鬼滷 (已結業)

今日要過海返工放工時 搵個附近嘅朋友食晚飯，傾下計。銅鑼灣美食天堂，周圍搵到好嘢食，駱克道The K Square 搵到呢間潮式火鍋店~《鬼滷》，呢度每層一間餐廳， 這店裝修好特別以，紅色為主，中式味較濃。今日兩位女士點咗個火鍋-潮式鹵水火鍋，材料有牛小排、墨魚片、鴨血、潮汕牛丸同埋生菜~特色係慢煮潮式火鍋，慢慢熱唔會滾起，一邊食一邊傾就最啱喇。一人份量，叫多個小菜就啱啱好。蘭王蛋蠔餅~即叫即做，新鮮熱辣辣，勁脆口，蠔仔脹卜卜好香口，正！潮式冷糕(朱古力)~最後來個甜品，有少少似pancake，加入椰絲等等，朱古力味，大人細路都喜歡。

同事介紹銅鑼灣有間新派潮州菜館叫鬼滷，有係鬼咁好食嘅滷水食物，講到咁好食，今晚就同老公過嚟試吓，菜館是樓上舖，裝潢以紅色作主調，環境幽雅，又係一個打咭好地方。滷水鵝片、鵝腸、慢煮鹽香雞：上枱時店先在碟下點一小火，以保持碟上食物溫度冇咁快凍，熱住食係好味啲！鵝片切得均勻一致，紋理細緻，而且滷得入味，鵝香滿溢，吃罷齒頰留鵝香。鵝腸乾淨冇異味，爽脆有咬口，滷水比一般滷水味道較淡，不死鹹，滷汁晶瑩，愈嚼愈香。鹹香雞因為係慢煮，所以雞肉特別嫩滑入味。蘭王蛋蠔餅：蠔餅煎炸得好酥脆，用上蘭王蛋蛋味特別香濃，蠔仔亦脹卜卜好飽滿，加上木魚碎和兩碟醬汁，令味道提升不少。椒鹽普寧豆腐：普寧炸豆腐是廣東潮汕最傳統菜之一，普寧豆腐由於使用優質的水源製作，豆味更香濃，口感外酥內嫩，配上自家製韭菜鹽水，可解油膩之餘，風味更獨特。黑松露蔥油拌麵：麵條軟硬適中，加上蔥油和黑松露醬，一入口黑松露的味道濃郁且味道層次豐富，越食越滋味！

今晚去的餐廳位於銅鑼灣，餐廳主打新派潮州菜，以紅色和木色為主調，十分吸睛，非傳統中餐設計。餐廳不算很大，除了一般座位，亦有個吧枱，設計別具一格。滷水拼盤🦢拼盤可以自選三款或五款，選了三款，主要有招牌滷水鵝肉，爽口鵝腸，還有啖啖肉的豬仔脾，更配有香滑炸豆腐。滷水夠入味，更用了蠟燭令拼盤保持溫度。怕不夠味，更可蘸醋汁和自家製辣醬。蠔仔粥🥣十分足料，除了有大大粒蠔仔，亦有方魚碎，蠔仔飽滿香滑。而蔥、芫茜🌿和菜脯可以按自己喜好添加，菜脯爽脆少辣，加分之選。蠔餅🦪蠔餅用了蘭王蛋，蛋香十足，外皮十分香脆，咬開有香口幼滑的蠔仔。配上兩款不同的醬汁，一款是甜甜的辣醬，另一款是魚露，更加滋味。

Lunch過嚟試吓呢個新開嘅食潮洲鹵水餐廳裝修 同傳統嘅食打冷、鹵水嘢嘅地方完全唔同似高級餐廳、酒吧咁但係座位真係唔多大約得10枱Lunch menu set其實都係得幾款佢包杯檸茶/ 水如果要下面飲品就另計我就試左個 黃油鹽香雞個雞好滑雞汁都好好食但係最驚喜係佢地自家製嘅🌶️辣椒油🌶️好夠蒜同辣味又唔會太水太油佢話佢地都準備推出市面賣不過而家就只可以響佢哋店內食💖環境方面好乾淨同埋由於lunch hour 🈚️乜人所以都好清靜同埋坐得好舒服

