魚鱻魚湯專門店 (已結業)

想食湯米線/湯飯一定儲諗起依間再加想鐘意食魚一定係 「魚魚魚魚」4條魚佢讀 鮮 即 像形文字 演化成的字俾大家睇睇我食咩米線超多，我淨食送飲湯都飽左啦！今次試個敏魚鮫平時食開 油甘魚鮫 （用氣炸鍋自整）今次去到試下佢個椒鹽 外邊香脆 椒鹽味剛好魚肉 滑滑 好好食 老公就 叫左 生炸豬排平時個豬扒會更香邊 今次 咁快炸完 唔燶既我地平時會叫外賣自取返家佢個米線都係超大碗架我通常都係飲晒個魚湯同 叫 敏魚肉 感覺個湯魚肉會比較又件數咁 下次都係食返 湯魚肉見佢個午餐蒸魚勁抵$55 套餐下次就去試下先…查看更多

記得我第一次食魚鱻，應該都有十幾廿年前，嗰陣時係朋友介紹，去荃灣店，個魚湯真係好好味。嗰時我地仲無人識讀個鱻(音:鮮)字，我地一班朋友一直都叫呢間鋪做“魚魚魚”。😂今日放工經過新浦崗附近，試下呢間分鋪，因為有少少趕時間，所以就唔食原條魚喇，而只係點咗個簡單一人套餐，選了枇杷豆腐米線，配魚滑，和牛肉，加飲品。呢幾款配料味道不過不失，但個魚湯仍然係好正。我每次都會飲晒啲湯，個碗乾淨到可以照鏡咁。😂😂…查看更多

唔好意思，唔記得影相，成泡油係碗米線扮魚湯，仲係最岀名係魚湯，完全冇魚味😄👍🏻👍🏻👍🏻職員態度好差，仲要話唔至在你呢個客🙃有良心既知咩事啦唔會再幫襯…查看更多

幾鐘意黎呢度食，因為夠哂大碗又唔會好油，我又鐘意食魚又鐘意食米線，所以啱哂我。今次叫左個冬菜節瓜魚滑豆腐湯加米線。材料好足夠，細食嘅話唔加米線或者飯都會夠飽。魚滑唔錯夠彈牙，成碗有菜有肉，係健康之選。個湯係魚湯，不過唔係好濃味，如果再濃啲魚味就好啦。…查看更多

工作關係要喺新浦崗搵食，揀咗呢間，一睇個招牌就知道係食魚嘅，早幾年喺荃灣食過，今次就試下佢地嘅姊妹店啦。一坐低就有奇怪事件，話說啱啱睇緊個普通餐牌(價錢係平D嘅)，然後放低睇另一個(價錢係貴D嘅)，有個阿姐即刻收咗個平D嘅餐牌，叫我揀貴D嗰個入面嘅野，因為佢係好有禮貌咁收，所以我都好有禮貌咁問佢點解唔比我揀平D嗰個，於是個阿姐就Sell我貴D嗰個好食D架，我話我都想叫平D嗰D，佢然後先至話平D嗰個餐牌無魚架，我真心覺得奇奇怪怪，估唔到呢種細細間嘅類似茶餐廳都會Hard Sell你食貴魚。最後發現有個$55嘅魚套餐，於是就叫咗，始終Lunch唔想食到最平都要差唔多$80嘅餐。$55有碟蒸魚(豆醬蒸白花魚)加一碗魚湯，我就叫咗米線唔要白飯，仲連埋一杯凍飲添，算超值啦。豆醬蒸白花魚比想像大碟，肉質都新鮮嘅。魚湯比想像中差，魚味唔夠濃，有進步空間。不過唔鯹兼熱辣辣，$55算係咁啦。米線咁樣上法就麻麻地，因為會黐埋一pat。…查看更多

多年前經朋友介紹之下，我經常光顧這間鮮魚麵食專門店，他們的魚麵非常鮮甜，客人可以選擇他們時令的鮮魚，再配以麵，米粉或米缐來吃，我很多時候來這裏都揀選馬友，三刀魚，或是其他時令的魚來配湯麵，他們的魚是原條上的，吃得出魚很新鮮和煮得非常入味鮮甜，感覺不到有味精，可以整碗魚湯喝光，整條魚吃的感覺非常過癮，鮮魚的選擇也很多，客人也可以選擇其他的配菜去加餸，而且收費不是很貴，我記得吃一碗整條馬友配米粉只是大概$80左右吧，這個價錢算是非常化算了，唯一就是位置不太好找，交通不算太方便，但我很多時都會特地過來這裡幫襯他們，食物品質多年一直沒有改變，從我之前在荃灣他們總店吃的，到這間分店，品質始終如一！…查看更多

