影片
以上资料只供参考，请与餐厅确认详情
朋友推介呢间餐厅，今次专登过海黎试下。铺头细细，座位唔多，但感觉整洁。刺身点左吞拿鱼腩，油甘鱼，剑鱼腩同立鱼，每片都好大块同好厚，吞拿鱼腩系入口即溶，油脂十足，超正。炸虾卷同花之恋质素正常，饭圑唔会太大。盐烧油甘鱼头份量十足，真系有成个鱼头。另点了蟹籽沙律，盐烧烧鸡翼串，黑松露杂菌同炸饺子，质素同味道都合格。店舖有各种汽水，乌龙茶，啤酒同清酒售卖。店主亲切友善，会同客人交流，小店黎讲有咁既质素，真系要多多支持。
继续阅读
因为系街坊我间唔中都会帮衬呢一间铺头。其实食物都正常可以，所以一路都有帮衬下。初初冇熟食，后来有埋熟食提供，所以做生意真系要紧贴时代多元化。但系咁多年我都系净系帮衬食寿司🍣佢啲紫菜即整所以好脆。佢无论寿司手卷前菜都同出面啲铺头一样种类咁多。店入面啲蓝师傅几好 ，但系我一次唔知点解个女职员总系要黑口黑面，态度仲要唔好。咁多年都系咁。其实谂返啦如果我去买嘢人哋咁样对自己感觉都唔好啦。。食物方面都好多种类，后来仲有food panda.价钱亦相宜。希望小店越早越好，其实一啲笑容都算，啲态度真系好差 每次我都好有礼貌去买。神奇。
继续阅读
同朋友一齐食饭，朋友中意食日料我地就拣左呢间店试试，环境方面都算可以，不过感觉系专门做外卖噶寿司店，不过都系可以堂食噶，寿司都唔错，选择都可以，七味软壳蟹真系出乎意料噶好味啊！
继续阅读
之前食其他地方嘅寿司，啲饭唔系太酸就系好小醋味，呢间小店我食过好几次，每次都会点寿司，每次食都觉得佢哋啲鱼生好新鲜，啲饭沟醋嘅比例好恰当，唔会太酸但又食到醋味，真心正👍🏻金菇牛肉卷系我至爱之一，我每次都会order,另外，七味软壳蟹嘅好味程度对我嚟讲真系冇得输，亦系每次必落order之一，另外试咗个流心芝士黑松露蛋，呢个都好食到唔识形容，但呢个唔系餐牌内有嘅，咁啱𠮶日老板研究中所以我先有机会食到😆想食就要睇老板得唔得闲整件你试试。不过小店得两个人做嘢，有时如果太多order做唔切可能要等半个钟以上先到你嘅order，通常老板娘都会讲定比你知大概等几耐先有得拎，但我唔赶时间唔怕等等嘅😋我呢次因为系堂食，所以一路食一路等就唔觉等好耐，如果有兴趣外卖可以打去落定单，咁可以等小啲😉
继续阅读
无论买乜野，帮衬过几多次，果个女店员永远对住人客鞋口鞋面，问佢乜都系答得果一句，黑面程度好似我队冧佢全家咁。食物系正常，又未至于好食同好新鲜，受够气都费事再贴钱买难受。
继续阅读