影片
港铁尖沙咀/尖东站 A1 出口, 步行约9分钟
继续阅读
电话号码
23833366
营业时间
今日营业
12:00 - 15:30
18:00 - 22:30
星期一至日
12:00 - 15:30
18:00 - 22:30
公众假期
12:00 - 15:30
18:00 - 22:30
公众假期前夕
12:00 - 15:30
18:00 - 22:30
以上资料只供参考，请与餐厅确认详情
位于尖沙咀海港城既高质Omakase🍣鮨 央泰总店系位于东京银座的米芝莲星级食府食材高质又新鲜，加上师傅嘅用心制作品质一定有保证👍我地拣左LUNCH OMAKASE 清雅 $680系由日籍师傅主理先付系 冲绳 水云酸酸甜甜，入口顺滑茶碗蒸用高汤蒸既蛋，又滑又清甜，面头配上舞茸，好香握寿司-十贯左口鱼🍣油脂丰富，肉质细致入口即溶。金目鲷🍣用火枪轻轻烧过，鱼香咪浓郁深海池鱼🍣鲜甜爽口鹿儿岛县 车海老🍣肉质鲜甜春子鲷🍣 肉质软滑，鱼味浓北海道 帆立贝🍣好厚肉，鲜甜好味池鱼🍣比深海池鱼个味更浓郁，面头有师傅手磨葱蓉，鲜味🆙青森大间 拖罗🍣经熟成过，入口即溶，鱼油味浓郁，油脂丰富肥美北海道 马粪海胆军舰 🍣系我至爱🤤creamy 口感，入口溶化，超鲜甜😍大爱海鳗🍣 平时唔食鳗鱼既我，因为好怕有骨，但🐢🍯试完话完全无骨仲要好好食，咁就试一次啦😝点知块海鳗一入口已同旧饭溶为一体啦🤣真系零骨之余，仲要入口即化👍👍👍令我一试爱上鲣鱼玉子烧无加面粉整，但卖相好似蛋糕，而口感都有海绵蛋糕嘅松软感，蛋味香浓配淡淡鱼香，好特别赤味噌汤🍲（内有新鲜紫菜）Dessert 🍨系抹茶雪糕鮨央泰📍尖沙咀广东道3-27号海港城港威大厦地下G111号舖
继续阅读
1463 浏览
表妹近年申请咗张「汇丰卓越理财信用卡」，其中最具吸引力嘅就系全年可于指定食肆享用买一送一嘅餐饮优惠，好多仲要有星星架，所以半价绝对抵玩！嘻嘻，小肥表哥同表妹感情咁好，不时都有机会做「送一」，旧年暑假就过咗海一试由银座开到黎香港嘅寿司店「鮨 央泰」。位于尖沙咀嘅餐厅傍晚准六时开门。落地玻璃窗同室内以木为主嘅间格时尚简朴得黎自然地流露出日系和风。店子中央为师傅嘅大舞台，光鲜企理，卫生非常。当晚为两口子备制鱼生嘅系Raymond师傅。每位席上摆有自用嘅筷子，埋位即有热茶及热毛巾。由于信用咭优惠只适用于指定嘅「忍冬」厨师发办晚餐（$2,380/位），所以不用费神点菜。两只酒鬼只需从电子酒牌拣选佳酿。应推介开咗樽「酿し人九平次 纯米大吟醸」（$1,080/樽）。季节限定嘅日本清酒芳香馥郁，配上妹妹仔预先雪冻咗嘅白酒杯，炎炎夏日尤其清爽！先付け – 五点：晚餐正式由前菜拼盘作序，右手边只杯仔内有味淡腍身嘅昆布水茄子、左边嘅矶粒贝则烟韧有嚼劲、上方件门鳝南蛮渍就最唔啱细佬口味，劲酸且有几条细骨。接著嘅九州黑鲷刺身用黑色嘅碟盘上，唔知系咪要专登衬返个名呢？！应建议用鱼肉卷入顶面啲姜蓉同木之芽叶仔，再黏上秘制嘅蕃茄红椒酱一啖过食，效果酸甜甘香，但感觉似食汁多啲，鱼鱼只能沦为配角。