人聯想起北角阿鴻小吃的情景。就在這條陋巷內，有一間主打小食的小店，門前放了一張摺檯及櫈仔，在昏黃的燈光映照下，無疑添上了一分蒼涼的感覺。碗仔翅本身賣$18，如果另加魚肉$3，算起來$20左右，合理價。灑了點胡椒粉來增加香氣及味道，翅底的芡汁埋得夠薄，舀起來亦沒有一舊舊的漿粉，算是不錯，餡料都是木耳、肉絲及蛋花之類，魚肉其實無乜味，或者魚蛋會好一點。

1.雞脾28$，即叫即炸熱辣辣，味道不俗，略嫌過油但味道十足2.中辣魚蛋18$，夠辣，魚蛋彈牙可口，一讚3.印尼撈麵15$，正常無特別總括正常中式小點，但在lkf唯一一間通宵食小點還算不俗

lee度解決咗好多係蘭桂坊飲野o既人o既需要，有時去Happy Hour 之前或者玩到好夜之後，通常想食小小野暖肚。7-elevenD野真係好難食，又要企係度。鯊仔記老闆好體貼！ 出面有幾張抬同櫈可以坐下，女仔著住高踭鞋上落斜路係一件好痛苦既事！值得一讚既係難得LKF而家有間專賣中式小食o既出現 真係一大樂事 最重要係全LKF 來來去去都係西式嘢 , 唔係Pizza就Burrito，我覺得中式美食有好多值得推介 lee度d煎釀三寶同魚蛋都好出色，睇得出係心機貨！ 足料之餘又好味 怪唔得成日都排長龍 我最鍾意佢d大大粒魚旦 超好味！同長洲食果d一樣，但又唔洗專登去長洲食物用碗盛載，感覺衛生，個碗摸上手覺得好靚，一D都唔cheap，同其他小食店以別不同，講真有d似 Starbucks d coffe個杯d感覺Anyway, 下次經過LKF都會過黎，想試下佢地d 碗仔翅，上次去到已經賣曬la 

食完飯經過這店，又覺得未算很飽，看到門口色彩繽紛的燈閃下閃下，還有搶眼的燈箱，突然很想買份久違的格仔餅。到付款才發現，$20一份格仔餅！從前都是＄10內，物價沸騰，果真歲月不饒人。姑且試下$20的格仔餅貴在哪裡。等了一會，店員便遞上熱烘烘，剛做好的格仔餅。熱得拿不上手，只好打橫捉緊紙袋的一邊。花生醬，牛油，砂糖和煉奶都下得非常慷慨，不消一會，花生醬色的煉奶已經從紙袋一角一滴一滴地流出來，走在中環的街頭，有點狼狽。到坐下來，把格仔餅拿出來，仔細一看，就知中伏了。質感腍得像蛋糕，完全是脆的相反。蛋漿欠蛋白，唯一可以接受，是入面的配料。花生醬有花生碎，帶點口感。但格仔餅實在太難吃，吃到一半就投降了。貴在哪裡？舖租吧。又或者是很久才有一兩個客人光顧，唯有定高價，加大profit margin掛。

今日放工行過呢間新開左幾個月ge魚蛋鋪,鋪位係就係唔起眼左小小,唔係咁岩經過,我真係唔記得左佢。見凍冰冰咪買串辣魚蛋試下囉。食落都唔錯,因為本身我係一個好鐘意食辣ge人.佢個辣汁又幾特別.同市面上一般食到ge味好唔同.都幾有心思!食落唔似係連鎖式普普通通個d無驚喜ge味道,反而食得出有d少有ge調味料!例如:紫天椒,蔥同八角!唔錯!值得一提ge係佢有三種辣道俾人揀!下次帶埋個唔食得辣ge衰佬去試下先XD如果唔係因為要番屋企食飯,真係想試下佢隻糯米雞..天寒地凍真係一流!唔知係咪因為12蚊比出面市面上ge魚蛋貴,佢地唔係求其搵支竹籤串d魚蛋俾你.反而係用個有logo design過ge杯裝d魚蛋俾你...12蚊就當係食包裝啦。XD

呢幾日天氣又開始凍翻, 某日經過中環LKF, 5:00幾又未到晚飯時間, 但係又有少少肚餓, 一心諗住食d野頂下肚la, 行下行下, 經過Häagen-Dazs, 又唔想食凍冰冰嘅雪糕, 再行下又好似無咩野食…….當我諗住落翻山既時候…….俾我係一條巷仔到發現左間小食店!!!! 太神奇啦, 點會諗到有間小食店係呢個位先…..係偏僻左d既, 個位都幾入下…… 舖面都幾細, 係無位坐既, 我見d人都係企係度食@@, 睇下個menu都幾多野揀, 魚蛋好似係招牌菜, 另外雞脾都幾多人食甘, 當我15, 16仲未諗到食咩既時候，我見到有張大大張既poster貼左係Counter門口, 好! 就試下個”新登場糯米雞”la, 見張poster好似好足料甘, 賣相都幾吸引… 睇下裡面真係好真才實料喎, 有雞翼(都幾大隻下), 臘腸, 冬菇, 最重要係新鮮熱辣係呢個嚴寒底下真係食完即刻暖笠笠! 講真個分量都唔細, 隻糯米雞有手掌甘大@@食完都ok飽. 以$22既價錢黎講， 你話貴又唔係既, 不竟係中環呢d 地舖食肆, 加上環顧四周都無同類型既舖頭, 最重要係果個 moment好想食點心XD唔洗去茶樓都有

萬聖節落左LKF玩玩到4am臨搭的士離開中環前覺得好肚餓....想食熱野但係又唔想坐翠華...7-11 d小食又閂晒...本來諗住算...咁岩見到地下有張呢間野既handbill 所以拖住疲憊既身軀...走入和安里醫下肚(當時心諗: 咁搞笑 在LKF賣魚蛋???)豚王舊址, 都幾易搵個門口d燈都幾光..個裝修唔錯, 幾搶眼又幾多客喎...不過都好快手...都係等左一陣...拎到就即刻學其他客咁(好無儀態地) 坐在地下食-.-hahaha 好攰嘛戈陣我左諗諗右諗諗熱情既店員姐姐推介我食 ($22) (點解凌晨返工都可以咁有精神 咁好笑容...佩服偑服...)佢話好多客都食完呢個 返黎再食拎上手, 又真係幾大舊 好抵食同埋個皮甜甜地 (蜜糖味?) 又脆脆地d肉又夠嫩 果然無介紹錯 又無改錯名hahahaha (thumb up)食完飽飽地 好滿足~~~ 價錢黎講 在中區 在夜深 合理喇(心裡OS: 如果以前讀U在campus有咁大舊雞脾賣, 12:30-1:00呢半個鐘lunch break就唔駛急急食完starbucks沙律/sausage roll 無幾耐 又肚餓-.-)如果肚餓又唔

午飯時間專程行去試下呢間新開的店. 去到門口冇人買嘢食, 馬上叫嘢食,買咗個HKD18的雞蛋仔. 職員態度好好但食物真是唔得個雞蛋仔散晒好硬, 好甜, 佢似用咗WAFFLE 個粉做呢個雞蛋仔.