細佬介紹嘅魚湯米線餐廳，所以呢晚就同咗男朋友專程去試。餐廳係一般茶記格局，冇乜裝修，走街坊路線。望下個餐牌都有好多選擇。而我就好快地揀咗招牌魚腐魚湯米線，男朋友就揀咗鯇魚片米線。我地再點咗兩款小食，白灼魚皮同埋我至愛嘅椒鹽豆腐。兩碗米線份量十足，多到滿瀉咁滯！魚湯好清好鮮甜，冇乜味精。特別想講下椒鹽豆腐，熱辣辣同皮脆內嫰，這個我會俾100分！而白灼魚皮，因為食慣炸魚皮，所以覺得有啲似食緊橡膠嘅feel，有興趣可以一試啊！…查看更多

今日同老婆阿仔黎新蒲崗食lunch,我地都好鍾意魚湯, 所以黎左呢間.呢度d魚湯湯底飲落好健康, 是清湯來的, 而不是又濃又厚又重口味果種.呢度d湯底一律係生滾,所以不同的配料就會有不同的鮮味.此外, 米線好滑, 真係好滑.有我喜愛的魚鰾. 好好味, 新鮮魚鰾好爽口, 而且較少見, 所以值得一試. 魚皮份量多, 鮮灼即食, 夠爽滑, 點豉油吃, 好滋味.老婆揀左呢個. 我試左魚餅, 好彈牙, 外層煎得非常香口, 配魚湯一流.一睇就知係阿仔的選擇... 我各樣都試了少少, 坦白說我不會在這裡揀選這些配料, 整個配搭好像車仔麵一樣. 魚湯喝清光!!很值得再來. 下次亦會再叫魚鰾.…查看更多

平時有去開荃灣既魚魚魚魚即魚鱻、荃灣就長期門口有人等位，依間就冇啊！反正好耐冇食就食下啦！我地例牌愛食珍珠立尾，魚同飯其實同荃灣嗰間依舊，但係.....小食炸魚片係必食的，依次唔例外啦！都係好味！魚餅米線做法都係同荃灣嗰間一樣的，都係即整熱上生炸豬排就同荃灣有分別，荃灣嗰間係炸到金黃色，依度就怪怪咁！食落都ok!不過依間店米線好碎，d魚湯好淡，冇咩味道，唔似荃灣嗰個湯底咁濃有魚湯既味道！都係荃灣分店比較好味道！…查看更多

最近在新蒲崗發現到呢間魚魚魚，原來係同荃灣嗰間係一樣，而新蒲崗呢間分店比荃灣嗰間乾淨企利好多～個魚湯真係好正！既鮮甜又無落好重既胡椒粉去驅走魚腥味，真係當湯飲都得！如果叫泡飯既話，佢地仲提供咗兩個食法，一個係好似平時啲湯飯甘，飯落埋湯一齊上，一個係湯同飯另上！湯飯另上即係變相好像食小菜甘，有餸、有飯、有湯！推薦大家不妨試下～今次我叫咗生炸豬扒，口感鬆軟又香口，正！另外個飯都值得一讚，因為無論你食得幾慢，食到最尾啲湯飯都仲係一粒粒好靚仔，唔會變咗發水麵包，呢樣出面好多湯飯都做唔到架👍🏻👍🏻👍🏻…查看更多

我住新蒲崗，所以之前經常幫襯食物不過不失，服務態度一般，但想食清淡小小黎講，呢個都係其中一個選擇直到今日，以後唔會再去話說兩點半有下午茶餐，比午餐抵好多，我入到去落單一個貌似老闆既人同我講未夠鐘，我望一望電話，2:28pm, 差兩分鐘叫坐陣再落單都得，佢竟然叫我出番去等夠鐘先入番黎，當時成間鋪得兩個客，唔存在唔夠位既問題，覺得佢係玩野唔想做生意一間鋪頭咁既態度對客，毫無可取之處，加上同區其實選擇好多，以後絕對唔會幫襯！…查看更多

