影片
有关奖赏计划
想食好野，但无力出去行咁远，于是在open rice,揾顺利邨餐厅，见到有日本餐厅，即刻黎试吓，哗，汤有2件大鱼，令到汤好鲜味，三文鱼腩手卷味道和出面调味唔同，好正，拖罗丼味道亦系出色之作，连普通既加州卷味道同入面既鱼差唔外一百完一只就有啲贵，们食物质素真系亦同出面既唔同，睇得出厨师用心之处和出色手艺，鱼好新鲜，本来想叫日本生蚝，但食物质素真系好高，以后成为我既饭堂
继续阅读
上到观塘顺利邨觅食，揾到呢间特色日本小店，炎炎夏日特别想食鱼生饭，于是就决定试下铺面唔大，但环境整洁，坐得舒服，仲可以电话落单叫咗个外卖$70 嘅三文鱼三色丼饭$70 嘅丼饭嚟讲性价比算高刺身各款有三片，虽然刺身食落唔系超级新鲜，但刺身食落冇雪气，而且切得厚身值得欣赏，加上大半碗饭，一定食得饱！屋村商场大部份都系连锁商店有特色小店一定要支持除咗丼饭，我见餐牌仲有刺身等其他食品如果难得去到顺利邨，可以一试
继续阅读
Mschichi- 性价比超高的日式小店之前我哋去佐敦谷公园谂住买啲日本野野餐， 揾到呢间位于山上屋村嘅日本小店。但系碍于𠮶日门口实在太多人排队，所以我哋都未亲身试过。今日去行山之前，我哋专程来试一试。适逢午餐之后大约2:00嘅时间，唔系好多人，所以我哋一到就已经可以入座。 我哋叫咗两个丼饭同埋几件寿司🥰🥰 都系$200 左右乍！ 仲有埋茶同三文鱼骨汤。 🌈北海道海鲜丼饭$108 （ 三文鱼。油甘鱼。八爪鱼。甜虾。带子。海胆。三文鱼子） 一黎到全碗都系满满嘅刺身。我哋嘅剑鱼仲升级左做剑鱼腩！ 真系有成吋厚！ 甜虾又系肥肥胀卜卜嘅。海胆份量都唔细， 有两𠝹架。属于苦苦甜甜嘅系列。带子就有一粒， 如果原粒上唔切片就可以增加口感啦！ 🌈火灸丼饭$98（ 鳗鱼。三文鱼。左口鱼。带子。玉子） 又系全部都系厚切厚切。鳗鱼一咬落去啲鱼又香爆出嚟。三文鱼香喷喷， 玉子超级甜。火灸必有嘅item就系左口鱼啦！ 因为左口鱼嘅油脂烧左之后啲油又系一滴一滴咁样滴出嚟㗎 😍😍🌈蟹肉蟹膏军舰 $16浓浓嘅蟹膏味道配上爽口嘅蟹肉真系一个绝配，不过可惜， 可能放耐左， 所以紫菜有啲淋左少少🌈 盐烧赤虾 $12呢只尺码嘅大细都可以媲美牡丹虾。都只系$12。佢嘅蟹肉晶莹剔透， 仲开咗边！ 最正系佢个虾头啲膏都忍唔住要清干净晒佢先得😋😋呢间舖头仲开咗新分店啊！ 虽然地点都唔算好就脚， 但系胜在性价比十分之高！！ 店员又亲切， 海鲜刺身全部都好难忘！
继续阅读
开心大发现，旧屋邨商场竟然有寿司店，已经帮衬过好多次，寿司有水准够新鲜，价钱系中等可以接受既价位，今日同平时差唔多叫咗铁火卷、花之恋、大拖罗、剑鱼腩等等，当然系大拖罗最好味，非常肥美，同贵价寿司店𠮶啲差唔多；花之恋嘅三文鱼都好肥，非常之厚身，蟹子都好多，总括而言佢d寿司都系好味的！今日见到佢个餐牌写话有厨师发板，下次去要试吓先，百几蚊有得食厨师发板令人好有兴趣睇吓有咩食！另外店主同埋职员都好有善，有温馨小店嘅感觉，会继续帮衬！
继续阅读
未试过差到要写食评 试过啲寿司已经唔好食今次再试 $22旧嘅芝士蟹柳手卷唔好意思 我真系完全唔知食紧啲乜😅😅😅一条蟹柳一条芝士 旧饭仲要少到两三啖食完 $22买返黎食紫菜 无咩真系唔好帮衬😅😅😅7-11 $10饭团仲多饭过佢 阴功
继续阅读
您可能会有兴趣的...