鮮芋仙 (美麗華廣場1期)

交通便利，店內環境寬敞舒適，非常適合朋友聚會或下午茶。這次我點了他們的招牌芋圓冰與麻糬，整體體驗非常滿意。首先，芋圓冰的配料十分豐富，包含香滑的仙草凍、彈牙的芋圓和地瓜圓、軟糯的芋頭塊、Q彈的珍珠、綿密的紅豆，還有清爽的碎冰。每一口都能品嚐到不同層次的口感，甜度適中，不會過膩，夏天吃特別消暑。仙草凍帶有淡淡草香，口感滑溜，芋頭鬆軟不柴，芋圓與地瓜圓嚼勁十足，讓人忍不住一口接一口。旁邊的麻糬串同樣令人驚喜。黑白麻糬分別配上花生粉和香甜醬汁，口感煙韌，甜中帶鹹，層次豐富。整體來說，鮮芋仙的甜品質素穩定，份量足，價錢合理，是甜品控不可錯過的好選擇。推薦大家到尖沙咀逛街時順道一試！ …Read More

尋日同朋友食完飯，仲想傾下偈，就就嚟到鮮芋仙坐低食甜品，環境簡單開揚，咁啱又冇乜人，可以無憂無慮咁傾計。我哋叫咗滑嫩仙草系列嘅仙草2號，仙草3號，同埋芋圓紫米。我嗰款係仙草2號，仙草入口順滑，配合地瓜嘅清甜，煙韌彈牙嘅珍珠，鮮奶香滑，多重口感，甜味配合得啱啱好，清涼又好食。每款嘅甜品份量亦都好多，到酒嗰陣都仲未食曬，好抵食！…Read More

曾經的我經常食，排隊都會食，因為佢的芋圓係香港黎講係幾高質，同係台灣食的幾似，但今次2月頭食，勁失望！我叫招牌芋圓，個紅豆沙係無味，零甜，食唔甜的紅豆沙真係…….搞唔掂佢地紅本身紅豆沙已經唔濃，而家再稀啲，大家想像到嗎？放一陣會見到啲紅豆同水係分離，芋圓已經唔再好似初黎香港果時的味，食得比係粉的比例多好多！以前真係有芋頭味架！我同朋友都食剩好多，難怪無人排隊啦⋯⋯店員有一至兩個，好忙碌地服務客人，謝謝佢地！…Read More

喺同層食肆食完晚餐同朋友意猶未盡想再傾多陣見到佢哋完全一個人都無水靜河飛冷冰冰咁唉😮‍💨真係好唔想個經濟變成咁天氣好凍 好想食熱野叫左個紅豆芋圓，同埋麻糬一大碗想兩個人share 服務員就唔係好識做啦🙈淨係叫佢先攞一隻碗題羮又無 咁我就自己去攞啦好casual啫 但佢哋都就手旁觀咁囉可以主動少少🤏🏿 我諗食客會開心啲囉麻糬好似食緊擦膠咁😅😅同我expect 嘅相差好遠無乜必要都唔會再食又硬又凍又無味…Read More

以前要排晒長龍嘅鮮芋仙，而家開到四圍都係分店。咁啱經過美麗華原來又開咗一間，仲要見到冇人食。咁啱我哋揀咗戶外坐。樓下係諾士佛台，間唔中有少少嘈。我哋食咗個牛奶仙草冰，咁啱我哋坐戶外，所以個冰融得好快，但一路食個味道都覺得好淡，只得一啲珍珠白肉有煙靭嘅口感。 原來鮮芋仙已經不再出色了。 可能食鮮芋仙都要食返招牌燒仙草，今次整體語言是失望的。…Read More

