影片
港铁铜锣湾站 F1 出口, 步行约3分钟
继续阅读
电话号码
31877389
67984438 (WhatsApp)
开饭介绍
主打高水准的厨师发办和寿司定食，结合严选食材与超过25年经验的主厨精湛技艺，为顾客呈现充满惊喜的佳肴。加上席前吧台座位，食客可以近距离欣赏师傅展现利落刀工及制作寿司的精湛手艺。
继续阅读
营业时间
今日营业
12:00 - 14:30
18:00 - 22:30
星期一至日
12:00 - 14:30
18:00 - 22:30
以上资料只供参考，请与餐厅确认详情
有关奖赏计划
因为Man C Fu回归铜锣湾 我又有好野食啦上个月同另一半黎过食生日饭 呢次到我同朋友食生日饭食完大家都系开心满意咁笑住走餐厅喺铜锣湾嘅渣甸街 地铁出闸之后行唔使十分钟就到睇餐牌佢嘅午餐最平二百几蚊已经有交易点师傅发板嘅寿司omakase最平都只系348蚊今次点咗佢588蚊一位嘅12件寿司餐前菜系茶碗蒸跟住开始入直路到寿司佢用料好新鲜 感觉师傅既技术又更上一层楼寿司中好钟意碎嘅甜虾加上紫苏花佢个帆立贝寿司亦都好新鲜烧过既鲽鱼边又香又软个沙甸鱼矶边卷食落系满满幸福感好多人食寿司要有既海胆同拖罗都同样食到（个人认为整得好食比食贵食材紧要）海胆铺到满满一件中拖罗入口即溶蛇腹拖罗满口油花 （师傅话缘份到就会有）仲食到镇店打卡孖宝あん肝造型最中饼碎吞拿鱼金箔手卷系几浮夸但系又系好打卡同埋个形象够晒鲜明最后仲有甜蛋，汤，咖啡或甜品食完饱到不行食餐晏588+10%唔系平但其实食おまかせ呢个价钱都真系好抵食做野辛苦要奖下自己 呢间既出品都真系好高CP值下个月番香港会再黎食
继续阅读
384 浏览
龙年忙于为东京之旅规划行程，心血来潮想食寿司，好即兴咁就上网订咗间新开嘅「鮨月」。寿司屋占用面积全层，简朴大方，光猛企理。用餐大堂一边为寿司吧，共约十六个吧位，靠窗一排卡位，露台仲有几张散枱，不过XO仔挂住玩酒酒，唔记得咗影环境相（酒相中个背景系室外座）。午市套餐共有十一款可选，话哂今年第一次食鱼生，所以决定食豪啲，点咗包罗万有嘅「板前厨师发办」（$1,180/位）！师傅真系细心，为怕大家空肚饮酒，专登整咗啲巧薄香脆嘅鳕鱼干俾大家送酒。厨师发办午餐正式由前菜拼盘揭序，当中小屋仔入面嘅白酱菠菜同紫钵中嘅酱油渍茄子清爽惹味，右边嘅鱼肝豆腐好丝嫩。以靓靓蟹碟上嘅北海道香箱蟹卖相实在吸睛！蟹蟹已预先拆好，分成色泽分明嘅蟹籽、蟹膏同蟹肉，份量绝对足！雪白嘅蟹肉清甜幼嫩，中间橙黄色嘅蟹膏厚实鲜香，啡啡嘅蟹籽则幼小带脆，唧入滴管中嘅蟹醋再捞匀哂黎食，口感丰富得黎十分清新。原只北海道生蚝拼鳕鱼白子可以话系两种不一样嘅肥嘟嘟同滑捋捋嘅组合。前者厚润鲜爽，后者则柔软滑溜，一浓一清，简单以酸汁及碎葱萝卜蓉点缀，实有提鲜及消滞之效，极品也！极富立体感嘅花花碟上有两片被烟熏过嘅平政鱼，建议点用另上嘅盐粉或山葵豉油。个人觉得平政鱼肉偏咗少少干，唔够鱼油，所以点豉油好似适合啲，夹埋块紫苏叶黎食即倍添芬芳。用紫菜包住嘅帆立贝肉厚甜润。小盅内橙亮鲜美嘅北海道海胆砌到成座小山丘咁高，睇头十足！软嫩甜美嘅海胆有青瓜丝垫底，清脆健美，唔够味仲可以加块紫菜卷住。