魚台外賣壽司 (已結業)

依間外賣壽司店開左大約一年左右，成日幫襯，今次先寫食評，因為之前成日懶，少左打食評! 位於街市果層，人流算多，店舖細，但依家通常連老闆有3人工作，食物質數真係唔錯，價錢真係唔算貴，:(不過最近幾個月加左2次價，希望唔好再加住啦…聽老闆講就黎又開多間分店了…都係沙田區或馬鞍山區!晚餐今次叫左2細盒，三文魚壽司係腩位，好肥美! 海膽蝦壽司好爽口! 帶子鮮甜! 花之戀細細粒啱哂咀型好味道!…查看更多

之前住沙田，搬左黎馬鞍山半年有多，環境交通都唔錯，唯一唔慣係成個馬鞍山都無咩好野食。早前係雜誌見到呢間魚台既創業報導，上黎openrice search吓，原來係新居附近開左分店，終於今晚收工去買黎試吓。最平既$4一件三文魚質素都唔錯，帶子夠大隻值得推介，兩款蝦都唔錯，北寄貝夠大塊。所有壽司即叫即做，感覺幾衛生，佢地自創既蝦天婦羅壽司，因為即炸，返到屋企都仲係微熱，脆卜卜。講左咁多好既，都有啲唔好既，好似係海膽同三文魚子就真係麻麻地，三文魚腩食唔出同三文魚有咩分別。另外就係等既時間，買完比左錢，拎住張單行去超市買啲野，返黎諗住攞得啦，點知個收銀既女仔應該比錯左我果份人地攞走左，要再等師傅做過一份比我，前後等左超過20分鐘，正常應該10分鐘OK。…查看更多

呢半年我做左呢間壽司既常客,今日見到OPENRICE有佢,路過都忍唔住要讃讃佢,不錯....水準幾穩定,D魚生都新鮮.... 我最鍾意鮮帶子,差唔多次次都會叫,另外都鍾意象拔蚌同炸蝦手卷....我搵番部電話裹面原本都影左幾多相....價錢我個人覺得好合理,有SET好的一盒抵食D,有自己剔啱食既就每件計...服務態度: 店員都好NICE…查看更多