鮨岸

营业中

休息中

今次係同女朋友去慶祝生日，大家都係第一次食omakase，朋友介紹呢間好食所以去試下6點去到，基本全程大部份時間都係同我地2個，地方坐得好舒服今晚個師傅係billy，一路食佢都有keep住介紹番啲野食既來源同埋唔同既食法，一路食佢都有keep住同我地傾計，成個用餐都好愉快野食係Superb，真係太好食，一定會再黎

忍唔住要發文分享下呢間寶藏性價比超高餐廳！真係好高質！！雖然廚師發板每次菜式都不同，以下食評都只作參考。但係整體感覺就係每度菜都好特別好用心而且食材非常新鮮非常美味！午餐廚師發辦 - 十三道 (菊) $398 前菜 - 海藻配醋非常開胃，蜜糖蕃薯甜蜜軟糯~石門鯛刺身 - 口感新奇，如同生魷魚，新鮮又好食！鯖魚刺身 - 平時鯖魚都用油鹽醋醃製熟食，但師傅話其實鯖魚油脂高，生吃都非常可口。又真係好香口好食！柚子醋生蠔 - 口感爽脆鮮甜！而且生蠔通常會配檸檬汁，但係師傅話檸檬嘅味道太強烈會搶去生蠔嘅味道所以佢今次用柚子醋調配，又真係好fresh好match 好好食！漬物 - 豆瓣醬脆蒜 生薑 - 脆口幾好食池魚壽司 - 新鮮又好食！赤貝壽司 - 赤貝非常新鮮爽口！野生中吞壽司 - 充滿油脂香味！右口魚手卷 - 差啲以為師傅講笑，但原來真係有右口魚！魚油同炙燒味非常香，驚艷！蟹膏燒蝦 - 醬料非常濃郁，好香好好食！紫菜捲海膽壽司 - 海膽非常鮮甜！仲號稱話係皇室食用的紫菜， 係好厚實同脆口嘅。蛋壽司 - 江戶時代做法以蛋魚雞蝦製作的無麪粉蛋糕，非常特別！海膽非常鮮甜！昆布魚湯 - 魚湯配淡淡昆

第3次黎食鮨岸先決定寫食評，因為真係好好食，性價比奇高。係香港大大小小既omakase/ sushi 都食左好多間，呢間真係數一數二係一定會推薦比朋友。師傅對自己既食材非常有要求，好有研究，一邊食一邊介紹，每次食飯體驗都好好，好輕鬆愉快。壽司飯係醋飯，調味剛剛好，一餐入面不論係前菜、刺身、熟食定壽司都好有質素，我老公一個人食到一半omakase，已追加10件壽司，食食下又再加多10件，如果我食得落我都會想追加，但一個餐我夠哂🤣

🍂今日去尖沙咀海防道鮨岸食廚師發辦，剛好呢日開始有點秋意，廚師都特別預備咗好多有秋季特色嘅食材。前菜有自家製🟨玉子豆腐及🍅鮮茄沙律🥗。之後係四款刺身，有池魚🐟，配柚子汁🍊。很少會做成刺身嘅鯖魚，配煮過嘅洋蔥🧅。秋刀魚同得獎生蠔。食完刺身會上熱食，係燒蝦🦐上面佈滿濃郁嘅蝦膏，大滿足。緊隨其後，有壽司🍣白身魚、帶子蝦大吞拿魚腩北海道白海膽。呢度嘅壽司飯偏甜。最後以大蜆湯及醬油布丁作結。