突然想食潮州野，搵到呢間好特別既餐廳， 佢部分菜式係結合左唔好菜式既風格/或者做法，令人喜出望外！餐前小食有別於一般潮洲菜館的豆腐菜脯花生，而選擇了近年受歡迎的爆谷，亦係估唔到既地方。 潮式滷水火鍋$298潮式滷水火鍋真係第一次聽，將潮洲菜式結合港式火鍋既做法好新穎。火鍋用滷水湯做湯底，而配料包括牛小排、鴨血、墨魚片、牛丸以及生菜。分量適合2個人食。 湯底味道濃郁，滷水味夾雜左花椒八角等香料嘅香味，令人食慾大增。牛小排質素好好，脂肪比例平均，食落非常有牛味，煮既時候吸收左香濃既湯汁，非常惹味。鴨血吸收左大量滷水汁，口感滑。墨魚片和牛丸同樣地爽口彈牙，是食火鍋不能缺少的配料！蘭王蛋蠔餅 $78看見蘭王蛋即刻令人覺得菜式多左一份日本既元素，蠔餅分量大，而因為蘭王蛋既緣故，蠔餅既蛋味非常突出！蠔仔既size 啱啱好，粒粒分明，不腥。整體食落很鬆脆，蛋味和蠔味很平衡，沒有互相蓋過，真係好好食！ 加上少少魚露可提鮮，或者就咁食都好味。潮式滷水拼盤 $236食左2道咁有風格既菜式之後，就試一個傳統做法既滷水拼盤。拼盤可以選擇三款或者五款，而今次我選擇了三款，包括滷水鵝片、慢煮鹽香雞和鵝腸。滷水鵝片

潮州菜通常俾人感覺都係比較傳統，但係呢間餐廳感覺比較適合年輕人，菜式比較fusion新穎。蘭王蛋蠔餅$78呢個有啲似西班牙蛋餅，不過係加咗蠔仔嘅😆用咗蘭王蛋，蛋味香之餘仲有啲好似薯餅嘅感覺，炸得外面酥脆，裏面軟糯，沾上魚露，令蠔仔嘅鮮味更加突出😋蜆仔肉生菜包$88蜆仔真係好迷你，呢碟應該有成過百隻蜆仔😍鮮味十足，充滿鹹香，有少少似迷你版蠔豉嘅感覺，鮮味十足，調味仲加入少少微辣嘅菜莆，仲有炸米粉，用爽脆生菜包住一齊食正😋滷水拼盤$278我哋揀咗五款，分別係滷水鵝肉、豬肚、豬仔髀、慢煮鹽香雞、墨魚片。上枱嘅時候，店員會用蠟燭溫住，唔洗食到凍晒👍🏻其中我覺得豬仔髀最有驚喜，未食過呢個部位，一條幼骨然後啖啖肉，外型有啲似雞髀😆，滷水好入味，肉質一啲都唔乾硬，有咬口得來又唔會嚡😋另外鵝肉都好入味，沾上餐廳自己調製嘅酸醋汁好開胃😍另外薦底嘅滷水豆腐都唔可以錯過，豆腐大大件，入晒味又嫩滑。

今日吾打吾撞去了一棟食廈搵食，發現了一間剛試業的潮州菜館，都挺不錯😌餐廳裝潢設計比較新派，全店用上紅色做主色，紅色格仔瓷磚枱非常搶眼，整體摩登又富現代感。蘭王蛋蠔餅店家用上最近非常人氣的日本蘭王蛋製作蠔餅，蛋香味特別香濃，半煎炸方法令到蠔餅香脆可口，蠔仔肉粒粒飽滿鮮甜，超好吃。潮式滷水拼盤（三選）- 滷水鵝肉、豬肚、豬仔髀用上火爐加熱，可以令到食材保持溫度，而且提升滷水香氣，滷水鵝肉肉質鮮嫩多汁，滷水香氣四溢，仲有少許藥材芳香，豬肚爽嫩滑溜，豬仔髀比較少地方有，肉嫩鮮甜，爽口彈牙，沾上自家製辣椒油，辣勁十足，食得更加滋味。蠔仔粥（二人份）用上煲仔盛著感覺特別雅緻，旁邊放上芫茜、蔥花、菜脯，隨你喜好加入粥內享受，蠔仔粥鮮甜美味，粥底鮮美，蠔仔飽滿鮮甜。茘枝接骨木梳打充滿玩味的飲品，店家先調配好飲品再放入罐內，罐裝飲品外型討好，而且味道非常清新，接骨木花更對喉嚨非常好，飲多多也不怕😆

打冷好多時都會有種大排檔嘅麻甩感覺，坐喺一間靚裝、玩味濃、好似酒吧咁嘅環境入面食潮州嘢，其實真係有少少違和感，但不失為同朋友黎chill下嘅好選擇，唔洗下下都食西餐日本野咁悶。蘭王蛋蠔餅炸到脆一脆個樣勁吸引，除咗有大量大大粒嘅蠔仔之外，真係明顯食到蘭王蛋香濃嘅蛋香。 好鍾意個蠔餅炸得好透，超級酥脆香口，食到有幸福嘅感覺。滷水拼盤連埋香料上就知滷水落咗心機，咸淡得宜有香味。 鵝片、墨魚同豬腩肉都好嫩滑入味，尤其鐘意豬腩肉好透薄軟滑，好似食緊好幼滑個種蒜泥白肉咁，點埋秘製辣醬好正。椒鹽普寧豆腐外脆內嫩，脆皮好薄，食到山水豆腐嘅香濃。 重點當然係醬汁有大量韭菜好香，鹹鹹地清清淡淡已經好好味。蠔仔粥同平時食到嘅好唔同，蠔仔粥好嫩滑僅僅熟，調味比較清淡，主要靠菜莆嘅鹹香。 蔥同芫荽都係另上，對於平時略嫌蠔仔粥太多芫荽嘅我黎講啱晒。

