魚米 (安定邨) (已結業)

今日lunch 求其食入到餐廳：環境乾淨，座位闊落，坐得幾好叫左個米線，$43，黎到見到好大碗，十分足料，有魚蛋、魚片、牛丸、腐皮，幾入味，有咬口，又吾會太鹹👍🏻👍🏻👍🏻小朋友都好中意食🥰🥰…查看更多

魚米 (安定邨) Yu Mai (On Ting Estate)地址 : 屯門屯門鄉事會道2A號安定邨停車場地下A129號舖味道指數：⭐⭐⭐⭐抵食指數：⭐⭐⭐⭐環境指數：⭐⭐⭐服務指數：⭐⭐⭐等候時間：10分鐘M22 早餐-公司通粉 + 熱奶茶 $37公司通粉有沙爹牛肉、腸仔、火腿、牛餐肉。 非常多餸，好味夾大件，而且可以回憶而是茶餐廳的公司通粉早餐。其實公司通粉早餐已經很難找到，所以疫情過後，我們每個星期也要到這店吃一次公司火腿通粉，滿足一下自己。奶茶有茶餐廳的風味，是一個不錯的選擇。…查看更多

魚米安定分店位於屯門鄉事會道2A號安定邨停車場地下A129號舖, 這是在愛定商場之內,位於邊角, 較為隔涉. 我們一家近日最喜愛食它的早餐. 每次光顧我們總會選其中三個早餐選項: (1) M22: 公司頂級通粉早餐 (內有牛肉, 餐肉, 香腸, 火腿, 流心蛋); (2) M7: 漢堡扒, 餐肉, 香腸, 火腿, 流心蛋配牛角酥), 還有 (3) M28: 港式早餐任選3款 (我會選豬扒,雞扒及五香肉丁). 早餐有配熱飲. 這3款每個只售35元, 外賣加一元, 算抵了. 我通常是做外賣仔買回家給家人享用. 切記出門口時打電話先叫定, 人唔多時15分鐘便可. …查看更多

天寒地凍想食烤魚，就去左呢間米線連鎖式集團度食，其實到夜晚食飯時段呢間人流都唔多，不過食落其實都唔錯。酸辣珍珠班 $88成個都用咗蘿蔔、豬紅、支竹放喺條珍珠班下面，雖然上碟嘅時候會覺得好豐盛，但係條魚加熱唔到，最尾都係要搞埋一碟。成碟餸嘅味道其實唔錯，辣度同酸度都適中，因為有明火喺個爐下面加熱，所以食極都係暖笠笠，而且啲配菜好入味，配飯食簡直一流。蘿蔔牛腩米線 $41牛腩米線都唔錯，牛腩大大嚿，而且煮得好淋好入味，嘅魚湯都唔錯，味道夠鮮甜，蘿蔔索曬啲魚湯，咬落口鮮甜美味。…查看更多

樓面3位女waitress 可以用垃圾黎形容，唔想做就不結唔好做。問佢攞豉油同胡椒粉，佢叫我去唔知邊度攞，但佢自己唔好有野做，係企係度。原來係自助式喎。要自助冇問題，但我唔係日日黎，唔知好正常。唔怪得星期六晚飯時間得5個客，呢3位伙計咁嘅態度，就真係日本郵輪-遲早丸…查看更多

今日經過入去食過常餐,比我第一個感覺係油淋淋周圍D環境都好差,張枱抹到枱水,D食用餐具好似無洗過咁,算,我都希望幫襯返自己邨小店,叫個常餐(豬潤肉片烏冬跟多春魚),食到最後才發現個碗有茄汁積？!,即時反胃,大佬唔係呀？而家咩時期?疫症呀！你想攞命呀？清潔方面做得咁差點食落肚呀？樓面又污糟,餐具又污糟,連碗都懶得洗?唔好食可以改良做好佢,污糟邋遢食左落肚冇轉轉架,呢間野D員工衛生意識非常差,只能給零讚！…查看更多

