影片
位于湾仔厦门街既鱼八日本料理,门面唔算大,外表相当朴实,毫不起眼,系湾仔返工既我平时都会经过,但冇入去,趁今日星期五happy firday,我一个人行入去帮衬下,试下好唔好食先初初以为佢好细间舖,得一张长bar枱,原来佢入面仲有位架,仲好似有两层,长bar枱上面放满各式各样既日本清酒,店入面播放日本音乐,环境简约舒适,好似去左日本咁！侍应亦好有礼貌带我入座点左一个鳗鱼饭午餐再追加蟹籽沙律,首先端上枱既系面豉汤,汤底唔错几好味,等左5分钟左右,侍应再拎左个小小既黑色餐盒上黎,原来系鳗鱼饭,真系好惊喜,鳗鱼烧得几好味,油脂分布均匀,有小小焦香,送饭一流由于为个盒其实好细,份量未必满足大食既朋友仔,不过条鳗鱼确实几大条同肥美,又冇乜骨食埋蟹籽沙律同甜品（一口红豆雪米磁）,刚好1点,即刻叫埋单！因为1点前埋单有85折,呢餐食左约120蚊,算系值回票价！总括而言,鱼八系一间充满日本风味既隐世小店,值得一试
继续阅读
今日天气麻麻，又落雨了。虽然落雨，但无阻我的心情，因为过二日我就放假去旅行，心情好靓。二位同事提早同我庆生，我就决定左嚟呢间鱼八日本料理餐厅，由公司行到厦门街大约10分钟，我地己订左枱，但是仲要等5分钟。记得前一年前，我有幚衬过鱼八日本料理，发觉呢间餐厅，将条楼梯整靓左，经过装修后，的确环境好左，但是令本人有点失望，以前menu很多choices,而家只有很少lunch set可选择。以前有送沙律，而家要前菜要加钱，甘都算啦，以前有雪米糍，而家甜品只是不过不失的红豆糯米糍。仲有以上会送上绿茶，而家只是一杯白开水，相比之下，服务和食物质素下降左。
继续阅读
是日约了中同在湾仔吃午饭，之前有朋友强烈推介鱼八，所以就订了位子，试试看！一进门，侍应先端上热茶和面矢汤！！我地就慢慢看餐牌，餐牌设计蛮有趣的，像Matric，不过是非常有效和清晰的表达了不同菜式和价格！ 面矢汤 － 不错，有香菇和菜三色刺身 － 三文鱼，油甘鱼和虾，全非常新鲜。尤其是油甘鱼，不新鲜的油甘鱼通常非常腥。。。这油甘鱼吃到的是甘甜！！鳗鱼饭 － 饭是珍珠米，鳗鱼是日式烤法，厚身，油香漫溢！非常满足！侍应上菜和倒茶都非常勤快！唯一美中不足的是他们店门比较小，有点像日式民房，两层，所以环境比较挤。买单105，有这种质素，非常推介！一定会再来！！！
继续阅读
开咗个Acc已经有一段日子，一直都未肯写第一篇食评。今日适逢本人既牛一，就为「鱼八」作为我写食评既开始啦。是日公众假期加上本人既生日， 我哋两个人去完主题公园玩咗一整日已经身心疲累。第一年同男朋友庆祝生日，平时我哋都钟意四围食好野，今次佢带我到湾仔呢间日式料理庆祝。哈哈....我哋之前无订位，都怕要等位，点知8：20左右去到只有一枱喺到用膳。唔洗等位，立即安排入坐，实在太好啦！！入面装修好有日本feel, 坐底之后立即睇睇餐牌，有2人餐而且价钱比散叫还要平， 啲野食都啱我哋食，所以叫咗个2人餐试试先....嘻嘻....头盘系芝士鸡肉沙律，虽然食唔到芝士味但鸡肉好嫩滑，仲有少少胡椒味配上沙律酱同菜，味道几唔错！！呢道既侍应好细心，一面留意我哋食野既进度，等我哋差不多食完先上下一度菜。唔会放到成枱满晒或者未食得切而令食物变冻，真系值得一赞！！第二道菜系刺身并盘，5种刺身（带子、三文鱼、剑鱼腩、八爪鱼、油甘鱼），肉质新鲜而且鲜甜第三道菜系海胆花之恋寿司，用咗好多块三文鱼刺身包住旧饭，咬落唔会散开。正！！第四道菜系网烧牛扒，我觉得味道略为咸咗啲，牛肉轫咗少少，如果可以配白饭就一流。第五道菜系生姜汁豚肉锅饭，呢锅饭一放喺我哋已经知道食唔晒，先讲讲味道，姜味唔太重，豚肉唔鞋，都几好味。我哋最后食咗1/3，为咗唔浪费食物，食净咗就拎走～最后，仲有甜品，一人一件糯米糍， 唔似出面有啲日本餐厅俾两粒雪米糍就算。至于糯米糍皮薄而且烟烟轫轫配上红豆加绿蓉欿，唔太甜。好少地方可以食到呢种质素！！
继续阅读
鱼8 既装修好有日本既感觉, 好似系日本D 居酒屋咁, 放工去食唔洗排队好感动.烧鸡泡鱼干好好味,仲配埋沙律, 好抵食.烧三文鱼饭团, 表面既饭做到饭焦口感, 但我觉得有D硬, 而且饭太多, 三文鱼太少, 所以唔太够三文鱼味. 鳗鱼煎蛋卷好味, 又系跟埋沙律, 冇咁肥腻, 一碟有2样野试都好抵食. 三文鱼剌身系面前即切, 好新鲜. 叫左5,6碟野食都唔算好贵, 放工黎轻松下都几好又有得饮下酒.
继续阅读