銅鑼灣新開一間新潮主打食潮州菜的餐廳，因為男朋友好鐘意食潮州菜，所以就帶佢黎朝聖一下！餐廳面積偏小但座位舒適，以紅色佈置為主，而且位置好方便，一出地鐵站行3分鐘就到了！一坐低店員會送上免費爆谷，等客人可以邊食邊點餐！係我最鐘意的焦糖爆谷！韮菜鴨血 $78一定要講3次，好食好食好食！鴨血好新鮮，唔會一夾就散，而且好入味，少少麻辣！韭菜同樣出色，入口爽口，完全包裹住麻辣湯汁，出色！潮式滷水拼盤（五選）$278拼盤選左滷水鵝片(要加$28)、墨魚、豬腩肉、鵝腸同豬肚！滷水清香，味道唔會太濃蓋住食物本身的味道！鵝肉好怕有腥味，但呢個完全冇，而且去哂骨，超方便進食！鵝腸同豬肚不過不失，好爽口彈牙！而墨魚係薄切但又唔會煮的過韌，而且帶鮮味！最有驚喜係豬腩肉，肥瘦適中，入口即溶，好入味！想增加口味亦可以配埋餐廳自製的辣醬同酸醋汁！蠔仔粥2人份 $108貌相好吸引，蠔仔份量多亦大，好鮮甜，唔好睇佢好似細細碗，每人都可以食到2碗，仲可以另加埋蔥、芫荽、冬菜，一定要加冬菜，更加鮮味可口！飲品叫左荔枝接骨木梳打，飲品好特別，係即整將飲品打落個啤酒罐到，就好似係打冷鋪到飲啤酒一樣！荔枝味重，飲完好解膩，甜度適

❤️ 前幾日同屋企人試咗銅鑼灣呢間新開嘅新派滷水餐廳~❤️ 嗰日我哋食lunch，見到lunch menu價錢同埋食物嘅份量同質素，真係覺得抵到爆炸😱 我哋仲望咗幾次有冇睇錯😂(以下係lunch menu價錢)❤️ 椒鹽普寧豆腐 $28六舊大大嚿嘅豆腐，全部外脆內軟，仲附送一碗蔥湯。酒樓嗌炸豆腐都要$58-68，呢度勁好食都係$28😨 我超鍾意食炸豆腐，下次我可以嗌三個😂😂❤️ 蜆仔肉生菜包 $38呢個都係難以置信，我諗有六七片生菜🥬，蜆仔肉一大堆，包落生菜食好惹味！食到勁飽都係$38🤣❤️ 韮菜鴨血 $38 差唔多十舊鴨血，啲醬汁少少辣，加上蔥同蒜粒，食完一舊又一舊❤️ 滷水蘭王蛋 $8一隻😆❤️ 以上小食真係超級無敵抵，下午茶 (3-5pm) 時段仲有八五折😂 ❤️ 除咗小食當然仲有主菜❤️ 蠔仔粥 $78 份量夠三個人食兩碗😂😂😂 即係總共六碗蠔仔🦪大大隻。仲有芫荽, 蔥花, 冬菜，可以根據自己口味加落去。❤️ 另外main menu 價錢係$68至$86可以揀配白飯, 沙律, 或者蔥油拌麵。仲送埋熱檸水或者熱檸茶，加錢可以轉其他嘢飲。❤️ 我哋就揀咗豬仔脾 伴蔥油拌麵 $76豬仔俾醃得入味，仲陪咗

一坐低就送個小食 - 爆谷，真係估唔到，呢個又係幾鬼佬style喎！😄😄前菜蘭王蛋蠔餅 $78賣相唔錯，周邊煎得好香脆，蠔好肥美，配埋魚露 、辣醬，值得推薦！💯💯䜴椒蜆 $88夠熱辣辣，味道ok!主菜（選三項 - $208）滷水鵝肉、鵝腸、豬仔髀食潮州嘢，唔食滷水鵝肉又點算食潮州菜呢！滷水汁味道唔錯，鵝腸爽口，豬仔脾啖啖肉，滿足口感，仲有豆腐在底層，吸收哂滷水汁，除了嫩滑之外，仲好好味！😋😋澱粉黑松露蔥油拌麵 $78呢個拌麵，黑松露味道濃郁，非常惹味！整體唔錯，價錢親民，會再嚟試其他嘢食!