小碟中嘅鲣鱼二重奏就似乎重口味咗少少，除咗两件都偏咸之外，左手边轻轻烧过𠮶件带有一阵强烈嘅烟熏味，幸好连同白雪雪嘅日本嘅新洋葱丝食可以略为中和返；个人反而比较钟意右手边以酱油腌过𠮶件，起码质感柔滑得多。转入寿司环节前，先有爽脆嘅淮山、荞头、姜粒，三款渍物均无限添加。握り寿司 – 十二贯：Raymond师傅讲明所有寿司都已调好哂味，如果觉得唔够咸都欢迎食客加点酱油。为方便贵客用手进食寿司，每人都派多条湿巾抹手指。第一件呈桥形嘅北海道帆立贝寿司爽脆得黎渗出青柠香，醒神又醒胃。师傅好神秘地介绍第二件为一种好特别嘅「鲷鱼」，叫XO仔食后品评过感想佢先加以说明。真系冇谂到外表最平庸嘅「鲷鱼」油润得黎散发出阵阵果香，两老表就懒醒咁估鱼身上搽咗层果汁啦，师傅即开故此鱼为源自爱嫒县嘅蜜柑鲷，得此其名全因其饲料内含蜜柑，如果鱼鱼够肥，当中嘅油脂就会洋溢著芬芳嘅蜜柑香，坚有惊喜，实属整晚之最！黑边白肉嘅深海池鱼寿司厚润肥美。呈半生熟状态嘅牡丹虾寿司Q弹润泽，顶面以炒香咗嘅虾膏点缀，组合契合惹味，虾身爽脆尤甚。油光亮泽嘅北海道樱鳟寿司鱼味清香，肉质柔润细致。不经不觉已经食到中间位，跟住𠮶两件寿司都系由同一条熟成咗嘅冲绳吞拿鱼度切出黎嘅，只系不同部位及不同调味。第一件赤身寿司厚润得黎柔韧度较高，当中夹咗片紫菜令鱼味明显浓郁突出过平时。第二件唔讲真系食唔出佢系中拖罗，因为绝冇溶喺口，虽则唔可以话佢嚡，之但系好似食得到啲鱼纹咁，其鱼味浓郁得黎系咸咗，而并非鲜咗，甚为失色！摆盘好似成幅画咁靓嘅汁煮北海道水八爪鱼厚肉爽弹，吸盘位置尤其脆嫩幼细，就咁食最食得出八爪鱼本身嘅鲜甜，点上附配嘅山葵会香啲，但加点柚子胡椒就太抢。银光闪闪嘅手钓池鱼寿司鲜爽肥美，莫非一定要手钓先咁油润？！凹凸不平嘅北海道北寄贝寿司爽就够爽口，唯一当中嘅椒香味似乎盖过咗北寄贝嘅鲜味。鹿儿岛车海老成只手掌咁长，睇头十足！寿司握好后好型咁挂于碟边。橙白纹理鲜明嘅靓虾肉肥爽厚，超强呀！热辣辣嘅茶椀蒸内含菠菜及高野豆腐，蛋蛋香滑得黎好够汤汁，因为上面加咗肥嘟嘟嘅节令芝海老肉及其打造咗嘅芡汁，倍添爽甜与鲜浓。焼物：两片厚厚嘅鲛碟鱼西京烧鱼油丰沛，不用咀嚼已滑嫩得丝丝入扣，细腻得很！直接从师傅手接获嘅北海道马粪海胆寿司卷一啖放入口，脆薄嘅紫菜皮层即化于舌上，海胆嘅细滑浓甜直迫齿颊间嘅缝隙，爆！由于之前食头盘时食鳝鳝已经差啲哽骨，酒精影响下阴影更难消，所以压轴上阵嘅长崎海鳗寿司就转赠咗俾鳝后表妹。玉子焼き：貌似海绵蛋糕嘅玉子烧完全冇面粉嘅成份，除咗蛋蛋同蜂蜜之外，竟然混入咗个用海鲜淆制嘅鲣鱼高汤焗出。平心而论，玉子烧松就几松软，不过自己食唔出任何蛋味，唔咸唔甜怪怪地咁，或许个高汤有啲喧宾夺主？！椀物：赤面豉汤味道偏咸且唔够热，未能暖胃实为大忌也！デザート：可能喺雪柜放得太耐，日式蕨饼微微偏干同开始有啲硬化，唔得柔韧黏润。日本过江龙寿司专门店「鮨 央泰」环境雅致，服务生专业周到，师傅仲一啲架子都冇。寿司高质味佳，可惜非寿司类菜式嘅质素却颇为逊色，包括前菜、汤汤、甜品等，厨房失手难免会殃及池鱼，直令厨师发办晚餐整体分数下降，如果唔系有信用卡嘅买一送一优惠的话，$2,380/位依个价位实无说服力！
继续阅读
