鮨之

营业中

休息中

今日午餐帶兩老去試吃魚生飯，因為有旅發局coupon食滿$400後可減$200，兩老食量有限，3人叫了兩個魚生飯share食，再加一個蒸蛋，食物質量尚可，但食到接近尾聲，居然見到有隻曱甴係枱面到行，俾佢嚇一嚇，馬上通知職員捉走，大家當堂無胃口再食落去，之後就匆匆埋單。埋單時，職員表示已經每星期做滅蟲，外面跑來的曱甴他們無法控制，我不能認同這個辯解，因為其實當我再查看枱底，又見到另一隻曱甴，好明顯是他們衛生做得不夠。 經理有作簡單的道歉，但是由於是使用旅發局coupon和他們電腦系統問題不會提供折扣作為致歉，最終只有免除了額外叫的蒸蛋費用，事件已解決，但以後不會再光顧。

📍 鮨之 (旺角)經過朗豪坊見到呢間日本餐廳又唔使排隊就試下點知發現佢既魚生丼好高質🥰🔹試左雜錦魚生飯 $188魚生丼好新鮮好豐富：有蝦、海膽、帶子、吞拿魚、三文魚、三文魚魚子、海鰻、左口魚、玉子等等☺️舊火焰左口魚勁好食！一咬落去都係好香既魚油，好想encore食多舊👍🏻👍🏻👍🏻全部都係好新鮮既食材😋😋呢款係套餐黎有細碟既前菜、沙律、麵豉湯同甜品紅豆麻薯食到好滿足🤤🤤估唔到呢間裝修睇黎高級啲既雲石係路軌送餐🤣但相比魚生飯 其他壽司/定食價錢就無咁抵食喺朗豪坊唔知食乜好既都值得一試～😋😋📍 鮨之 (旺角)旺角亞皆老街8號朗豪坊4樓6號舖

趕時間睇戲，朋友仲遲，我決定唔等佢，自己開心食一餐，看到餐廳有位，馬上衝入去，真心，樣樣吸引，壽司，刺身，端爐燒，仲有甜品……種種都吸引……可惜我只有50分鐘，要速食得嚟又有品味……欣賞自己沒有選錯 。服務員細心預備熱茶，又問要否口罩袋，桌上又有整支搓手液供使用，嘩嘩嘩，點解自己要咁趕，可以慢慢嘆就好…… 為食的我放工就要錫自己，所以為自己點了心愛前菜，小食：醬油牛蒡漬:愛牛蒡的朋友，就是愛它的口感，爽脆，有咬口。燒一口蕃薯:嘩一咬下去，就猜不到竟有牛油香，用牛油燒製，味道特別。月見自家製免治雞肉:有得玩有得食，顛覆了我食免治雞肉的感覺，肉嫩可口，加上鮮蛋黃的油香軟滑，令每口雞肉也多一重質感。 不得不說，真心樣樣都好食，主菜也令人驚喜，點選了＜生薑汁熊本黑豚井＞生薑汁:味道濃郁，仲有酒香，係……你冇睇錯，經過加熱沒有苦味不會醉，但此特顯生薑汁多了一分滋味，原本自己只會食少少飯……令我破戒了。洋蔥:抄得香，微微焦糖化，令此飯更出色，直想同服務員講【加蔥呀，唔該】黑豚肉:冇得輸，又嫩又入味，有肉汁，易咬開…… 與遲遲遲的朋友約了，再到此餐廳，佢請，到時就刺身，壽司，甜品不會少。

最近同朋友行朗豪坊，見餐牌食物相片賣相幾靚，望落幾高質，裝修又幾有日本感覺，就試吓哩間日本食店。店內環境舒適，座位都寬敞。 行咗成日我地都好肚餓，便各自叫咗個丼飯，分別係雜錦魚生丼同霜燒海鮮丼。座位旁邊有條軌道用嚟上菜，食物好快就送到🤣🤣雜錦魚生丼 $188全部魚生都好新鮮，有三文魚，吞拿魚蓉，帶子，牡丹蝦，左口魚裙邊，穴子，魚籽。一上到枱，已經比隻牡丹蝦吸引住，一口食落去都好滿足。海膽完全冇腥味，仲入口即溶，勁creamy。成碟最鍾意嘅係左口魚邊魚生，一入口果陣魚油香味已經衝曬出黎。本身不太好吞拿魚，但哩碗嘅吞拿魚蓉冇渣，都唔錯。如果想一次過試唔同嘅魚生，哩個係唔錯嘅選擇。😜😜霜燒海鮮丼 $148主要有火灸魚生，帶子同左口魚裙邊。帶子好鮮味，但略嫌有啲細舊。魚生下嘅壽司飯都做得唔錯，壽司醋調得啱啱好。朋友都覺左口魚裙邊魚油好香。整體都幾好。其實仲有其他串燒同刺身，下次可以再嚟試下。