今日喺尖沙咀同朋友食完飯 ，諗住搵地方食甜品， 行到美麗華商場有鮮芋仙。 鮮芋仙甜品舖算係幾出名好多地方都有分店， 之前喺觀塘食過有限時急急腳食完就要走， 今次嚟到尖沙咀分店竟然冇限時， 可以坐喺度慢慢嘆甜品， 我哋叫咗幾個甜品而我自己就叫咗仙草3號， 仙草3號 除咗仙草外，仲有紅豆，花生，珍珠 同鮮奶， 沙冰底， 不過我叫走沙冰， 仙草本身都凍所以就算冇沙冰都好好食， 珍珠q彈， 仙草滑溜加埋鮮奶更滑❤️， 大大碗一個人食一碗都唔食唔曬😂。…Read More

食完飯但係又想同朋友傾多陣就去咗美麗華間鮮芋仙叫咗紫米芋圓 同埋豆漿豆花薏米丸子加埋$100 有啲貴，但係因為尖沙咀有得坐下又唔想食咁飽嘅地方就係呢度去到排長龍等位，都算大家多位，不過有啲人把多啲凳嚟擺袋或者食完都繼續坐喺度，所以要等一陣。食物OK不過不失唔會太甜，番薯好好食。見啲人食冰食剩好多。排隊拎到位之後再去落單，落完單會俾部機，響咗就自己去拎。…Read More

今日約朋友見面傾計,就喺美麗華廣場等, 行下行下就上咗二樓, 見到有傢鮮芋仙, 就諗住不如坐低食甜品. 見到個餐牌都唔少選擇啦, 都好吸引同好似好好食咁. 最後叫咗兩款甜品交換食, 仙草香滑, 芋圓煙韌, 紅豆清甜, 消暑一流！…Read More

唔經唔覺又嚟到夏天，炎炎夏日，烈日當空，喺出邊兜個圈行吓街都容易出身大汗，呢個時候就最適合食返碗凍冰冰嘅甜品消暑。招牌仙草沙冰$48芋圓QQ有咬口，帶着甜糯香氣。仙草非常滑，配埋底下嘅沙冰，入口即溶，口感豐富。芋薯圓Q麻糬牛奶冰$68個人唔太好最大粒嘅麻糬，但其他配料都非常出色，特別鍾意流心芋圓，一咬落去，入邊啲餡料爆曬出嚟，正。同一樣鍾意食甜品嘅friend開心share，一路食，一路傾偈，話咁快就過咗一兩個鐘，非常愜意。…Read More

聽人講鮮芋仙就聽得多，但一路以嚟都未食過，咁岩今日係尖沙咀食完飯，見仲有時間，就去試下鮮芋仙🤣我地叫左仙草芋圓同芋圓冰，幾好食喎，唔會話好甜，而且份量都好足料👍🏻…Read More

今晚飯後甜品去左鮮芋仙美麗華嘅分店，美麗華嘅呢間分別位置就喺Starbucks樓上嘅欄杆位，有分室內同室外嘅位置，開始熱嘅今晚坐返喺室內嘅位置。今日叫左凍嘅芋圓4號 外加左小芋圓。以黑糖水刨冰作基底，加上4款配料，蜜芋頭，雙色芋圓，紅豆及珍珠。最出色嘅都係蜜芋頭同埋芋圓蜜芋頭口感綿密，甜度適中，份量有兩大嚿，非常滿足。芋圓口感有彈性，淡淡蕃薯及芋頭香，過足口癮。順帶一提小芋圓口感與正常大小芋圓有分別，比較腍滑。紅豆保持粒粒原整，沒有爆皮起沙效果，如果再煮長時間一點，爆皮起沙會令整體味道會再提升。最後珍珠甜度適中，但口感都係比較硬，可以延長烹煮時間，會比較好咀嚼。提一提返，有人均最低消費$28，如果女士們要同朋友分享一份甜品就可能要加個額外嘅配料喇。…Read More

