影片
以上资料只供参考，请与餐厅确认详情
午餐嘅时候，嗌左个特上吞拿鱼丼加州卷定食，墨鱼寿司，三文鱼腩，同埋飞鱼籽寿司，除左墨鱼寿司，飞鱼籽寿司系正常少少之外，其他食物全部都一般般，食落去根本就系争鲜嘅质素，卖返高价，但食物质素并没有提高到，同埋店员态度差，收走你食完嘅碟，换酱油，唔好意思都冇句，一啲礼貌都冇，环境系ok嘅，但系接近下午茶时间，冇乜人，都要大家集中晒系同一个位置，逼到爆，呢个质素同价钱的话，宁愿食返争鲜好过，唔会有再下次🙂
继续阅读
启德商场周围都系人，尤其是有演唱会嘅日子food Court爆棚。 见到呢间个名好似几好听就入去，唔使排队坐得好舒服，两人坐梳化座位好多空间。如果我个区都有间就好啦，价钱便宜，而且质素OK新鲜就可以啦。 下午茶系列有三件三文鱼一个丼一份沙律有两件吞拿鱼腩同吞拿鱼蓉都好新鲜，有味道的，不会雪到没有味，沙律好食，仲有只鲜虾😗好味三文鱼寿司一般朋友𠮶啲都唔错，好新鲜吉列炸蚝，里便劲鲜嫩有汁好好食外卖咗两杯嘢饮，朱古力个杯劲好饮，士多啤梨𠮶杯比较酸
继续阅读
🥢在大型活动举行期间，启德地区附近嘅食肆都非常爆满，甚至乎等位都赶唔切开场前医好个肚。揾下揾下去到 #airside 呢一间寿司店🍣 ，寿司同炸物烧物甚至熟食都应有尽有，价钱都几合理，快捷方便嘅选择 。.———————————————————————————.🥢随便点咗几款寿司🍣，贪心嘅有军舰5点，有齐晒咁多款不同口味，三文鱼子、海胆、甜虾、吞拿鱼、三文鱼，都几开心。另外，仲有软壳蟹寿司、鳗鱼寿司、火炙牛油赤海虾，卖相都算吸引 。
继续阅读
【超抵食！日本下午茶轻食】 系airside附近做嘢做到过晒午饭时间。一于去食我最钟意嘅日式下午茶套餐「极上吞拿鱼+吞拿鱼蓉甜虾饭」： 吞拿鱼超新鲜，赤身够晒甜，鱼蓉捞埋弹牙甜虾，啖啖都系海鲜鲜味！醋饭软硬适中，捞埋一齐食真系冇得输～ 「3件鱼寿司」： 每件都系时令鱼生，厚切够大方，鱼油香，饭粒ok新鲜！ 我本身麻麻地鱼寿司，如果可以将其中一款转虾或带子就更好「沙律」： 蔬菜爽脆，日式胡麻酱捞匀，清新解腻，食完鱼生再食佢就啱啱好！ 总评：$70有找，日式海鲜下午茶套餐，ok抵！下午茶时段食呢个set，大满足又唔会太滞。#日本嘢 #吞拿鱼控 #平靓正下午茶
继续阅读
每次经过鮨点，都想入去试下，今次终于有机会，位于香港九龙城启德协调道2号AIRSIDE 5楼L504-L505号舖FOODMUSE内 。餐厅主打日本料理，款式多。点了多款寿司，水准都唔错，而我喜欢口感丰富的海胆吞拿鱼蓉鳕鱼脆、鲜甜美味的明太子带子寿司和肥美的大拖罗寿司。整体价钱经济，就是店舖比较细，等位的时间较长。🏷️温馨提示～ 整个用餐体验均属个人分享意见， 只作参考😊。鮨点(香港)地址: 香港九龙城启德协调道2号AIRSIDE 5楼L504-L505号舖FOODMUSE内
继续阅读