魚蛋王. 子

之前嘅運動加上最近嘅疫情，宜家做生意真系困難，個個老闆都要諗盡辦法增加多啲生意，呢間之前經常有幫襯開嘅食店都吾例外，最近都推出左啲抵食套餐，有飯餐同粉麵餐，平均$45已經有交易。今日order左魚蛋粉套餐 (魚蛋粉+油菜+凍檸樂）都系$48咋老公就叫左個蘿蔔牛腩飯餐，(蘿蔔牛腩飯+罐裝可樂）飯餐就無跟油菜，$45老公叫左佢多飯，所以大大碗跟住再叫左碟炸魚皮 $13成餐飯甘多野都系$106，真系好抵食，不過牛腩較為咸左啲，希望佢下次可以改善下。…查看更多

來到土瓜灣找到一間外貌平凡，但個店名就吸引左我入去食啦⋯⋯魚蛋王子🤴一入去首先叫咗一碗魚三寶，爽口彈牙，超級好味的手打魚蛋，問老闆原來是門鱔魚做的，爽口彈牙，最好就是魚三寶丸 （魚蛋，魚⻆，魚片一起食），醉雞翼入味抵食$20一份很好味，生炸豬扒熱辣辣非常好味即叫即做值得一試又經濟$20就有一份了，凍奶茶味道香滑不失大排檔的味道，推介大家再來一碗淨牛腩牛筋及一碗豬手，味道非常好，夠入味，大家值得一試。…查看更多

之前貪佢呢度食雲吞麵夠生淨，裝修又幾好，味道都覺得唔差， 服務都還可以。但今次再去嘅時候 簡直令人失望，一入門口，侍應坐咗喺 卡位 用唔係好友善嘅目光盯住，跟住唔使兩秒櫈都未坐暖，亦未睇食咩。侍應已經行到去我哋前面一路企喺度唔出聲咁畀壓力你令你快啲落單，想點先。。。都算啦，雲吞麵都唔expect有d咩service架啦。。 但成間舖嘅人嘅衛生意識都極差 個侍應就戴cap帽 冇紮頭髮，個阿姨 亦都係披頭散髮。。 兩碗麵好快咁嚟到 一直落去一陣牛蘇味，成件事食到係好冇心機。。湯底亦淡左好多，望一望廚房個廚房佬係到睇緊馬經呢個時候隔離枱冇啦啦好大力咁踩地下，原來有小強。。。。。其實成間舖感覺都畀人好污糟，雖然裝修依然都 算新淨 但係地下極度油，枱面亦都係頗為污糟，仲要有昆蟲添。總括。。冇下次了。…查看更多

上星期去左土瓜灣探到朋友，行過見到依間魚蛋王子，入到去見佢啲牛根牛腩好似幾靚咁，於是就試左個蘿蔔清湯牛根飯，蘿蔔左有幾舊都係大大舊都算淋，牛根味味濃又夠淋，幾十蚊食得滿足…查看更多

某日一個人上堂路經此地， 就黎周圍覓食啦！😂 見到有家裝潢幾新淨嘅港式粉麵店—「魚蛋王. 子」，就入去試下啦！ 見牛腩是其生招牌， 就叫左碗牛腩河（$29）， 清湯都算濃郁，有淡淡嘅牛骨香，鮮甜醇厚嘅肉味， 河粉爽滑，不過略嫌有點散， 牛腩肥瘦相間、嫩滑細緻， 燜煮得軟滑可口，好味道！😋 值得一試！ 整體來說， 「魚蛋王. 子」的食物質素有水準， 價廉物美，性價比頗高， 最重要係好少何港式麵檔咁乾淨， 絕對值得一試！ 下次一定要試下店招牌魚蛋呢！😂 …查看更多