經過呢一間餐廳都幾次 今日終於有機會試吓🫢見到個餐牌都幾吸引 有串燒🍢刺身🦪壽司🍣定食🍱魚生飯🍙 由於只係食午餐嘅關係所以都試唔到咁多 所以我最後揀咗一個西京燒銀鱈魚定食🐟🍱 同埋一串牛舌 日式串燒我覺得牛舌係必食🫢🫢😋😋西京燒銀鱈魚定食 佢有沙律🥗前菜-中華沙律 麵豉湯🫕甜品-抹茶蕨餅🍵銀鱈魚嘅份量都好足 味道都無令我失望 好滑好嫩😋牛舌一串有3塊 味道都唔錯值得一試 甜品就無乜味道份量都太細 只有一舊生朱古力咁上下 所以就一般😖

不嬲都覺得旺角區嘅餐廳唔會有好高水準，因為人流太多，好多餐廳都係馬馬虎虎，所以大多數都冇乜期望。今次見到旺角朗豪坊新開日本餐廳啲相好似好正，再加上佢係Lubuds集團旗下其中一間，所以就去試吓，果然冇令我失望，又係嗰四個字「性價比高」！平時要食日本連鎖迴轉壽司店先會有極速火車軌將食物送到你面前，但今次高質餐廳竟然都有魚魚火車軌將嘢食直送到枱面🚄！今次試咗海膽、貝類、刺身、壽司、和食同埋好多好多串燒！所有食物都好好食，一次過滿足晒所有願望☺️

openrice揾野食就多，寫食評真係第一次…食得超滿足真係忍唔住上黎寫低。難得撞正同屋企人一起放假，點少得出街shopping~行完買完，天氣正熱辣辣而又有啲肚仔餓…行下睇下，見到朗豪坊呢間日式店，於是乎入黎一試，點知居然有驚喜wor~一入門口女經理就好有禮貌咁帶咗我地入卡位，之後店員幇我地落單同解釋lunch餐牌都好有禮貌同耐心(實在好多野都好想食，而我地又十五十六)，店員還好熱心提醒我地怕我地再點落去會食唔晒，最後唯有試一部分先喇先黎個蟹籽沙律同三文魚刺身。睇上去都好新鮮，蟹籽沙律都好好味~三文魚係lunch優惠價追加，雖然話優惠價但都好厚好鮮(而且可以食完再追加)👍👍👍 不過值得一提嘅… 蟹籽沙律要6點後先有優惠$38，但我地又想食wor…只好食正價$78 之後就係個主食牛肉烏冬喇…個烏冬真係好大碗，好彩我地兩個人點咗一個主食，唔係就要浪費食物喇主角登場喇！！！清酒煮蜆係我地出街食日本菜經常食嘅菜式。而呢度嘅清酒煮蜆，份量都幾多，落檯嗰下 真係衹能兩個字形容"好香"！清酒味好濃郁！粒粒飽滿第二個就係油甘魚鮫(褂住食唔記得影相)三文魚鮫我就食過，油甘魚鮫真係第一次…食落啖啖肉，一

抗疫期間少有出街食飯，心癢癢到旺角找到呢間唔錯嘅日式餐廳，日式裝修環境，就算在food court旁都唔會覺得嘈吵，起初都係食餐牌內嘅食物，質素唔錯之後開始越食越好，之後甚至唔跟餐牌訂貨食飛機貨。刺身新鮮，在餐牌內沒有的都可以食到，現在週末或週日都不期然變成常客。侍應招呼10分貼心，像食意大利菜上完一款先一款，感覺10分舒適。

