影片
港铁旺角站 C3 出口, 步行约1分钟
继续阅读
电话号码
26385060
营业时间
今日营业
07:00 - 22:00
星期一至日
07:00 - 22:00
公众假期
07:00 - 22:00
公众假期前夕
07:00 - 22:00
以上资料只供参考，请与餐厅确认详情
食家推介
招牌菜
一入去已经有位，唔洗等。始终系闹市，环境相对地都比较嘈。到落单个阵，我地填咗张车仔面纸，仲想另外叫啲野食。阿姐一野拎咗张纸就想走咗去😂无理我地仲要唔要其他野，要叫佢返返黎。见到另一个人（类似老板娘）打单。整体服务个feel伏伏地，所以我地之后有即刻对单，真系落漏咗个野饮（本身用纸仔剔咗一个冻咖啡一个热豆浆）。但算啦，都系一阵出去叫其他野饮算。蚝皇冬菇清甜萝卜咖哩汁河粉 $31食物黎到都中规中矩。河粉系我想食个种，又软又薄。萝卜唔苦但亦唔甜，普通烚熟咗咁。冬菇几有味，系由干冬菇浸发出黎腌过。个咖哩汁都惹味，汤底沟稀咗就唔算好浓。无其他咩韭菜芽菜嘅配菜。总括黎讲清清地。皇牌咖喱鱼蛋6粒 $10 + 混酱肠粉8条 $32咖喱鱼蛋确系好食，弹牙有咬口。重点个汁够入味，少少辣但唔太食辣嘅人都觉得食得到。混酱肠粉啲酱非常足够滑捋捋叫车仔面可半价叫野饮 冻香浓咖啡 $9呢杯够冻，但对我黎讲太甜啦呢间野嘅卖点就系比较抵，地点算方便，朗豪坊后面过条马路就系。
继续阅读
是但求其食，周街行就行到嚟呢间小食面店，平时嘅街头小食到潮州粉面都有，价钱唔贵糯米饭唔系大家平时食开果种，有少少新奇，花生、葱、虾米碎、菜脯，最后淋上豉油，味道OK混酱肠粉4条OK啦，佢肠粉质素算高，到爽弹少少更好，酱汁好足够云吞面4大粒，粒粒都有虾肉，好爽好食
继续阅读
每项1分都比多你 如果有负分拣 我负爆你地🙄平时好少打食评，呢间鱼蛋哥买过几次早餐，次次都系咁嘅问题，真系忍唔住上嚟比个差评佢🤬每次买肠粉早餐，已经提前同落单店员讲「少豉油、少甜酱、多麻酱」，以往几次就算落单讲左，都睇到整肠粉果位呀姐系完全唔睇客人要求，一式一样机械人咁落酱，今次唔知第几次专登佢整嘅时候企喺佢前面讲多次：我要少豉油多麻酱（惊老人家无记性 我都费事讲多一个少甜酱）点知呀姐对耳仔好似闩埋左咁 佢有佢做 你有你讲，由于我买嘅系烧卖肠粉，呀姐剪完啲肠粉落左一羹豉油、甜酱麻酱，跟住夹完烧卖 佢竟然再补多羹豉油😡，我即刻叫住佢：我要少豉油㖞！佢都系无理我，我再讲多次多麻酱，佢就态度好差咁话：落一羹比你好多㗎啦！心谂乜你都知一羹多，你仲落两羹豉油比我？🙄啲麻酱又稀到水咁，一啲麻酱味都无，啲豉油多到浸水咁，职员态度又差 ，真系唔会再帮衬😡
继续阅读
女职员定唔知老板娘态度恶劣，经常同男顾客倾偈唔做野。早餐买肠粉想加杯冻饮，问佢加几钱又答唔出，但就自己同我笃机收钱。最后仲要好搅笑话唔小心剪多左肠份比我，要收贵d🙄 如果佢好礼貌，平时既我一定冇所谓，但佢态度咁差，我即刻同佢讲：「咁你帮我拎返出黎，我唔会加钱。」买个早餐都要受气，宁愿唔食👎🏻同埋店入面既人从来唔会讲「欢迎」「多谢」「BYEBYE」，如果你地食个早餐都想受气既，一定要去旺角鱼蛋佬☺️
继续阅读
有日喺度食早餐，叫左个餐食同叫左杯热豆浆饮。点知饮饮下先发现杯边度有红色唇膏印💄！！我用纸巾轻轻抹就抹得甩，好明显就系冇洗杯！！我同个女职员投诉，但佢完全系爱理不理既态度，乜都冇做😤最少都可以say 个sorry唔好意思，帮我即刻换个杯挂？但完全冇！！如果唔系因为赶住返工要走，我真系会投诉落去🤯食物又难食自此以后，我都冇再帮衬过！就算佢地点几方便都好，但呢间野卫生恶劣，员工态度差，食物质素差，千祈唔好帮衬🤮
继续阅读