早兩星期早上和太太諗住快食個早餐，就去左這間魚蛋王子每人叫碗魚蛋面，一碗就加紫菜，我太太好快就發現她那碗有粒白色魚蛋裏有條頭髮（大家請看下圖！），仔細看條頭髮大半條陷入魚蛋裏，小半條還是在外面，disgusting我馬上叫個阿姐過來，我同佢講，佢竟然一句對唔住都冇，淨係換返一粒魚蛋俾我地！我心諗有冇攪錯呀？！咁嘅服務態度都得？！第一、晨早流流見到咁嘅野，我太太都冇晒胃口了，第二、成碗野浸住條咁長嘅頭髮，碗面仲點食得落口？我當然說這碗不要了！（個阿姐依然沒說一句不好意思或對不起！）然後我擔心太太肚餓，叫她一起食住我那碗先，然後再去別家店吃點東西，點知....我食我那碗沒几口又見到一條彎彎的短毛髮我今次真係想作嘔了我又叫個阿姐過來，我今次不是心裏想有冇攪錯，我豪不客氣地說：有冇攪錯呀！你地點做生意咖？！我都未趕得及影低罪證，個阿姐一手拿走碗面，不斷用匙攪呀攪d面，（咁攪法條彎彎短毛都石沈大海啦！）佢邊攪就邊同廚房個阿叔講：個客話有頭髮喎。我真係想爆粗！我馬上話不吃了，埋單走人，佢地竟然仲好意思收我一碗面的錢佢地依然沒有講聲唔好意思或對唔住！好！我忍！因我不想晨早流流同人嘈交，最後俾錢走人，但我以後一定不會再去這間店！補充一下，我之前晚上都去過這間店吃，服務員的態度我感覺還可以，但返早班的阿姐真係...不敢恭維！…查看更多

早前經過這裏見到剛開張，覺得店名頗有趣。後來見到網友的食評介紹，才知道是區內歷史悠久的店舖，現在重開而已，故今日特別來吃魚蛋。吃魚蛋，我只光顧德昌一間，但已討厭經常要排隊，價錢亦愈來愈貴，總想另找好吃的店舖。這裏的粉麵大部份都是賣$29，包括牛類，實在抵食。我點了最簡單的魚蛋河粉，有三片魚片和四粒魚蛋，河粉份量也不少。魚蛋和魚片的味道很好，爽口而彈牙。我稍嫌湯水較淡，也許因為魚蛋味濃，故湯味便淡些來配合。湯亦鮮甜，喝後不口乾，是原汁原味的。總括來說，這裏很不錯，在店外見到那盆滾著滾著的牛雜牛腩，極為吸引。下次定要再來試試，還有網友大讚的鮑汁雞腳呢！…查看更多