转入寿司环节时竟然有特别嘉宾登场，幻彩小熊仲要一家五口出齐，可爱得好震撼！熊仔最中饼松化薄身。暗藏背面嘅𩽾𩾌鱼肝寿司香浓甜美，同块熊仔饼一齐食口感好有层次。银光闪闪嘅针鱼寿司鲜爽润泽。轻轻烧过嘅喜之次寿司油滑细腻，鲜甜无比。成张被咁嘅赤身寿司脂肪唔多，食落软腍得黎鱼味浓郁。粉嫩润泽嘅中拖罗寿司半溶喺口，鲜香肥美。网烧中拖罗寿司厚润嫩滑，鲜味浓郁，唔洗用力咬已化于舌上，！金箔碎葱拖罗手卷集爽脆鲜嫩香甜于一身，阵店招牌名物果然闪得有道理！成餐饭比较失色嘅就系厨房入面烧𠮶件银鳕鱼，鱼鱼厚身得黎啲肉偏实，感觉好似啲油份流失哂咁！食完咁多饭后，一碗鲷鱼浓汤尤其暖胃。结尾嘅士多啤梨清香爽甜，绿茶蕨饼亦Q弹香润，芬香轻盈。铜锣湾楼上寿司店「鮨月」环境优雅阔落，服务生及师傅们均好客周到，厨师发办料理用材高质，刺身寿司均可口美味。
继续阅读
Omakase $1180 lunch set前菜：茄子，豆腐，蟹肉他他鱼生：香箱蟹，池鱼配三星渍，北海道生蚝，北海道赤海胆，平政鱼时令特式：莹光鱿鱼配面鼓酱熟食：银雪鱼寿司：深海池鱼，针鱼，喜之次，安康鱼肝，中拖罗，大拖罗手卷：拖罗手卷配上全薄面鼓汤，焦糖布甸，自家蛋糕，生日甜品并盘多谢梁师傅热情款待，老婆生日饭食得好开心。这里环境濶落，食材新鲜。前菜味道已有惊喜！香箱蟹有蟹膏蟹肉蟹籽，沾少许醋混和，蟹味尽出；北海道赤海胆劲鲜甜，是上等货，青瓜切丝不切片，方便包在上紫菜，非常细心；池鱼用三星渍调味到位，没有盖过池鱼鲜味；平政鱼碳烧后味道独特；莹光鱿鱼与面鼓酱绝衬，口感一流；银雪鱼肉质少许弹牙，脂肪少，食下不肥腻。寿司六件最欣赏是安康鱼肝，配上特色熊仔天使饼干，将寿司放上一并食，好看又好食。open rice 订座填上生日娶会，没有预期甚么，店主却预备了生日甜品盘，还有蜡烛和温柔的生日音乐，有惊喜！最后店主赠送即磨咖啡，深烘咖啡豆合我品味。个人非常推介这店，值得回头再吃。
继续阅读
圣诞节我们一家人到了铜锣湾渣甸坊的鮨月，吃了一顿非常美味的Omakase。整个用餐体验很完美！环境清雅，服务员非常殷勤细心，每上一道菜都会细心讲解食用方法及食用次序。我们不是坐吧台，难得一家人可以自成一角，阿女阿仔都被眼前极其精致的美食吸引，放下手机专心品尝！前菜的烤鱼片，非常脆口及鲜味，看似简单的矮瓜及南瓜蓉都是我吃过最好吃的！海胆带子超鲜甜，右口鱼、拖罗、油甘鱼、喜知次等刺身肥美嫩滑。生蚝配合独有的日式酱汁，是我吃过最美味的生蚝！盛餐的器皿也是精挑细选，如螃蟹造型的瓷器放著鲜甜已拆好的蟹肉蟹膏；可爱造型的最中饼配合甘香𩽾𩾌鱼肝，别具心思。金箔紫菜包着满满的吞拿鱼蓉手卷真是大满足，最后以红味噌面豉汤及清香的柚子雪葩作完美的终结！概括吃了多道美味的菜式我只想到一个字---就是［鲜］字。全部食材都很新鲜及时令，配合店家独有的酱汁及主厨的巧手巧思，每一道菜式都令人难忘，那份美味深深印在我们记忆里！
继续阅读
一间用心，高品质食材和有心思的日本料理👍👍👍服务员细心关心客户的需要厨师分享食材的特质，处理食物的手势和刀工非常厉害环境优雅，给客人一个新鲜的感觉，在休闲的环境中享用食物
继续阅读