早兩日難得同老公出嚟二人世界，諗住試吓新嘅omakase嚟到個環境係唔錯嘅，啲嘢食都OK，對得住個價錢，而且個師傅都好細心介紹但成餐飯我係食得勁炆憎因為有個睇落大概三十幾四十歲嘅waitress不停棟係我同我老公後面，係exactly喺兩個人中間嘅後面，勁有壓迫感然後我同我老公傾偈，佢又無啦啦喺度笑埋一份，仲不停插把口埋嚟搭嗲真係勁煩囉！我同我老公已經冇理佢，我仲已經黑緊佢面，佢都仲唔識do，唔通真係要等我開口鬧走你咩？真係唔識睇人眉頭眼額囉我都係想同老公兩個人靜靜地食餐飯拍下拖姐！成餐飯食得好唔舒服，好似做啲咩講啲咩都俾人望到實咁，下次拍拖真係唔會再嚟呢間囉

非常高質嘅Omakase😍資深師傅烹調，每道菜式都會詳細介紹，俾人一種賓至而歸嘅感覺🤎🤎櫻十八道菜$798前菜水煮醋物海蜇：酸甜開胃蜜糖蠶豆：時令當造日本黑梅貝：磯煮烹調非常彈牙刺身五點伊勢龍蝦：刺身食法鮮甜無比🦞柚子醋代替醬油北海道蟹：配湯葉高湯，配搭新穎手釣池魚：唔用傳統醬油芥辣，加薑蓉帶出魚嘅鮮味鯖魚：油份重，口感軟嫩金獎華漣蠔：creamy似牛奶🥛海水味無咁濃一品料理日本蟹膏虎蝦：濃郁嘅蟹膏配上彈牙嘅虎蝦，配搭完美😍壽司6貫深海池魚：好肥美🤤油脂感強帶子：最鍾意食帶子，加咗柚子皮，感覺清新北海道縞蝦：冇急凍唔會有雪味，蝦肉鮮甜濃郁箱降拖羅：幸福感滿滿腦天：今朝凌晨嚟香港，完全冇做過急凍，食到最好味嘅腦天😍海膽海苔好脆江戶前玉子：鬆軟得似蛋糕🍰吸物：鮑魚清湯甜品：蜜瓜🍈🌲🌲🌲🌲🌲🌲🌲🌲🌼懶好食指數：5/5🌼懶住去指數：5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

最近食過印象最深刻嘅Omakase，晚市價錢嚟講絕對係抵食🍣而且師傅會每道菜式詳細講解，係一個幾唔錯嘅體驗✅櫻十八道菜$798🔸前菜水煮醋物海蜇：酸甜開胃嘅前菜蜜糖蠶豆：原來豆都可以咁好食，師傅話係時令當造日本黑梅貝：磯煮黑梅貝，口感彈牙🔸刺身五點伊勢龍蝦：柚子醋配刺身龍蝦🦞正係個食材都已經不得了，龍蝦好鮮甜😍想再食北海道蟹：湯葉高湯（即係腐竹）配搭毛蟹🦀毛蟹味道鮮甜手釣池魚：配搭薑蓉調味魚肉肥美鯖魚：同平時鹽燒嘅感覺完全唔同，好似食緊另一款魚咁🤣非常喜歡金獎華漣蠔：用咗自家製調酒啫喱配搭，口感creamy，海水味相對無咁濃🦪🔸一品料理日本蟹膏虎蝦：濃郁嘅蟹膏配上彈牙嘅虎蝦，配搭完美😍🔸壽司6貫深海池魚：油脂豐富，魚肉肥美🐟帶子：帶子加咗柚子皮，感覺清新縞蝦：來自北海道，無經過急凍，比普通蝦肉鮮甜濃郁箱降拖羅：每次都會覺得油脂佈滿口腔中，非常幸福腦天：唔係成日都有得食，今次可以食到真係好好彩😌仲要新鮮到港🇭🇰海膽：最期待嘅海膽😍有海膽又加分🔸江戶前玉子口感好似蛋糕咁鬆軟，但其實係用咗魚同蝦膠整，完全冇加過麵粉🍰🔸鮑魚清湯清一清味蕾，飲完個人都舒服🔸蜜瓜🍈💛好味指數:5/5 💜回頭指數:

今日去了尖沙咀一間日本餐廳「鮨岸」食Omakase，餐廳有個套餐「菊 十三道 $398」相當扺食，包括：1️⃣ 前菜兩款🥢 螢光魷魚配蛋黃醬螢光魷魚 新鮮爽口又彈牙，師傅在上面加上蛋黃醬，令味道更佳🥢 水雲水雲 質地柔軟，味道酸酸甜甜，令人開胃2️⃣ 刺身三點🥢 池魚池魚刺身，肉質不但鮮嫩肥美，而且脂厚油香，入口魚油更甘香細膩，加上自家製作的柚子醋，令味道更佳🥢 金目鯛經炙燒後的金目鯛，焦香的味道，再加上魚油的香氣，十分美味🥢 長崎縣華漣蠔長崎縣華漣蠔 是首款奪得「日本一」殊榮的日本蠔，豐滿厚身，食落口海水味不會過鹹，而且超級鮮甜3️⃣ 一品料理🥢 立鱗燒 配海膽醬立鱗燒 以油煎的方式，讓魚鱗一片一片立起，賣相吸引又美觀，外層香脆，肉質軟嫩，再配上海膽醬，令人滿足4️⃣ 壽司五貫🥢 深海池魚深海池魚 肉質鮮嫩且十分肥美🥢 帆立貝來自北海道的帆立貝，柱肉厚實，上面加了柚子皮，味道更豐富🥢赤牡丹蝦：來自北海道的赤牡丹蝦，特別鮮美甜味🥢 赤鯥經炙燒的赤鯥，香味無比，魚肉則好滑及肥美🥢 大拖羅來自長崎縣的大拖羅，脂肪相當多，而且如雪花般平均分佈，油脂豐富，食落口有入口即溶的感覺5️⃣ 吸物🥢 大蜆清湯大蜆清湯，蜆

永遠一辛苦完就覺得要食返啲好西慰勞自己✨ （（雖然寫呢篇文嘅時候已經又再辛苦過…🥲 所以就去左食下omakase! 呢間omakase 一入到去比較似私房菜instead of 普通omakase~ 氣氛比較熱鬧啲，好似比較多熟客到來😆同埋最重要嘅係：唔洗$1000都食到18道菜嘅親民omakase😍🌸十八道（櫻） $798前菜三款🍅糖醋車厘茄-第一次食呢個經典前菜嘅番茄係無草青味或者生番茄嘅鮮味🥰好似平時食緊一啲甜水果咁～連我呢個唔鍾意食蕃茄嘅人都覺得好食🤩🐚磯煮黑毛貝食落甜甜地，質地都唔會太韌，比一般螺肉口感更加彈牙～🦑芥末汁熒光魷魚都係爽口彈牙，配上芥末汁好醒胃～刺身五點🐟石垣鯛厚切得黎都幾肥美，同埋相對其他魚生比較有口感，唔會太淋身～🤍北海道象拔蚌質地同一般象拔蚌都一樣爽口彈牙，廚師加左啲檸檬汁上去令到象拔蚌更加有味道，只係本身有多少少腥味或者海水味，可能需要蘸上多點檸檬汁去享用呢個dish🔥火炙北寄貝其實只係輕輕燒過個面，但都火炙得好香好惹味，而且用咗柚子調味，味道好fresh好清新🐠日本鯖魚都係無任何調味，只係輕輕火炙個魚皮，啲油份就出哂黎😍肉質又結實，就咁樣咁simple

