影片
位于长沙湾既一间小店，望落地方唔算细，干干净净，但经过几次都系一个客人都冇，好奇心驱使下就叫左个外卖试试。《$60 双层高飞汉堡》⭐️⭐️⭐️100%牛肉，招牌酱，生菜，蕃茄，芝士因为冇咩客人既关系，汉堡都系即叫即煎，唔会话整定哂等有人落单。等既时间唔算耐，汉堡肉冇㶶边冇脆边，系纯纯既牛肉饼，不过尚算厚身，有少量肉汁。面包都算松软，轻微烘过招牌酱感觉近似千岛酱，冇咩记忆点，其他都系汉堡包既标配，叫做好过快餐店少少，正正常常唔难食。《+$20 跟沙律+野饮》⭐️⭐️野饮系街外买既纸包饮品，冇咩好评价。沙律份量算多，装左满满既一碗，配醋，食落感觉健康D，除左菜之外，配料只有栗米同少量既波罗，甜甜酸酸都几开胃。人均消费：$80环境：7/10食物：7/10服务：7/10性价比：7/10整体：7/10 #香港 #美食 #香港美食 #foodie #食评 #高飞汉堡 #长沙湾美食 #长沙湾 #香港 #汉堡包 #牛肉汉堡 #可乐 #芝士牛肉汉堡 #美国菜 #菠萝沙律
继续阅读
长期拍乌蝇，一个客都冇，胆粗粗话晒未食过都帮衬下啦，得我一枱客叫左两个汉堡餐，坐底食果阵油烟味真系好似去左金门桥后门吸废气咁，得2个餐薯条可以系冻，冇讲错，真系冻，汉堡个肉可以系室温，食到中间个心知佢咩料，唔系赶住去睇戏，真系叫你再整过，咬两啖都唔想食，嬲到走人！我仲要带朋友试新野，点知真系😵💫卖点：平，服务，位置唔差最惨：难食，薯条冻建议：冇生意唔好成日捉员工开会，成日行过唔知以为你开补习社呀大佬
继续阅读
之前行过见到呢家汉堡包店下午茶时段买汉堡免费升做套餐.寻日行过, 左望右望又再见唔到张招纸, 点知就有店员出来讲话呢个优惠转为全日都有了.于是就走了入去帮衬, 最后点了双层安格斯堡, 免费配有薯条有饮品.双层安格斯堡 80蚊, 价格当然唔可以同一般的快餐店比, 但两块牛肉好厚身, 煎得也刚好 唔会死实实, 食落仲有肉汁, 仲有生菜, 两片芝士, 番茄, 少少酱汁, 个包超厚身, 打卡真系一流, 但可惜个汉堡扒唔得, 啖啖都有筋, 感觉似头头尾尾搞成一块的, 比起老麦的安斯格仲要差.波浪著条, 新鲜即炸的, 呢个真系好食.饮品就例牌的罐装汽水或水, 仲有两三款杨协成菊花茶, 凉粉爽之类.因为成间舖先得几个客, 所以可以任坐, 走时店员都有讲BYE BYE下次会再来试下其他汉堡, 睇下有无惊喜.
继续阅读
申利不是汉堡包迷，但汉堡包是我常吃的食物之一，主要是因为麦记的汉堡包平靓正，由细食到大。所以当见到一些标榜自家手打汉堡包定价比麦记高出许多，都会不期然对食物的品质有期望。这间高飞汉堡每次路过都有光顾的打算，就是时机不对。今次午餐没吃太饱+收早。天时地利刚刚好就试试。这里的汉堡包名称几有趣，我点了e神汉堡，是最基本的汉堡再加蛋，还点了双层牛肉。下午茶时段还不用加钱就可以有薯条+饮品。食物是即做的，出餐都很快，因为全店就得我一个客人。食物一来到，卖相还可以用来打卡，现在这个年头，打卡是很重要的。我又惯常拆开汉堡包，续层吃。面包有黑白芝麻做装饰和增强口感。面包入边的组织有很多细孔，包是轻轻的，有点空气感，不湿润。面包这个是很个人的，看你喜不喜欢这款面包。面包上搽了酱，不太多。主角汉堡扒就真的失望了，厚度份量还可以，就是味道完全只有咸味，整块汉堡扒味道很单一，没有很多肉汁，太干身亦煎得不香口，没有一啖一啖吃下去的冲动。薯条就是粗曲曲版，正常味道。这个餐下午茶时段$65。失望不少，若正价$85我想我会好气愤。汉堡包的灵魂就是里边的汉堡扒，其他口味都是由这个再叠加改变，汉堡扒不达水准再改都是无补于事。
继续阅读
痴线，脾气暴躁既女服务员！用餐期间俾佢骂左几十句，执枱动作劲大力大声，完全系受压既情况食野…..话唔一定要做你生意。绝对系毕生难忘既经历。就算食物无问题都好以！后！都！唔！会！再！去！ 仲去帮衬既人 好自为之😊😊
继续阅读