<土瓜灣 魚蛋王.子>🐟全日做野 再加上喺土瓜灣同朋友打波到夜晚 已經極攰 勁想快快脆脆喺附近揾間野醫肚 😣 見到北帝街街中間甘多舊鋪突然有間好光新淨 🤩原來係一間新開既粉麵鋪 見到d牛腩牛什放哂喺櫥窗好似好吸引甘 所以就入去試下 😃 但我依俙記得好似幾年前同一個位有間好舊既粉麵檔 八掛開先知 而家叫做<魚蛋王.子>係因為佢係舊鋪老細個仔 而家再開 😂 anyway都係唔好理人甘多 我都係點野食先 😃🍴魚三寶河 37 蚊 🍜🐟首先 37 蚊係三寶 有哂魚蛋 魚片頭 同魚片頭 係好抵😄 魚蛋幾彈牙 魚皮 魚片魚味香濃 而魚片頭味夠 但如果出面再脆d更佳 🙂河粉既粉量唔細 都算幾爽滑同埋切得幼身 所以口感唔錯 加埋炸蒜同葱花 調味🌿 若味道唔夠 加d 潮式辣醬更惹味🌶整體中上🍴鮮蝦雲吞米粉 29 蚊🦐🍜29 蚊大大碗米粉 因為近排食得太多麵 所以今次點雲吞配米粉 米粉有度好就係一吸落口密度好高 米味香夠滿足😂 個人好鍾意落d辣椒醬 勁滲汁🌶😈 水餃傳統地放喺碗底 足足有五粒🦐 落足料 雖然唔大粒 但餃皮夠香滑 豬肉味都香 🐖 整體口感唔錯 😃🍴鮑汁雞腳🐥20 蚊抵食小食 20 蚊有好多隻雞腳 醃得好鬼入味 個人覺得偏濃 甘啱我鍾意濃味 所以ok, 若正常下 個人提議連埋麵或河粉一齊食就剛好 😃 而我幾滿意佢既彈牙口感 雞腳好少可入味但又彈牙 都幾特別😄🍴花鵰醉雞翼 20 蚊🐥🍶雞翼切開一半半方便客人食 而且甘樣醃時更入味 所以食落去時 都好香酒味 凍食既雞翼 外皮夠彈牙 入面肉質比較煙靭 🐤 不過講真 鍾意食乜野口感既雞翼好主觀 . 我比較喜觀彈牙 , 如果鍾意林既朋友可能要食煲耐d既雞翼😁🍴炸雲吞 20 蚊🥟🔥雲吞外表冇乜特別 不過食落都好香脆 蝦肉彈牙 🦐 點埋甜酸醬更正 甘脆如果有啤酒飲下更好😂🍴生炸豬扒 20 蚊 🐖🔥炸豬扒既熟成程度剛好 ,豬扒唔會煮得太靭 咬落雖然出面好多濃醬味 但仍然煲留到豬扒味所以係炸得唔錯🐖 相信唔齋食連埋 粉麵食都係一個唔錯既選擇！ 😄🍴生炸雞扒 20 蚊🔥🐥雞扒20 蚊甘多其實好抵😍 而且炸得外脆內軟 雞皮脆帶有少少肥油 入面既雞肉嫩滑😄 點埋甜酸醬剛剛中和到肥膩感 ! 推介！🍴南乳豬手 54 蚊🐖大大碟豬手 都有成7 至8 舊 豬手醃得好林 邊位近骨有少少彈牙骨膠原口感 南乳味好香濃 😄 底下既生菜盡吸南乳汁 勁邪惡😈🍴香脆魚皮 13 蚊🐟🔥本身份量多d但食左幾舊先記得影😄 魚皮炸得夠香脆 一放落湯啪啪聲 咬落去半淋半脆甘幾好食 最配河粉 ! 😍🍴牛腩拼牛筋72 蚊🐮🍴淨牛什 64 蚊🐂本身係分開點 但我講唔好煩放埋一碟😂 1.牛腩係切得長幼身嗰類 口感煙靭 再加上醃得偏濃 所以 肉味係濃嗰款黎 🐂 牛筋好彈牙 充滿骨膠原 同入味 😍 2. 牛什有粉身質感既牛膀 肥美軟滑既牛腸 😈 入味膠質既牛肺 同埋 入味煙靭既金錢肚 😍最鍾意係佢墊底既蘿白 煲得夠林冇渣 好味🐂😄🥤凍啡少甜 13 蚊咖啡味都算香濃 奶味都算夠 但可以再好d 🥤熱菊花薑蜜 11 蚊🌻菊花味重d 甜度適中 薑味香d會好d 😃Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Address地址#魚蛋王.子土瓜灣北帝街60 至62 號東寶大廈地下60A號鋪~~~~~~~~~~~~~…查看更多

昨日食左呢間，魚三寶意外好食，魚蛋夠滑，魚角魚片夠彈，老闆話全人手打。難怪咁口感咁不一樣食完仲買多斤返屋企打邊爐。另外叫左豬手和雞腳，愛膠汁重朋友值得試。👍🏻👍🏻👍🏻…查看更多