晚餐和男朋友去吃鱻:)，店舖座位之間寬闊，店員亦很細心提示冷氣吹風位。椒鹽豆腐外脆內軟！薄薄的椒鹽外層，裡面的豆腐仲keep住嫩滑，記住要趁熱食呀！原條黃花泡飯黃花魚大大條，肉質好嫰好鮮甜。魚湯不是奶白色，而且味道偏淡，作為魚湯愛好者有點失望:(，但飲完唔會口渴。炸魚餅魚肉彈牙冇鯹味，香口得來又唔油膩，果然係招牌菜。椒鹽九肚魚個樣炸到好似雞翼咁，炸粉漿過多了，完全食唔出係九肚魚！？$39來説，性價比低。鱻的小食選擇蠻多，而魚比魚湯鮮味，有待改善，下次會再訪試下其他。…查看更多

整體環境很潔淨 ，店員的服務態度很好，米線的份量很多， 魚是新鮮的，湯底和魚很配合，很清爽 ，店員會附上碟子放魚刺 ，很貼心 ，店舖枱之間有足夠的空間 ，搭枱也不會和其他食客有身貼身的感覺。…查看更多

今日近近地去到新蒲崗見過客，行過聞到好香所以就入咗呢間餐廳食個下午茶！就睇個名都知道佢主打係魚，其實我就本身唔係好鍾意食魚，因為都好驚啲魚腥味！但係阿媽煲嘅魚湯就可以飲好多碗！就係行過問到佢哋湯味好似阿媽煲嘅一樣，吸引左我入去我來到真係wa咗一聲,一碗粉面竟然放咗一條魚！魚湯奶白色，魚味真係好香，熱辣辣，一啲些魚腥都唔覺，好正，連買面一齊食，份外入味！竟然有驚喜！出邊真係好少真係用魚主打嘅店舖，有家的味道…查看更多

由細到大無魚不歡，仲要只係鍾意食滑身嘅魚，面對好味但多骨嘅魚，我寧願選擇付出耐性都要食到好嘢😤🤷🏾‍♀️呢間位於新蒲崗嘅魚湯魚肉專門店，平時夜晚去食人唔算多，而且座位闊落，有時需要搭枱，但係可以接受。裝修乾淨企理，冇魚腥味。我後來發現原來總店位於荃灣，先知係同一店。細個住荃灣嘅時候都好怕經過，一嚟覺得衛生欠佳，啲煲魚嘅大湯煲全部放晒喺街邊，二嚟經過親佢哋都有一浸強烈魚腥味😖🤢 但新蒲崗店完全冇呢個問題👀👍🏿店入面會有是日供應嘅鮮魚，可以選擇原條鮮魚配飯或者米線，或者以車仔麵模式揀鍾意嘅魚部份同其他配料。另外店舖都會有固定三款燉湯，可以加幾蚊配飯或者米線。加上其他椒鹽小食同冰鎮涼瓜，都幾花多眼亂。新蒲崗店我嚟過幾次，試過以車仔麵模式叫魚嘴加木瓜魚湯米線，魚本身好食，但係唔知係咪木瓜唔當造，就只可以話有少少失色。亦試過佢哋嘅燉魚頭配米線，個人認為配咗米線冇咁好食，而且始終只有一個燉魚頭，鍾意食魚嘅就唔多覺滿足。講到尾我都係選擇返車仔麵模式食我至愛嘅魚嘴魚湯米線而今次我就再加腐竹。溫馨提示，所有湯入面都會加葱同埋芫荽，唔食嘅記得要嗌走青。魚嘴加腐竹魚湯米線，多芫荽魚湯唔腥，幾濃魚味有啲啲黏口，未叫得上鮮甜，但係中上質素。個底本身有少量娃娃菜，腐竹ok，唔算滑但都冇煲爛。魚頭total有兩個 (開半姐係4舊)，煮得啱啱好唔會煲到老晒。米線正常，量夠，如果打算食魚咀配料米線，飲多兩啖湯其實已經好飽。另外叫咗個椒鹽豆腐，即叫即整熱辣辣。粉算薄，夠脆，豆腐應該係百福之流 (其實係幾好)。襯熱食最好，後來攤凍啲再食就已經冇咁脆皮同軟滑。整體經驗唔錯，而且已經幫襯左幾次，水準都幾一致。店員態度都幾親切，會問使唔使走青，問佢有咩推介都熱心，講明鍾意或新宇都有建議冇hea覆。…查看更多