銅鑼灣新開一間樓上打冷兼打卡餐廳, 趁出trip前同丫姨去食咗餐預祝佢生日, 無論環境同味道都很有驚喜, 值得bookmark再encore!餐廳面積不大, 以鮮紅色做主調, 格調對比傳統打冷店極有不同, 入座還送上免費爆谷做小食, 雖然menu款式唔多, 但一般平時食開嘅打冷菜式都有供應。 【蜆仔肉生菜包】HK$88每粒蜆肉細細粒, 混入了韮菜、菜甫、脆炸米粉, 鮮香味濃, 而且香口, 以新鮮清爽生菜包住食, 很有層次。【蘭王蛋蠔餅】HK$78蠔餅即叫即炸, 炸至金黃, 口感酥脆, 內裡有豐富蠔仔肉同埋葱粒, 重蛋香味再配上鮮香蠔味, 味道同層次一流, 驚喜推介!【椒鹽普寧豆腐】HK$68豆腐外皮微脆, 一咬微脆外層後, 內層軟嫩豆腐入口即化, 表面平均沾上嘅椒鹽, 鹹鹹地帶極微辣, 送酒不錯。【Mix & Match 自選併盤 (自選三項)】HK$208揀咗鹵水鵝肉、鵝腸、墨魚鹵水清香唔會太重口味, 淡淡嘅鹹甜沒有搶佔了鵝肉本身味道。鵝肉入味, 切成小小一件, 而且已被去骨, 方便入口, 肉質軟腍; 鵝腸同樣入味, 極為爽口帶鹹鮮味, 唔算有過多鵝油連帶。 墨魚為薄切, 爽口唔韌,

朋友最喜歡食潮州野，特意揀左間乾淨企理，感覺新潮的潮式餐廳和她試試。店面小小的，大約也就2~30個座位左右。不會太吵鬧。餐前小吃是由氣炸鍋掏出來的熱騰騰爆谷甜蜜香脆，邊看餐牌邊吃，不消一會就吃光了！自選滷水拼盤(三項 $208)我們挑選了鵝片(+$28)、豬肚及墨魚片豬肚處理得很乾淨，沒有多餘的筋及油脂，爽口彈呀。鵝片自然要夠薄，鵝片切得均勻一致，刀功不錯，滷得入味，鵝香滿溢。這裡的墨魚片沒有染食橙色，可見是對新鮮的程度很有信心，墨魚片雪白嫩滑，出色！配上自家製的辣椒醬更加惹味！蜜糖柚子梳打 $42原以為只是一般的柚子蜜梳打，一口下去，盡是蜜糖的清香與香甜，驚喜！荔枝接骨木梳打$42把即調飲料封罐，是個有趣的念頭，荔枝味很香，清新而香甜，很好喝！蘭王蛋蠔餅 $78蛋絲很香脆，整件金黃色令人食慾大增！蠔仔份量適中，用上蘭王蛋，令蛋香味很出眾，必點！蠔仔粥(二人) $108擺盤漂亮，配料有蔥粒、榨菜及芫荽蠔肉粒粒飽滿，咬開嫩滑細膩，方魚湯底清淡鮮美。冷糕 $68傳說中的冷糕 ，這種買少見少的食物當然要一試！中間夾著花生碎、砂糖、椰絲及朱古力醬，個人覺得沒有朱古力醬也許會更加好吃，螞蟻人可以

麻甩系的我最愛打冷，又怕環境服務達不到友人們的要求，終找到大家點讚的地方位於食廈頂樓的潮州菜館以新潮雅緻的裝修呈現傳統又帶點創新的潮州滷水菜式有別於傳統打冷菜館，小店以紅色為主調，設計十分有格調餐具佈置亦甚為鬼馬，杯杯碟碟滲透著玩味感，周遭佈置頗為用心乍聽餐廳名稱以為是「鬼佬」口味的「滷水」，想不到，竟然食到傳統味道甫就坐餐廳便送上一盤爆谷作餐前小食，爆谷炸得焦脆可口，焦糖味香濃潮式滷水火鍋以滷水作鍋底，配菜有牛小排、鴨血、潮汕牛丸、墨魚片及生菜滷水湯底用上花椒八角等香料製作，充滿鹹香味牛小排油脂分佈平均，牛味超濃郁，不須蘸醬，入口滋味四溢墨魚片有鮮味，口感爽彈生菜爽脆新鮮主菜可選三項或五項！滷水鵝肉滋味而不過鹹！慢煮鹽香雞滿滿香料味道黑松露蔥油拌麵軟硬適中，加入矜貴黑松露，餘韻無窮