魚旦王在土瓜灣屹立多年，街坊中無人不識此店。新一代接手後更名多了個「子」字，為的就是要將前人建立和創造最好的傳統味道一直傳承下去。今時今日，在香港經營食肆真是成本高又困身，年青一輩有膽量去嘗試並不斷尋求進步，實在是勇氣可嘉！舖頭新裝修，舖面光猛，座位闊落，圓枱都有有背櫈，不怕背脊撞背脊。這裡最有名的便是新鮮手打魚蛋，魚蛋大大粒呈不規則形狀，可見不是機製充滿水楊酸的下價貨色，咬下去彈牙爽滑而且充滿魚味，是必食之選！魚片頭和魚角煙韌有嚼勁，配以自家秘製辣招油，夠哂惹味！牛三寶（腩筋肚）$77有驚喜！牛筋不會過腍又夠入味，恰到好處；牛肚出奇地竟然沒有渣，容易吞o趙，一改我平常怕牛肚多渣而不愛吃牛肚；首推是牛腩，牛腩齊整地切成條狀，滲著濃郁的滷水味和牛肉味，最欣賞它腩肉還連著皮脂，油香味爆燈！迎合街坊口味，除了傳統粉麵，更新增了四款小食，今天試了鮑汁雞腳和醉雞翼兩款，個人偏愛鮑汁雞腳😋傳統撈麵就只要蠔油/腩汁，這裡更有肉燥醬和鮑汁可選擇，老闆人很好，見我很感興趣，便讓我試足兩款新口味😬，果然是小店才有的人情味！想不到原來新口味跟幼麵如此搭配！值得一讚是，幼麵沒有梘水味又夠彈牙！…查看更多

細個返Part time就已經幾鍾意食呢間餐廳的魚旦。今日路過此處，決定係到解決我的晚餐。最近餐廳裝飾左，環境舒服左。今次我繼續都係食魚旦，呢到除左比魚旦你，仲會有埋魚片。無論魚旦定魚片都唔腥，有魚香之餘，仲好爽口彈牙！見轉米線唔洗加錢，所以就要米線了。米線煮得有少少淋，我下次會叫米爽，不過都唔係差。今日講左太多野，喉嚨極需要蜜糖的滋潤一下。呢到無論叫熱奶茶定熱檸蜜都一樣係加8蚊。檸檬有3-4塊，蜜糖都好夠味，唔會溝得太多水。…查看更多

:)店舖裝修重開後，當然要來試試有沒有走樣！店名加多了一個子字，裝修後，店舖外觀年輕了一點牆上掛了些小裝飾，感覺舒服一點！餐牌上的標價暫時沒有加價加了個新小食餐牌，但這些東西不是我杯茶照舊吃碗魚蛋河，湯和河粉都冇變，應該都是出自老闆的手工但是睇真D，每粒魚蛋都是用刀齊口切出來的，好像是一分為二的樣子，莫非魚蛋都係手切🤔這個只是小小的瑕疵，我仍然會繼續撐小店💪💪💪，希望老闆能讓二代可以接班之餘，食物的質素仍能保持水準！…查看更多

上星期行過見到有新舖開張真係啱晒我為食達人!原來呢間鋪嘅前身係魚蛋王粉面(個名類似係咁),依家就改名叫"魚蛋王。子", 跟住聽到啲師奶喺度講，嘩依家個老豆唔做比個仔啦。。blah blah。。我心諗，關我鬼事咩，最緊要啲嘢好食!!牛腩魚蛋麵，真心講估唔到啲魚蛋咁大粒，而且又彈牙，牛腩好入味，而且個面底完全冇鹼水味我老公嗰碗魚角牛肚米，牛肚好爽口，而且份量都好足我都偷食咗幾舊總括來講，感覺到啲食物係用心之作, 等我下次試埋個牛丸，雲吞河，再同大家分享下!同埋呢度好似可以淨係買打邊爐嘅材料添…查看更多