.一向最钟意食Omakase嘅我💞 book咗同朋友食生日饭‼️仲要系尖沙咀地段正宗的江户前风格Omakase 喺海港城中心地带🙌🏻 由传统手握寿司🍣以至用餐体验及精致室内装横👍🏻每项细节都体现日本餐饮艺术的最高格调，为香港食客带来东京顶尖的厨师发办体验从抵步餐厅的那一刻起，客人即可沉浸于鮨 央泰浓厚的日本餐饮文化氛围，以舒适轻松的心情投入传统的日式美食头盘🥗1️⃣炸莲藕炸银杏，木鱼汤煮春菊，多春鱼南蛮渍2️⃣烟熏𫚕鱼配柚子醋萝卜蓉、茗荷、萝卜苗3️⃣北海道软煮水八爪鱼配芥末及柚子胡椒1️⃣深海池鱼2️⃣秋刀鱼矶边卷✨口鱼✨池鱼✨赤鯥✨北寄贝✨中拖罗（熟成十四日）✨鹿儿岛车海老✨北海道马粪海胆✨海鳗✨甘鲷立鳞烧✨江户前玉子烧似蛋糕般绵密口感带有鲜甜虾味✨味噌汤✨岗山县香印晴王、山梨县猫眼配梅酒啫喱📍鮨 央泰 (尖沙咀)尖沙咀广东道3-27号海港城港威大厦地下G111号舖88
继续阅读
今日同细妹系海港城嘅鮨央泰book左dinner omakase🥰同佢一齐行完街就去食饭啦🥳＊＊＊＊＊👑皇 SUMERAGI $1780 / 位先付 三点✨🍆汁煮茄子、🦑莹光鱿鱼、🐚汁煮白梅贝🐙北海道水八爪鱼呢个八爪鱼超级大条😍师傅话最长可以有2米长架！师传将佢慢煮8小时之后再浸系酱油24小时，令味道好入味👅另外可以点Watsabi或者柚子胡椒黎食刺身 二点✨🐠深海池鱼、🦪慢煮真蚝🐟稻草烟熏𫚕鱼烧物✨盐烧泰刀鱼 配萝卜溶握寿司 六贯✨萝卜、牛榜、子姜春子鱼 非常非常嫩滑，入口一下就冼左入喉咙咁😆池鱼海老北寄贝 有烧过嘅香气青森嘅大间大拖罗 入口超级香浓才油脂😍劲幸福喜之次 非常之念，配埋香脆嘅紫菜口感一流😋北海道马粪海胆 非常之清甜😍摆得超级满🤤海鳗 配上海鳗汁同生椒，甜中带点刺田☺️江户前玉子烧✨没有任何面粉架，用左新鲜鸡蛋加蜂蜜、白鱼肉及虾肉制成～口感湿滑～椀物✨大和蚬煲嘅赤味噌汤😍甜品✨日本江山香印、熊本草莓、梅子啫喱＊＊＊＊＊
继续阅读
❥ 皇 $1780✾ 前菜萤光鱿鱼｜汁煮茄子｜汁煮矶粒莹光鱿鱼搭配味噌蛋黄酱，入口咸香弹牙汁煮茄子入味软腍；汁煮矶粒咸甜爽弹✾ 刺身深海池鱼｜慢煮小长井真蚝深海池鱼肉质肥嫩且带点弹性慢煮真蚝饱满，爽口清甜✾ 慢煮八爪鱼师傅展示巨大条八爪鱼，令人惊叹八爪鱼柔嫩鲜甜，搭配芥末或柚子胡椒喜欢加点柚子胡椒增添份清新感✾ 稻草烟熏𫚕鱼每一口充满著烟熏香气，𫚕鱼肥美油脂丰腴搭配酸甜萝卜蓉可提升鲜味且减轻腻感✾ 手握寿司-八贯石垣鱼｜北寄贝｜青森大间赤身｜青森大间中拖罗赤海老｜喜知次｜海胆｜海鳗当中最喜欢青森大间中拖罗、喜知次和海胆青森大间是日本优质吞拿鱼产地中拖罗入口柔软带鱼香，慢慢散发出油脂甘香喜知次平时都是吃一夜干，第一次试寿司喜知次经过炙烧逼出油脂，肉质油润细腻入口即化口感，搭配紫菜一起吃提升层次感橙黄色的海胆份量满满，入口软滑甘甜很满足！✾ 玉子烧初初以为是海绵蛋糕，原来是江户前玉子烧玉子烧没有使用任何面粉制作，反而加入虾和白身鱼入口松软湿润富蛋香中带淡淡海鲜鲜味✾ 烧酒盗太刀鱼鱼皮微微焦脆且富油香，肉质鲜嫩细致✾ 赤味噌汤✾ 梅酒寒天｜草莓｜晴王
继续阅读