其實今次係第二次黎，上一次去食午餐佢全部都係一set set , 試過佢嘅壽司同埋烏冬，質素都真係唔錯，價錢可接受，環境又寬躺，服務質素都幾好～所以今次嚟試埋佢嘅晚餐…最搞笑係佢呢隻船…廚房直出，到咗你隔離會有日文通知，自己拎放上枱但係我攞刺身盤嗰次，我未攞起佢就自動Return，差啲打爛…呢個係四人吃嘅刺身盤，刺身質素係偏高嘅，新鮮有油香，兩隻蠔creamy甜美 之後仲嗌咗個吞拿魚拼盤，呢個除咗大拖羅之外，其他果幾件就真係好一般仲有散叫咗幾款壽司，都好厚實，新鮮脆口都有嗌熱食，燒魚絞，外脆內滑，出色跟住落嚟呢個係之前食過，好深印象要再食嘅雞軟骨串燒，仲加咗個鱔雞軟骨沾生雞蛋，令到個味道去咗另外一個層次，好滑，雞肉嘅香味同埋雞軟骨嘅脆口感，真係令到你食完想再食，而嗰個脆鱔，好厚實，略嫌未夠汁調味再嚟一個天婦羅，呢個就一般啦最後嗌咗兩碗一人前烏冬，牛肉同豚肉，不過冇影相～遺憾係佢竟然冇炒飯😜總括而言，你餐飯到兩千蚊落樓，性價比唔夠高，就算再嚟都只會午餐，都係為咗個雞軟骨串😂

價錢與食物質素不成正比！服務員不停向我們推銷刺身，原來刺身4人份要15xx ! 同餐廳嘅環境級數不成正比！喺朗豪坊嘅food court裏面！這價格一點也不合情理！！

2021年12月24日今晚平安夜, 同男朋友黎食一間佢講左成年都未食ge 鮨之。松葉蟹腳壽司 $36-呢個出色有驚喜。蟹腳好鮮甜啖啖肉好好食火炙三文魚壽司 $24@-有驚喜2號。入口即化, 好香油脂火炙左口魚裙邊壽司 $32@-必食壽司之一大吞拿魚腩壽司 $72-有油香, 唔算多筋, 都ok吞拿魚背壽司 $38-普通鯛魚壽司 $24-幾好鰻魚壽司 $24-普通北海道甜蝦刺身 $38都鮮甜, 但食完個蟹腳實在太出色, 變左呢個唔特別三文魚籽軍艦 $32不過不失蔥呑拿魚腩薄脆 $20@有驚喜3號-入口好豐富, 滿滿吞拿魚蓉。薄脆夠脆好香口, 好味道清酒蒸蜆 $88有驚喜4號-好鮮甜啊好多蜆, 粒fit 都大大粒。入面仲有少少金菇同白色一條條侽隻菇。d 湯好好飲服務態度方面我覺得都幾好。有個員工好nice 又好funny。仲不時幫我地換碟最後祝大家聖誕快樂

去旺角朗豪坊，想食日本野，黎依度試吓先，今日突別既係我唔可以食熱氣野，我叫d清清地嘅野食一開始叫完野食俾沙律，慢慢食沙律同配菜，就要耐心等候一下主菜了…..額外叫左個三文魚子壽司這位小朋友一啖就食左舊壽司入口，佢話好好味我個丼終於到，雞肉親子丼，有汁，蛋雞肉一啖飯都幾好味😋雞肉好爽口吉列豬扒烏冬，烏冬都係日本嗰種稻庭烏冬 吉列豬扒外脆內軟，這食法係落檸檬汁，不過如果係落芝麻粉會更加香口，如果唔加檸檬汁就咁食炸豬扒都好味，下次要試吓其他野食先！

喺朗豪坊food court竟然有一間貌似好高質嘅日本餐廳，當然要入去試一試。價錢係中上，但環境勝在雅致，裝修得很有日本感覺，相對food court呢度雖然人流比較少，難得的清靜。兩個人的晚餐都叫唔到好多嘢食，叫了刺身拼盤給兩個丼飯，整體感覺很好，小食叫了牛舌和銀雪魚，牛舌唔會太韌，適中林度，銀雪魚味道頗重，但不會過鹹。最後當然要叫個甜品作結尾，呢個紅豆麻薯，外脆內軟，好煙韌，份量不會太多，用來做結尾一流。

餐廳嘅日式裝修好有藝術氣息，孔雀魚自動送餐夠晒特別。海膽杯嘅海膽入口creamy，融入每粒壽司飯中，甘香甜美。三文魚帶子飯都好好味，刺身新鮮嫩滑，而且好大碗，非常滿足。

你入去講90分鐘，坐低咗再講90分鐘，三個字前再講90分鐘，趕頭趕命， 傾吓計，一定唔岩地方，食嘢都唔知味道，就係好鬼趕啦好鬼趕呀， 唔怪得知門口冇乜人等啦，唔會再去啦係咁先！😡😡😡😡😡😡😡😡😡😡😡😡😡😡😡