到咗食飯時間 諗唔到食乜 就是但搵間餐廳入去食喺門口見到有滷肉飯就試吓呢間坐低冇幾耐 就有個侍應過嚟幫我哋落單之後發現原來成場得一個侍應做嘢加一個姐姐收錢成場咁多客 得兩個人做嘢 人手嚴重不足不過個侍應態度都好好👍🏻左口魚好大條 差唔多半隻手臂咁長啲魚肉都幾滑 又無咩魚骨 滷肉啲味都OK 不過啲飯有啲硬不過$78都幾抵食另外嗌咗個老乾媽腩肉牛肉 呢個就麻麻哋腩肉唔夠淋 牛肉完全冇味 啲飯好硬 乾得滯不過有差唔多10塊腩肉 只可以話抵食跟餐有兩杯嘢飲 都麻麻地…查看更多

其實真係唔想講，入到黎拎餐具，筷子盒既筷子全部都係污糟嘅，問題不大，出門食飯呢啲都係小事，咪拎格離枱再用熱水洗下囉！叫2個餐，得幾張餐，叫唔該起碼10聲先有你人應，應完叫轉頭，再叫唔該，阿姐落緊單又叫另一個再跟20個餐就話姐叫個魯肉雞翼飯，個飯乾到硬既程度肉眼可見，見到三個圍爐吹水（侍應）叫左3聲唔該，見到佢眼尾望到我都唔應！我即好大聲叫多句hello!唔該！阿侍當然是西面行返過嚟！好唔情願換個蒸飯過黎隔離枱三個學生帶咗杯嘢飲有曱甴另一個侍應9秒九收咗杯嘢飲見識到咩叫專業淨換飯我當然冇問題啦你老闆個魯肉有糯味中午12點幾飯市啱啱開始你可以着到咁樣出嚟都係高手嚟㗎啦上網搵過搵唔到投訴電話！管理層麻煩好好睇吓呢啲前線嘅訊息啦！食之前自己諗清楚…查看更多

跟友人首次碰面到魚米點早餐，點了炸魚塊，班戟和兩塊煎蛋配熱檸茶。卡位位置舒適，惟等候上餐時間有點長，幸好友人話多不至於等得不耐煩。班戟有點細塊，煎蛋流心做得很出色，友人抽起了熱檸茶的檸檬所以味道不錯。下次能早起的話還會再來吃早餐。…查看更多

你今日食左「魚」味?今日真係屬於天朗氣清既一日啊,所以決定去屯門行波羅山.出發前點都要醫飽個肚.經過安全入左間無人既餐廳因為唔算好餓所以叫左個試下-魚片腐皮魚角准山麵.本身其實想試下佢個藩茄湯底米線,但落單時個侍應就落力推介叫我試下個准山麵轉魚湯底咁又試試佢啦.准山麵個名聽落好似中藥,有益開胃既健康麵,但食落又唔似.麵條磋得好分明首先要飲淡湯魚湯好有鮮魚味道夠熱好新鮮啊好飲👍🏼麵條食落好爽口好正啊!加埋本身都係用新鮮魚去製造既厚身魚片腐皮魚角簡直係絕配😄最後唔係好夠飽,所以加多個小食炸韮菜餃($29/4只)炸得好脆認真香口大件又抵食,店員又會主動推介你試小食態度一流,下次一定會再來食👍🏼👍🏼👍🏼…查看更多

好耐無食呢間就同媽子黎食下👀食物種類黎講呢度都算非常多款式👍呢樣先讚一下🤭 有燉湯叫，以前黎有叫過幾好飲，唔錯既👍話明魚米，魚既款式都幾多配搭我地叫左個2人餐1粉1飯1小食2甜品2飲品139蚊紅衫魚米線👇米線ok紅衫魚好細條，1條大啲會比較好魚鱗未清乾淨，又唔夠新鮮🙄蜜汁豬扒菜飯👇菜飯帶微酸😅豬扒調味唔錯亦好腍身但嗰種腍似落左唔少鬆肉粉，無哂口感🙄鮮蝦韮菜餃👇普通甜品叫左木瓜雪耳同桂花糕木瓜雪耳好水，一點都唔膠桂花糕微香好處係唔太甜但唔新鮮😅今次感覺係失望🙉我食左好少咋食既過程見飯市都唔多人睇黎要加油喇😂。。。有待平反😆…查看更多

首先，呢間鋪頭嘅侍應係叫極都唔應嘅，叫幾次先有人落單。第一次嚟食Lunch，叫咗兩碗魚片魚角淮山麵，點知兩碗嘅魚片都係“宿”嘅(已變質)。雖然佢有換另一款餸俾我哋，但咁嘅服務同咁嘢食物質素都好難叫人再幫襯。…查看更多