影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
26-4-2025（Sat）晏昼，同老公去街市买嘢前，又食吓甜品，经过呢间睇吓，有嘢饮同台式甜品，而原来佢哋有堂食，系㖞，我都唔记得以前呢间系满记甜品。咁我哋入去坐啦，睇完menu，我要$48.00嘅仙草5号，老公出去买完拎入嚟，就多咗一杯嘢，佢话有每人$28.00嘅最低消费，所以佢用$48.00嘅冻QQ豆浆少甜。见到仙草5号都几大碗，而材料有仙草，粉条，粉粿同珍珠。我先饮啖老公杯冻QQ豆浆少糖，唔冻，而系暖，少甜都已经够甜，豆味都够，而内里原来有芋圆，地瓜圆同珍珠，重要系唔少。3分我哋就将佢加落仙草喥一齐食，仙草系滑，粉粿够烟韧，粉条就冇咁烟韧，珍珠味道口感都正常，而原来底𠮶喥系黑糖沙冰，捞埋唔冻嘅食材就够冻，加埋奶就好食啲，最后连豆浆都倒埋落去食，味道更丰富。5分环境：唔够冷气，但之后因为仙草5号有黑糖沙冰，所以开始觉得冻。抵食系2.7分其他：除咗最低消费外，重有用餐时间45分钟。
继续阅读
已经唔系第一次 ！讲得上系成日帮衬 住附近成日食完饭会去买外卖 上次叫左甜品 叫左走珍珠 因为唔想太饱返到屋企发现变左走左芋圆 珍珠反而无走 无奈无得追又有一次叫小芋圆奶茶都可以无芋圆 真系嬲左另外 叫左个招牌冰 份量小到喊出黎 同店员提返上次叫咗甜品冇咗芋圆 佢一句 “无可能无芋圆 “就算完全冇谂住跟进或者任何补返 或者无唔好意思态度差 无下次了 已经比左好多次机会为咗想食芋圆先去食佢点知几次都冇失望 由忠粉睇住佢变差！ 见到另外都有食评话外卖比漏 希望佢地会改善！
继续阅读
谂住嗌个豆花地瓜薏米糖水叫咗个热嘅,攞到返屋企第一个糖水又唔冻又唔热都唔知啲豆花有冇坏, 第二啲薏米唔熟, 第三啲地瓜系硬嘅睇相就知啦 it’s completely out of standard and so dissapointed. It’s hardly eatable and I suggest the shop should not downgrade its quality at any time. Make sure food is warm enough and fresh ! It’s not fresh !
继续阅读
国庆前请日假无反大陆，谂住同小朋友落街揾野食。减紧肥本身唔想食甜点，但小朋友行过见到个冰山话吸引就入左去。叫左个奶茶冰 做得好靓又好食，不过有小小大 一个大人加一个小朋友差小小食唔哂。 食到尾小朋友话太冰，问个店员姐姐服务好好，仲比杯暖水我地！赞 下次再食
继续阅读
招牌芋圆冰 $52原本以为系冻糖水，原来唔单只系冰凉，直头中间有一堆冰。但啲冰好粗粒，好似食紧冻柠茶里面𠮶啲冰粒咁，一d都唔绵，好影响口感。其他材料芋圆都唔错，烟烟韧韧。白汤圆冇味。下次可以唔要。红豆牛奶冰 $60睇到嘅时候俾佢吓亲，咁巨大！但系冰粒超粗，一d 都唔绵！口感粗糙，啖啖冰块。得个冻字。一啲都唔享受。唔推介。环境：★★☆☆☆ 食物： ★★☆☆☆ 推介度：★☆☆☆☆
继续阅读