同朋友喺尖沙咀食完晚飯，想食甜品即刻諗起尖沙咀有鮮芋仙❤️一於去美麗華商場食啦，呢間分店座位比較開放，採取自助形式菜單有不同選擇，有不同的刨冰、仙草、豆花、紅豆湯等等，最後因為想兩人share，選了刨冰最後揀咗珍珠奶茶布丁冰🧋🍮好大碟小山咁！上邊有雲呢拿雪糕，淋了奶蓋醬，有珍珠同埋奶茶布丁小料，不過奶蓋味道冇乜奶味比較似忌廉🥺冰唔夠黑糖水所以唔夠甜，珍珠煙靭，不過整體配合埋一齊就比較普通，因為有啲唔係太夾🥲…Read More

好耐冇食過鮮芋鮮，原來尖沙咀分店已經搬左鋪，搬左去美麗華，而且仲有芒果冰食🤩有食過鮮芋鮮都知道佢d冰超大份。超級芒果冰$88珍珠奶茶布了冰$68芒果冰芒果都係酸既🤣🤣食唔到甜，可能因為季節問題啦，雪糕同冰都ok既！珍珠奶茶布丁冰個布丁好食，有奶茶味道，好多珍珠，同埋性價比高d🙂…Read More

係尖沙咀飯後甜品，去左「鮮芋仙」食甜品。鮮芋仙主打芋頭芋圓甜品，一個令芋頭愛好者感到興奮的地方😆。我係一個芋泥控，有芋頭出現嘅地方都會試一試！熱芋圓4號：芋頭甜品絕對不容錯過。芋圓有著QQ口感，且配搭了珍珠，珍珠好煙靭好有咬口，芋圓食落唔會好粉狀，搭配著香濃的芋泥和甜紅豆糖水，每一口都令人陶醉其中💖芋圓和芋泥的搭配非常完美，好好味🤤因為冬天所以我揀咗食熱。每次嚟到都係必叫呢碗甜品！鮮芋仙都幾值得一試的甜品店。佢地的芋頭甜品種類繁多，每一款都充滿了豐富的芋頭/芋圓風味。如果你是一個芋頭愛好者，這裡絕對是你的天堂，而且性價比高，一碗都係$50左右。比起其他糖水店，我見其他都要$80一碗以上。…Read More

同老友晌尖沙咀食完晚飯，唔想太阻人做生意，所以，轉場搵個地方食糖水，繼續傾吓偈。最近、最就腳就喺呢間「鮮芋仙」，揀佢絕對喺貪方便，位置優先。餐廳位處美麗華商場一角，鋪形窄長，雖然有店員，佢哋基本上喺唔會點理啲客，近乎自己招呼自己。走到最入收銀櫃枱落單，俾個傳呼機你，等響就自己埋去廚房窗口拎。題外話，得兩個店只負責樓面，加上都幾多客，所以，啲客食完，枱面清潔就馬虎咗啲。餐牌都喺嗰啲，一貫台式見慣見熟嘅出品，唔多介紹，自己睇睇。另外，就仲有啲季節限定嘅芒果產品，有飲品，有甜品。招牌豆漿豆花 $50老友就睇中經典豆花系列，而7款選擇中，佢就最心水最大堆頭而店家推介嘅招牌豆漿豆花，裡面喺豆花加豆漿底，並加入芋圚、芋頭同珍珠。無論豆漿，抑或豆花，都好有豆香，豆花口感更喺好嫩滑，而底下有大大嚿粉香嘅芋頭蓉，搭埋煙韌嘅芋頭同珍珠，老友就讚幾好味。芋圓3號 $48手工芋圓系列有6款，其配搭都喺大同小異，小弟就揀由芋圓、紅豆、花生、珍珠組合成嘅3號。大大兜，餡料堆到滿一滿，雖然咁喺，其實下面主要都喺刨冰，天時暑熱食落又真喺幾爽；而芋圓、地瓜圓好咬口，加埋清甜嘅紅豆、鬆化嘅花生、QQ嘅珍珠，真喺多重口感，食完涼透心之餘，填飽埋胃內剩餘空位。一餐飯都喺有個甜品到肚先至覺得完整，而食到好食嘅甜品，當然就更覺滿足啦。…Read More