鮨岸價錢💲: $780好味程度😋: 4/5服務🍴: 4/5環境🗾: 3.7/5性價比🥢: 5/5!回頭率😚: 3.7/5-呢間omakase性價比好高，唔洗$1000就有18道菜，當中包括刺身、前菜、一品料理、壽司、吸物、甜品等。另外佢哋無有d omakase咁formal，比較casual小小，成個氣氛會熱鬧啲。好多來的都係熟客，好似私房菜咁。-✅三品前菜。糖醋車厘茄無左平時生番茄的腥味，酸酸甜甜。熟螢光魷魚配芥末汁，魷魚味濃，有d膏的味道。磯煮黑毛貝。質地唔韌，有淡淡磯煮的甜味😜-✅✅刺身五點。石垣鯛肥美度適中，有厚度的肉質特別有煙韌口感☺️北海道象拔蚌比加拿大象拔蚌鮮甜，但有d腥，要加檸檬汁落去提鮮。火炙北寄貝用左柚子調味，幾清新。食到貝類geh口感。日本鯖魚冇任何調味，輕輕火炙泌出油分🤓華蓮生蠔配自家製柚子汁中和左d膩，肥美度一般，質感偏爽脆。-✅一品料理。淡淡甜味的味醂勾芡帶出關西做法的腐皮的豆味。腐皮溶入汁當中，散發豆香。主角松葉蟹棒肉質結實又甜😆-✅✅壽司六貫。九州深海池魚，厚身有口感，魚肉有彈性😗九州金目鯛薄啲，帶dd魚油感。紋甲大片又爽口！小磯魚魚味濃郁，肉質軟d。北海

早排食完lunch既呀媽家姐，老婆又想食。今次搵到間尖沙咀食夜晚既呀媽家姐。有唔會既價錢，我地揀左個平平地試下。前菜：高湯冬瓜：食落好似jelly咁，一d都唔似食冬瓜，重魚湯味，都幾特別。蟹肉：雖然細細份，一口份量，加埋佢底既配菜一齊食，小小酸，夠開胃。磯煮黑梅貝：師傅話慢煮兩三個鐘～。大粒得黎又彈牙，帶小小辣味。刺身：池魚：首先食池魚，師傅話當做又淡口d，所以食先，配柚子醋，好夾，酸酸甜甜咁。日本象拔蚌：師傅話家下當造，夠晒爽口，我就乜都無點，食原味。石垣鯛刺身：第一次食，油脂都ok，鮮甜鯖魚刺身：魚皮用火灸過，表面好香，又帶魚油，加上厚切，真心唔錯。表面有三升漬，好香口，微辣。長崎縣華漣生蠔：用柚子醋調味，酸甜，唔覺有腥味，creamy，隻蠔都算肥美。唔錯。一品料理日本虎蝦：同早幾日食過一餐燒海鮮既蝦，呢間贏晒。首先隻蝦夠晒大隻，仲要幫你起好晒肉，一夾就食得，燒到一d都唔乾身，仲好有彈性，爽口，彈牙。蝦表面鋪浦晒蝦膏，未上枱已聞到勁香。漬物柚子醃蘿蔔、日本麵豉蕎頭、紅酒蒜頭，真心d三樣，平時惦都唔惦，真係好怕食，但我有食得晒，因為唔重口味。壽司伊佐木：肉質夠哂白，都算肥美，新鮮貨。

有個愛食好東西的朋友真好！訂了枱在尖沙咀的樓上舖食廚師發。晚市的omakade 有兩個選擇，我們選了十八道的「櫻」。廚師一早問了我們有甚麼食物要避免，我不食蝦，前菜的三小碟就以螺替代。刺身是焦點！廚師詳細講解，第一款先食較淡味的。象拔蚌配清甜的柚子汁，新鮮爽彈。火炙處理吃得多，聽廚師解說，才知道是為了增加鮮味。大大隻的蠔，加上自家製梅子啫喱，味道提升了！然後是sushi，全都鮮甜好味！當然有港人最愛的海胆手卷，值得一提的是，壽司飯已預先調味，加了醬油，每粒飯都均勻地上色。大蜆清湯出奇地鮮甜。最後是超甜的日本溫室蜜瓜作為完美的句號。

好靚嘅高湯啫喱喇！佢嘅口感好清爽，真係好鮮美㗎！啫喱好柔軟，入口即化，食落好輕盈咁，真係好舒服㗎。高湯嘅味道都好濃郁，充滿咗好深層嘅肉香，食完之後仲留住咗好多回味呢！再嚟講講熟螢光魷，佢嘅色澤好亮麗啊！魷魚肉質好彈牙，食落有微妙嘅海洋風味，好特別㗎！磯煮黑梅貝嘅味道又鮮甜又鮮嫩喎！黑梅貝磯煮嘅時候吸收咗湯汁嘅風味，個質地鮮嫩多汁又彈牙㗎！柚子醬池魚刺身真係好開胃㗎！柚子醬嘅酸甜味好清新嚟緊。池魚好鮮嫩細膩，柚子醬嘅酸度令呢道菜更加爽口㗎！日本象拔蚌刺身好鮮美㗎！肉質好鮮嫩，鮮味同甜味好突出，好清新㗎！刺身嘅製作技巧令每一口都可以品嚐到象拔蚌嘅美味，真係好難忘㗎！烏魚子銀雪魚刺身真係好豐富㗎！銀雪魚肉質鮮嫩，口感滑嫩，加埋烏魚子嘅微鹹味，帶嚟好多風味㗎！新鮮鯖魚刺身真係有獨特嘅風味㗎！鯖魚嘅鮮味同油脂帶出一種特別嘅味道，令人有新嘅體會㗎！日本華漣生蠔好清爽㗎！生蠔嘅鮮甜味同酸甜風味結合，帶嚟一種新鮮同奢華嘅感覺。日本虎蝦一品燒好誘人㗎！燒咗之後，表面金黃多汁。虎蝦肉質鮮嫩，帶嚟一絲甜味，燒烤嘅過程令佢散發出好香嘅氣味。加埋特製嘅蟹膏，真係好滋味㗎！壽司嘅製作好精湛㗎！米飯綿密香甜，搭配池

新開一間高質、性價比高的Omakase「鮨岸KISHI HOUSE」，位於尖沙咀海防道38-40號中達大廈13樓。收工經過幾次都未上去試過, 咁岩第二日放假, 即時打去訂位咁岩有兩個位 掂. 環境吾錯好寬敞,  無壓迫感 服務態度亦好有水準今晚試左個 $768 per person.  18道 而我個人比較鍾意食 深海池魚 再配埋自家製柚子醋 (我最like)長崎縣華漣生蠔都係用自家製柚子醋辟走生蠔獨有既腥味, 堅爆汁. (仲想食多隻)蟹羔虎蝦, 真係超級推薦 (超大隻日本虎蝦)  一上到檯已經香到不得了. 廚師仲好耐心介紹每一道菜. 要點樣食先最好味加上佢買二送一既 啤酒 真係又好食又好飲. 

麻醬菠菜 沖繩水雲磯煮花螺 味淋 醬油前菜已經3樣，仲好吸晴愛原縣 蜜甘鯛蜜甘養大既魚魚，口感鮮甜北海道象拔蚌 比加拿大鮮同甜 柚子皮 柚子味好香濃 爽口 後勁海水味香濃日本新鮮鯖魚用火槍火炙 油脂感豐富 新鮮鯖魚無腥味 👍👍新鮮北寄貝檸檬香 爽 火炙過華漣蠔 比正常蠔細隻貝柱軟糯，有別平日既口感一品料理甘鯛立鱗燒+海膽醬用200油溫炸，外表香脆壽司九州深海池魚肥美，口感鮮甜北海道帆立貝有檸檬令佢鮮味更出赤牡丹蝦 烏魚子爽口 赤睦油脂感豐富和歌山吞拿魚 中拖羅 近大拖入口即溶 厚切 好正海膽手卷呢個海膽手卷既包法唔會食得好唔方便，紫菜香脆，海膽甜江戶前玉子玉子口感有啲似蛋糕好特別吸物鯛魚清湯 煮4小時 豆皮甜品桃味雪芭配香芋雪米糍